الهي ماعدت أبغي شيئا في هذه الحياة سوي عفوك ورضاك

الجمعة، 28 مارس، 2008

لحظات السعادة......معكم


نادرة لحظات السعادة بعيدة نتمناها ونشتاق اليها ونحلم بها ولكن ما أجمل أن نحياها أن نجد أنفسنا داخلها فنسعد وترفرف قلوبنا فرحة ونشعر بخفقاتها عنيفة تكاد تخترق صدورنا لتحلق في السماء سعيدة وتنطلق الضحكات الصافية وتفضح العيون عن كم السعادة التي أصابتها وتعلن بابتسامتها الجميلة عن ذوبان أتلال وأتلال من الدموع وعن ابادة جراح وجراح عاش فيها القلب يوما فاستوطنته الاحزان ولكنها ذابت أذابتها لحظات شعر فيها القلب بصدق ممن حوله شعر فيها بأن لوجوده معني ولحياته قيمة شعر بأرواح حوله تتألف وبقلوب تحيطه تحبه لا لغرض سوي لكونه مستحقا لهذا الحب فينطلق مبادلا اياهم حبا بحب لابل يغمرهم بكل مايحمله قلبه المشتاق للحب حبا ويعطيهم بكل لحظة من لحظات الحرمان من الحنان حنانا وتزداد سعادته حينما يجد أطياف السعادة في عيونهم ظاهرة وعلامات المحبة بينهم لا تخفي علي العيون فيسعد ويسعد ويتمني أن تدوم تلك اللحظات النادرة التي لو عدها في حياته لأحصاها ثم لايلبث أن يصرف عنه التمني ليحيا اللحظة فينطلق كالفراشة التي لاتحلق سوي علي الزهور الفواحة العطرة فيحط هنا وهناك لعل الزهور تهنأ ويزداد رحيقها الخلاب ولاتستكثر عليه الزهور شيئا فتغمره من رحيقها بنفحات طيبة تزيده بهاءا وسرورا وتحيي فيه أمالا وأحلاما كثيرا ما أبعدها عن خياله ولكن لحظات السعادة تعيد الامجاد والامال ثم لاتلبث أن تنتهي اللحظات لتعلن عن لحظات الفراق فيجد نفسه في طريق العودة وبعيون حزينة ينظر للزهور مودعا ولوعة قلبه تكشف عن سؤاله هل سأعود لكي يوما أيتها الزهور الجميلة لاأريد رحيقك ربما ثمنه أغلي مما أستطيع ولكن دعيني أكتفي برؤيتك وأسعد بوجودي بجوارك .


عاوزة ااقول انها لحظات سعادة جميلة عشتها مع اخواني واحبابي مدوني الدلتا كانت من أجمل اللحظات حسيت فيها اننا اسرة بجد رابطة بجد احساس جميل كنت فاكرة انه هيفضل مفقوووووود لكن الحمد لله طلع موجووووود ويارب يدوووووووم

تحية خاصة مني لكل مدوني الدلتا ولكل المدونين

للعروسين المدونين شيماء جمعة وتامر المنصوري بقولهم الف مليووووووووون مبرووووووووك ويارب تكون التورتة عجبتكم والحفلة البسيطة اسعدتكم والمركب قرب بينكم ويارب حياتكم كلها تكون حب وسعادة علي طاعة الله

ولصاحب أعظم أقلب محمد مارو بقوله بجد احساسك رائع ومدونين العالم كله أكيد بيحسدونا عليك ......مارو هو صاحب اقتراح حفلة تامر وشيماء عقبال مانحتفل كلنا بيه ومردودالك التورتة ياعم في الافرااااااح ان شاء الله كانت بالفواكة وتحفة ممكن واحدة كمان

عاوزة ابارك للمدون الرائع الغايب الحاضر الصعيدددددددي جوووووووووووي حمادة زيدان وواقوله ربنا يديم الصحة عليك وعلينا ومبرووووووووووووووووووك وبكرة افكرك لما تبقي كاتب كبيررررررر وعظيم بس ابقي افتكرنا ياعم

وللمدونة الغالية عليا قوي اختي وحبيبتي رانيا الجبالي اسعدتي قلبي بحضورك ياجميل وربنا مايحرمني منك ابداااااااا

وللمدونة الجيزاوية الضيفة الغالية العزيزة الي اسعدني وجودها جدااا ميرا مدونة امراة بعقل رجل بنت رائعة بجد ياريت تقبلنا جميعا اخوات ليها زي ما احنا شرفنا وجودها معانا وان شاء الله تنورنا كل مرة

والشاعر طبعا مش عاوزاك تزعل مننا واحنا اخواتك ياعم ومانقدرش علي زعلك

والمدونة الجميلة أنا محظوووورة سارة الي دايما بشتاقلها

والاستاذ عادل نجم استاذي وفي معزة والدي

وخالد السلكاوي الشهير بسلكة كل سنة وانت طيب وعقباااال 100 سنة بصراحة انا اعتزلت السكرتارية

وعمار فتحي كان منور هو واخوه معاذ مصعب ماجاش ليه ياولاد

وحسام الصغنوووون ابو عيون خضرا اخيرا نطقت واتكلمت

والمدون المطحون الصيدلي عبد الرحمن كنت منورنا يادكتووووور محتاجة قطرة عيوووووووون

وعبد الرحمن الصغنووووووووون مبرووووووووووووك ليك علي ختامك لحفظ القران اوعي تقول لحد لاتتحسد انا بس اللي بقول

واحمد سعيد بسيوني مدونة البحر واحمد سعيد قلب ابيض الظاهر تشابه اسماء منوورين

وعمرو سلامة بجد اتفاجأت بيه رغم صغر سنه الا انه دمااااااغ



وكل المدونين والمدونات الي كانوا منورين و اكلوا التورتة ومشيوووووا عقبال مانفرح ليكم ونغني معاكم

مش عاوزة انسي دكتور زهران كان اليوم ناقصه ربنا يشفيه يارب ودكتور محمد يوسف ياكبيرنا كلنا ولادك

وحقيقي كان يوووووووووووم جميييييييييييييييييل جداااا

وكانت لحظات

لحظات سعادة

واسيبكم مع الصور بقي

حسام مدونة صوت الحرية وجنبه علطول العريس والعروسة


مدونين الدلتا علي ترابيزة الاجتماع خالد السلكاوي المدير بيضحك المفروض ياخد جزاااا






بطة أخت العروسة وبعدين العروسة والعريس وبعدين ابنهم بالتبني البوسطجي والتورتة منورة أهي قلبي معاك ياماروووو



الشاعر وعبد الرحمن والاستاذ عادل نجم والباقي مش واضحين الكل بيصور التورتة طبعا





منشد فريق الهدي بيقول للعريس اشمعني البنت ديه ما الدنيا كلها بنات
والعريس جاااااوب




مارووووووو صاحب التورتة والفكرة عقبااااااااااالك


هنا بقي علي الكووووووشة بطة وبطة اللي هو انا يعني وماروووو والبوسطجي مع العرسان طبعا



المدونة الجميلة ميراااااا والاجمل أنا محظورة والعبدة لله والعروسة وأختها


والي اللقاء
في الاجتماع القادم
ومين عالم
يمكن يكون في فرح تاني
وبالتالي
تورتة تاني

قولوا يااااااااارب


الثلاثاء، 25 مارس، 2008

ذلتونا منكم لله



صورة صعبة قوي بس للاسف حقيقة حقيقة حقيقة مررررررررررررررررررة




مقتل وإصابة 3 مصريين برصاص طاقم سفينة أمريكية بقناة السويس

http://www.masrawy.com/news/egypt/politics/2008/march/25/suez.aspx





حرقة دم بحرقة دم علي الصبح بقي الواحد يصحي يلاقي شباب ماتوا وأصيبوا من بلدنا برصاص امريكاني بسلاح

امريكاني رايح من قناة السويس بتاعتنا لبلدنا العربية الشقيقة المفروض العراق وعااااادي خااااااااالص ولا كأن حاجة حصلت



مالك ياعم بوش فارد جناحاتك علينا بالقوي ولاعات همك ومقوي أجنحة الكل علينا بقي بتعدي من عندنا بأسلحتك وتقتل ولادنا هو جري ايه في الدنيا يابشر



الطفلة العرايشية الي راحت برصاص اسرائيلي وبلعناها بلعنا لسانا وسكتنا واتخرسنا لكن كمان شباب مالهمش ذنب يروحوا كدة ونسكت والله نعلن الحداد رسمي علي مصر كلها ونعلن نهاية البلد ديه شعوب وحكام وننتهي ماهي دي النهاية فعلا بناخد علي قفانا وساكتين.....مش عاوزة حد يقولي ما احنا اعلناها من زماااااااااان



بقولك ايه ياعم بوش كنت زمان بحترم نفسي وااقول حسبي الله ونعمة الوكيل فيك واعيط شوية علي حالنا لكن الظاهر بقي ان الاحترام ماينفعش للزيك والدبلوماسيات مش ليك اما الاتفاقيات والمعاهدات فتبقي نصر لما نخلفها معاك ولو عجبك هتعملنا ايه يعني علي رأي المثل ضربوا الاعور علي عينوا قالهم ماهي خسرانة خسرانة واحنا بقي العور نفسه وورينا هتعمل ايه بقي هتحرمنا من المعونة كدة كدة جعانين بيك ولا من غيرك...........ماهو لينا رب اسمه الكررررررررررريم



وبصراحة ربنا بقي ياحكومة مصر لو ما أخدتي موقف رديتي بيه حق ولادك ماتستاهلي تفضلي في الحكم لحظة ونبقي ماعندناش احنا ياشعوب دم لو سكتنالك واهو بنطالب باسقاطك صحيح الطلب ده قديم وانتي لازقة وماسكة في الحكم بايدك وسنانك واحنا ساكتينلك لكن معلش هنا ستوب جوعتينا وقلنا ماشي اهو اخوات في بعضينا نكدتي علينا عيشتنا وناسيتنا حتي اسامينا اتحملنا وقولنا نصيبنا بكرة تتعدل لكن كرامتنا وكرامة ولادنا أرواحنا الي بقت رخيصة اتحملنا مرات ومرات لكن الكيل طفح بقي طفح قوي انا بكتب وانا مش حاسة بنفسي نفسي اولع في البلد الي مالهاش لزمة ديه الي مابتتحركش ودمها بينزف خلااااص ياسيتي ابتكري ولا اكتشفي اكتشاف يحول الدم الي في عروقنا لتلج لاننا بصراحة مابقناش قادرين...........وربنا دمي فاير ومش عارفة اتحكم في اعصابي



هتتحركي امتي نفسي افهم نفسي لما يصفونا واحد واحد ياسيتي اطلقي الشعب سيبيه يصرخ دانتي كتمتي الصرخة في زوره حتي ولو فتح ولانزل الشارع يصرخ تطلقي امنك وراه كانه هو الجاني



ااااااااااااااااااه محروووووووووقة قووووووووووي عاوزة اشتم بس ااقول ايه مش عاوزة القذارة تصاحب لساني وارجع تاني وااقول حسبي الله ونعمة الوكيل فيكم وفي ضعفكم ذلتونا منكم لله








السبت، 22 مارس، 2008

وبعدهاااااااااااااااالك يابلد






وبعدهاااااااااااالك يابلد

علي فين واخدااااااااااانا

ماخلااااااااص انتهينا

مات الأمل جواااااااانا

شبااااااااااب ولكن

اترسمت نهايتنا بايدينا

وروووووووود ولكن

الاشواك قضيت علينا

وماسبتناش علي حالنا

خدشتنا جرحتنا أدمتنا

وفي الاخر دمرتنا

لا دي كمان حولتنا

وبقينا ناكل في بعضينا


وبعدهاااااالك يابلد

سيرتك بقت الحرمان

بقينا بنحلم بالنسيان

بقي الضعف عنوان

والغضب بركان

سامعانا يابلد سامعة أهاتنا

ما أثرتش فيكي حتي أناتنا


وبعدهااااااااااااالك يابلد

تعرفي ان ابنك سرق

واعترف وقال احبسوني

لكن أكلوا ولادي الأول

تعرفي ان شبابك استشهدوا

أيوة استشهدوا

مش علي باب الحرية

وهما رافعين راية النصر

لكن علي باب الفرن

وهما رافعين راية الذل

حاسة بينا يابلد

حاسة بوجعنا

احنا موجوعين قوي

عاجزين قوي

تعبانين قوي

وبعدهاااااااااالك يابلد

سمعتي يابلد

عن الي باع عرضه وشرفه

في سوق النخاسة رخيييييص

عشان يدفع ايجار بيته

سمعتي عن الي باع عقله لكيفه

ومابكاش حتي حد عليه

وبعدهااااااااالك يابلد

سمعتي يابلد

عن الخمسة وعشرين الف شاب

الي هاجروا لاسرائيل

عاشوا واستوطنوا فيها

سمعتي عن السيبرات والكافيهات

والي بقي بيحصل فيها

ولادك بقوا علي الكراسي قاعدين

وفي الشوارع تايهين

وفي أخلاقهم نازلين

ولقيمهم بايعين

ااااااااااااااااه يابلد اااااااااااااااه


وبعدهااااااالك يابلد


لغاية امتي

هتبقي الاااااااااااه عنوان

والدموع أشكال وألوان

لغاية امتي

هيفضل الفرح بعيد

والالم وحده هو القريب

لغاية امتي

هتفضل يا اخويا عاطل

ويا أختي عاجزة

لغاية امتي

هتفضل يا أبويا كادح

ويا أمي باكية

وبعدهااااااااالك يابلد

نفسي أشوف في عيون أهلي

دموع الفرحة

نفسي أحس ان في قلوبهم

لمحة بهجة

نفسي أبارك لجاري

وأنا في نفسي راضية

نفسي أفرد جناحاتي

لجمع ظاهر من بعيد

جاي عليا فرحان وسعيد

وبحب عظيم وكبير

الاقي نفسي جواهم وهما جوايا

ساكنين وعايشين

وبعدهاااااااااااااالك يابلد

كل كلامي ليكي وجع

وكل طلباتي منك أحلام

ولكن مش أحلامي لوحدي

دي أحلام أحبابي وأحبابك

أحلام ولادي وولادك

أحلام ناسي وناسك

أحلام شعبي وشعبك

أحلام شعبنا

أحلام

شعب

مصر


تفجرت الكلمات بداخلي في لحظة فكتبت وعبرت اعذروني لاني قسوت وألمت وفتحت جروح وأوجاع ولكنها جروحي قبلكم وألامي معكم فسامحوني أنتم أهلي وأحبابي أنتم شعبي وأخواني
أنتم شعب مصر
هذه أول تجربة شعرية لي أعلم جيدا أنها لاترتقي لمرتبة الشعر ولاتمثل شيء في صفوف الشعراء ولكن ممكن اعتبارها احاسيس ومشاعر تجسدت في صورة كلمات أتمني أن تنول اعجابكم بعد أن تزول ألامكم

تحياتي




الخميس، 20 مارس، 2008

أسف ياااااااااااارب.........أسف يارسوووووول الله





انما بعثت لأتمم مكارم الأخلاق


هكذا قال الحبيب المصطفي


وهكذا حدثنا النور الذي جاء به الينا هاديا


ومخرجا لنا من الظلمات الي النور


انما المؤمنون اخوة فأصلحوا بين أخويكم...........ياتري بتصلح بينهم ولا بتوقع بينهم أكتررررررررررر اعترف قووووووووول



يا ايها الذين امنوا لا يسخر قوم من قوم عسي أن يكونوا خيرا منهم ولا نساء من نساء عسي أن يكونوا خيرا منهن ولا تلمزوا انفسكم ولا تنابزوا بالالقاب.........بالله عليك لسانك الي ربنا اعطاه ليك نعمة واكبر نعمة بتعمل بيه ايييييييييييييييييه؟؟؟؟؟؟؟؟



ياأيها الذين امنوا اجتنبوا كثيرا من الظن ان بعد الظن اثم ولا تجسسوا ولا يغتب بعضكم بعضا ايحب احدكم ان ياكل لحم اخيه ميتا فكرهتموه..........استرها معانا يااااااااااارب احنا ولاااية عندنا اخوات بنات وعندنا بنات وعمرنا ابداااااااا مها نجيب سيرة حد بسوووووووء فليقل خيرا او ايييييييييه ليصمت


وجعلناكم شعوبا وقبائل لتعارفوا ان اكرمكم عند الله اتقاكم.........للاسف بقينا بنخاف من بعض الجيران عن بعض أغرااااااب


ان الله يأمركم أن تؤدوا الامانات الي أهلها واذا حكمتم بين الناس ان تحكموا بالعدل...........لو حتي ابرة ومش بتاعتك رجعها لصاحبها تاني يالا بقي افتكر جايز حد له عندك امانة روح رجعهاله بسرررررررررعة


واعتصموا بحبل الله جميعا ولا تفرقوا............يااااااااارب اشوف العرب والمسلمين ايد واحدة قبل ما اموووووووووووت قولوا يااااااااااااارب


وقضي ربك ألا تعبدوا الا اياه وبالوالدين احسانا...........يارب سامحني علي تقصيري في حقهم يااااااااااااارب

والكاظمين الغيظ والعافين عن الناس والله يحب المحسنين.............ياتري قلوبنا لسة بتقدر تسامح وتعفوا ولا دايما ايدينا سابقة ولسانا مش قادر مش قادر


فاجتنبوا الرجس من الاوثان واجتنبوا قول الزور .................عندك تموت ولا تشهد زور ولا نظامك اييييييييه؟؟؟؟؟؟؟؟


هذا ماجاء به الينا


ومادعانا لنتحلي ونتصف به


الامانة الصدق قول الحق العدل بر الوالدين الاخلاص الوفاء الحب الرضا


كل واحد مننا بقي كدة يراجع نفسه ويسالها


هو فعلا حقق في نفسه هدف بعثة المصطفي


هو فعلا صادق............ومابيعرفش يكذب ولا الكذب ملازمه كتيررررررر


هو فعلا أميييييين...... مش أمين بتاع الفول لا أمين علي نفسه وعلي غيره ومع غيره


هو بار لاهله.................بيحبهم وبيرحمهم وبيرضيهم ولا دايما رايح جاي يزعق فيهم حرام عليك يا أخي


هو فعلا لسانه حلو............مش أكل حلويات يعني لكن دايما رطب بذكر الله مابيتكلمش عن حد في غيابه ولا طول النهار فلان عمل وفلانة سوت وشفته فلان جاب وفلانة اشترت ولكلك لكلك


هو فعلا كاظم لغيظه وبيعفو عن غيره........ولا دايما غاوي شكل غاوي يجرح ومايسامحش أبدااااااا


هي دي رسالته مكارم أخلاق بتساعدنا العبادة والدعاء علي التحلي بيهم فتعالوا نعبده بحق نسجد ونركع خاشعيين ....مالم تنهاهه صلاته عن الفحشاء والمنكر فلا صلاة له


بالله عليك بتصلي


ااااااااااااااه والله بصلي


يابني ما انا عارفة ومصدقااااااك


بس خد هنا قولي بقي


بتكدب ليه........بتشتم ليه..........بتغتاب ليه........بتتفرج علي حاجات وحشة في التلفزيون ليه........... لييييييييييييه


اسف يا ابلة


لالالالالالالالا


قوله أسف ياااااااااارب .........سامحني


قول ومن غير كدب


أخر مرة فتحت فيها المصحف امتي


ها اه اااااه المصحف انا اه


قول عاوزة اعرف امتي



ماهو الصراحة مش فاكر


مش مكسوف من نفسك كتابك منهجك ومش فاكر اخر مرة فتحته امتي ....هتقول لربنا ايييييييييه


أسف يا ابلة


لالالا


قوله اسف يااااااااارب


اسف يااااااااااااااارب


اااااااسف يارسووووووووووووول الله


هتوووووووووووب


وهكون مسلم بجد


هكون مؤمن بجد


هكوووووووون هكوووووووووووووون


يالا قول بقي مستني ايه يالا نقول كلنا اسفيييييييييييييين ياااااااااااااارب


صرخة في الاخر


بيسيئوا للحبيب هناك عن جهل


وانت بتسيء له هنا عن علم


ارفع الاساءة هنا بحسن خلقك


بقيمك بمبادئك


وبعدين اصرخ


وقول


فداك نفسي وروحي يا حبيبي يارسول الله


وانت رافع راسك فخرا وعزة


تحياتي


كل كلمة كتبتها بفكر نفسي بيها قبلكم ما انا زيكم لالالا اكيد أنا ااقل منكم ادعولي اتووووووووب واكون بجد وبحق مسلمة مؤمنة موحدة وااقولها وانا حاسة انه بيرد عليا بحبك يارسول الله.........بحبك يا فاطمة








الأحد، 16 مارس، 2008

صرخة من قلب بلدي...رأس البر



مش حرام الجمال ده يمووووووووت بايدينا بدعوي التقدم



هو ده الي انا عرفته انا دمياطية من محافظة دمياط يعني كل سنة في الصيف المنفث الوحيد والقريب لينا هو مدينة راس
البر مدينة جميلة كل أهل مصر عارفينها وبيحبوها وبيزورها عاوزة ااقول ان في ناس كتيرررررررررة جدااااااا تقريبا عايشة طول السنة علي موسم الصيف الي بتجمع فيه الي يكفيها طول السنة وأنا ما انساش أبداااا السنة الي فاتت وأنا علي البحر أطفال صغننين بيبعوا ترمس علي الشط لما سألتهم انتم منين قالولي احنامن أسيووووووووط من أسيوط وجايين راس البر في الصيف يشتغلوا الي يكفيهم طول الشتا ومصاريف دراستهم وخلافه والحق يتقال الكام سنة الي فاتوا راس البر اتنقلت نقلة تانية خالص تجديدات وافتتاحات رفعت من شأنها وقيمتها وخلاص كنا بنحلم بالعالمية وخصوصا ان عندنا مزار رائع وهو اللسان طبعا الي بيفصل النيل عن البحر

وفجأة وبدون مقدمات


الدنيا اتقلبت ولاقينا نفسنا قدام واقع مفروض علينا الا وهو بناء مصنع كيميائي ضخم تابع لشركة من كينيا في قلب مدينة رأس البر أنا الصراحة معرفش تفاصيل قوية عن الموضوع غير ان المشروع بدأ تنفيذه فعلا وبدأو يوصلوا أنابيب الصرف من داخل بيوت المواطنين في منطقة اسمها السنانية تابعة لمحافظة دمياط

وطبعا مش عاوزة ااقول ان المشروع ده فوق انه خطر علي السياحة في البلد اساسا الا انه علاوة علي ذلك ضرب للثروة السمكية عندنا في دمياط والي طبعا لايخفي علي احد أهميتها بالنسبة لبلد ساحلية اعتمادها الاساسي علي الثروة السمكية

طبعا انا مش ضد اقامة المصنع بالعكس لكن الغريب والعجيب اننا عندنا في دمياط مدينة تانية جديدة معروفة باسم دمياط الجديدة في الغالب كل المشاريع الصناعية بتتعمل فيها مش عارفة ليه سابوها ومسكوا في راس البر


أنا سمعت ان عضو مجلس الشعب بتاعنا هو الي تبني الموضوع مش عارفة علي أي اساس الصراحة عضونا الهمام الي طبعا جه عضو علينا بالتزوير وبالبلطجة اسمه سمير موسي يارب يكون اسمه انا كاتباه صح

أنا بقي بعلنها حملة لانقاذ مدينة راس البر من الخطر الي بيهددها ياريت يشارك معانا فيها كل من زار راس البر وكل من اتخذها منفث ليه في الصيف مناسب من حيث التكاليف وبيحس فيها بالراحة والاستجمام المطلوب

الله يكرمكم الي يقدر يوصل صوتنا لأي مسئول أو لأي صحفي معروف ياااااريت مايتأخرش وله بجد الاجر والثواب

أنا طبعا حابة أشكر صديقتي وأختي وجارتي الغالية رغدة أحمد مدونة النبع الصافي

لانها أول واحدة لفتت نظري للموضوع الخطير ده في بوستها صرخة وأنا بكرر معاها الصرخة لعلي صدي أصواتنا يصل للجميع



وبحبك يابلدي


ومش هسمح لهم يدنسوكي ويضيعوكي

وهتفضلي زينة المحافظات كلها

ومزار للعالم كله

بس المهم أهلك وحبايبك ينطقوا ويصرخوا ويقولوا

لا والف لا

قبل فوات الأوان

ياتري حد هيسمع صرختك


ياتري؟؟؟؟؟؟؟؟؟

الجمعة، 7 مارس، 2008

كنت أحلم


كنت أحلم

كما تحلم كل فتاة في مثل عمري

كنت أحلم بفارس من الفرسان

وقلب يبعث في نفسي الأمان

وروحا أسكن اليها وقت الالام

كنت أحلم

ببيت صغير جميل

قصري الذي من أجله أضحي

أملي التي له أبني وأعمر

مملكتي التي توجت عليها ملكة ولكن بلا تيجان

كنت أحلم

بأطفال يصرخون أمي


يلعبون


يضحكون

يبتسمون

يحلمون

وأب حنون برحمة يربي

وبحكمة يوجه

وبحب يضحي

ولكن

لالالالالالالالالالالالالا

لم يعد يستهويني الحلم

لم يعد يسيطر علي كياني

بل أصبحت أقتله في داخلي

أميته وأنهيه قبل أن ينمو

أصبحت أهرب

تسألون لماذااااا؟؟؟؟؟؟؟؟

لاني أضعف من أن أحتمل

ظلم العالم الذي ضاع وغاب فيه الضمير

لن أحتمل فقدك يازوجي الحبيب ..

..لن أحتمل أن أراك أمامي وقد قتلتك سهام الغدر

سهام الكفر والظلم والغصب

لن أحتمل أن أفقدك وبلا ثمن

وبلاقدرة علي أخذ تارك

لن أحتمل

لن أحتمل ياطفلتي الغالية يامنارة قلبي وفؤادي

أن أراكي

تذبحين

تصرخين

لا

بل تتأوهين

لن أحتمل ياطفلي الغالي أن أحمل بين يدي أشلاءك

وأن أضعك بيدي في قبرك وحيدا وبلا ثمن

لن أحتمل أن تتحول مملكتي الصغيرة السعيدة لمقبرة للأحزان

وأنا بها وحدي أجتر الالام

ألالام دفع ثمنها

زوجي الحبيب


وأطفالي قرة عيوني


لذا


فوداعا لك ياحلم حياتي


وادعا لك يازوجي التي لم ألقاك

وداعا لكم يا أطفالي التي لم أتمني يوما


سوي يوم خروجكم للحياة


ولكنها ليست بحياة


لم تعد حياة

يستحق الحلم فيها

والبقاء عليها

لانها حياة العربي فيها

بلا ثمن

بلا كرامة


بلا كيان يحفظه كأنسان


الأربعاء، 5 مارس، 2008

لماذا لاتثور الشعوب؟؟؟؟؟؟؟؟؟





في أمسية رائعة نادرا ماتحدث جمعت شمل الاسرة وتوسطنا والدي الحبيب ودار الحوار حول الغلاء غلاء الاسعار وطال الحديث عن طابور العيش ومأسيه وعن فقر الشعوب وتجولنا بأبصارنا علي الجوانب السياسية وأوضاع الأحزاب وتوقفنا عند مأساة غزة المصحوبة بصمت عام شل الأذان واذا بي أطرح علي والدي سؤالا لماذا لاتثور الشعوب؟؟؟؟؟؟؟؟؟لماذا لاتثور من أجل لقمة العيش متي ستثور؟؟؟؟؟؟ان لم تثور الان فرد علي بجواب نابع من قراءاته المتعددة وتوقفت به أفكاره عند ابن خلدون الذي سأل نفس سؤالي ولكنه لعلمه الوفير استطاع أيضا الاجابة التي كانت في مجملها استراتيجية الموقع نعم أرجعها الي الطبيعة الجغرافية شعوب النيل حيث الرخاء والارض الخصبة ليست ميالة للثورات بل تسعي للهدوء والاستقرار والحياة الساكنة بينما شعوب الجفاف الصحاري الجبال فالطبيعة القاسية فرضت عليهم حب الصراع واللهث خلف الثورات واستدرج والدي مذكرا اياي بأهل الصعيد لايرهبون الدماء ولايفزعون من حمل السلاح بل متعودون عليه ولايثير في أنفسهم أدني ذعر بينما نحن أهل الرخاء والخصوبة ومجري النيل قد يصيبنا الاغماء اذا رأينا جريحا ينزف كيف اذن؟؟؟تأتي الاجابة انها الطبيعة ودلل علي صدق كلامه حسبما أتذكر في خلافة عمر بن الخطاب رضي الله عنه وقد توالت الفتوحات وتمركز جيش المسلمين في أراضي العراق حيث الفرات والطبيعة الخلابة والجذابة لانطباع الهدوء فأمر بتهيأة الظروف المكانية والمناخية للجيش بما يناسب ظروف مكة والمدينة حيث الصحاري والجبال لانها من احدي عوامل التهيأة السليمة للجيش فهكذا ايران وأفغانستان وهكذا غيرهم.




هذا كان سؤالي


وهذه كانت رؤية والدي العزيز وجوابه


ويظل السؤال يطرح نفسه


متي تثور شعوب النيل والرخاء؟؟؟؟؟؟؟؟؟؟؟


متي

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

السبت، 1 مارس، 2008

لاعزاء لي..لاعزاء لكم...لا عزاء للعرب


ما لهذه القلوب لاتتحرك



في الصباح



وطعام الافطار امامي



وكوب الشاي الدافيء بين يدي



وشاشة التلفاز في مواجهة عيني



واصابع يدي علي الاخري علي الريموت



تقلب القنوات



واذا بها تقف علي



قناة الجزيرة



وعلي مشهد أطفال



مجموعة أطفال فلسطنيين



يبكون



لابل يصرخون



يتألمون



واذا بمشهد شاب في ريعان شبابه



يصرخ ألما



ونساء تجري



ودموعها تسبقها



توقفت اللقمة في فمي



واشتعل الغضب بداخلي



و نطق لساني



لاعزاء لي



لاعزاء لكم



لاعزاء للعرب



أنا و أنتم نأكل ونشرب



وهم هناك في العراء



فجرا واحدا أعلن بقدومه استشهاد 32 أغلبهم أطفال



فماذا عن فجري وفجرك؟؟؟



ماذا عن فجركم يا ملوك العرب



أنيام وأطفال العرب يغتالون



أنيام ونساء العرب يثكلون



لا والله



لن يطيب لكم نوما بعد اليوم



لأن قلوبنا جميعا نحن الشعوب باتت ساخطة عليكم



علي صمتكم وضعفكم



لا لستم ضعفاء ولكنكم جبناء



لا لستم جبناء وحسب



بل ان كراسي عروشكم عندكم أقوي من أشلاء أطفال أبرياء



مناصبكم التي كابدتم من أجل احتلالها الكثير تأبي عليكم الا



الخنوع



السكون



ولكني أخبركم



أن كراسي العروش لن تدوم



وأن بقاء السلطة لن يستمر



ولكن وبكل ثقة الباقي هو



الذنب



لا بل الذنوب



التي ستظل في أعناقكم



والي الابد



اخواني في غزة



اعتذر لكم



فلم أملك سوي الافطار وأنا أشاهد مذابحكم أمامي



ولكن



لاعزاء لي


مصر