الهي ماعدت أبغي شيئا في هذه الحياة سوي عفوك ورضاك

الخميس، 15 نوفمبر 2007

ارحموا طلاب الجامعة....ارحموووووووهم.....يرحمكم الله

لو اعتبرته ابنك ياتري كان ممكن تعامله بالشكل ده مهما كان خطأه ياتري؟؟؟؟؟؟؟؟؟؟؟؟؟؟؟؟؟
ليه وعشان ايه يكون ده مصيري ...حد يقدر يقولي ليه؟؟؟؟؟؟؟؟؟؟؟؟؟؟؟؟؟؟؟؟؟؟



أول ما صحيت الصبح وفتحت الايميل لاقيت خبر وصلني من دكتور زهران

اعتقال طالب بهندسة المنصورة من سكنه الساعة 2 صباحا ولا حول ولا قوة الا بالله

وبعدها بمدة بسيطة لاقيته وصلني تاني من شمس الزناتي


وقفت قدامه كتير الخبر ده وحسيت بانقباض غريب في ايه يابطة الخبر مش جديد ماكل

يوم بتسمعيه مرة في اسكندرية ومرة في الغربية ومرة في القاهرة ايه الجديد يعني


لكن حبيت أكتب عن رؤيتي للموضوع ازاي من البداية


طلاب الاخوان بالجامعة بقول ايه طلااااااااااااب أنا كنت في الجامعة كانت الرسالة والدعوة

دعوة حب وسلام دعوة اخوة وروح جميلة مع الجميع من أول العاملة البسيطة لعميد الكلية نفسه

أنا بحكي عن واقع أنا عيشته ومريت بيه وكنت طرف فيه ماكانش في قاموسنا أبدااا

كلمة عنف وتدمير كانت قلوبنا دايما مسامحة وصبورة ومتحملة وبشوشة وأنا من هنا بسألهم


ايه الي حصل لكم يا اخواتي ايه.. ماكانتش دي دعوتنا ابدااا؟؟؟؟

عارفة هتقولولي ده حقنا ياأختي بندافع عنه بندور عليه بنحاول نحصل عليه ....هقولكم .
.. يا اخواتي مش كدة


عارفة انه حقكم وعارفة انكم مظلومين ومهدور حقكم ...لكن تفتكروا انكم بالعنف هتقدروا تحصلوا عليه

أرجوكم فكروا بعقلكم ...وارجعوا تاني لرسالة الحب ...الي بسببها كان الاخوان....وفضل الاخوان
...وهيفضلوا


دي كانت كلمة مني لاخواتي الي بحبهم وهفضل احبهم


أكمل ممكن


كلمة مني تانية للحزب الوطني ...حزب الاغلبية...خلاص أعلنتوها حرب علي الاخوان

والاخوان للاسف دخلت عليهم لعبتكم وجاروكم فيها عاوزين تحاربوا حاربوا زي ما انتم عاوزين
لكن أرجوكم حرام طلاب الجامعة


دول عيال انتم مش عندكم عيال بتحبوهم وبتخافوا علي مستقبلهم

طلاب الجامعة كلهم مهما كان انتماؤهم هما ولادكم أنا ضد العنف من أي جهة

وخصوصا العنف داخل الحرم الجامعي والي بيستخدم أسلوب العنف من حقه عقاب لكن عقاب عادل عقاب أب لابنه

مش عقاب جلاد لمجرم قاتل ابدااا ...حرام الشباب دول الي أكبر واحد فيهم ماعداش العشرين سنة

تهجموا عليه في بيته...زائر الفجر...ترعبوه وترعبوا اهله واخواته الصغيرين وكأي مجرم ارهابي

تفتشوا بيته وتصادروا ممتلكاته وفي معتقلات مرعبة ترموه ومن دراسته تحرموه

ومن امتحاناته تمنعوه مش كفاية حقه أهدرتوه وبانسانيته لاغتوه وبقوتكم وجباروتكم ذلتوه


فين الرحمة الي بتسبق العدل فين ؟؟؟ فاكرين ان بحبسكم ليه وبذلكم فيه هتأدبوه هتنسوه حقه ابدااا بالعكس


مش ممكن ينسي ينسي دموعه ازاي ينسي دموع أهله ازاي ينسي مستقبله الي بيضيع ازاي


هيخرج اما معاند اكتر واما يتحول لوحش واما هيرجع تاني انسان لكن ميت بلاروح ولاهدف ولاحياة



أرجوكم


ارحموا طلاب الجامعة


ارحموووووووووووهم


يرحمكم الله



وللحديث بقية




هناك 37 تعليقًا:

غير معرف يقول...

فعلا والله يا استاذ احنا محتاجين
احنا غلابة
نعم طلاب الجامعة هى اهم شريحة فى مصر ومع ذلك بيحصل كل ده في الطلاب لانهم بيخافوا منهم فعلا

هيثم الغيتاوي يقول...

على الرغم من انهم عارفين ان اول سمات شباب يمر بهذة المرحله العمريه .. هى العناد فعلا
الا ان غباؤهم يدفعهم للعناد معهم كالاطفال تماما
!!!!!!!!!!!
حقيقى مش فاهم ايه ماركة العقول دى؟؟
هل يعتقدو مثلا انهم لو سابو شوية طلبه بشوية مظاهرات ومجلات حائط ساذجه وبعض اللافتات المصلوبه على الحوائط بلا حول ولا ادنى قوة
؛؛هل يعتقدون ان فى تركهم خطر كبير
هل البلد هتتسرق منهم
؟
عيال غلابه
وكل واحد بيقف فى ىالمظاهرة فى عز الشمس ويمكن متلاقيش فى جيبه اتنين تلاته جنيه يفطر بيهم!!!
بتحاربو مين يا مصنع الغباء؟؟
===========
فقط اذكر هتافا مناسبا كنت اصرخ به مع صديقى على الفيل ايام ماكنت لسه هيثم!!! امام محكمة جنوب القاهرة الملاصقه لمديرية الامن ايام محاكمات ايمن نور
؛؛وسط جيوش غلابة واكرر غلابة الامن المركزى كان يتمخطر امامنا السيد اللواء نبيل العزبى فى بدلته المدنيه رايح جاى عينه فى عنينا
اتذكر حتى لونها البيج
؛؛عزبى بيه يا عزبى بيه كل العسكر دى على ايه احنا فى حرب ولا ايه ؟
============
ايه اللى حصل بقه
اترقى العزبى
بقه محافظ اسيوط بعدها بكام شهر
!!!!!!!!!!!

الغباء فى بلدنا اصبح وصيلة ترقى
ييووووووووه يافاطمه
وجعتى دماغى بالمواجع القديمه والجديده
ربنا يسامحك
وعقبال ما يرقوكى انتى كمان
وتبقى باتشاويش مدون
!!!!!!!!!!!!

محمد مارو يقول...

الله يرحمنا جميعا
بس عندى حاجه عاوز اعرفها ؟
هو انتى بتسيحى للى بيبعت لكى اوف لاين؟
انا مش هبعت لكى حاجه تانى ياختى انا مالى

محمد على ..هي كده يقول...

بجد انا شوية مختلف معاكى فى اللى بتقوليه


لسه دعواتنا يا اختى دعوة حب وود

بس مش الحب والموده تعنى لما واحد يضربنى باقلم اضحك فى وشه واقوله كمان واحد

مش كده ابداااا يعنى لو ردت عليه القلم قلم يبقى ده عنف وارهاب وكده

يا اختى لا طبعااااا

حرام علينا نعمل كده فى طلاب الاخوان

هما هيلحقوا علينا ولا علينا

كما قال الامام الشهيد
فليعلم قومنا انهم احب الناس الينا

محمد جمعه يقول...

بسم الله
بارك الله فيكى
نعم ما يحدث فى الجامعة الآن ليس بغريب
حضرتك زكرتى ان ايام مأنتى كنتى فى الجامعة كان اسلوبكم مختلف بالحب وليس العنف

حضرتك من الا بيعمل العنف
هل هما طلابة الاخوان واى تيار اخر ولا الطلابة الا مجندنهم الامن
لالالا
ومش باقول
لالالا
من فراغ زى محضرتك عشتى الفتره دى

انا عشت
المرحلتين أو الأسلوبين الا كانت سياسة الامن بتعامل بيهم الطالبة
الا بيعمل العنف مش طلاب اطلاقا
دول بلطجية
رد سجون يعنى
يا اختى وانا بقرأ البوست ده راجعت بى الذكريات لما رايته بعينى عنى اول اجتماع لطلاب الاتحاد الحر
وما رايناه من عرابات امن
تحمل ماذا
هل تحمل جنود
هل تحمل مخبرين
لالا
بل تحمل اقسم بالله رجال يشبهون السفاحين
يا أختى ثقى فى اخوانك
فكلهم على ما اعتقد تربوا فى مدرسة واحدة انها مدرسة البنا
وانا واثق ان منهجه احسن بنائهم

وللتوضيح بقية
ولاكن
إستمرى بارك الله فى امثالك

محمد جمعه يقول...
أزال أحد مشرفي المدونة هذا التعليق.
غير معرف يقول...

إزيك يافاطمة

أخبارك إيه

كلامك عن طلاب الجامعه مؤثر جدا ياريت يوصل لكل واحد بيظلم بس يحس بيه قبل مايقرأه أو يسمعه
فجزاكى الله خيرا

لكن أنا معترضه أو (مش فاهمه) إيه العنف اللى فى طلبه الإخوان يافاطمة أى عنف تقصدى هما اللى بيعملوا العنف
دا أبسط الحقوق مسلوبين منها لا أسر ولا إتحاد وفصل وشطب وكل دا الناس سلوكها حسن جدا وعمرى ماسمعت عنهم شىء يمسهم

أنا مع أخونا محمدعلى إن لو حصل عنف مش بيكون منهم وأبسطها العام الماضى فى الكليه يافاطمة لما قالوا إن ولاد الإخوان إعتدوا على الامن بالضرب مع إن الامن اللى بدأ فى الأول فالطبيعى إن لكل فعل رد فعل

أخونا هيثم الغتاوى أنا كان ليا تعليق على كلام حضرتك اللى بتقول فيه ((
هل يعتقدو مثلا انهم لو سابو شوية طلبه بشوية مظاهرات ومجلات حائط ساذجه وبعض اللافتات المصلوبه على الحوائط بلا حول ولا ادنى قوة
؛؛هل يعتقدون ان فى تركهم خطر كبير))
مجلات الحائط اللى بتعمل ياأخى ليست بساذجة وإلا ماحوربت وكذلك المظاهرات
لانها المفروض لها هدف يوصل للناس ويأثر فيهم ويغير تفكيرهم سواء المجلات أو المظاهرات أو أى عمل
هما مش شايفين إنه هايكون خطر على البلد هما شايفين أنه خطر على كراسيهم
وإنه ممكن يفوق ناس والبلد تصحح والناس لاقدر الله يبقى عندهم إيجابيه

وجزاكم الله خيرا

Unknown يقول...

اختى الفاضلة بطة تناول رائع للموضوع ولكن اسمحى لى ببعض الملاحظات:

اولا دعوةالاخوان ستظل دعوة الحب والعدل والاحترام كما اسسها الامام البنا ولم ولت تتحول ابدا الا دعوة عنف كما يرج المرجفون من اذناب الحكم او الامن

ثانيا: مايحدث لطلاب الجامعة هو جزء مما يحدث فى كل مصر الحزن الحاكم عرف انه ليس له اى مشروعية ولا تواجد ولا اى وسيلة من وسائل الحكم سوى عصا الامن
ودى وسيلتة الوحيدة فى مواجهة اى مصلح او معترض
ولما حب الحزن دا يثبت ان له تواج اختار مكان محدود جغرافيا وزمانا وعددا وظروفا لكى يفرض عليه سطوته
وطبعا الوضع دا مش متوفر غير فى الجامعة
طيب طلاب الجامعة اكتر ناس قرفانين من الحزب والحكومة يبقى يعملوا ايه معاهم؟
حواوا الجامعات يا اختى لمعسكرات امن ويكفى ان تعلمى ان احدى واكبر الجامعات فى مصر وهى جامعة عين شمس يراسها الان ابن اسوأ واقذر واسفل وزير داخلية فى تارخنا طبعا عارفينه الوزير البذىء زكى بدر
ابنه الان رئيس جامعة عين شمس وكل مؤهلاتهانه بلطجى ومخبر امن لذلك حدث ما حدث فى جامعته خلال العام الحالى والسابق

ثالثا: انا كمان كنت فى الجامعة وكنت طال اخوانى فى الاتحاد لكن فى زمن الحب الجميل لما كان امن الدولة مالوش كل السلطة دى فى الجامعة كانت علاقتنا طيبة بكل الناس طلاب وادارة وحرس وعاملين واداريين وكان كل دول بيحضروا حفلاتنا وانشطتنا وبيفرحوا بيها وبيهنونا عليها طيب ايه حصل؟؟؟
البداية كانت ظهور اسر سى جيمى اللى هى اسر المستقبل اللى حاولوا يعملوها جناح للحزب الفاشل داخل الجامعة وبدا فرضها بالقوة والامن

رابعا لكى ان نعلمى ان طلاب الاخوان دائما فى موقف رد الفعل وليس الفعل حتى لو تمت بعض التجاوزات فى رد فعلهم الذى يشوه اكيد من قبل الاعلام المزور ، فيجب بداية ان نلوم صاحب الفعل وليس صاحب رد الفعل
انا طولت وجالى تليفون حالا ان الامن بيدور على لان هناك بلاغ كاذب انى هاعمل بلبلة فى صلاة الجمعة مضطر اقفل وللحديث بقية

رانيا الجبالي يقول...

بصرف النظر عن الاخوان والكلام عنهم او اهدافهم او سياستهم انا معاكي في كلامك عن اللي بيحصل دلوقتي لطلاب الجامعه وللاسف هم عاوزين طلاب الجامعه سلبين ودايما محبوسين جوه فكرهم وبس واذا حاولوا يخرجوا من القفص ده يدخلوا قفص تاني مفيهوش فكر خالص

سارة يقول...

والله يابطة

البلد كلها بتئن
الناس كلها تعبانة
ربنا يرحمهم بقى ويرحمونا

بنت الاسلام يقول...

بعلو الصوت

ربنا يصلح الاحوال

واهو بندعلكم

بنت الاسلام يقول...

هيثم الغيتاوي

ان شاء الله هترقي ياهيثم

ابقي اتبني الدفاع عني في جريدتكم بقي

يا سلطتنا الرابعة

بنت الاسلام يقول...

محمد مارو

اه بصيح واحترس مني بقي

الدور عليك

بنت الاسلام يقول...

محمد علي هو كدة

كما قال الامام الشهيد
فليعلم قومنا انهم احب الناس الينا

انا بس عاوزة أسألك يامحمد هو حرس الجامعة دول ....مش قومنا

لما نعاديهم ونكسر بوابات الجامعة ونستخدم اسلوب العنف تبقي هي ديه دعوة حب

دعوة الحب انك تحصل علي حقك اه ولكن بشرف ورفعة

لكن للاسف احنا نزلنا من مستوانا الراقي لمستواهم هما

وقلنا نتعامل معهم باسلوبهم علي اساس انهم اعدائنا

وده مش صحيح

دي وجهة نظري مش معناها ان وجهة نظرك خطا بالعكس انا بحترمها وبقدرها

تحياتي

بنت الاسلام يقول...

محمد جمعة

ليت الثقة تعود كما كانت

وليتهم جميعا يعودون ابناءا

للبنا

بدعوته المحبة للانسانية

DoMaLaYs يقول...

هقولك ايه

غير

حسبنا الله و نعم الوكيل

و يا رب ارحمنا

و شكراً ليكي

DoMaLaYs يقول...

هقولك ايه

غير

حسبنا الله و نعم الوكيل

و يا رب ارحمنا

و شكراً ليكي

asmaa ibnatalislam يقول...

السلام عليكم
موضوع مميز جدا بس انا ليه تعليق زي اللي قاله بعض اخوانا انك ظلمتي طلاب الاخوان
احنا مش بنعمل عنف خالص ودعوتنا مازالت دعوه حب لكن الكيل طفح من الظلمه اللي عاوزين يكممو الافواه حتي لو كانت بتكلم بحب طالما عاوزه خير للبلد دي
يا اختي متظلمناش الله يكرمك كفايه اللي احنا فيه

ابن رشد يقول...

كل دول علقوا و انا لسة
بصي يا بطوط انا هقول اللي عارف انك بتقوليه الاخوان مش وحشين بس الحركة السلفية منهم اللي فاكرة الدنيا بالدراع و الجهاد هو القتل هم اللي مشوهين صورة الطلبة و ربنا يهديهم يارب
و ربنا يهدي الحكومة اللي بتاخد عاطل في باطل

Unknown يقول...

استاذ شمش مع احترامى الكامل لحضرتك ورأيك
ولكن ليس فى الاخوان اتجاهت سلفية او جهادية الاخوان جميعا فكر واحد وقلب واحد

ومازال مبدأهم كما رسمه الامام الشهيد: يجب ان يعلم الناس جميعا انهم احب الينا من انفسنا وانه عزيز على تلك الانفس ان تذهب فداء لحرية الناس ان كان فيها الفداء

جزيتم خيرا جميعا

بنت الاسلام يقول...

انا مسلمة

أختي الغالية عليا جداااا نداااا

أنا عارفة وواثقة ان في حملة شرسة جدااا علي الاخوان من جانب الوطني والامن والحملة ديه نتيجة للانتخابات ومابعدها وعارفة انهم بيحاربوهم في كل مكان وبداية الجامعة لكن العنف لايقابل بعنف ياندي ابدااا وان كان لابد ويقابله فالمكان الصحيح مش ممكن يكون الحرم الجامعي ابداااا

انا ضد العنف لان للاسف الشديد الصورة الاعلامية الي بتتنقل للناس عن طلبة الاخوان صورة عنف وتدمير ودي صورة غير حقيقية وطبعا لو تتذكري احداث الازهر السنة الي فاتت والاعلام لقبها بايه ميليشيات

اخواتنا مش ديه حقيقتهم وعشان كدة مش لازم تتشوه صورتهم

اما ردك علي الاستاذ هيثم الغيتاوي

اتمني يشوفه واختلافنا معاه مش معناه ان انا صح او انتي او هو كل واحد مننا بيشوف صحة الصورة من زاوية مختلفة عن الاخر مع

تحياتي ليكي وحبك وحماسك لاخواتنا كلهم وده شيء متوقع دايما منك

بنت الاسلام يقول...

دكتور عبد الخالق زهران

يادكتور انا عارفة كويس جداا مباديء واسس دعوة الاخوان متشبعة بيها وعارفة انها دعوة اتاسست علي حب والي نشرها الحب برده

لكن الصورة الفترة الي فاتت حسيت انها اختلفت التلفزيون والاعلام بيرسم للشعب المسكين صورة علي مزاجه وكيفه

صورة للاسف الشديد مدعمة بصور عنف للشباب زي الورد ذنبه الوحيد انه بيدافع عن حقه الشرعي

ربنا يطمنا علي حضرتك يادكتور والاتصال يكون اشاعة

دعواتنا معاك

بنت الاسلام يقول...

رانيا

ياريت طلاب الجامعة كلهم ينسوا انتماءاتهم ويتعاملوا مع بعض بكل حب واخوة ويساعدوا بعض بدون النظر لمصالح واغراض

ياريت

بنت الاسلام يقول...

سارة

يارب ياسارة يارب

ده حتي الرحمة حلوة

بس هي فين

بنت الاسلام يقول...

DoMaLaYs

يارب يارب
وبكرة ان شاء الله افضلمن النهاردة

وشكرا لزيارتك الكريمة

بنت الاسلام يقول...

asmaa ibnatalislam

انا مش بظلمكم والله ابداا بالعكس

انتم اخواتي كلكم

واتمني اشوفكم احسن شباب في الدنيا

لكن بايمانكم الدائم ان بالحب ممكن نزيل اي حواجز وقيود

وان شاء الله هيكون

غير معرف يقول...

شمس

الاخوان عن جد عمر ماكان تفكيرهم ولا اتجهاتهم سلفية مع كامل احترامي للاتجاه السلفي

لكن لما حقي يضيع ومش قادر اخده تفتكر اعمل ايه

انا في كل الحالات ضد العنف

بنت الاسلام يقول...

دكتور عبد الخالق

انا مع حضرتك طبعا

فى القلب يقول...

يا رب ربنا يستجيب لدعانا عليهم ليل ونهار

بنت الاسلام يقول...

في القلب

يارب يا اوشا يارب يتقبل منا الدعاء

محمد جمعه يقول...

انا بدعوكم
جميعا لزيارة
اخ لنا
مدون اسمه عمر الشرقاوى
لقد حدثت له حادثة
والزيارة يوم الخميس القادم
للمدونين

غير معرف يقول...

والله يا بطه قطعتى قلبى

بتناشدى حزب وطنى

ده خلاااص بطل يسمع من زماااااااان

ربنا على المفترى

اكيد هما لو اتجهوا للعنف

فده من غلبهم

تسلمى يا فاطمة

أخوِ نيجــر

بنت الاسلام يقول...

أحمد سعيد

الطلبة دول مقطعين قلب الناس كلهم


تحياتي

هيثم الغيتاوي يقول...

تانى يافاطمه
استحملينى بقه
انا هاعلق على تعليق الانسه ندى على تعليقى
هههههههههههه
---------------------
قبل اى شىء احب اوضح اننى لست ضد طلبة الاخوان نهائيا باى شكل من الاشكال
حتى وان فهم من كلامى ذلك
واعتقد ان فاطمه تعلم ذلك جيدا
انا فقط عندما كتبت تعليقى كنت اتكلم عن كل الطلبه
اللى ليهم نشاط سياسى او حتى فنى داخل الجامعه
انا متعاطف مع الجميع
لانى من 3 سنوات بس كنت منهم
لذلك يا اخت ندى عندما اشرت اللى المجلات فى الجامعه ووصفتها بالسذاجه
لم اقصد اساءه والله يعلم
يكفى ان تعرفى انى كنت رئيس تحرير مجله الكليه بتاعه صغنطوطه كده عشرين صفحه
وكانت هى نواة التحاقى بالصحافه اصلا
اى اننى حين اتكلم عن طلبة النشاط فانا اتكلم عن ذكريات وتجارب فعليه كنت طرفا فيها
فان اسات فاننى اسىء لنفسى
فقط قصدت ان الوم عن السذج الذين كانو يقطعون مجلاتنا من على الحوائط
وحتى عندما كنا نضعها فى البانرات الذجاج ونغلق عليها الاقفال
كانو يكسرونها
ولى فى ذلك ذكطريات اضحك عليها اليوم
عندما اكتب فى جريدتى
عندمااتذكر النقيب عادل هيكل قائد حرس كلية العلوم جامعة اسيوط اللى اصبح رائد دلوقتى
الله يمسيه بالخير
كنت اقول له بعد تقطيع المجله كل مرة
سؤال بسيط
هل تتخيل ان كلام عيل اللى هو انا يعنى انتو رجاله جدعان طبعا
هل تتخيل ان ما يكتبه عيل عمرة 20 سنه
هيقوم المظاهرات
ويهدد امن واستقرار الجامعه؟؟
هل تخشى على الدكتور رافت محمود من سطرين فى مجله غلبانه بنفس فيها عن افكارنا ومواقفنا بدل ما تنفجر بطريقه تانيه
كان يرد بابتسامه بارده
مع انه كان دبلوماسى زى العسل
يقول
احنا فى بلد حريه
انت تكتب بحريتك
واحنا كمان نقطع بحريتنا
هههههههههههههههه
الله يمسيه بالخير
كنت احضر حفل تخرج بعض زملائى اللى كانو اصغر منى
السنه اللى فاتت
حبيت ازورهم ومعايا الجرنال وفيه صفحتى وشغلى علشان نضحك مع بعض ونفتكر ان اللى كنا بنحلم بيه اصبح حقيقه
المهم
بعد تكريم الاوائل مباشرة
فوجئت
بالسيد رئيس الجامعه
الدكتور عزت عبداللله
وهو كان استاذى فى القسم كمان
يعلن تكريم سيادة الرائد عادل هيكل
لجهوده العظيمه فى حفظ امن واستقرار الكليه
!!!!!!!!!!!!!!!
لا تعليق
==================
ماعلينا
المهم يعنى
ان لفظ السذاجه استخدمه لتوصيف حسن النيه وبراءة المقصد وان الية التنفيذ سلميه جدا
وهى تعبير عن راى فى ورقه
لا فى مدفع
ولا سكينه
قلم على ورقه
يبقى ليه غباوة الامن بقه
ماتردو علينا انتو كمان بورقه وقلم
بس كده يا ندى
فهمتى قصدى؟؟؟

اسف اذا حدث التباس فى فهم المعنى
ربما خاننى التعبير
فرصه سعيده
واسف للاطاله
وان كنتم فكرتونى بايام زى العسل

Unknown يقول...

انا عاوز اسأل سؤال :
هو ربنا نزل ديانة جديدة اسمها "الاخوان"
يعني ربنا شرفني و كرمني و سماني مسلم
اقولة لا ....انا اخوان
و الامام الشهيد كان نبي ؟؟؟؟؟؟؟؟؟
يمكن .......يمكن قال حاجة جديدة و اصاغ الاسلام من جديد
يعني لو الاخوان معناها العودة للاسلام المعتدل .....طيب ما الاسلام موجود من زمان و كان معتدل و عمر ما حد سماة اسم تاني
انتو عاملين زي السعودية .....اشرف و اطهر بقاع الارض تنسب لشخص اسمة سعود!!!!!!!!!!!!!!!؟؟؟؟؟
زي الاخوان ....نسبتوا اشرف رسالة لشخص غير الرسول علية افضل الصلاة و السلام و مجدووة و هو الامام الشهيد
و هو عمل اية ....مش هوا نادي بالرجوع للاسلام ...يعني مجبش حاجة من عندة

حتي و لو كان الامام الشهيد عظيم .. ونحسبة ان شاء الله كذلك .....فالفاروق عمر اولي في ان يتبع .... وبدل الاخوان ......تكون الفاروقيون

انا ناقشت عنصر فعال في الاخوان و قالي ان الهدف هو الحب و الرقي والتسامح و العمل الجاد ...و الخ من الصفات الحميدة ....قلتلة مهو الرسول علية افضل الصلاة و السلام كان مهمتة كدة و تعريف الناس بالله باسلوب جميل يصل الي القلوب ......يبقي انتو لازمتكوا اية
قالي محنا طبعا بنتبع الرسول
قلتلة :::كلام جميل ...يبقي لازمة الاخوان اية !!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟
يعني اية اخوان
انا عاوز افهم
انا عمري ما شفت اخوان متقن في عملة ..الا ما رحم ربي
انا كان معايا في العمل ناس اخوان ....اهم حاجة هي مصلحتة
طبعا مش كل الناس علشان الناس متزعلش مني ......بس الموضوع مش ان الاخوان هما الممتازين و الباقي تعبانين
انا معايا واحد اخوان هنا مستغل ...يدخل الدبن في اي حاجة علشان يكسب و خلاص ...واستغل واحدة مسيحية (احنا هنا في بلاد الغرب) ....المهم استغلها ابشع استغلال ....
حصلت بينهم مشادة .... المهم ...انتهت العلاقة الاستغلالية بتاعة الاخ .... والاخت المسيحية قعدت تشتم فية وفي المسلمين
المهم ..كلمتها و حاولت اصلح الموضوع ...فقالتلي كلة .......قالتلي انا كنت عارفة انة بيستغلني من الاول و بيسرقني ....بس انا كنت بساعدة لوجهة الله ....علشان لما اقابل ربنا اقولة اني نفذت وصية المسيح في الارض .

المهم ...انا كل هدفي من الكلام :
اتقوا الله
اعمل لله
جاهد نفسك لله
اعمل الخير لله
عش لله (و ليس للامام الشهبد(
قاوم لله (و المقاومة الايجابية مش الخايبة بتاعة المظاهرات)
موت لله
و كن مسلم و لا تكن اخوانيا
ابتكر لله
اصنع لله
اتقن ما تعمل لله
و السلام عليكم و رحمة الله وبركاتة

غير معرف يقول...

انا بشكر الدكتور عبد الخالق على الموقع ده بس احب اقول حاجه ان الاسلام واحد وكلنا مسلمين والحمد لله لكن ان الناس تقسم نفسها لاخوان مسلمين يعنى الباقى مش مسلم ولا ايه الانسان علشان يكون كويس يبدا بنفسه يحسن نفسه ويكزن عنده ضمير فى اى عمل انا اعرف ناس من الاخوان معندهمش اى ضمير فى العمل ويبصوا للناس الى مش فى جماعتهم كانهم مش مسلمين فالى عاوز يعمل خير ويفيد وطنه بجد بلاش نقسم نفسنا كده واعتصموا وربنا يصلح الاحوال

غير معرف يقول...

سبحان الله وماذا ننتظر من الحكومة

ننتظر أن يقدموا الينا الورد ويقولون لنا يولاد انشروا اسلامكم براحتكم

يولاد اعملوا اللي انتم عايزينه

يا أختي هذه حكومة ارهابية ..!!

والله اليهود احن علينا منهم ..,

وهما بيجروا ورا امريكا واليهود فاكرين ان دول هما اللي مقعدنهم علي كراسيهم

ولكن هذه هي الحياة الحق دائما يقاوم

وإلا ما كانت اسمهات حياة

اخوتي لنرجع الي الله
ونطالب بحقوقنا

فإننا والله إن قوينا بالإيمان

وصمدنا امام الصعاب سنتتصر بإذن الله

تحياتي لكِ

مصر