الهي ماعدت أبغي شيئا في هذه الحياة سوي عفوك ورضاك

الاثنين، 19 نوفمبر 2007

كان لازم أحكي السيناريو....من الأول

البداية كانت من هنااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا




وعدتكم اني هكمل في أخر بوست عن طلبة الجامعة


ارحموا طلاب الجامعة.....ارحمووووووووهم .......يرحمكم الله


والحقيقة كان لازم أكمل لاني لاحظت في تعليقاتكم الكثير والكثير وكان لازم أوضح


كان لازم أحكي السيناريو ....من الأول طبعا النظرة دي نظرتي أنا وأنا لا أدعي أبدا أنها النظرة الصحيحة


قد تختلفوا في الرؤية معايا وأنا برحب بكل الأراء مهما اختلفت عني وحتي لو دام الاختلاف فالاحترام قائم


مهما كان حجم الاختلاف البداية عندي بتبدأ من


الانتخابات البرلمانية الأخيرة لمجلس الشعب



الوطني قلق مش قلق عادي ممكن أأقول اترعب أو برده أأقول اتفاجأ مفاجأة أذهلته


ما استوعبهاش الا بعد فوات المرحلة الأولي والثانية ولحق المرحلة التالتة (بالتزوير) و(البلطجة)


والكلام ده أنا شوفته بنفسي لان دايرتنا كانت مرحلة تالتة


وخلصت الانتخابات


انتهت في الشارع بس لكنها عند الحزب الوطني كانت بداية لعهد جديد واستعداد لشن هجوم ضخم علي


الي رجل الشارع اختارهم ورفض الرشوة عشانهم .....الاخوان


وبدأوا يفكروا في ناحيتين وقبل مايفكروا أمنوا وسلموا ان الحزب الوطني...حزبهم....ليس له اي قاعدة شعبية


علي أرض الواقع بالعكس مشاعر الغضب والكره مسيطرة علي غالبية الشعب المصري وخصوصا بعد


الانتخابات والتزوير العلني والعنف والبلطجة الواضحة


فقرروا أمرين


الامر الاول...ازاي يحببوا الشعب في الحزب ويغيروا أرائهم لصالحهم ولو تلاحظوا فعلا


اصبح نشاطهم زائد الفترة الاخيرة رحلات مدعمة ندوات لا والملحوظ عندنا أكتر هنا في محافظة دمياط شيء غريب


اتفقوا مع كبار المدرسين في الثانوية العامة لاعطاء مجموعات للطلبة بالمدارس بأسعار رمزية جدااا


وبمقابل مادي للمدرسين مغري جدااا.... مش عارفة ماطلبونيش ليه انا مدرسة كيمياء شاطرة قوي .....دنيا بقي


والمحاولات في الجانب ده مستمرة بالفعل مش عارفة انتم كمان لاحظتم الموضوع ده ولا لا والاعلانات في


التلفزيون طبعا في الجانب ده ماتتوصاش... ده الي متابع التلفزيون المصري اصلا ..زيي كدة


ندخل بقي علي ...الامر الثاني...الاخوان المسلمين


كل تفكيرهم ...ازاي يقللوا شعبية الجماعة ديه...أو بمعني أخر يخلوا الشعب من نفسهم يرفضهم


وده هيتحقق ....بتشويه صورتهم...أمام مؤيديهم ومحبيهم


و..بدأت اللعبة


دايرة اعتقالات واسعة ومحاكمات عسكرية ووقف اي نشاط علي الارض للجماعة ومصادرة أموال


وكسب غير مشروع وغيره وغيره ووووو


بعد شوية وقفوا....النتيجة سلبية


التعاطف بيزيد وصور أهالي المعتقلين اصبحت علي الفضائيات والموضوع أصبح علني ومناقشات وحوارات


لا احنا مش عاوزين كدة مش في مصلحتنا أبدا....كلامهم طبعا


أعادوا التفكير من جديد من زاوية تانية ..من أكتر فئة فيكي يامصر بتتأثر بسرعة وحماسها غالب فيها تفكيرها


الشباب....طلاب الجامعة


و كان ما كان



وللحديث بقية



في نهاية حديثي أحببت أن أقدم اعتذار ...لم أقصد أبدا أن أتهم أحد ...ولا أن أقسي علي أحد


ولكني في شتي الاحوال مؤمنة بدعوة لن أمل من نشرها أبدا


لا للعنف...ومرحبا ...بالحب






هناك 18 تعليقًا:

هيثم الغيتاوي يقول...

ايه الجمال ده يا كابتن؟؟
لا دا احنا اتطورنا خالص مالص بالص
ههههههه
الله ينور
حسستينى انك كابتن لطيف وانتى بتسردى الوصف التفصيلى لمباراة كرة القدم بي المصريين والناس التانيين
هههههههه

احييكى على وعيك يافاطمه
سلاموز
==================
وعلى فكرة
قريب جدا جدا هتسمعى اخبار حلوة باذن الله
اخوكى الظاهر وقع بحق وحقيقى
ابقى عدى ع المدونه
بكرة او بعده
عقبالك

محمد جمعه يقول...

بارك الله فيكى اختى
على اهتمامك بتوضيح الرؤية

ولى رجاء

حاولى قبل متكتبى تسمعى من الطلاب قبل متكتبى عنهم اى حاجة

بارك الله فى وقتك
وجعل لك فى الجنة سبعون الف وصيفة من الحور العين خدم لك
تحياتى

غير معرف يقول...

إيه الجمال ده يا أستاذة , بتكلمي بثقة كما لو كنتي مصطفي النحاس في زمانه , برافوا عليكي حللتي موقف أخونا الكبير الجزب الوطني على أتم وجه
تمام عليكي يا بطة ومستنين البقية
حمادة زيدان

ابن رشد يقول...

اية الجمال دة
دة انتي بدأتي حملة للدفاع عن الاخوان
على فكرة انا بقالي فترة بعيد عن النت بس حبيت اطمن عليكي
كملي يا بطة كلامك
عايزك تظهري فكر الفئة المعتدلة من الاخوان و تنقدي الفئة الغير معتدلة و كمان وضحي رايك فكل الناس و الاحزاب احكي و احنا هنتابعك

Unknown يقول...

برافوا بطة سلاسة فى الكلمات بساطة فى الاسلوب عمق فى المعانى خبرة فى التليل السياسى وع دا كله صدق فى النية والكلمات

انا طبعا لم اختلف معكى فيما سبق لكى اشيد بالتوضيح لانى افهمك جيدا بطة


ولكن اكرر للاستاذ شمس مع خالص حبى وتقديرى له انه ليس فى الاخوان معتدلين وغير معتدلين فالاخوان فكر واح ومنهج واح وقلب واحد

وهاقولك تانى يا بطة انا معاكة اننا مع دعوة الحب بدون عنف وليس فى الاخوان عنف وقد قالها الامام المؤسس فى احلك الظروف: سنحارب الناس بالحب

نعم انه الحب فى الله وحب الدين والوطن وحب اهلنا جميعا
نحبهم حتى ولو قسوا علينا
نحبهم ونشفق عليهم اذا ظلمونا

نحبهم ونخشى عليهم من عاقبة ظلمهم

نحبهم ونود ان ننقيهم

نحبهم ونعمل على بتر العضو الفاسد فيهم

نحبهم ولا نطمع الا فى رضا الرحمن لنا ولهم

كل الحب والتحية لكى ولكل المشاركين

ا بـن عــمــر يقول...

ايه الحلاوه دى نفس شكل مدونتى
ونفس البوست
بس السابق
ع العموم ولا يهمك
لان هو دا يجب ان يكون حديث كل المدونين
لان عدد الطلاب المعتقلين ذاد جدا
ولا يجب ان نسكت عن هذا الظلم

بنت الاسلام يقول...

هيثم الغيتاوي

شكرا علي الاطراء الكبير عليا ده ياهيثم

من بعض ماعندكم

وربنا يتمم لك بكل خير ان شاء الله

بالتوفيق دايما يارب

بنت الاسلام يقول...

محمد جمعة

وبارك فيك

ده كان واجبي اني اوضح صورة اهتزت مني عند الناس

واوعدك اني هحاول اخد بالنصيحة

تحياتي

بنت الاسلام يقول...

حمادة زيدان

تلميذتك ياكاتب ياكبير

ربنا يوفقنا جميعا

بنت الاسلام يقول...

شمس

كلماتك شجعتني علي الاستمرار

ان شاء الله نستمر

لعل وعسي مانبقاش

لاشيء

بنت الاسلام يقول...

د/عبد الخالق زهران

العفو يادكتور ده واجبي

وشهادة غالية من شخص غالي

تحياتي

بنت الاسلام يقول...

ابن عمر

شكرا علي زيارتك الغالية

واحنا كلنا مع طلاب الجامعة

ربنا يوفقك يارب

اتمني التواصل

Unknown يقول...

والله الاخوان مروا بمراحل اصعب من دي بكتير علي ايام جمال عبد الناصر كان التليفزيون والراديو اسبوعيا برنامج عن الاخوان والارهاب واعتقالات واعدام فالحزب الوطني يطمن عندنا حصانه مطعمين كويس يكفينا الله هو حسبنا ونعم الوكيل
وجزاكم الله خير علي الموضوع الرائع والمدونه الرائعه

بنت الاسلام يقول...

الفاتح الجغرافي

لكن اللعبة المرة ديه اصبحت مدروسة شوية

والرهان علي الشعب

الشعب كله

شكرا لزيارة حضرتك

واتمني التواصل

منى يقول...

بنت الاسلام
يشرفنى انى ادخل مدونتك لاول مره
على فكره موضوع الاخوان ده محيرنى جدا
يعنى لما بقرا مقالات التشويه فى الصحف القوميه واخبار القبض عليهم بسبب ومن غير بتعاطف معاهم جدا ولما بسمع تصريحات المرشد العالم وسمحينى لو قلت عليها مش حكيمه او مش فى وقتها بقلق مع ان الناس العاديين او نواب المجلس الاخوان بسمع عنهم كل خير
ببقى متلخبطه قوى
بس ليه بجد الاخوان ميبقاش لهم برنامج محدد وان كان شعارهم القران دستورنا خلاص يقولوا اللى فى القران فى البرنامج ويبقوا عملوا اللى عليهم

عموما اسلوبك عجبنى واتجاهك الودى
ربنا يكرمك واسفه جدا على الاطاله

بنت الاسلام يقول...

مني اطالة ايه بس

انا اتشرفت بزيارتك جدااا

اما بالنسبة لموضوع الاخوان فهو ملخبط ناس كتير

اتمني بكلمات بسيطة نقدر نوضح رؤيتنا

حقيقي سعدت بزيارتك جدااا

elbostagy2 يقول...

السلام عليكم ورحمة الله وبركاته

جزاكم الله خيرا على تلك التذكره

وذكر فإن الذكرى تنفع المؤمنين

في انتظار البقية
دمتم بكل ود

بنت الاسلام يقول...

البوسطجي

كان لازم نوضح

وان شاء الله نكمل

تحياتي

مصر