الهي ماعدت أبغي شيئا في هذه الحياة سوي عفوك ورضاك

الخميس، 12 يونيو 2008

من بوش لاوباما كله عشان سوسو الغلبانة


لاء وقفة بطل يا اوباما ااقرا واطربني وشجيني وسمعني تعظيم سلام لاباما ولحبيبته
تعهد السيناتور الأمريكي باراك أوباما بضمان تفوق إسرائيل العسكري النوعي في الشرق الأوسط وقدرتها على الدفاع عن نفسها من أية هجمات قد تتعرض لها من غزة إلى طهران، في حال فوزه بالرئاسة الأمريكية في نوفمبر/ تشرين الثاني المقبل ووصف أوباما نفسه بأنه صديق حقيقي لإسرائيل وتعهد بالعمل في حال فوزه بالرئاسة على توقيع مذكرة تفاهم مع إسرائيل تقضي بدعمها بثلاثين مليار دولار خلال السنوات العشر القادمة.
نفسي أعرف ايه الحب ده كله بصراحة بحسدهم علي الحب ده اللي أصبح نادر في الزمن ده بصراحة ياجماعة أنا شايفة اننا لازم نعملهم أسطورة ونسيمها اسطورة الحب الخالدة بين أمريكا واسرائيل وطظ في أي حاجة تانية بقي

وقال أوباما إن السلام يخدم مصلحة أمريكا وإسرائيل ، لكنه شدد على أن أي دولة فلسطينية يجب أن تضمن أمن إسرائيل وأن تبقي عليها دولة يهودية عاصمتها القدس التي يجب أن تظل مدينة موحدة غير مقسمة.
لاء بجد منصف حقيقي قمة الحرية والدفاع عن الحقوق فعلااااااااااا القدس لازمن تستمر عاصمة لدولة اسرائيل الجميلة اللي الفلسطنيين الوحشيييييييييييين بيقولوا قال ايه انها بتاعتهم كدابييييييين هيروحووووا النار لازم ياعم اوباما باشا تقف مع حبيبتك سوسو عشان تكبر وتبقي عروسة حلوة الكل خدامين عندها

وقال إنه لا توجد أي إمكانية للتفاوض مع الإرهابيين ولذا عارض مشاركة حماس في الانتخابات التشريعية خلال عام 2006. وقال إن على الفلسطينيين أن يدركوا أن مساندتهم للمتطرفين لن تجلب عليهم النفع، وإن على مصر أن توقف تهريب الأسلحة إلى غزة
ارهابيين مين بس اللي ممكن يقفوا قدام قصة حبكم لالالا حماس ايه دول وحشين متطرفين عاوزين يعوروا سوسو حبيبتك وسوسو الغلبانة واقفة ضعيفة بتعيط مش عارفة تعملهم ايه لاقتلتلهم طفل ولا هدمتلهم ملك ياحرام دي محتارة تعملهم ايه ولا ايه

وقال "عندما أزور إيباك فإنني بين أصدقاء حقيقيين.. يؤكدون أن العلاقة بين الولايات المتحدة وإسرائيل تتجاوز المصلحة الوطنية وتتجسد في القيم المشتركة التي تجمع البلدين".
ايوووووووون بالظبط هي ديه القيم المشتركة بينكم اللي مفيش زيها قيم مبنية علي اساس القوة...الاغتصاب....المؤامرة....يييييييييه معلش ااقصد قيم الحب والامانة والاخلاص يامعلم ده احنا حتي بنتعلم منكم

وشدد أوباما على تعاطفه مع ضحايا الهولوكست ومعاناة اليهود عبر التاريخ، وقال إن علينا أن نتأكد من أن ألا يتكرر هذا الأمر ثانية أبدا. ...فعلا مش لازم يتكرر ابدااا اما الشرق الاوسط الارهابي العرب الوحشين كل يوم هولوكست وماله

وأكد أوباما على دعمه لإسرائيل في مواجهتها للخطر الإيراني ووصفه بأنه خطر كبير وعظيم نتيجة لوجود رئيس يريد مسح إسرائيل من الخريطة. وقال "سوف أفعل كل ما يمكنني أو أي شيء لمنع إيران من امتلاك سلاح نووي".
لاء حقك يامعلم محدش ابدا يقدر يهدد سوسو وانت عايش سوسو معاها نووي هيييييييييه كوريا معاها نووي هيييييييييه ايران بتفكر يبقي معاها نووي نووووووووو سوسو كشت وخافت وانت مش قادر علي زعلها تخاصمك

وفيما يتعلق بحزب الله، وصفه أوباما بأنه منظمة إرهابية . وقال إنه لن ينسى الجنديين الإسرائيليين المحتجزين لدى الحزب. وتعهد بإعادة الجنديين اللذين سبقا احتجازهما حرب عام 2006بين اسرائيل وحزب الله.
لاء شهم بجد رجووووولة انسااااانية ومابتنساش تارك الاتنين في بالك لكن المجازر اللي حصلت في لبنان فدا سوسو بص من الاخر الدنيا كلها فدا سوسو ياولاد

وقد اثارت تصريحات اوباما غضب الفلسطينيين، حيث رفضها الرئيس الفلسطيني محمود عباس وكرر المطلب الفلسطيني بأن تكون القدس الشرقية عاصمة للدولة الفلسطينية في المستقبل. وقال عباس للصحفيين في رام الله "هذا الكلام مرفوض جملة وتفصيلا."
يا أبو ميزو جت علي القدس الكلام كله بتاع اوباما حلو يعني معلش لازم عشان خاطر عيون سوسو كلنا عشان نعيش لازم نرضيها نرفع ايدينا بقي وبعلو صوتنا نقووووووول القدس عاصمة سوسو والمسجد الاقصي هدية مننا ليهم

مقال حرق لي دمي وفجر لي موهبي وخلاني اعيط علي سوسو عيطوا معايا بقي

هناك 22 تعليقًا:

غير معرف يقول...

Yugs, daw nabasahan ko naman ni sa iban nga blog?

Ashrf يقول...


امممم
سوسو حبيبتى الخاينه نعمل كده مع اوباما صاحبى
معقوله حبيبى وصاحبتى
طب يخونها الكوشرى اللى كنت بطفحه لاهلها
وهو الندل
العرب لازم ياخدوا موقف
اه موقف
احنا طول عمرنا رجاله وبناخد مواقف ملهاش علاقه بالمرجله
فلنندد
ولنشجب
ولندين
اما انا فالحق اقول لكم
ساضجع على سريرى
ابكى على محبوبتى
واغطى نفسى بملائتى
اغطى بها حتى جبهتى
فلا اطيق ولاتذكر القصيده التى لطالما رددتها بعد قائلها فاروق جويده
اخيرا
يقول الدم العربى
تساويت والماء
اصبحت لا لون
لا طعم
لا رائحه
اسيل
اسيل فلا تتداعى ورائى اشجار النخيل
اسيل

محمد مارو يقول...

عجبتنى اوى اوى اوى الفكره

بجد رائعه

مدحت محمد يقول...

يابنتى احنا مش مستنين من امريكا انها تجيب سيدنا عمر ابن الخطاب

عشان يدافع عننا

ولازم كل واحد مننا يبدأ من نفسه

صدقينى تحرير امتنا من الاستعباد

اننا نحس انى لينا كرامة

ومش هنشحت من حد حريتنا وحقنا

اوباما زى غيره

حسن مدني يقول...

يجب أن نعلم جميعا أن كل من سيأتي إلى كرسي البيت الأبيض، سيكون حريصا على أمن الكيان الإسرائيلي ربما أكثر من أمن أمريكا ذاتها..
إن هذا الربط أقرب إلى معاملة الكيان الإسرائيلي كولاية أمريكية. إنها مسألة عقيدة وليست فقط مصالح

تحياتي

Unknown يقول...

السلام عليكم ورحمة الله وبركاته
هو ده طبيعي وليس بالغريب ولا المستغرب ,بل الغريب عكس ذلك ,ويضمن كما يضمن فأن ضمن الامان لبلاده يضمنه لغيرها ,ثم كل هذا من المبشرات لان اسرائيل تستشعر بقرب نهايتها وبدنوا اجلها فتفعل كل ذلك وتحاول وتقاتل
والله غالب علي امره
وجزاكم الله كل خير

حمادة زيدان يقول...

بطوطة

والله انا مش مستغرب كتير لتصاريحاته . لازم أمريكا ورؤسائها وحكومتها تبقي في خدمة الدولة الصهيونية ...

اللي انا مستغربلوا بجد حب العرب الكبير للمدعوا أوباما للدرجة اللي خليتهم يعملوا جروبات تأيد ع النت

اللي يعيش يا ما يشوف صحيح

إسلام هجرس يقول...

أشكرك على المقال
وأرى بصراحة أن محمود عباس قد نضعه في سلة واحدة مع أوباما
حتى لو تظاهر بالوطنية
فتاريخه هو ومن معه معروف
...
بالمناسبة
مش قادر اعيط على سوسو
ممكن حضرتك تقومي بالدور ده بدالي
:)

نور جديد يقول...

hallozzzzzz
ده بمناسبة عمنا اوباما
ربنا يبعتله دبانة رخمة يارب
المهم يا بطوط و الله انا معنديش تعليق سياسي معين لأني غالبا لا اجيد التحليلات السياسية
بس اللي انا متأكدة منه ان خلاص هي بتضلم اكترررررررر
يعني الصبح بيقرب ان شاء الله
اللهم نصرك الذي وعدت

بنت الاسلام يقول...

اشرف


تصوير وارد لاحداث مؤلمة

وما اصدق كلمات فاروق جويدة

تحياتي

بنت الاسلام يقول...

محمد مارو

جميل انها عجبتك

تحياتي

بنت الاسلام يقول...

مدحت محمد

متفقة معاك تماما

ان اوباما زي غيره

وربما العن

بنت الاسلام يقول...

حسن مدني

هو ده عقيدة

لن يرضي عنهم الرب

الا

بعد احتوائهم وحبهم ونصرتهم لاسرائيل


عقااااااااائدي اذن

بنت الاسلام يقول...

الفاتح الجعفري

كون ان اسرائيل تشعر بنهايتها ديه

اشك

دي كل يوم بتشعر بتفوقها وقوتها

وضعفنا

تحياتي

بنت الاسلام يقول...

حمادة زيدان

بصراحة ربنا

مع العرب مفيش مستحيل

ومش هتقدر تغمض عنيك

تحياتي

بنت الاسلام يقول...

اسلام هجرس

لالالا

كدة سوسو تزعل وتاخد علي خاطرها

تعالي علي نفسك وعيط بقي

تحياتي

بنت الاسلام يقول...

نور جديد

المهم انك نورتيني

وان شاء الله نقابل الضلمة

بنووووووووور

تحياتي

Unknown يقول...

يا سلاااام هو في زي سوسو ولا في اد سوسو و اخلاق سوسو و حنيتها و حسن جوارها

دي من كتر اخلاقها زي تساهم في حل ازمة الغذاء و الزياده السكنيه انها تموت كل شويه كام الف عربي علشان الزحمه تقل

هاتفضل اسرائيل طفلة امريكا المدللـه و كا رئيس هايكون الن من الي قابله لانه هايحاول يرضيها اكتر

بوست مميز

تحياتي

Unknown يقول...

اسرائيل ولاية امريكية فى الشرق الاوسط وما ينفعش اوباما يقول سوف ارعى نيويورك ولن اهتم بشيكاغو وللا اييييييييه؟؟؟ بس العيب على اللى سابوها تبقى ولاية امريكية منهم لله

بنت الاسلام يقول...

emy

وفاء نادر يابنتي


حب بقي

تحياتي

بنت الاسلام يقول...

enjy

تقصدي بمييين بقي ان العيب عليهم

لالالا

اوعي تكوني لاسمح الله بتقصدي

ملوك الفول والطعمية

ااقصد ملوك العرب

لالا عيب

دول ابطال

في الشجب والاستنكار

و

هذا يكفي

Unknown يقول...

الاخت الفاضلة

انا معك من اوباما لبوش يقلب لا تحزن

لن ينفع العرب غير العرب

لن يعيد حقوقنا الينا غيرنا

لن تسلم اسرائيل بحقوقنا الى تحت ضغط

القوة والسلاح

لا الاستسلام والسلام والمهادنة كلها

مرادف لضياع الحقوق والوقت لتنسا القضية

مصر