الهي ماعدت أبغي شيئا في هذه الحياة سوي عفوك ورضاك

السبت، 7 يونيو 2008

وانطلق قلبها اليه


انطلقت ضحكاتهما عالية مرحة تعبر عن سعادة قلوبهم وامتزاج أرواحهم وانطلقا يركضان علي الشاطيء يتسابقان بسعادة لا تقدر بمال دون أن يصيبهما تعب أو يقترب من قلوبهم الملل بل تمنا ألا يكون للشاطيء نهاية لتظل قلوبهم متشابكة كما تتشابك أيديهم الا أن لكل شيء نهاية توقفا وجلسا معا علي رمال الشاطيء تداعب أقدامهما الامواج الرقيقة وتنطق عيونهم بسعادة تشهد عليها السماء الصافية والسحب البيضاء والشمس الساطعة شعر بعطشها فاستأذنها لشراء مايرطبان به حلوقهم بقيت بمفردها علي الشاطيء تبحث عن حجارة لتقذفها بعيدا في قلب البحر واذا بصوت يصدر من هاتفها المحمول يعبر عن استقبالها لرسالة سحبت الهاتف وفتحته لتري الرسالة (حبيبتي لقد تحسنت الظروف والاحوال ولم يعد هناك مايمنع لقاءنا لنتوج بحبنا بقية أحلامنا أثق جيداا أنكي لازلت في انتظاري وهاقد عدت منتظر اتصالك) تصلب وجهها الرقيق ومع حركة الجزر للامواج عادت للوراء لتتذكر كم أحبته وكم حلمت بالبقاء بجواره الي الأبد تذكرت اللحظة الأخيرة يوم أن اتصل بها ليخبرها أنه يريدها في موضوع هام عمت الفرحة قلبها وانطلقت السعادة ترفرف علي جوانح صدرها وشعرت أنها اللحظة التي سيتوج فيها حبهما بتيجان الذهب الذي لايلمع الا بهما انطلقت للموعد وقلبها يسبقها ومشاعرها العاشقة تفضحها ما ان وصلت وجلست ونظرت لوجهه المتجمد الذي لايعبر عن ما بداخله حتي انقبض قلبها وتسارعت انفاسها لم تنطق بكلمة وانتظرت أن تستمع وليتها ما سمعت بدأ حواره بشكوي الظروف ولعنتها وأنهاها بقساوة الرحيل والفراق كم أخبرته بأنها تتمني الكفاح معه أن يتقاسما الظروف أن يكتفيا بالموجود ولكنه الطموح وحلم السفر الذي هدم أحلامهما شعرت بدوار عنيف كدوار البحر لم تشعر بنفسها عندما فاقت وجدت نفسها طريحة الفراش باحدي المستشفيات ولسانها لا يردد سوي اسمه وقلبها الذبيح لايحمل سوي ذكريات قصتهما فقدت مرحها حبها للحياة واستسلمت للأقدار الي أن أخبرتها والدتها يوما بقدوم الوافد الجديد لم تمانع وانقادت بلا أفراح لرؤيته وتغير كل شيء لم تكن تحيا من قبل والأن ما أحلي الحياة احتواها علمها أن الحياة تستحق أن نسعد فيها أناس كل همهم اسعادنا سمعت نداءه باسمها فبسرعة البرق حذفت الرسالة وأعادت الهاتف لموضعه وانطلق قلبها اليه

تحياتي
قصة قصيرة

هناك 28 تعليقًا:

حمادة زيدان يقول...

حجزت

التعليق الاولاني

YaQeeN يقول...

جميييييييييييله القصه..

براعه فائقه منك ومش غريب عليكى..


بحييكى يا بطه..

Dr-Ahmed يقول...

قصه جميله .. فعلا ...

اشكرك عليها

Hosam Yahia حسام يحيى يقول...

ماشاء الله قصه جميله


:)

ربنا يوفقك ويزيدك

محمد مارو يقول...

بطه
انتى عارفه انى مش بحب اجامل

اولا القصه بصراحه مش عجبانى
اولا البنوته دى مش حبته اصلا
اولا لان مع اول عريس جه لها و لا كان قلبها عشق و لا دق قبل كده
و ايه المانع ان حبيبها يسافر على شان يحسن احواله هل هو تخلى عنها ؟
هو سافر على شان يحسن الوضع و يعيشها فى مستوى اعلى و لم يتخلى عنها و اول ما تحسنت ظروفه رجع لها ع طول

اذن هى اللى غلطانه و ليس هو
و انا متغاظ اوى من التعليقات اللى عندك دى

۩۝۩ Dr. Flavio ۩۝۩ يقول...

السلام عليكم ورحمة الله

القصه دي جميله بتفكرني بمسلسل تركي كان بييجي علي الام بس سي من فتره بسيطه مع الاختلاف طبعا في الظروف المحيطه بكل قصه

ده مثال رائع لإخلاص الزوجه .. أنا اعتبرت انهم متجوزين مع إنك مذكرتيش ده .. فلم تؤثر عودة الحبيب الأول فيها واستمرت مخلصة لزوجها

تحياتي ليكي وليها

وملحوظه صغنططه تانيه
الضمائر عندك بعضها صحيح وبعضها جانبه الصواب لأنك أتيتي ببعضها في صيغة المثني وهذا صحيح والأخر في صيغة الجمع
يعني مثلا قلوبهم المفروض تبقى قلبيهماأو قلباهما حسب الإعراب وزي أيديهم تبقي أيديهما .. وهكذا
نصيحه مش تنشري قبل ما تراجعي وتجودي اللي بتكتبيه

أنا عارف إني بقيت ضيف تقيل بس اطمني مش هاجي كتير عشان الامتحانات بتخبط علي الباب .. دعواتك بقه

بنت الاسلام يقول...

حمادة زيدان

حجزت ومرجعتش تاني اللهم اجعله خيرررررر

_______________________

ميادة رفعت

تشكري ياست البنات

تشجعيك بيخليني استمر


_____________________

د/احمد فارما


العفو

انا اللي بشكرك للزيارة

Unknown يقول...

قصة جميلة ورائعة
ولكن لكل قلب وحدات للحب ,من العبث ان اجعل الحب كله متجمع في وحدة واحدة او في معظمها ,من الافضل ان اقسمه واعطي لكل شيء اولويته
ستقولين ان الحب ليس بيد احد انه بيد الله ,سأقول نعم ولكن كل انسان بيده ان ينميه ويحدده ويقومه ,
غالبا ما خلصت به من القصة ان ذلك الحب كان حب المراهقين الذي غالبا ماينتهي تلك النهايات
عامة اسلوب رائع للعرض فعلا
وجزاكم الله كل خير

نور جديد يقول...

السلامو عليكوا
بصي يا بطوط طريقة الرواية جميلة وفيها انفعالات جميلة
بس انا مش فاهمة لغاية دلوقتي هي ليه زعلت منه مش هو رجع لها تاني و لا هو عمل حاجة و انا مأخدتش بالي و انا بقرأ
ثانيا احترمت الراجل التاني جدا في انه ظبطها و اعاد لها قلبها المكسور
اخر حاجة بأه بصراحة انا علقت بس عشان انتي بطوط و انا عارفة انك اكيد لكي هدف جميل من القصة بس غير كده مكنتش هعلق بصراحة لأن اصلا هي ليه هي و هو يرتبطوا ببعض من غير رابط شرعي
هي دي قصة في النهاية و انا مش مكبرة الموضوع و الله و لا حاجة بس طالما قصة يبقى بتأثر في البني ادم اللي بيقرأ و عقله الباطن بأه مقولكيش بيشعشع
بس و ممكن حد يفهمك غلط
بس تسلمي و الله الاسلوب رائع بصراحة مكنتش اعرف انك موهوبة

مدحت محمد يقول...

لا بالعكس يامار القصة جميلة جدا

وبجد برافو عليكى يابطة

وعلى فكرة البطلة ليها حق جدا فى اللى عملته

تحياتى

ريمان يقول...

ايه ده يا بطوط

ايه القصص الرائعه دى

بجد جميله جدا جدا ورومانسيه وكلماتها عاجبانى اوىىىىىىىى

استمرى يا قمر

تحياتى ريمان

موناليزا يقول...

ما اجملها من قصة
سلمت يداكى
وفعلا لانبكى على الاطلال او على قلب خائن ولنفتح عقولنا وقلوبنا لاستقبال زائر جديد

غير معرف يقول...

بطة..

أسلوبك جميل ..

رومانسي حالم .

تستخدمين أسلوب الرجوع للخلف ( الفلاش باك ) بإقتدار .

وهو أهم خصائص القصة القصيرة .

أسلوبك بسيط غير معقد ، لكنه عميق يصل لأعمق المشاعر والأحاسيس .

أما عن رأيي في موضوع القصة وتصرف تلك الفتاة :

قديما قالوا من باعك بيعه ، وأيضا هو من تركها ، والعالم دائما لا ينتهي ، خانها بحجة الظروف ، وكان عليها ان تجد الحب الصادق .


رائعة يا بطة .


أخوكِ دائماً نيجــر

بنت الاسلام يقول...

حسام يحيي

اللهم امين

ربنا يوفقنا جميعا

يارب

تحياتي

وشكرا للزيارة

بنت الاسلام يقول...

محمد مارو

مع احترامي لرايك

الا اني مختلفة معاك بشدة

اولا هو ماطلبش منها الانتظار

ماودعهاش علي امل الرجوع

ده سابها وهو مش ضامن هينجح ولا لاء

ولما نجح في طموحه وسفره

قال جمييييييل

اهو اكسب الاتنين

طموحي اتحقق ارجع لحبي بقي

هي مكانتش في اولولياته

لو كان سافر عشانها كان قالها استنيني

كان طمنها انه راجع

هو سافر عشان نفسه

اناني يعني

ومن انانيته عاوز يحصل علي كل حاجة

مش عارف ان الدنيا ماينفعش ليها كل حاجة

مكانش لازم تستناه

وتعيش علي امل راجع ولا لاء

هي وجهت قلبها للي بيسعدها

فسعدت قلبها

وبالتالي سعدت حياتها كلها

تحياتي

بنت الاسلام يقول...

محمود فرج الله

ازاي تقول كدة يادكتور

تقيل ايه بس

بالعكس

بنستفيد منك

وبنتعلم منك

مستخسر فينا نصايحك الحلوة ولا ايه

منتظرين زيارتك باستمرار

بعد الامتحانات

وربنا يوفقك

وسعيدة طبعا ان القصة عجبتك

واوعدك هاخد بنصيحتك

نورتني

تحياتي

بنت الاسلام يقول...

الفاتح الجعفري

وجهة نظر تحترم

نعم الحب وحدات

ولكني متعمدة في رواياتي هذه ان اتحدث عن وحدة معينة من وحدات الحب

الحب العاطفي الرومانسي بين الرجل والمراة


واسعدني اعجابك باسلوب العرض

تحياتي

بنت الاسلام يقول...

Nour-Gedeed

اولا نورتيني ياست البنات كلهم

ثانيا

هو لما سابها ماوعدهاش انه هيرجع سافر لنفسه وتحقيق طموحه ولما حققه قال ارجع لها بقي اكيد لسة مستنياني


ثالثا بقي ياقمر مش عاوزاكي تعلقي عشان انا بطوط ولا غيره لازم لما تعلقي علي حاجة تكون لافتة نظرك وتقولي رايك بصراحة حتي لو كنتي مختلفة معايا قوليه لان ده حقك والحق مايزعلش ابدااا يعني اوعي تعلقي عندي تاني مجاملة ليا ده اللي يزعلني بجد

رابها انا بحاول اكتب قصص من الحياة حواليا والغريب ان بعد ماكتبت القصة ديه ونشرتها لاقيت بنت بتكلمني علي الايميل وبتسالني القصة ديه حقيقية ولا من خيالي قلتلها من خيالي قالتلي كانك بتحكي قصتي بالظبط ولاقت فيها حل لحيرة كانت شغلاها

خامسا مش شرط ابدااا اني اكون متوافقة مع اي رواية او قصة انا بكتبها

لانها لا تعبر عني ولكنها تعبر عن خيالي الذي انقله اليكم

سادسا وده الاهم

انك نورتيني

و

اني احبك في الله

تحياتي

بنت الاسلام يقول...

مدحت محمد

قوله ياسيدي

طبعا معاها حق

تسلم للزيارة

تحياتي

بنت الاسلام يقول...

ريمان

انتي بتشجعيني بجد

لو هستمر

هستمر بفضل تشجيعك ليا

تسلمي ياست الكل

تحياتي

بنت الاسلام يقول...

موناليزا

جميل انك فهمتي مضمون القصة

تسلملي زيارتك

تحياتي

بنت الاسلام يقول...

أحمد سعيد

لا تتخيل طبعا مدي تاثير اطراءك عليا

استاذ بيعطي دفعة امل لتلميذه

وان شاء الله استمر

وطبعا انا معاك ان الحياة لا تتوقف عند انتظار من كان رحيلنا عنه اقوي من قربه لنا

تحياتي

عاشــــــ النقاب ـقــــة"نونو" يقول...

السلام عليكم
جميل بس بعد ما راح القلب عنده
خلاص كدة مفيش كمالة ولا ايه
هستنى
سلم ايدك
تحياتي

احساس لسه حى يقول...

عزيزتى

بجد موضوع جه على الوجع ليه وانا بفكر فيه بقالى مدة طويلة

بس انتى خليتى الحبيب الاول سابها بخاطره وارادته وده طبعا يخليها تمسح الرسالة بكل سهولة

بس عاوز اعرف يا بطة

لو الحبيب الاولانى كان اتقدم ليها وحاول يتجوزها بس ظروفه وظروفها منعت انه يتجوزها

يعنى هو مقصرش وعمل كل اللى يقدر عليه وسابها وهو بيموت فيها

لو بعت الرساله دى

تفتكرى كانت تقدر تمسح الرسالة

كانت هتعمل ايه

ممكن اعرف منك

تحياتى لقلمك الجميل

ومستنى الرد

سلااااااااام

بنت الاسلام يقول...

nonoymm

مش فاهمة تقصدي ايه والله

علي العموم

نورتيني

تحياتي

بنت الاسلام يقول...

احساس لسة حي

اولا نورتني

ثانيا ردي علي سؤالك

اعتقد ان الظروف وضعت حد للقصة اتفرض علي الطرفين وهو

الفراق النهاية الرحيل

كون الظروف اتغيرت وبقت افضل لا يعني ابداا لعودة

خاصة اذا كانت هي ارتبطت بانسان تاني

اعتقد هنا ان المفروض الحبيب الاولاني لايبعث برسالة من اصله لعلمه بارتباطها

في قصتي هنا حاولت اوضح نقطة انه بعت لها الرسالة وهو علي ثقة خاطئة انها في انتظاره وده مش حقيقي

عاوزة ااقول ان احنا احيانا بنحكم علي نفسنا بالنهاية لاننا خسرنا حبيب

مش قادرين نستوعب فكرة اننا ممكن نحيا سعداء ونحب من تاني

ايوة ممكن بكل سهولة تمسح الرسالة لو هي فعلا كانت في حالة سعادة حقيقية مع شخص اخر بيحبها بصدق لانها غصب عنها هتلاقي قلبها بيحاول يسعده زي ماهو بيسعدها

وسعادة القلب معناها انه بيحب

تحياتي

rtrcbh يقول...

بيان رقم 3

وبدأت مسيرة الحملة ولن تتوقف بأذن الله حتى نرى ثمارها

(لغتي هويتي)
إلى كل الايجابيين المشاركين معنا ،إلى كل من تعاطف ورحب بحملتنا ولا يعلم ماذا يفعل حان وقت العمل الواجبات العملية 1- أنظر فى مدونتك التي تكتب بها جيدا وحاول ان تجعلها خالية من الألفاظ الأجنبية الغير مطلوبة ولها بدائل عربية جميلة وكذلك المنتديات وتعليقاتك وردودك على المعلقين لديك وأسمك الذى تظهر به المدونة عند التعليق
2- موضوعك القادم بالمدونة أو المنتدى أن شاء الله يكون باللغة العربية قدرالمستطاع فى نفس المجال الذى تكتب به ولمزيد من نشر الحملة يا حبذا لو كان عن اللغة العربية وهذه بعض المواضيع التي اخترناها لك
0 تاريخ اللغة العربية 0 أثر تحول اللغة العربية إلى العامية على الهوية
0 بلاغة اللغة العربية 0 هذه مصطلحات غير عربية يجب الاستغناء عنها
0 مدى تأثير العربية في اللغات الأخرى 0 طرائف ونوادر في اللغة العربية
0 خواطر وأشعار حول اللغة العربية سواء من مكتوبك أو منقولك

3- هذه المواضيع المطروحة ما هي إلا مجرد أفكار لفتح باب التفكير و لك مطلق الحرية في اختيار مواضيع أخرى متعلقة بالأمر نفسه

4- إن قمت بكتابة موضوع بالفعل في الإطار الخاص بالحملة نرجوا إعلامنا به حتى نضع جميعا الرابط الخاص بالموضوع على المدونات ونجمع روابط كل المواضيع المتصلة بالحملة هنا بالمدونة
[Photo] قم بتفعيل الحملة بنشر الرسالة المتفق عليها لدى كل المدونات التي تعرفها وادعوهم للتفاعل معها وأشرح لهم الأسباب والهدف من الحملة
وفقنا الله جميعا وتقبل الله منا ومنكم صالح الأعمال

ميرا ( وومن ) يقول...

بطوط
سامحيني علي التأخير
بس بجد اية الجمال ده
القصة جميلة جدا واجمل مافيها واقعيتها وبنسمعها كل يوم عن اول حب وجرحة الكبر اللي بيسيبوه فينا وكلمة الظروف الي كتير مبنقدرش معناها بس في النهاية الخيرة فيما اختاره الله
قد تنكسر قلوبنا علي يد من نحب لكن تشاء الظروف ان تندمل جراحها علي يد من احبونا

مصر