الهي ماعدت أبغي شيئا في هذه الحياة سوي عفوك ورضاك

الخميس، 1 نوفمبر، 2007

دي مجرد اشاعة ...واسألوا المفتي

في اشاعة الناس مطلعينها عليا مضيقاني قوي قوي وللاسف اشاعة لزقة بقي همووت واعرف مين الي مطلعها في

الرايحة والجاية عم نادي البواب ومراته يقولوا الدكتورة راحت الدكتورة جت اهلا يادكتورة خدي وصل النت يادكتورة

بتاع الرخام جه وانتوا مش موجودين يادكتورة ده علي العبدة لله طبعا منين بقي جابوا اني دكتورة ودكتورة في ايه بالظبط

كل خوفي لايجيبلي الواد صابر ابنه في نص الليل سخن ولا بيرجع ويقولي اكشفي عليه يادكتورة ساعتها بقي هعمل ايه

انا مش هقدر اصدمه طبعا وااقوله الحقيقة يرجع يسخن ويحتاج كشف هو كمان طبعا اي حد مكاني هيفرح بالاشاعة

ومش بعيد يسوق فيها ويشتريله سماعة ويعملوا روشتات ويوصف دوا كمان ويعيش الدور وربنا يستر ومايفتحلوش عيادة

فكرت كتير في موضوع الاشاعة ديه وعمالة افكر مين وراها مين بقول اكيد حد بيحبني جداا بدليل انه رقاني ورفعني


درجات بس هيكون مين ما اظنش حد من اخواتي ماهو عمرهم مها يمجدوا فيا طب ماما لا مش ممكن دي كل مناها

اتجوز واقعد في البيت طب حد من ولاد الجيران بعيدة ديه طب وبعدين



ما انا ماينفعش اسكت علي موضوع خطير زي ده ده فيه ارواح ناس برده أنا بقول بقي أحولها لقضية كبيرة والحمد الله

الازهر والمفتي في صفي وانا المضرورة هنا وفتوته الاخيرة في صالحي ان مروجي الاشاعات يستحقوا الجلد بس الي

محيرني بقي الفتوي ديه سارية علي كل طوايف الشعب ولا فتوي خاصة بالصحفيين بس هحاول اسال في الموضوع ده





المهم بس أخلي مسئوليتي لا يرجعوا يتهموني بانتحال شخصية وانا بريئة والله

دي مجرد اشاعة ..واسألوا المفتي

هناك 35 تعليقًا:

غير معرف يقول...

بطة
أول مرة أعرف ان في إشاعة كده عليكي
لكن المثل بيقول الصيت ولا الغني
وبعدين شيدي حيلك
ومتبقاش إشاعة
تبقي حقيقة
وتبقي الدكتورة فعلا
وكيميائية قد الدنيا
جارتك
وبحب لك الخير

غير معرف يقول...

اختى بطة
السلام عليكم ورحمة الله وبركاته
طبعا مروجوا الاشاعات فى هذا الزمن كتير جدا
ويستحقوا فعلا الجلد
وهناك كذابين ودجالين
يفتروا على الناس الكذب ويروجوا الاشاعات

وبعدين انتى يابطة
بعقلك وتفكيرك
احسن من ستين دكتورة
مع كامل احترامى طبعا للدكاترة كلهم

مع تمنياتى بالتالق دائما
اخوكى
صلاح شنان

ريهام يقول...

حلو يابطوط البوست الجديد ده بس اشاعه حلوة احمدى ربنا انهم مش قالوا انك المعلمه بطه ولا عملوكى ارهابيه كويس انها جت على دكتورة وبعدين احنا اصلا بلد الاشاعات نموووووووت فى القيل والقال عادى يابطوط كبرى دماغك

EmY يقول...

انا يا دكتوره رأي نجلد البواب 187 جلده لحد ما يعترف

هشام رمضان يقول...

على رأي ريهام .. كويس انها جت على اد الدكترة .. مش احسن ميعملوكي مدونة عايزة تقلب نظام الحكم و الكلام الكبير ده .. ! يلا سلام

sahr يقول...

الله اشاعة حلوة اوي
طيب ايه السبب في الاشاعة دي
اكيد انتي عملتي حاجة؟

بنت الاسلام يقول...

رغدة

اهو الي حصل بقي

قلبي بيقولي انك ورا الاشاعة ديه ياجميل


هبلغ المفتي

بنت الاسلام يقول...

اخي الغالي صلاح شنان

فعلا الاشاعات بقت ماشية في البلد زي الكوسة تمام

والف شكر علي كل المديح ده

انا ما استحقش ده كله

ربنا يكرمك

تحياتي

بنت الاسلام يقول...

ريهام

نكبر يا باشا

بنت الاسلام يقول...

ايمي

ننظر في امر الجلد


علم

وسينفذ

بنت الاسلام يقول...

هشام رمضان

علي رايك

احسن بكتيررر

بنت الاسلام يقول...

ساهر


والله ما عملت حاجة يابيه

بررررريئة

عمر الشرقاوى يقول...

عزيزتى طه فيه اناس يطلق عليهم لقب دكتور وهو لم يحصل على شهاده البكالريوس اصلا طيب انا اعرف دكتور حاصل على الاعداديه بس مش هاتصدقيها كل ما فى الامر انه كان شغال مع دكاتره وتعلم منهم ومعظم الناس تقلو يادكتور طيب تعرفى هاله سرحان بيقولو انها دكتوره وهى محصلتش الموهل العالى ثم عايز اعرف هى دكتوره فى ايه طيب عارفه الدكتور محمد عبد الوهاب الكات والمفكر هو مش دكتور لكن دايما ينادوه بدكتور حتى الكجله اللى بيكتب فيها بتطلق لقب دكتور عليه ليه مش عارف
بطه انتى فعلا دكتوره انا امنحك ذلك اللقب لانك تعبى عن حاله الشعب واللى يعبر عن حاله الشعب يبقى دكتور
قبل كده كت فهمى هويدى عن الناس اللى بيقوللهم دكاتره وهما محصلوهاش زى كمال الشاذلى شهادته الاصليه دبلوم تجاره لكن الناس تقول عليه دكتور حكمتك يامصباح بيه

بنت الاسلام يقول...

عمر الشرقاوي

بس لا اصدق

بجد

تحياتي

simple girl.. ..simple dream يقول...

الزميله الدكتورة بطة
هاهاهاها
والله وبئينا زمايل يا بطوط
بس انا اللقب ماعمليش القلق اللى معمول عشانك دة
صحيح ناس صحابى بيكلمونى فى التليفون ساعات ياخدوا استشارة
بس كله بثوايه
على العموم انا شايفة ان اللقب لايق عليكى
وانا لو منك
هسوء فيها طبعا

Monzer يقول...

شكلك كده
شاكه فى حد معين
وعاوزة تقيمى عليه فتوة ألا إمام واللا أكبر

بس معلش
مش اي حد يتفصله فتاوى

خايف اللا إمام واللا اكبر يصدر ليكى فتوة، انك بتشبهى نفسك بالريس

أعوذ بالله من ده شعب

هو الى مبهدلنا .. هو
هو الى مروقنا .. هو
حسنى يا حسنى
حسنى يا حسينى

سامحوها ماتعرفش ولا تعلمش

بنت الاسلام يقول...

دكتورتنا الجميلة شاهي

وسعي بقي من هنا


هنسوق فيها


وشكلنا كدة هنقطع علي بعض

بنت الاسلام يقول...

منذر

مش بقولك شاعر

انا علي فكرة برشحك لقيادة حملة الانتاخابات الرئاسية الجاية

لاونكل جيمي حبيبنا

واطمن المفتي معاك

حبة حاجات (ايمان) يقول...

معلش بقى انتى عارفه ضريبة الشهره

ههههههههه بجد عجبتنى مدونتك ومن وقت للتانى هتابعها

تحياتى ليكي يا دكتوره

Mohamed_sobhy84 يقول...

طب انا عندي جيوب انفيه يا دكتوره تعباني بقالها سنتين
متعرفيش وصفه حلوه كده ليها ؟.؟؟ظ

بنت الاسلام يقول...

محمد صبحي


خد بالك من الروشتة ديه

بصلتبن تفلقهم علي الصبح

وتشم فيهم

كله هيبقي تمام

هستني زيارتك

الاسبوع الجاي

اعادة كشف

بنت الاسلام يقول...

ايمان

تسلمي ياقمر

تنوري


كشفك مجانا بقي

عجبتيني

أحمد سعيد يقول...

اقلك يا بطه..

تلاقيه عايز يجوزك دكتور

دكتور بيحب ان مراته دكتوره

بس انا خايف انتِ تصدقى

وتكشفى على نفسك

وتكتبى لنفسك العلاااج

والله يرحمك يا بطوطه

هههههههههههه

تسلمى يا قمر على الموضوع

أخوكِ..نيجــر

هيثم الغيتاوى يقول...

ما بلاش سيرة الدكاتره اليومين دول بالذات يافاطمه
ابوس ايدك
وبعدين ياستى انا اعرف دكاترة صغنططتين خالص مالص عايزين يحولو كلية الاعلام

طبعا عارفه ليه؟؟
هههههههههههههههه

الا صحيح يا دكتورة تنصحيهم بايه؟؟
انا عن نفسى هددتهم بالضرب لو جابو السيرة دى تانى
ايه رايك؟؟

نخليهم يدخلو اعلام واهو يبقى زيتنا فى دقيقنا ولا ايه النظام؟؟
ادعيلى يافاطمه
ربنا يرحمنى من التوهه دى

يارب

hekaytna يقول...

ياريتني مكانك وانا كنت عيشت في الدور وعملت دكتور بجد واهو الواحد يقلب ليه قرشين بدال الواحد ماهو عاطل كده بس المهم الواد صابر مالوش زنب غير انه مصري غلبان بجد بوست جامد

بنت الاسلام يقول...

احمد سعيد

تفتكر ممكن ده يحصل

ربنا يستر

بنت الاسلام يقول...

هيثم الغيتاوي


يارب ياهيثم


يارب

يرحمنا جميعا

بنت الاسلام يقول...

حكايتنا

تشكر ياعلاء


هقلب قرشين

ونقسمهم بينا

عارفة حالتك تصعب علي الكافر

اهو نساعد بعض

محمد مارو يقول...

بطه فى ايه؟
اولا ده لقب و من حئك انتى من من حق حد تانى
انتى فعلا مسجله ماجستير و ان شاء الله هتخديه كده يبئه اللقب رسمى
لكن اخوانا الاطباء هذا اللقب ليس من حقهم خالص
هو اللى معاه ماجستير طب اسمه دكتور ؟
لا اسمه طبيب بس
و مش اى لقب تانى احنا اللى بحب نهول شويه
كمان ايه حاياان الواحد يفرح دى ؟
هو اى واحد حد يفتكره طبيب هيفررح
عادى جدا الطبيب زى المهندس ز المدرس زى الكيميائى كل واحد بيقدم اللى بيحبه مش اكتر

بنت الاسلام يقول...

محمد مارو


انا معاك طبعا

بس انا هدفي من كتابة البوست ده اصلا بعيد عن الاشاعة نفسها

هدفي هو الحكم علي مروج الاشاعة

واسالوا المفتي

shams يقول...

اية يا دكتورة بس بتنكري شخصيتك على النت لية ههههههههههه
لا يا جماعة دي اشاعة

بنت الاسلام يقول...

شمس

اهو بننكرها بقي زي ما انت عارف الشهرة وحشة بقي

والكشوفات المجانية هترف

وانت عارف الحالة المادية ماتستحملش مجانا

ابداااا

حمادة زيدان يقول...

والله يا بطوط إشاعة انك دكتورة كويسة أوى ,,,, والله انا فرحتلك أوى يا دكتور , وأنا عن نفسي هابدأ بترويج الإشاعة عالمدونات , يعني هاقول الدكتورة بطة راحت الدكتورة بطة جت , وياللا ربنا يكرمنا ونكسب ثواب في المرضى إللي نوايين يزوروكي ...
ههههههههههههههههههههههههههه
ربنا يوفقك ويجعلك دكتورة بجد وبحق وحقيقي
أخوكي
حمادة زيدان

بنت الاسلام يقول...

مكانش العشم يازيدان


عرفت دلوقتي من ورا الاشاعة


الصعايدة

هبلغ الدهاشنة عنك يا زيدان

ويا التار يا العار بقي

صانعة الحرية يقول...

ههههههههههههههه
ازيك يا دكتوره وحشانى والله
بس بلاش المفتى
انا لااثق فى فتوته

مش عاوزاكى تزعلى منى
انا مقصره جدا معاكى والله
بس بجد مشغوله جدا اليومين دول

مصر