الهي ماعدت أبغي شيئا في هذه الحياة سوي عفوك ورضاك

الأحد، 30 ديسمبر، 2007

قلبي الحزين



حتي متي لن يعرف قلبي غيرك يا الم


حتي متي لن تعرف عيني سواك يادموع


حتي متي لن تعيش سوي في الذكريات ياقلبي


حتي متي لن اجد الا كل مالايروي ارضك ياقلبي


قلبي الحزين سامحني


بدا مخزونك ينضب بدا احتمالك يضعف


وبدات الامك تزداد


ولكن ماذا افعل


كلما بحثت لك عن ماء


كلما بحثت لك عن حياة


اذا بالماء سراب


واذا بماء الحياة هو ماء بعد وفراق


قلبي الحزين لست ادري ماذا بعد


ولست ادري ماذا افعل لانقذك


استمعت لك كثيرا


ولكن لم استطع ان اجلب لك السعادة التي تتمناها


لم استطع ان انقذك


من الماضي الذي يطاردني في كل خطو اتي


بلاذنب جنيته


وتابي ظلاله الا ان تعبث بخيالي في كل وقت وحين


لتخبرني ان الحياة لك ليست سوي صحراء


ليست سوي اهات ليست سوي دمعات


فالحقيقة اذن مرة


لكن ياقلبي لابد وان تعترف انها حقيقة


لابد ان تدرك ان السعادة لن تكون لك في هذا العالم


ربما لانه ليس عالمك


ربما لانك ولدت في عالم لا يحمل لك سوي


كل مايدميك ويقسو عليك


استسلم ياقلبي


فما امامك طريق غيرالاستسلام للحقيقة


ليس لك سوي ان تطوي كل ماتحمله داخلك من حنان


حتي تحين اللحظة التي ستنتهي فيها خفقاتك


حتي تحين اللحظة التي ستعلن نهاية


نهاية عذابك


اجعل هذه اللحظة هي الامل الوحيد الباقي لك


وتاكد انها اللحظة الوحيدة التي ستتحقق


وسيقف الجميع ليشهد عليها


ربما يبكون


ربما يحزنون


ربما يترحمون


لكن الاكيد انهم سينسون


فما كنت عندهم بالغالي الذي تظل ذكراه عالقة بقلوبهم


وماكنت تعني لهم سوي مجرد صديق


يانسون له ثم يذهبون


يرحلون


ليبحثون عن امان لهم


عن انيس لقلوبهم ويدعوك وحيدا


قلبي الحزين ستظل حزين لذا لاتتطلع للحياة ولاتطمع فيها


لانك بلاحق فيها اكتفي بتلك اللحظات


التي يحن بها عليك هؤلاء من وجدتهم في طريقك


ولاتطمح في المزيد لانك لن تجد غير سراب


سراب..سراب




اعذروني لهذه الكلمات المؤلمة

كتبتها منذ زمن بعيد

ولكن نفس الاحساس يراودني بها الان

أسألكم الدعاء

لقلبي الحزين

من الدنيا المؤلمة

ومابها


ياااااااااااااارب

أين أنتي ياشمعة القلب السعيدة

الجمعة، 21 ديسمبر، 2007

احساس طفلة




كثير من الاحيان مانشعر اننا نحيا وحدنا في هذه الحياة
لا احد يشعر بنا

ولا يهتم

وربما يصل بنا الحال الي الايمان بأن وجودنا لايمثل
اي معني ولاقيمة

فنتألم وتنقبض قلوبنا حزنا وكمدا ويراودنا احساس دائم بأن هناك

شيئا هاما ينقصنا

وهو احساس الاخرين بنا واندماجهم معنا قلبا وروحا

وليس عقلا فقط

فنتساءل ولما لانبحث نحن ونقترب نحن

ممن نعتقد انهم ربما يشعرون بنا

ويرتقي احساسهم من أجلنا وتبتسم وجوههم لافراحنا

وتترقرق عيونهم دمعا لاتراحنا واحزاننا


فنقترب وبقلب منفتح وروح نقية ونفس صافية
لاتحمل سوي
كل خير

و احساس يتمني ان يقابل احساس مماثل

ولكن أحلامنا الوردية وأمالنا الذكية

سرعان ماتنهار علي أرض واقع مؤلم يخبرنا

أن القلوب لم تعد كما كانت

وأن الاحساس الراقي العالي شح في زمن طغت فيه المادة

وسادت المصالح به وعمت

فتكتشف ان ابتسامات ودموع كثير ممن تجدهم حولك

لاتعدو سوي مجاملات

تخفي وراها أطماع وأغراض فتبتئس وينقبض قلبك من جديد

متساءلا في ألم


الا نستحق أن تكون احاسيسنا موضع تقدير
واندماج واحتواء

في ظل هذه الافكار التي تسيطر علي كيان القلب وتدميه

يأبي خالق القلوب
أن يظل قلب عبده متقوقعا حالما بأماني بسيطة

ولكنها تحمل له أملا للحياة
ورغبة قوية في البقاء بروح مفعمة بقوة النفس
ونقاء الضمير

فاذا به يرسل لك احساس البراءة

احساس نقي لم تلوثه أيادي ولا وجوه خادعة ولم تصبه بعد

نكبات الدهر

بتغيير جرده من انسانيته الفطرية

احساس طفلة

طفلة صغيرة باحساس فطري تقترب منك وترتمي في أحضانك

وتضع برقة علي خديك قبلات حانية محبة ثم ترفع وجهها البريء

وتمد اليك يدها الصغيرة بهدية بسيطة أجهدت نفسها الحانية

في البحث عنها

معلنة لك وبشافية عظيمة أن احساسها البريء قد أحس بك وبألمك
رغم سنوات عمرها التي لم تتجاوز أصابع اليد بعد

فبفرحة عظيمة تمد يدك المشتاقة لتتقبل منها هديتها

التي اصبحت في نظرك كنز ثمين غالي

تحرص علي وضعه في مكان أمن وبين كل وقت وأخر

تذهب لتتأمل بها

ثم تشرد بخيالك بعيدا وتبتسم ويزداد يقينك بأن لبقاءك معني

ولوجودك أثر ملموس

حتي وان لم تري هذا الاثر الا في عيون طفلة

في النهاية رجعت لكم تاني وببساطة

عاوزة اشكر بنت خالي العزيزة الغالية ألاء عمرها 8 سنين

في سنة 3 ابتدائي

لانها وبعفوية تامة وببراءة خالصة

أآعطتني أمل واحساس عالي

ان لحياتي ولوجودي معني وقيمة بهدية بسيطة جدااا

ااقولكم عليها وماتضحكوش

محفظة جميلة لكن المميز فيها ان مرسوم عليها

بيضة خارج منها بطة صغيرة

بتبتسم للحياة وبتقولها انا جيت انا جيت

انا كمان جيت بطة .....ولكن


تحياتي

الخميس، 13 ديسمبر، 2007

حد يقولي هو النصب اصبح هواية


حد يقولي هو النصب اصبح هواية


ولندن بقت مركز النصابين المصريين ولا ايه


مش عارفة سمعتم عن نصاب طوخ ولا لا


طوخ ديه قرية هنا في بلدنا مصر ياناس


طلع لهم رجل محترم من فترة ويدعي التقوي والصلاح


وقالهم ياناس هاتوا الي معاكم استثمار حلال هاتوا فلوسكم وهكسبكم دهب


الناس صدقت وقالت وماله يابيه خدامينكم طالما الحلة هتولد حلة


نبيع لك الهدوم الي حيلتنا حتي عشان نعرف ناكل لحمة بلدي في العيد


والكل باع ايوة باع


الي كان سواق ميكروباص باع مكروباصه وراح سلم فلوسه للراجل الطيب


والي كان عنده بيت ملك ماتأخرش باع وهو بيحلم بفيلا في المهندسين


الراجل نفسه النصاب ياعني ماصدقش الي بيحصل ده بيحلفلك بالله


انه قبل ما يعلق اليفطة علي المكتب وقبل مايكتب اول كلمة علي اليفطة كان جمع كام


تخيل حضرتك كام


20 مليون جنيه مصري


اه والله زي مابقلكم كدة 20 مليون جنيه مش عارفة هي طيبة القلب المصرية دي


مالهاش حدود ولا ايه


ماعلينا الراجل قال وماله نبتدي اللعب بقي واحنا مطمنين


وكام راجل نصاب زمايله بكام بدلة شيك وعربيات ابهة


ونزلوا بقي شوارع البلد يدهشوا الناس ويبهروهم الكل بقي يجري عليهم


ويتمني يبوس ايديهم


والاستثمار كان ايه شراء كروت موبيلات وكروت تليفون تابعة لشركة موبنيل


وطبعا كان في دعاية للنصاب الكبير دعاية جامدة بقاله اربع سنين في المجال المربح ده


وناس كتير اكلت من وراه الشهد وهو اصلا عمره الافتراضي في النصب اربع شهور مفيش غيرهم


جمع فيهم كام بقي قول تخيل معايا 300 مليون جنيه مصري اه والله من غير مبالغة


وبعدين فص ملح وداب كانه لم يكن رحل الي بلاد الاحلام بعيدا عن بلاد الحرمان


وموت يامصري بقي والله يرحمك يافلوسنا ربنا يعوض علينا


الناس اتجننت الحلة راحت ولا ولدت ولاحتي باضت وعن حق


القانون لايحمي المغفلين


وحسبي الله ونعمة الوكيل


ويظل السؤال دايما بيطرح نفسه


أين الضمير


أين


حد عنده اجابة










الاثنين، 10 ديسمبر، 2007

هو الخبر راح فين...حد يعرف

قبل ما اكتب البوست ده بساعة واحدة شوفت الخبر علي مصراوي

واستغربت له جدااا رحت أطبخ ورجعت عشان أكتب بوست عليه

لاقيت الخبر طار من علي الموقع دورت عليه في كل حتة مش

لاقياه احترت أكتب البوست ولا ماكتبهوش في الاخر قلت أكتبه

طيب اي هو الخبر الأول الخبر ياسيدي اسمع وياريت تسمع بمزاج عالي

السيدة الفاضلة عائشة عبد الرحمن وزيرة القوي العاملة أعلنت

ان بفضل الله نسب البطالة انخفضت جداا واصبح في زيادة بمعدل120%

لفرص التشغيل دي دراسة أكدها خبرررررراء من الوزارة


طبعا أكيد بتسألوا هي الوزارة دي تبع أي بلد أعتقد ان اسم الوزيرة ديه

مش غريب عليا متهيالي في مصر

بس هو ده الخبر الي لفت نظري جدااا أصل الغريب ان امبارح كنت بزور

والدي العزيز في مكتبه وجنب مكتب بابا علطوووووووول مكتب القوي العاملة

طول عمري كنت بشوفه امبارح بالذات لفت نظري قوي

جايز عشان نظافته الي زادت واليفط الجميلة الي بللغات الي اتحطت علي بابه

والغريب لا لاقيت فيه قوة ولا عاملة فااااااااااااااضي خاااااالص

قلت في بالي هو كل شباب البلد اشتغلت والموظفين كدة قعدوا من غير شغل

صعبوا عليا

مش عارفة بقي ايه الي حصل بس انا شامة ريحة تزوير في الوزارة

اه وانا حاسة الشم عندي قوية جدااا

واضح ان الخبراء عملوا احصائية علي بلد تانية

غير بلدنا طبعا وبعدين نسبوها لبلدنا الغالي والوزيرة صدقتهم

أنا بقي باناشد سيادة الوزيرة شخصيا وبطالبها بتحقيق عاجل وسريع

في الموضوع ومعرفة من وراء هذا التزوير وعزله من عمله فورا

ليصبح عاطل زي بقية شعب مصر

الي لسة محيرني

هو الخبر راح فين

حد يعرف


؟؟؟؟؟؟؟؟؟؟؟


الأحد، 2 ديسمبر، 2007

الحياة بقي لونها بمبي...ياممدوح اسماعيل


موضوع يمكن تكونوا نسيتوه جايز لان بقاله
فترة طويلة في المحاكم حمض يعني

زيه زي أغلب قضايا الرأي العام

...العبارة ...السلام98

افتكرتوها اكيد الي راح ضحيتها 1000 راكب

وسابونا نتخانق ونتشاكل ونتنازع...من الجاني

مافكرش كتير ممدوح اسماعيل قال أروح
أريح أعصابي في

لندن يومين

...وطبعا راح ومارجعش تاني

وكنت أظن انه مش هيرجع أصلا
لكن دلوقتي بقي هيرجع

بزفة ميري

طبعا السؤال ليه بنفتكر الحادثة دي تاني
ونعيد الالام والجراح

...تفتكروا ماتت



الي صحاها جوايا من تاني هو حكم المحكمة
الي اتأجل كالمعتاد


لكن الي ايضا برأ ممدوح اسماعيل
وشيل الليلة كلها للقبطان


.....الله يرحمه ويحسن اليه ماتنسوش تقروا له الفاتحة


يعني ألف روح السبب الرئيسي في موتهم
هو روح ماتت معاهم


كلنا بقي نروح علي قبره ان كان له قبر


او نركب مركب في وسط البحر الاحمر ونلقه بالطوب


لانه هو السبب طبعا كما اثبت وبشدة الصندوق الاحمر...
.أأقصد الاسود

...معلش اعذورني بنسي

وانتهت القضية والله يرحمك يامصري
والشركة رجعت والسفن رجعت


والحياة بقي لونها بمبي ياممدوح اسماعيل
...يابختك ياعم

نسوا الناس او افتكروا انهم نسيوا
وبعدين شغلوا البتنجان والكوسة كمان

الظاهر نفسهم في مسقعة محشية كوسة

بفلوسك سكت اسر الضحايا

وبحكم محكمة طلعت نزيه وشريف

والعيب في الاموات اما الاحياء
فقلوبهم نظيفة وعمرها ماتفكر تأذي

ونحن في انتظار حكم المحكمة القادم

وسلامي للسلطة في مصر

افهموني صح السلطة بتبقي حلوة مع
السمك كتيررررر

بس يارب مايكون سمك من البحر الاحمر

احسن يكون أكل القبطان المذنب

وبعدين الحكومة تزعل مننا وتمنع السمك من السوق

تحيا الكوسة


الأربعاء، 28 نوفمبر، 2007

مع خالص احترامي...لنجيب ساويرس




كلنا نؤيد حرية التعبير واول من دافع عنها في ازمة الصحفيين وقفنا واعلنا جميعا


غضبنا عن مايحدث لهم وعن احتمال حبسهم ودافعنا عنهم بكل مانملك من قوة

ولكن دعونا نتساءل ماهي حرية التعبير وما مداها ومتي تتحول
من حرية تعبير الي تجريح واهانة


من الصعب قبولها

حرية التعبير ان تبدي رايك الشخصي كما تريد في اي موضوع ولكنها تتوقف عند حد الاساءة للاخرين

اما انك تقف علي البر وتنقد مافي البحر فهذا لايرضي احداا ابداا

يجب ان تخوض البحر وتتعمق فيه اولا وحينما تعود الي الشاطيء سنستمع لك

وسنحترم حرية تعبيرك مهما كان قدر اختلافها عنا طالما لاتحمل اساءة ما

لكن رؤيتك بأن شكل البحر لايروقك فدعني أسئلك علي اي اعتبار هنا

يكون تعبيرك عن هدوء الامواج او ثورتها

نجيب ساويرس...لا ننكر جهوده وقدراته وانجازاته التي يشهد عليها العديد والعديد



وليس في حاجة الي شهادة منا


ونحن لسنا ضد نجاحه وامتداده ولم ننظر اليه ابدا


من قبل نظرة عقائدية فعنوان الفرد هو مقدار مايقدم من جهد وعمل وهو قد جد واجتهد

ولكن ليس معني وصوله ابدااا ان يسمح لنفسه بما لايرضي احد وانا لا اقصد هنا


اشارته لتزايد ظاهرة الحجاب الايراني بمصر فكلماته هنا لاتعد سوي وصفا لظاهرة رصدتها عيناها

كما رصدتها عين غيره فهو لم يهين ولكنه وصف ..مجرد وصف ..من وجهة نظري

ولكن حينما يعلن عزمه ونيته عن انشاء قناتين فضاءيتين احداهما اخبارية والاخري سينمائية


وبنفس اللفظ يقول (لمواجهة المد الديني)فبكلمته هذه جعلنا نتساءل انك لم توضح اي مد تقصد

..كلمة مبهمة نضع حولها دوائر ودوائر ونرجو الايضاح

والا فلاتلومنا ولاتعتب علينا حينما يختلف تفسيرنا لها وكل منا سيفسرها بشكل يتفق مع عقله وتفكيره

فتفسيري الشخصي لها...حينما علمت بامتلاكه لقناة فضائية يسمح ببثها علي القمر الفضائي الارضي وسمعت... ولكني لم اري...ان

هناك الكثير من الافلام الاباحية عرضت بها بلا حذف لمشاهد مسيئة لقيم واخلاق

وعادات مجتمعنا المصري المتدين بطبعه مسلما كان او مسيحيا

فاسمح لي اذن ان يكون تفسيري لمعني كلمة مواجهة المد الديني



انك ستواجهه بالاباحية وباعلام لايليق بنا نحن شعب مصر

لذا اسمح لنا اذن بعيدا عن حرية تعبيرك فهو حقك ان نتوجه اليك بسؤال

برجاء الرد عليه سواء منك اومن قبل مؤيدينك ومناصيرنك

ان تجاوبنا عن كيفية مواجهتك للمد الديني

والا فلاتلومنا اذن اذا قابلنا حملة مؤيدينك المخلصين لك بحق ونشهد لهم بذلك

بحملة اخري...اتمني ان تكون اشد قوة واخلاصا

بمقاطعة عامة شاملة لمنتجاتك

واظن انه من حقنا ايضاحا

فان لم يتضح الامر وفوجئنا صبيحة يوم ونحن نحتسي فنجان القهوة امام شاشة التلفزيون



بقناة تحمل اسم نجيب ساويرس

ولكن اعيننا ابت ان تستمر للنظر اليها لانها فسرت وبحق كلمتك التي اعلنتها يوما ما

ولكن ربما تكون نسيتها انت ولكن ثق

اننا لم ننساها يوما ولن ننساها

سننتظر ماذا سيحدث

وثق اننا لن نظلمك

لاننا نبحث دائما عن اي حق لانصافه لكن طالما تحققت فيه شروط العدل

لذا

مع خالص احترامي لك

ارجو منك ردا سريعا علي مايدور برأسي





السبت، 24 نوفمبر، 2007

صرخة استغاثة...الناس في الشرفا بيموتوووووووووا



حقيقي مش عارفة أأقول ايه ولا أعمل ايه أصرخ مثلا أصوت مش عارفة بجد

ايه الموضوع طبعا بتسألوني

بفتح التلفزيون علي برنامج القاهرة اليوم وماصدقتش بصراحة المشاهد الي انا

شايفاها انا في مصر ولافين انا في القرن الواحد وعشرين ولا القرن الخمستاشر

ست قري بمدينة الصف محافظة الجيزة غرقانين زي مابقولكم كدة غرقانين وبالاخص قرية اسمها الشرفا

مياه الصرف الصحي غرقت القرية بأكملها اصبحت من الاخر كدة قرية مهجورة

والاعجب مدرسة القرية اسمها العلم كالماء الماية قفلت المدرسة

والطلبة نقلوهم مدرسة تانية تقولش لعنة الاسم حلت

المشهد الملفت للنظر بجد راجل عجوز ريفي قاعد قدام بحر الماية

وبلا مبالغة لما بقول كلمة بحر وفي ايده كوز والله العظيم كوز صغير

وعمال ينقل الماية من البحر لمكان بعيد....وعجبي

الماية دي يا حضرات غرقت الف وتمنمية وخمسين فدان ارض زراعية

يعني مش كفاية ان بيوتهم غرقت ومدارسهم اتقفلت لا كمان أكل عيشهم اتقطع

..وحسبنا الله ونعمة الوكيل

الاغرب والاعجب ان الغرق ده كان متوقع حدوثه من شهر كامل

اه مش بهزر كان متوقع من شهر حدوث الكارثة ديه لكن الظاهر

ان ماتش الاهلي وتونس كان اهم ان ريسنا يحضره
مش عاوزة ااقولكم بقي ان لما تصحي الصبح تفتح شباكك تلاقي بحر قدامك
اكيد هتجيلك حالة انتعاش وصحتك هتيجي علي الهوا

انما بقي لما يكون بحر مجاري وصرف صحي فانتظر الاوبئة تحل بدارك

وانتظر الكوليرا والتيفويد يدقوا علي بابك

الاغرب والاعجب من ده كله رد فعل حكومتنا الهمامة

وهي رايحة تبعتلهم ماكنة لرفع الماية ب3 بوصة

ماتضحكش زي مابقلك كدة 3 بوصة يعني الكوز الي كان في ايد الراجل العجوز

يرفع احسن منها


في البرنامج اتصلوا بنايب الدايرة الهمام الي حكي عن انجازاته الضخمة

الي ملخصها انه مخلاش وزارة فيكي يامصر الا وصوت لها من ري لزراعة لاسكان

ياقلبي لاتحزن


ولكن لاحياة لمن تنادي وبقي ايه ارخص منك في البلد ديه يامصري

انا عارفة اني بتكلم بانفعال لكن محروقة بجد من جوايا

اوبئة بتنتشر وناس بتموت وحياة بتنتهي وهما ولا هاممهم
الي غاظني بقي وحرق دمي لما اتصلوا برئيس مجلس المدينة

وبكل برود يقولهم الموقف تحت السيطرة كأننا مثلا عمي ومابنشوفش

وبعد هالك يابلد

لغاية امتي هيفضل الحال من سيء لاسوأ

بعتونا وخصختونا حرام عليكم بقي ارحمونا

مش عارف اناشد مين ولا انادي علي مين ولا اروح لمين ولا اجي لمين

لكن بجد ياريت اي حد يعرف يعمل اي حاجة
انا كل الي قدرت اعمله اني اكتب البوست الغلبان ده
لعله يلاقي عند الناس المهتمين صدي

وببعت من هنا

صرخة استغاثة....الناس في الشرفا بيموتووووووووووووا

لعل أحد يجيب




الاثنين، 19 نوفمبر، 2007

كان لازم أحكي السيناريو....من الأول

البداية كانت من هنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا




وعدتكم اني هكمل في أخر بوست عن طلبة الجامعة


ارحموا طلاب الجامعة.....ارحمووووووووهم .......يرحمكم الله


والحقيقة كان لازم أكمل لاني لاحظت في تعليقاتكم الكثير والكثير وكان لازم أوضح


كان لازم أحكي السيناريو ....من الأول طبعا النظرة دي نظرتي أنا وأنا لا أدعي أبدا أنها النظرة الصحيحة


قد تختلفوا في الرؤية معايا وأنا برحب بكل الأراء مهما اختلفت عني وحتي لو دام الاختلاف فالاحترام قائم


مهما كان حجم الاختلاف البداية عندي بتبدأ من


الانتخابات البرلمانية الأخيرة لمجلس الشعب



الوطني قلق مش قلق عادي ممكن أأقول اترعب أو برده أأقول اتفاجأ مفاجأة أذهلته


ما استوعبهاش الا بعد فوات المرحلة الأولي والثانية ولحق المرحلة التالتة (بالتزوير) و(البلطجة)


والكلام ده أنا شوفته بنفسي لان دايرتنا كانت مرحلة تالتة


وخلصت الانتخابات


انتهت في الشارع بس لكنها عند الحزب الوطني كانت بداية لعهد جديد واستعداد لشن هجوم ضخم علي


الي رجل الشارع اختارهم ورفض الرشوة عشانهم .....الاخوان


وبدأوا يفكروا في ناحيتين وقبل مايفكروا أمنوا وسلموا ان الحزب الوطني...حزبهم....ليس له اي قاعدة شعبية


علي أرض الواقع بالعكس مشاعر الغضب والكره مسيطرة علي غالبية الشعب المصري وخصوصا بعد


الانتخابات والتزوير العلني والعنف والبلطجة الواضحة


فقرروا أمرين


الامر الاول...ازاي يحببوا الشعب في الحزب ويغيروا أرائهم لصالحهم ولو تلاحظوا فعلا


اصبح نشاطهم زائد الفترة الاخيرة رحلات مدعمة ندوات لا والملحوظ عندنا أكتر هنا في محافظة دمياط شيء غريب


اتفقوا مع كبار المدرسين في الثانوية العامة لاعطاء مجموعات للطلبة بالمدارس بأسعار رمزية جدااا


وبمقابل مادي للمدرسين مغري جدااا.... مش عارفة ماطلبونيش ليه انا مدرسة كيمياء شاطرة قوي .....دنيا بقي


والمحاولات في الجانب ده مستمرة بالفعل مش عارفة انتم كمان لاحظتم الموضوع ده ولا لا والاعلانات في


التلفزيون طبعا في الجانب ده ماتتوصاش... ده الي متابع التلفزيون المصري اصلا ..زيي كدة


ندخل بقي علي ...الامر الثاني...الاخوان المسلمين


كل تفكيرهم ...ازاي يقللوا شعبية الجماعة ديه...أو بمعني أخر يخلوا الشعب من نفسهم يرفضهم


وده هيتحقق ....بتشويه صورتهم...أمام مؤيديهم ومحبيهم


و..بدأت اللعبة


دايرة اعتقالات واسعة ومحاكمات عسكرية ووقف اي نشاط علي الارض للجماعة ومصادرة أموال


وكسب غير مشروع وغيره وغيره ووووو


بعد شوية وقفوا....النتيجة سلبية


التعاطف بيزيد وصور أهالي المعتقلين اصبحت علي الفضائيات والموضوع أصبح علني ومناقشات وحوارات


لا احنا مش عاوزين كدة مش في مصلحتنا أبدا....كلامهم طبعا


أعادوا التفكير من جديد من زاوية تانية ..من أكتر فئة فيكي يامصر بتتأثر بسرعة وحماسها غالب فيها تفكيرها


الشباب....طلاب الجامعة


و كان ما كان



وللحديث بقية



في نهاية حديثي أحببت أن أقدم اعتذار ...لم أقصد أبدا أن أتهم أحد ...ولا أن أقسي علي أحد


ولكني في شتي الاحوال مؤمنة بدعوة لن أمل من نشرها أبدا


لا للعنف...ومرحبا ...بالحب






الخميس، 15 نوفمبر، 2007

ارحموا طلاب الجامعة....ارحموووووووهم.....يرحمكم الله

لو اعتبرته ابنك ياتري كان ممكن تعامله بالشكل ده مهما كان خطأه ياتري؟؟؟؟؟؟؟؟؟؟؟؟؟؟؟؟؟
ليه وعشان ايه يكون ده مصيري ...حد يقدر يقولي ليه؟؟؟؟؟؟؟؟؟؟؟؟؟؟؟؟؟؟؟؟؟؟



أول ما صحيت الصبح وفتحت الايميل لاقيت خبر وصلني من دكتور زهران

اعتقال طالب بهندسة المنصورة من سكنه الساعة 2 صباحا ولا حول ولا قوة الا بالله

وبعدها بمدة بسيطة لاقيته وصلني تاني من شمس الزناتي


وقفت قدامه كتير الخبر ده وحسيت بانقباض غريب في ايه يابطة الخبر مش جديد ماكل

يوم بتسمعيه مرة في اسكندرية ومرة في الغربية ومرة في القاهرة ايه الجديد يعني


لكن حبيت أكتب عن رؤيتي للموضوع ازاي من البداية


طلاب الاخوان بالجامعة بقول ايه طلااااااااااااب أنا كنت في الجامعة كانت الرسالة والدعوة

دعوة حب وسلام دعوة اخوة وروح جميلة مع الجميع من أول العاملة البسيطة لعميد الكلية نفسه

أنا بحكي عن واقع أنا عيشته ومريت بيه وكنت طرف فيه ماكانش في قاموسنا أبدااا

كلمة عنف وتدمير كانت قلوبنا دايما مسامحة وصبورة ومتحملة وبشوشة وأنا من هنا بسألهم


ايه الي حصل لكم يا اخواتي ايه.. ماكانتش دي دعوتنا ابدااا؟؟؟؟

عارفة هتقولولي ده حقنا ياأختي بندافع عنه بندور عليه بنحاول نحصل عليه ....هقولكم .
.. يا اخواتي مش كدة


عارفة انه حقكم وعارفة انكم مظلومين ومهدور حقكم ...لكن تفتكروا انكم بالعنف هتقدروا تحصلوا عليه

أرجوكم فكروا بعقلكم ...وارجعوا تاني لرسالة الحب ...الي بسببها كان الاخوان....وفضل الاخوان
...وهيفضلوا


دي كانت كلمة مني لاخواتي الي بحبهم وهفضل احبهم


أكمل ممكن


كلمة مني تانية للحزب الوطني ...حزب الاغلبية...خلاص أعلنتوها حرب علي الاخوان

والاخوان للاسف دخلت عليهم لعبتكم وجاروكم فيها عاوزين تحاربوا حاربوا زي ما انتم عاوزين
لكن أرجوكم حرام طلاب الجامعة


دول عيال انتم مش عندكم عيال بتحبوهم وبتخافوا علي مستقبلهم

طلاب الجامعة كلهم مهما كان انتماؤهم هما ولادكم أنا ضد العنف من أي جهة

وخصوصا العنف داخل الحرم الجامعي والي بيستخدم أسلوب العنف من حقه عقاب لكن عقاب عادل عقاب أب لابنه

مش عقاب جلاد لمجرم قاتل ابدااا ...حرام الشباب دول الي أكبر واحد فيهم ماعداش العشرين سنة

تهجموا عليه في بيته...زائر الفجر...ترعبوه وترعبوا اهله واخواته الصغيرين وكأي مجرم ارهابي

تفتشوا بيته وتصادروا ممتلكاته وفي معتقلات مرعبة ترموه ومن دراسته تحرموه

ومن امتحاناته تمنعوه مش كفاية حقه أهدرتوه وبانسانيته لاغتوه وبقوتكم وجباروتكم ذلتوه


فين الرحمة الي بتسبق العدل فين ؟؟؟ فاكرين ان بحبسكم ليه وبذلكم فيه هتأدبوه هتنسوه حقه ابدااا بالعكس


مش ممكن ينسي ينسي دموعه ازاي ينسي دموع أهله ازاي ينسي مستقبله الي بيضيع ازاي


هيخرج اما معاند اكتر واما يتحول لوحش واما هيرجع تاني انسان لكن ميت بلاروح ولاهدف ولاحياة



أرجوكم


ارحموا طلاب الجامعة


ارحموووووووووووهم


يرحمكم الله



وللحديث بقية




السبت، 10 نوفمبر، 2007

الفراعنة عاملين شغل جامد قوي في لاس فيجاس


طول عمري اعرف انك جزء مهم وغالي قوي من بلدي جايين النهاردة يقولولي الاصل كان في لاس فيجاس اعمل انا ايه بقي



الفراعنة عاملين شغل جامد قوي في لاس فيجاس


طبعا هتسأل ايه العنوان الغريب ده


ومش بعيد تبرق بعنيك وتفتح بقك من شدة الدهشة


ايه الي خلي الفراعنة يروحوا لاس فيجاس وكمان يعملوا فيها شغل جامد


حقيقي مش عارفة أأقولك ايه ولا عارفة حتي أأقولك تسأل مين يقدر يجاوبك


لكن كل الي هطلبه منك بس تروح علي صفحة جوجل الانجليزي وتكتب الاقصر بالانجليزي وتشوف أول موقع
هيظهرلك ايه ونصيحة


أخوية مني اوعي تفتح الموقع وتدخل تشوفه

luxor


أحسن بصراحة هتشوف مالا يحمد عاقباه فراعنة جداد جداد خالص مودرن مودرن قوي


من الاخر كدة يعني احنا


اتسرقنا


أيوة اتسرقنا هتقولي مش فاهم هقولك من يوم ما جيت للدنيا
واحنا نعرف ان كلمة الاقصر خاصة بينا وان الفراعنة


مصريين اتأمركوا ازاي بقي واحنا قاعدين نتفرج كدة ولا علي بالنا حقيقي مش عارفة


الي اتسرق مننا هو حق من حقوقنا تحت بند


حقوق الملكية الفكرية


وده حق معروف في العالم كله والي بيتعداه بيتحاسب قانونيا


أنا بكتب البوست ده للأسف متأخر جدااا


السبق في الموضوع للاستاذة الكبيرة


نوارة نجم....جبهة التهييس الشعبي




وللزعيم طبعا


شمس الزناتي ...مصري للنهاية



هما الي بدأوا الحملة من البداية وأنا دلوقتي بضم صوتي لصوتهم
وبقدم دعوة عامة باسم كل مدون حر في مصر


لازم نعمل حاجة بجد لان الفراعنة هما الشيء الوحيد في الماضي الي بنتمني نكون زيهم في المستقبل


نوصل لعلمهم ونكبر زيهم ومش هنسمح ابداا ان اسمهم مجرد اسمهم يكون واجهة لاهل رزيلة وانحلال



كل واحد مننا لازم يقوم ويدافع عن حقنا


ويصرخ بعلو الصوت ويقول


سكتنا كتير وخوفنا كتير ضاع مننا الكتير والكتير لكن الفراعنة لا


دول رمزنا


فخرنا


ده حقنا


ومش هنضيعه ابدا مهما يكون


هتقولي طيب انا اعمل ايه انا بايدي ايه اعمله انا غلبان


هقولك الموضوع لازم يكبر لازم يتصعد لازم كل الناس تعرف
لازم كل مسئول وصاحب كرسي في البلد ديه يعرف


وبعد مايعرف لازم يتحرك نرفع قضية نطالب بتعويض
نوصل لللاعلام مش المصري بس الاعلام الامريكي نفسه


ممكن من علي جهازنا ده نقلب الدنيا نراسل كل الجرايد علي ايميلاتهم
نبعتلهم موقع الاقصر لاس فيجاس يشوفوه


يشوفوا السرقة العلني الي من غير خشي يشوفوا الصمت الحكومي الي ولا كأن حاجة حصلت


مش قادر تعمل كل ده ارفع ايدك للسما وقول


حسبي الله ونعمة الوكيل


المهم


تعمل حاجة


كلنا لازم نعمل حاجة


والا


بكرة هتلاقي نهر النيل في نيويورك


وشوف بقي هتثبت ان مصر هبة النيل ازاي








الخميس، 8 نوفمبر، 2007

ربنا يكفينا شر المرض


حسيت اني عاوزة أكتب في الموضوع ده رغم انه مؤلم رغم اني حتي مش عارفة هكتب فيه ايه بس هكتب وخلاص


الموضوع بكل وضوح هو مرض مرض انتشر بينا انتشار غريب مرض كل لما تلتفت يمين ولاشمال تلاقي حد


قدامك بيعاني منه بيتعذب بيه بيموت بسببه ربنا يكفيني ويكفيك شر المرض


مرض السرطان


وأنا ببحث في جوجل علي صورة للبوست لاقيت صور كتيرة للفنانين كبار حسوا للحظة انهم ملكوا الدنيا باكملها ولكن


نهايتهم جت علي ايد هذا المرض اللعين


واحدة صاحبتنا بتقولي كلمة غريبة علي اد سخريتها علي اد مرارتها


المرض ده لو جالي هقوله فينك من زمان اتأخرت ليه


معلش اعذروها أصلها مكوية بناره في أغلي وأعز الحبايب عليها


لدرجة انها اصبحت في انتظاره ااااااااااااااااه


ااااااااااااااااااااااااااااااااااااااااااااااااااااااه



المرض عمال يزيد ويزيد ماسابش حد صغير ولا كبير ولا حتي شيخ عجوز وللاسف كلنا عارفين كويس بيجي


منين واسبابه ايه سواء تدخين وبرده بندخن او تلوث بالمبيدات والكيماويات للاراضي الزراعية ومع ذلك شغاليين


الله ينور



كأننا خلاص يئسنا من الحياة وبندور علي الموت بنفسنا بنروح لعنده برجلينا ولما الضحايا تقع جفت حتي عليهم


دموع عنينا



أكيد طبعا المرض ابتلاء من ربنا لينا واي مصاب بيه او لاي حد من أهله بندعي ربنا يصبره ويهون عليه لكن ربنا


مايرضاش أبدا اننا نأذي نفسنا بنفسنا


في أخر كلامي بس نفسي كلنا نحس ببعض والي يشوف مننا اخوه بيأذي نفسه يقوله خلي بالك حرام عليك نفسك


التدخين مش هينفعك


والي يعرف حد قريب منه او حتي بعيد عنده المرض يروح يزوره باستمرار يطبطب عليه يخفف عنه صدقوني


هما محتاجين لينا جدااا مش بفلوس وبس لكن بقلوبنا اكتر باننا نحس بيهم أكتر وأكتر


مش عارفة أنا كتبت حاجة مفيدة وليها معني ولا لا


بس حسيت اني عاوزة اكتب في الموضوع ده اي حاجة وخلاص


سامحوني


























الاثنين، 5 نوفمبر، 2007

صورة المواطن المصري ...الغلبااااااااان

رسمت لنفسي جو جميل عشان اعرف اكتب الصورة ديه التحفة طبعا وشغلت عمك تامر حسني اغنية روعة

روعة محدش عارف حاجة محدش حاسس بيا هو لسة في احساس في البلد ياجدعان


وحسيت انها منطبقة تماما علي الصورة بصوا لها كدة كويس واتأملوا فيها وملوا عيونكم منها واسألوا نفسكم

تعرفوه مين ده؟؟ ماهو مش عمرو دياب ولا مصطفي قمر يعني عشان نفضل نبص له كتير كدة



معلش ياسيدي اسفين والله تعبنا عيون حضرتك الجميلة بس الراجل الي في الصورة ده لو بصيت من شباك

بيتكم هتلاقيه لو راكب اتوبيس هتلاقيه واقف جنبك بيقلب في جيوبه عشان يطلع حق التذكرة يا اما بقي بيجهز قفاه

للعلقة او بيسخن في رجليه عشان يجري طبعا هو ده نفسه لو قاعد علي القهوة هتلاقيه علي الكرسي الي جنبك

حاطط ايده علي خده وسرحان في ملكوت ربنا هو والاموات واحد ولو مية دبانة وقفت علي وشه مش فاضي

يهشها مش عاوزة ااقولك لو بصيت لنفسك في المرايا هتلاقيه برده بيكلمك وانت ياعيني مش عارف ترد عليه


اه والله مش بهزر بس اسكت مش عاجبك كلامي ولا ايه اه لو بصيت في المرايا هتلاقيه فعلا جايز تكون متسرح

ومتسبسب ولا شكلك حلو شوية لكن ركز قوي كدة هو انت وانت هو صدقني


هو ده بقي المواطن المصري المطحون الي بيقف علي طابور العيش الصبح ويرجع برغفين ياكل فيهم وهما اساسا

ماينفعوش علف للحيوانات


هو ده بقي المواطن المصري الي ضهره انحني ووشه اتجعد وشعره شاب وهو ماعداش الاربعين وما اظنش

هيعديها


هو ده المواطن الي مذلول بلقمة عيشه كمموه وقهروه وماخلهوش يفكر في حاجة غير انه يجري ويجري لغاية

ماروحه طلعت وفي الاخر طلع بيجري ورا لقمة واحدة ومحصلش رغيف حتي


ماهو هيحصله ازاي بس والاسعار كل يوم نازلة لعب فيه طالعة بس وحلفت وقالتله خليك انت تحت والله ما انا

نازلة الغلبان ياعيني يقولها مش مهم انا طب عيالي بس والله ماعايز غير ااكلهم واعلمهم ومش مهم البسهم اهو

اشحتلهم لبس وخلاص لكن الرحمة في القلوب ماتت



الظاهر كدة حبوا يعاقبوه لانه بعيد عنك اتعدي الحدود وخلفله عيلين تلاته هما السبب كان هيجري ايه ياراجل لما

تعيش كدة من غير عيال خالص كنا هنسيبلك لقمتين لقمة ليك ولقمة لام العيال الي ماجوش انت اذن الجاني علي نفسك

يا ابوعلي (يعني حسن لكن نفسه في علي


وحكومتنا الي مفيش زيها اتنين بقي والي طبعا ما وراهاش غيرك ومابتنمش ياعيني ماهي بتفكر ازاي تخرصك خالص

وتخصخص فيك كمان وبقي السايح عندها بعينك الله يعينها بقي بتتعب والله


ماتنساش تدعيلها في صلاتك يا ابو علي ينوبك فيها ثواب خد بالك بقولك ادعيلها مش حاجة تانية ما هو واجب علينا

برده اصيل والله وماشي جنب الحيط دايما

معلش بقي كترت في الكلام شوية اعمل ايه كله منها الصورة ديه ركزوا فيها شوية وحطوا مرايا جنبكم وقارنوا

ياتري

في فرق

؟؟؟؟

تحياتي












السبت، 3 نوفمبر، 2007

صقفوا للريس ياولاد


سمعت ريسنا القمر بيتكلم قلت اما اروح اتفرج وحشني والله بقالي زمان ماشفتش طلعته البهية السمحة مش عارفة كان
فين بقاله مدة


الله يعينه بقي هيكون بيبيع بطاطا يعني اكيد كان مشغول لحل مشاكل الشعب الي مش بتخلص انا قلت في بالي جايز يكون
بيتابع بنفسه


قضية العالم المصري النووي الي اتقتل ولايمكن مشغول بقضايا الصحفيين وحبسهم عشان كدة غايب عننا المدة ديه كلها


ماهو انا لازم افكر في كدة هتقولولي ليه بقي لانه وهو بيتكلم في افتتاح الحزب لمؤتمره الجديد ساعة مافتح بقه ونطق
بانجازات


وتطلعات مصرنا الحبيبة في مجال الطاقة النووية السلمية طبعا غير كدة عيب والف عيب ساعتها بقي حسيت ان جالي
صمم في الاذن


الوسطي من شدة التصقيف والناس نطتت من علي الكراسي وكانه قال تم بحمد الله حل القضية الفلسطينية والعراقية معا
لكشة واحدة




وخد عندك بقي كلمة الديمقراطية ديه ماتشالتش من علي لسانه خالص طول ماهو بيتكلم يعيد ويزيد ويقول الديمقراطية
والناس تصقف


وام واحد طلعلك من النص كدة وهات ياشعر مش عارفة ماخدونيش ليه ااقوله مكانه والله كنت هقوله مجاملة للريس
ومش هقبض منه


ولا مليم حب بقي




لفتت نظري كلمة تحفة قالها الريس يارب ااقولها صح راح رميلك بقين حلوين كدة وقال وسنضرب مثلا بالحزب الوطني
بين باقي


الاحزاب صراحة كنت عاوزة اضحك وكان نفسي اطلبه ساعتها علي رقمه الخاص الي كل الناس عارفينه طبعا واساله
هما فين


الاحزاب دول ياريس؟؟؟الغد الي زعيمه ورا ء القضبان ولا الوفد الي نازلين طحن في بعض ولا الاخوان الي مفيش
ورا حزبكم غير


تصفيتهم واعتقالاتهم ولا حزب مين تاني جايز الناصري الي معرفش حتي مين رئيسه ولا يمكن الوسط الي مابقالوش كام
سنة


ماتقلقش ياريس علي حزبك حزبك هو الوحيد الي مابتسمحش ابدااااااااا ان يكون له منافس


ماتنسوش بقي


صقفوا للريس ياولاد

الخميس، 1 نوفمبر، 2007

دي مجرد اشاعة ...واسألوا المفتي

في اشاعة الناس مطلعينها عليا مضيقاني قوي قوي وللاسف اشاعة لزقة بقي همووت واعرف مين الي مطلعها في

الرايحة والجاية عم نادي البواب ومراته يقولوا الدكتورة راحت الدكتورة جت اهلا يادكتورة خدي وصل النت يادكتورة

بتاع الرخام جه وانتوا مش موجودين يادكتورة ده علي العبدة لله طبعا منين بقي جابوا اني دكتورة ودكتورة في ايه بالظبط

كل خوفي لايجيبلي الواد صابر ابنه في نص الليل سخن ولا بيرجع ويقولي اكشفي عليه يادكتورة ساعتها بقي هعمل ايه

انا مش هقدر اصدمه طبعا وااقوله الحقيقة يرجع يسخن ويحتاج كشف هو كمان طبعا اي حد مكاني هيفرح بالاشاعة

ومش بعيد يسوق فيها ويشتريله سماعة ويعملوا روشتات ويوصف دوا كمان ويعيش الدور وربنا يستر ومايفتحلوش عيادة

فكرت كتير في موضوع الاشاعة ديه وعمالة افكر مين وراها مين بقول اكيد حد بيحبني جداا بدليل انه رقاني ورفعني


درجات بس هيكون مين ما اظنش حد من اخواتي ماهو عمرهم مها يمجدوا فيا طب ماما لا مش ممكن دي كل مناها

اتجوز واقعد في البيت طب حد من ولاد الجيران بعيدة ديه طب وبعدين



ما انا ماينفعش اسكت علي موضوع خطير زي ده ده فيه ارواح ناس برده أنا بقول بقي أحولها لقضية كبيرة والحمد الله

الازهر والمفتي في صفي وانا المضرورة هنا وفتوته الاخيرة في صالحي ان مروجي الاشاعات يستحقوا الجلد بس الي

محيرني بقي الفتوي ديه سارية علي كل طوايف الشعب ولا فتوي خاصة بالصحفيين بس هحاول اسال في الموضوع ده





المهم بس أخلي مسئوليتي لا يرجعوا يتهموني بانتحال شخصية وانا بريئة والله

دي مجرد اشاعة ..واسألوا المفتي

الأربعاء، 31 أكتوبر، 2007

دموع و دموع

حتي متي


الام و الام



اوهام و اوهام



أحزان و أحزان



دموع و دموع



حتي متي ياقلبي



الا أجد عندك جواب يشفيني



الا تملك دواءا



ولا عنوانا


ولامكانا


ولا زمانا



الا تملك سوي جراحا


الا تسكب سوي عبرات


ولاتنطق سوي بأنات



قلبي الحبيب



لم أعد أحتمل


حقا


لم أعد أحتمل



أين الحنان


الا تملك غير الحرمان



أين الامان


الا تعرف سوي ضياعا وأحزان



أين يا قلبي الشاطيء


لقد مللت من شاطيء الاحلام



هل سأقضي عمري كله باحثة عن شاطيء الحياة



تائهة بين الامواج



يظللني الغيام



ويحيط بي ريح وحيتان



ويتملكني خوف وتأخذني الاوهام



انتظري




ماذا انتظر ياقلبي



اني اري بصيصا من نور



اين هو



في هذا الاتجاه



ارجوكي انه الامل الاخير لنا



اقتربي



لا تترددي



لعله شاطيء الحياة



اقتربت



وتحركت



وخبا النور



واذا به



سرااااااااااب









مصر