الهي ماعدت أبغي شيئا في هذه الحياة سوي عفوك ورضاك

الاثنين، 23 يونيو 2008

تاج الورود


تاج عجبني يمكن عشان فيه ورد

لو أعطيتك ثلاث وردات من هم الثلاث الأشخاص اللى هتهديهم الورد اللى معاك ؟؟

الوردة الاولي ..........أمي

الوردة التانية......صديقتي الغالية زينب

الوردة الثالثة....الانسان القادر علي أن يحول حزني لفرح وألمي لسعادة

لو أعطيتك ورقة بيها 3 سطور وقلت لك أكتب فيهم اللى أنت عيزه هتكتب إيه ؟؟

ليت الناس يحيون في هذه الحياة بالحب فقط دون أضغان دون أحقاد دون مظاهر خداعة براقة.

ليتهم يؤمنون أن الحب عاطفة تصل بنا الي سعادة النفس والروح والضمير واسعاد الاخرين.

ليتهم يؤمنون أننا نحيا مرة واحدة فقط فما معني أن نحياها ونحن خاسرون أنفسنا؟.


ما هو هدفك فى الحياة ؟؟


أي مكان الاقي نفسي فيه حتي لو كنت مش بحبه أأدي دوري فيه بكل أمانة وأحاول أثبت نفسي وكياني
فيه بحسن معاملاتي واحترامي لنفسي وللاخرين

إن شاء الله بكرة هيكون أحسن من النهارده"ِهل تصدق هذه المقولة ؟؟ ولماذا ؟؟


نعم أصدقها

لأن الحياة تحمل معني أحسن و أوحش وقد راينا الاوحش فلنحلم بالاحسن بكرة او بعده مش فارقة
المهم اننا نحلم بيه

أجمل مقولة سمعتها فى حياتك ؟؟

مادام الموت أت لاريب فلنمت في سبيل من نحب


من المغنى اللى بتحبه أوى و إيه أحلى أغنية ليه بتحبها ؟؟

عبد الحليم حافظ

موعود...........أمانة يادنيا امانة

بصراحة كل أغانيه حلوة


"غزة" تمثل لك إيه فى حياتك ؟؟

جرح من يوم ما اتولدت وهو بينزف وعاجزة عن وقف نزيفه

أعطى لإنتمائك لوطنك درجة من مائة ؟؟

الانتماء لايقدر بنسبة مئوية ولكن الانتماء يقدر بحجم عطاءك وتضحيتك من أجلها وأنا حقيقي نفسي
أعطي وطني


جدااا بس هو يديني الفرصة وشوفوا هعمل ايه

لو تزوجت و أنجبت بنتين و ولدين أى الأسماء تختار لهم ؟؟

بنتين فرح ونور ....ولدين....مازن و مروان

غشيت فى أمتحان و انت صغير ؟؟

لاء الحمد لله وانا بدين بذلك لمدرستي اللي اتربيت فيها 10 سنين كاملين الايمان الاسلامية الخاصة اللي كان شعارنا

الله شاهدي الله ناظر الي الله معي و من غشنا فليس منا


لو أتعرض عليك رشوة كبيرة و انت فى زنقة ماليه هتعمل إيه ؟؟

هعمل كمين للراشي واوديه في ستين داهية.....وربك مابينساش حد ويمكن اخد مكافاة 10 في المية من ميييييين من الحكووووووومة


قول 3 صفات ب 3 كلمات بس توصف بيهم شخصيتك ؟


بضحك وجوايا ببكي
اول مرتب ليك وكان كبير يكفي تجيب اغلى هدايا هاتجيب لكل فرد في عيلتك ايه؟

امي لو قدرت اجيبلها الدنيا كلها هجيبهالها رغم انها تاعباني جدااا لكن ضحت عشاني كتير هعطيها فلوس

تخرجها لله عشان هي بتحب الموضوع ده قوووووووووووي وده تقريبا اكتر حاجة بتسعدها

بابا بما أنه عاشق للقراءة فأكيد هشتريله كتاب واحد بس لانهم بصراحة غاليين قووووووووي

اخويا عبد الرحمن بما انه من الفئة اللي عايشة في الدنيا عشان تاكل فأخره معايا كيلو جمبري جامبو

أخويا عبد الله بما أنه بيحب يلف بعربيته كتير قوووووووووي يالا هفوله العربية بنزين يوم علي حسابي

أختي أسماء بما انها عاشقة للاناقة وتحب تلبس اشيك حاجة هشتريلها طقم جديد وأمري لله

أخويا محمد بقي بما أن روحه في صديقه اللي مش شايف في الدنيا غيره محمود ممكن اشترك لهم في رحلة

يطلعوها سوي

أختي ايمان كل مناها في الدنيا اديها جنيه هتكرم عليها واديها خمسة يالا محدش واخد منها حاجة

اخويا ميزو الصغنوووون لاني بحبه موووووووووت هشتريله عجلة مع ان طموحه عربية طموح قوووي الواد ده


ايه المجال اللى غير دراستك وشايف نفسك فيه قوي؟

الكتابة

بتحب السفر؟

جدااااااااااااااا ومع ذلك عمري ماسافرت نفسي الف العالم كله ولكن ياتري هيكوووووووووووون؟؟؟؟؟؟؟؟؟

طب دلوقتى حالا ايه المكان اللى نفسك تكون فيه ؟
أي مكان بس يكون فيه ناس بحبهم ويحبووووووني بس كدة اصل السعادة انك تكون في أي مكان محبوووووووب فيه

وأخيرا بمرر التاج لكل اللي بيحب الورد بس


هناك 32 تعليقًا:

حمادة زيدان يقول...

بطوووووووووووط

التاج جميل كصاحبة البوست ... إجابتك جميلة ومع أني مختلف في المطرب معاكي بس أتفق معاكي في كتير من البوست

أول كومينت
هاههههههههههههههههههههههههههههههه

مدحت محمد يقول...

انا هاخد التاج ده عافية

عشان بحب الورد جدا

وعامل قصاد بيتنا كدة حوض ورد بسقيه شبه يوميا بنفسى

ربنا يملا حياتك كدةحب وورد دايما يابطة

بنت الاسلام يقول...

حمادة زيدان

طبعا حقك

ومين يشهد للعروسة

ااقصد لطييييييييفة

نورت يا حمادة


تحياتي

بنت الاسلام يقول...

مدحت محمد

طالما بتحب الورد يبقي بتاعك علطووووووووول

تحياتي

طالبه الفردوس يقول...

السلام عليكم

ما شاء الله موضوع جميل يا بطوووووووووووط

كما تعودت منك

احبك فى الله

محمد مارو يقول...

طيب و اللى بيحب الورد بس مش بيحب التاجات يعمل ايه ؟

محمد مارو يقول...

طيب و اللى بيحب الورد بس مش بيحب التاجات يعمل ايه ؟

حاجات جوايا يقول...

تاجك جميل يا بطوط

ربنا يرزقك بمرتب كبيررررررررر وتقدرى تجيبى الهدايا دى كلها

بس فين يا قمر التاج بتاعى اللى بعتهولك
هاااااااااااااا
بقاله شهرررررررر عندك
انتى نسيتيه ولا اييييييييييه ؟؟

اوعى تكونى بعتيه !!

يلا شدى حيلك
عايزين التيجان تيجى كده ورا بعضها

سلام يا قمر

eman alaa eldin يقول...

اجاباتك جميل اوى يا بطوط
وصريحة جدا
وربنا يوفقك وتحققى اللى نفسك فيه وتعيشى مع اللى بتحبيهم
يااااااااااااارب

بحبك فى الله يا احلى بطوط

Empress appy يقول...

مش هقولك اكتر من انى بمووووووووت فى موعود يا بطوط

ميرا ( وومن ) يقول...

بطوط
هو ميزة اي تاج انه بيخلينا نعرف صاحب المدونة بعيد عن التدوين
بس انا علشان اعرف بطوط بحس اني بشوفها بين السطور

دمتي دائما جميلة نقية محبة

بنت الاسلام يقول...

طالبة الفردوس

انتي الاجمل يادمياطية ياجمييييييييلة

اتشرفت بزيارتك

تحياتي

بنت الاسلام يقول...

محمد مارو

في مثل جميل بيقووول

لأجل الورد ينسقي العليق

من الاخر كدة

حب التاج

عشان خاطر عيوووون الورد

تحياتي

بنت الاسلام يقول...

حاجات جوايا

لاء مابعتهوش ولا حاجة

في الحفظ والصووووون

وقريب قوي امرره

انت تؤمر ياجميل

سلام كبير للواد دودي العسل

تحياتي

بنت الاسلام يقول...

ايمان بنت الحرية


انتي جميلة قوي يامنمن

ويارب نحقق كلنا كل احلامنا

تحياتي ليكي ياقمرررررر

بنت الاسلام يقول...

appy

ومين يسمعها ومايحبهاش بس

نورتيني

بنت الاسلام يقول...

وومن

الله علي تعليقاتك يابنتي

بتوقفني مش عارفة ااقولك ايه

غير اني وربنا بحبك ياميراااااااااااااا

وهشوووفك قريب ان شاء الله

paranoia,magnetic & dramatic girl يقول...

السلام عليكم
هلا بنت الاسلام
.....
قريت البوست بتاع الحوار مع الشيعية والاخ الي تطاول عليكي الغريب اني ملقتش حوارك ويايا؟؟
انا اري انك تنشريه لان اكيد الكل هيستفاد
وابقي اذكري اسمي :))
....
اطمني مني انا مسالمة والله جدا داخلة وبقدم وردة
......
فاكراني صح؟؟
لو مش انتي المقصودة عذرا لو انتي اهلا بك
.....
دودو

paranoia,magnetic & dramatic girl يقول...

امممم
اسفة جيت تاني
بس عاوزة اقلك اني دخلت مدونتك التانية علي مكتوب ومن ساعتها قريتها كلها
:))
بجد والله مش بهرج
يابنتي انتي كنت عرفتيني علي نفسك وكلمتني بهدوء
ده انتي عسولة خالص
:)
عموما هطلب منك طلب اطمني ليا
لو انتي الي انا اقصدها
لو مكنتيش انتي وضحيلي عشان مكتبش تاني
ربنا يكرمك ياجميل
........
دودو

Mero.. يقول...

بنت الاسلام
الاول سعيد باسمك :) وياريت كلنا يبقى انتماءنا للاسلام
اجبات جميلة وفيها معاني جميلة
ربنا يوفقك ويحققلك كل امنيكي..

بنت الاسلام يقول...

paranoia,magnetic & dramatic girl

حضرتك شرفتيني بوجودك

لكن ما اعتقدش ان دار بينا حوار قبل كدة

او جايز لكني مش فاكرة

ياريت تفكريني بيه

وفي كل الحالات شرفتني زيارتك

اما بخصوص نشر الحوارات

فدا اساسا مش من طبعي

وانا ضده

لكن الحوار الي نشرته ده كان له هدف

معين كنت عاوزة اوصله

ومانشرتش ايميل صاحبه

دمتي بود

بنت الاسلام يقول...

Mero

انا الاسعد بزيارتك

واتمني التواصل

تحياتي

ammar يقول...

التاج جميل جدا
واجاباتك اجمل
تحياتى

عاشــــــ النقاب ـقــــة"نونو" يقول...

ربنا يبارك لك يارب
تحياتي وتقديري

اوعى تفكر يقول...

تاج رائع واجابات اكثر من رائعه
بس المشكله انى مش بحب الورد اوى يعنى

بنت الاسلام يقول...

ammar

تشكر لزيارة ياعمار

طالما عجبك خده بقي

هدية

وجاااااااوب

بنت الاسلام يقول...

نونو

يااااااااااااارب يباركلنا جميعا

وشكرا لزيارتك ياجميل

بنت الاسلام يقول...

اوعي تفكر

عشان خاطرك فكرت وماسمعتش الكلام

وقلت وماله

اللي مش بيحب الورد كمان ياخده

كرم بقي

نورتني

غير معرف يقول...

حبينتى فاطوم ابكيتينى ودعوت ربى ان يديم بنا هذا الحب وان يجمعنا به فى جنته فى عليين يا أغلى من عرفتها واكرم من أكرمنى بفضل لله أحسن الى والله ولا أذكى على الله أحدا كم هى أمانه ربنا يكرمك ويعزك ياأغلى الناس وأعزهم

بنت الاسلام يقول...

زينب ابو زيد

انتي بتقولي ايه

انتي اعز عليا من نفسي يازوبة

وسعيد بتعليقك عندي جدااا

وربنا يديم الصداقة بينا للابد يارب


وفعلا نعمة الصديقة الوفية المخلصة التي لا تستحق مجرد وردة ولكن

باقة من اجمل ما خلق الله من الورود

تحياتي

غير معرف يقول...

يوم يافطوم قرأت الموضوع مكنش نفسى سوى انى أجيلك واقبل رأسك وأعطيكى تاج الورد النتى تستحقيه وهو ان شاء الله من الجنهبس استنى على شويه لما ربنا ينعم لينا بجنته ان شاء الله بجد بكتب الكلام ده من قلبى

بنت الاسلام يقول...

زينب

ياااااااارب يكون مثوانا الجنة سوي يااااااارب

وربنا يديم المحبة بينا للابد

وبجد مش قادرة اوصف ولا اعبر عن مدي حبي

ليكي واد ايه انا بحمد ربنا واشكره

انه جعلك في طريقي

نعمة الصديقة بجد

وبس بقي احسن هعيط


بحبك قووووووووووووووووووووي

مصر