لغاية امتي هنفضل ساكتين لاسرائيل دي بقي
هو ايه الحكاية مش مكفيها الفلسطنيين كلهم
نازلة علي المصريين كمان
بفتح موقع مصراوي لاقيت الخبر
بالبونط العريض
مصرع مواطن مصرى برصاص اسرائيلي
على الحدود مع مصر 1/3/2008
واللينك اهو كمان
والصراحة بقي حاطة ايدي علي خدي
مستنية رد فعل الداخلية
الي دايما مشرفنا ورافع راسنا
فوق فوق فوق
وطبعا كالمعتاد وزي غيرهم وغيرهم
ولاهيحصل حاجة
واحنا طبعا شعب طيب وبنحب التسامح
ودم اولادنا دايما فدا للهبل وفدا للحدود
وسيظل الي الابد السلام قائم وشامل مع اليهود
بس السؤال لعم اولمرت
مالك ياعمنا
اد كدة بتعشق دمنا
كل كام يوم نفسك تروح علي حد مننا
وبطيارة طايشة وبايد طارشة تضرب وتقول
مكانش قصدنا
وعارف ومتأكد اننا حلوين وجدعان
ونعجبك قوي
بصوت واطي وبعين مكسورة هنهمس
ونقولك ليه ياعمو ليه
بالراحة علينا شوية
داحنا غلاااابة
وانت بعين واسعة وبصوت جهوري تصرخ
وتقولنا بحمي ارضنا بحمي ارضنا
ياعم اولمرت دا عشان اتنين راحوا من عندكم
اعلنتوها حرب ودمرتم بلد ومهمكوش
لكن عذراك
هقول ايه
ماهو الحق مش عليك
الحق علي الي ركعوا وسلموا
واتنازلوا
وصدقوا
غنوة الحمامة
وغصن الزتون
مع ملاعين
مابيشبعوش
غير بدم
ومابيتكيفوش
الا لو كان الدم مصري
وافرحي يا ام الشهيد
ابنك استشهد في ارض المعركة
معركة ايه وفين
اساليهم
في الداخلية
هيجاوبوكي
ويعطوا لابنك وسام الشجاعة
من الدرجة الاولي
وانا اهو مستنية
مستنية ردك ياداخلية
هناك 36 تعليقًا:
انت فعلا مش عارفة رأي الداخلية لا رأي الحكومة،
ما احنا كلنا شفنا رأي الحكومة لما قتلوا جنود مصريين في الجانب المصري في رفح، وشفنا رأي الداخلية لما أولادنا غرقوا في ايطاليا. ولما غرقوا في العبارة، ولما اتحرقوا في القطار،، ولما ولما ولما..
انتي لسه مستنية؟؟
يديكي طولة العمر
تحياتي
ههههههههه
اضحك احت بطه من انتظارك و يبدوا ان الانتظار سيطول جدا
كل عام و انتم الى الله اقرب و على طاعه ادوم
تحياتى ابو مفراح
للأسف دم ولادنا رخيص او بالأصح مالوش تمن
هى دى مصر يا بطه
مفيش فايدة
النظام الحاكم لم يعد يهتم الا بسلامته وزيادة قبضته على مقاليد الحكم دون الاكتراث بأي شيء اخر
صدقينى يا اختى الكريمة لو اننا نظام ديموقراطى حقيقي
ولو ان رئيسنا يستمد شرعية حكمه من الشعب ... وليس من خلال ولاءه لأمريكا ومهادنته للقوي الكبري وانبطاحه للاسرائيل
ما كان ابدا سيرضخ او سيهتم لتلك القوي الامبريالية الوقحة
لأنه اذا لم يرضخ لهم ويوافقهم على كل اجنداتهم السياسية .. فانهم سيزلزلون كرسى الحكم من تحته وسيتعاونون مع القوي المعارضة ضده وسيقومون بكل ما يلزم لكى يجعلوه فى أضعف واوهن وضع بحيث يكون وضعه مهددا وخطرا
رئيسنا الهمام لن يقبل أن يغضب منه قادة اسرائيل
ماذا فعل من قبل عندما قتل اولادنا على الحدود اكثر من مرة؟؟
ماذا فعل للحجاج الفلسطينيين العالقين فى عرض البحر ثم بعد ذلك فى العريش قبل ان يسمح لهم بدخول غزة؟؟؟؟
وماذا وماذا وماذا؟؟؟
تلك الكلمات زادت عن كونها كومنت واصبحت موضوع
اسف جدا للاطاله والاستطراد
خالص مودتى
اسامة سامى
والله حاجه تحزن
بس اللى يفرح اسلوبك فوق الرائع فى الوصف
تحياتى ومتستنيش ردود نصيحه منى
الظاهر هتستنى كتير يا بطوط
مفيش أمل فى ناس ماتت ضمائرهم بالرصاص
اول مرة ادخل مدونتك
بس جميله وجريئه
اقولك ايه بس
والله العظيم مالاقيه كلام خالص
حسبنا الله ونعم الوكيل
تعرفى
انا بخاف على المسؤلين اوى بجد
الحساب هيبقى تقييييييييييييييييييييييييييل جدا
ربنا يهدى المسؤلين وينصرنا اللهم امين
كلامك يافاطمة مس قلوبنا
وبجد زة مع عاشقه الأقصى قالت
الحساب هايكون تقييييييييل قوى
كل روح إتعذبت فى رقبتهم
وكل روح غرقت وإتحرقت وإضربت برصاص الإحتلال
وكل أرواح المصريين الغلابه اللى عايشين مش عارفين مصيرهم إيه
سيدنا عمرو بن الخطاب كان خايف لبغله تتعثر فى العراق فيتحاسب عليها لم لم يمهد ليها الطريق
يارتنا كنا أى حاجة فى زمن عمرو بن الخطاب
أكبد كان أهون وأكرم لنا
وإنا لله وإنا إليه لراجعون
متنتظريش أى رد يا بطوط، ده مش أول مرة يعنى، كانوا ردوا على اللى اتقتلوا قبل كده.. دول ما بيعملوش حاجة غير إنهم يروحوا يحتفوا بأبو حصيرة ـ أمال لو كان سجادة كانوا عملوا ايه ـ الناس ده ما بقاش في منها رجى خلاص
بطه البوست بتاعك حاسس بان كله حسره و غل و غيظ و طبعا معاكى كل الحقوق مش حق واحد بس
لكن سوووووووووووووووووورى بطه الداخليه مالها ؟
اكيد تقصدى الخارجيه
الداخليه دى جهاز لتعذبنا و ارهابنا و موتنا
لكن الخارجيه هى المسوله مع انى اشك انها مسؤله و شكرا
محمد مارو
استاذ حسن مدني
طب اعمل ايه طيب
هو انا قدامي حاجة غير الانتظار
ابو مفراح
اضحك ياسيدي محدش واخد منها حاجة
اولادمك زى العسل برغم انك بتكتبى عن موضوع مش يبكى لايموت من الحزن والقهر والظلم وووووووووو
ربنا يرحم الاموات والاحياء لاننا فى زمن الصهيونية وحكوماتنا بقت اكتر صهيونية من الصهوينيين نفسهم
الامل فى ربنا وفى الناس ياتفوق يا تموت ومش هتفرق باى رصاص الرصا تشابه
EmY
حتي الصرخة والبكا بقت غالية
غالية قوووووي
اسامة سامي
بالعكس
استفدنا من وجهة نظرك جدااا
وشكرا لزيارة الكريمة
حبة حاجات (ايمان
مش اجمل من اسلوبة يامنة
شكرا لمرورك الطيب
تحياتي
فى القلب
وحشتينا جدااا يا اوشا حمدا لله علي سلامتك
ياريته مات بس
ده انعدم
والله حاجة تحزن
العيب مش فيهم العيب فينا
ملحوظة صغيرة " أنتِ يا بنتِ مش عارفه الداخلية من الخارجية"
الداخلية يا بنت بتاع حبيب العادلى
واعتقال المواطنين وتعذيبهم
أما الخارجيه بتاع البهدلة وقلة الكرامه
أتمنالك دوام التوفيق
أخوكِ نيجــر
لا حول و لا قوة الا بالله
حسبنا الله و نعم الوكيل
فيمن تسببوا فى إرخاص دمائنا
و بيع أرضنا
و سكتوا على هتك عرضنا
لكن بكرة الظلم هيزول
معلش
الصبر بس
و هيندموا على تهاونهم فى حقنا
و إن غدا لناظره قريب
د.حمــــاس
بطه
مفيش حاجه اقولهاغير
حسبنا الله ونعم الوكيل
ان الله لا يغير ما بقوم حتى يغيروا ما بانفسهم
والله كتير بفكر هو ايه اللى يجبر قاده اسرائيل على تقديم اى تنازل حتى لو هوده الحق والعدل
هما مش عايزين غير مصلحتهم طبعا
ومفيش حاجه تجبرهم على التغيير
بقى يبقى الحال على ما هو عليه فى الكره الارضيه وعلى المتضرر اللجوء للعنايه الالهيه
عاشقه الفردوس
اذا كان هما نفسهم مش خايفين علي نفسهم
والله دم المصري في رقبتهم كلهم
شكرا لزيارتك الي اسعدتني كتير
واتمني التواصل
انا مسلمه
علي رايك ياندي
ياريتنا كنا اي حاجة في زمنك ياعمر يا ابن الخطاب
ياريتنا
shimaa mahdy
لو سجادة كانوا عملولها احتفال رسمي يحضره بوش شخصيا عشان يبقي اول واحد يقعد عليها
تحياتي ياشيماء وسعيدة بزيارتك الطيبة
محمد مارو
لا الداخلية ولا الخارجية
طلعت وزارة الدفاع
بس انا برده لسة مستنية رد الداخلية
غلاسة بقي
غير معرف
شكرا لكلماتك الي كتيرة عليا
لا تفرق كتير بقي
واحنا ياهما اليهود دول
اما نشوف اخرتها معاهم ايه
أحمد سعيد
معلش يانيجر هنعمل ايه بقي
نسيناااا
برده مستنية رد الداخلية
DR.HAMAS
في انتظاره كلنا
بطه
بصراحه انا مش عارف اقلك ايه
بس اللي اقدر اقول ان هيجي في وقت ويضربو مصر بصواريخ ودبابات
ويقولو مكنش قصدنا دي طلعت قذائف غلط
واحب اقللك كمان ان انتي مستنيه رد الدخليه بس للاسف هوفعلا مفيش رد زي كل مره
والله يكون في عونا وعون اهل اللي بيموتو دول يارب يصبرهم خير يارب
وفي الاخر اقول حسبي الله ونعم الوكيل
الحكومه ولا حتعمل حاجه اذا كان ريسنا راح عمل اتفاقيه معاهم ولما الناس عارضت وقالت ازاى دول قتلين الاسرى المصرين قال مش هعطل السلام علشان شوية افراد
وخلوهم يحجزوا الفلسطين على معبر رفح علشان اسير يهودى واحد ومين اللى نفذ ده مصر فدول عمله وخونه لاسرائيل وحسبنا الله ونعم الوكيل
تحياتى لك ولاء
اااااه نسيت اقولك كل سنه وانت طيبه انا جيت اقولك امبارح لقيتك قفلتى الماسنجر وعقبال الف سنه
مني
مالناش غيرها في الدنيا
عناية ربنا
يااااااااااااارب
اسلام
واحنا بقي مستنين لما يعملوا كدة
الف بركة علينا
ولاء
هو ده ريسنا
وهي ديه مصر الجديدة
بلد كانت عزتها كرامتها
ولكن
ماحالها الان
ولاء
وانتي طيبة يارب
وبتساءل بس
فين التورتة
بنت الاسلام
للاسف دم المواطن العربى مالوش دية ولا تمن
لاتنتظرى الرد
تقبلى تحياتى
واتمنى التواصل عبر مدونتى
ودمتى بود
إرسال تعليق