الهي ماعدت أبغي شيئا في هذه الحياة سوي عفوك ورضاك

الثلاثاء، 22 يناير، 2008

مهما عملنا ليكي....قليييييييل ياغزة


معبر ايه يامصر الي خايفة تفتحيه

واتفاقات ايه ومعاهدات ايه الي مخلياكي تفكري قبل ماتقرري
وشكلك كدة عمرك مها تقرري
افتحي المعبر ودخلينا واقفلي ورانا

ارجوكوووووكي

الموقف مابقاش يحتمل مجرد التفكير

يا اه
يا اااااااااااااه

_____________________________________________________

الحمد لله قدرت النهاردة أشارك في وقفة احتجاجية أمام نقابة الاطباء بدمياط وكانت واقفة جامدة بجد حضور مميز جدااا من كافة الاحزاب والاتجاهات لكن طبعا الغالب اخوان من غير كلام وعجبتني اوي كلمات كل الناس الي اتكلموا والهتافات الصاخبة الي قعدنا نرددها والحمد لله الامن كان جميل وهادي جدااا وتواجده مش كبير بالعكس حسيت انهم نفسهم يهتفوا معانا لولا خوفهم لا الهيبة تقع قدامنا(مع انها وقعت من ايام عماد الكبير) للاسف مكانش معايا كاميرا للتصوير هعمل حسابي واحوش وابقي اشتري

_____________________________________________________


الصراحة رجعت من المظاهرة سخنة وحسيت اني لازم اعمل حاجة الفكرة جت في دماغي في ثواني جبت كيس وورقة بيضا كتبت عليها تبرعوا من اجل غزة ولو بجنيه امضاء أطفال عمارة الشرق ونديت علي البت مادونا جارتنا طفلة صغيرة في رابعة ابتدائي واعطيتها الكيس بعد مادبست فيه الورقة وقلتلها ماتسبيش شقة واحدة في البرج الا لما تخبطي عليها وقد كان وجمعنا من عمارتنا مبلغ لا بأس بيه وبعدين قلت مش كفاية قلتلها يالا شدي رحالك علي البرجين التانيين الي جنبنا وطلعت لواد جارنا مطقطق كدة اسمه كريم في اولي اعدادي لكن رااااااااجل وقلتله مادونا في ايدك اهي ويالا ورينا همتك في لم التبرعات يا كيمو وهما دلوقتي نزلوا يلموا ادعولهم ربنا يوفقهم

______________________________________________________

والحمد لله استغنيت عن رصيد موبايلي وبدات ابعت رسايل smsلاقاريبي واصدقائي الي اعرف عنهم انهم عايشين في الطرااااااوة قلت افكرهم بالقضية جايز يسخنوااااااااا

____________________________________________________


امبارح عملنا كونفرانس بناتي وكان في بنات كتير واتفقنا اننا نصحي قبل الفجر بربع ساعة وندعي لاخوانا واهلنا في غزة بالنصر والثبات واخدنا موبيلات بعض عشان نصحي بعض رنوا عليا بس انا الصراحة صحيت الفجر ودعيت بعد الفجر بربع ساعة ........ربنا يتقبل

____________________________________________________


بفكركم بالمقاطعة ودورها الفعال شيبسي لالالالالالالالالالالالالالالا ارجوكم تابعو المنتجات الي لازم نقاطعها علي الموقع ده



__________________________________________________


وبختم بالاية الكريمة

ان تنصروا الله ينصركم ويثبت اقدامكم

كل واحد فينا يرجع لنفسه ويسالها سؤال واحد بس

ياتري يانفسي بتعملي ايييييييييه

خلانا نقرب من الذل ونبعد عن الفخر

نقرب من الهزيمة ونبعد عن النصر؟؟؟؟؟؟؟؟؟

اسالوها ماتنسوووووووووووووش

ولنا لقاء اخر ان شاء الله
______________________________
تحديث
الحمد لله جمعنا مبلغ محترم من برجنا والبرجين الي جنبنا انا والعيال مشينا نزلت معاهم ورحنا جبنا من ام ناني البقالة وعم طلعت بتاع الجرايد وحكيم بتاع البلاستك وبتاع الفراخ مش فاكرة اسمه ومن سوبر ماركت سنجام ورغم ان الدنيا كانت برد جداااا والمطرة شغالة الله ينور الا اني شعرت ولازلت اشعر بسعادة غامرة في ناس غلست معانا بس قلت للعيال ولايهمكم طنشوا احنا بنعمل خيرررر اوعوا تخافوا وبدعي من قلبي وبقول اللهم تقبل
وياااااااارب يووووووووووووووصل
قوووولوا اميييييين
نكمل بعدين بقي

هناك 19 تعليقًا:

محمد مارو يقول...

انا اول تعليق؟
فرصه بئه انى اقول راى
اولا مهما عملنا لغزه فنحن لن نعمل ما هو مفروض علينا
اقل شىء بمكن تقديمه لغزه هو دمنا
و ارواحنا
يا جماعه انا لست ضد حماااااس و لن اكون ابدا
انا فى البوست بتاعى قلت عاوز حماس ترجع حركه مقاومه فعليه مش عاوزها تجرى وراالسلطه انا مع حماس لكن مش حماس هنيه
اللى عاوز السلطه

appy يقول...

ربنا يكرمك يا رب فتحتى عليا بفكرة تحفه طيب انا هحاول اعملها مع الناس اللى عندى يمكن تجيب نتيجه

محمد رشوان يقول...

أشكرك على هذا الموضوع

وعلى التبرعات

وان شاء الله في ميزان حسناتك

مع خالص تحياتي

محمد رشوان

يورو يقول...

بتقولى الدنيا لسه بخير امال انا مبئتش حسا دا ليه
احنا نزلنا الشارع ولولا اننا بنات كنا اضربنا
بس احنا بردوا هنكمل
يارب نقدر نعمل حاجه

walaa يقول...

ربنا يكرمك ويجعل هذا العمل فى ميزان حساناتك وخالص لوجه الكريم
تحياتى لك ولاء

غير معرف يقول...

ربنا يذيدك كمان وكمان وتقدرى تكتبى اكتر واكتر لكن كماقال الشاعر نعيب زما ننا والعيب فينا وما للزمان عيب سوانا وكما قال الله عز وجل ان الله لا يغير ما بقوم حتى يغيروا ما بانفسهم صدق الله العظيم

shams يقول...

رائع رائع رائع يا بطة
ايوة كدة الايجابية مطلوبة
و يارب كل الناس تعمل زيك
و ربنا مع غزة و اهلها

بنت الاسلام يقول...

محمد مارو

انت كنت بتتساءل اين هنية

نحن ايضا كنا نتساءل

لكن الفرق بيننا وبينك

اننا ظللنا ندير السؤال بداخلنا ولم نطرحه علي الساحة ربما خوفا من الاجابة

اما انت فقد طرحته

ولكنك كنت قاسيا في طرحه

باتهامك القاسي

وهاهو الان قد ظهر وتحدث

وهذا هو المهم

وكلنا لكي ياغزة

بنت الاسلام يقول...

appy

بجد

ربنا يرفع من معنوياتك يارب

وان شاء الله تقدري تحققيه

تحياتي ليكي ياجميلة

بنت الاسلام يقول...
أزال المؤلف هذا التعليق.
بنت الاسلام يقول...

محمد رشوان

العفو

ده ااقل واجب

بنت الاسلام يقول...

يورو

اوعي يا يارا

استمري

وثقي ان زي ماقابلتي الي عاوز يضربك

اكيد هتقابلي الي نفسه يحضنك ويشكرك

ان الله مع الصابرين

ومن اجل غزة واهل غزة الكل يهوووون

والالم هيبقي شرف لينا كل لمايزيد

استمري

وربنا معاكي

بنت الاسلام يقول...

walaa

اللهم امين ياولاء

ربنا يتقبل مننا جميعا

ويجعل اعمالنا كلها خالصة لوجهه

بنت الاسلام يقول...

غير معرف

ربنا يكرمك

وان شاء الله نتغير

للافضل

بنت الاسلام يقول...

شمس

متشكرة لتشجيعك جدااااا

وربنا يقدرنا جميعا علي فعل الخير

سارة بندارى يقول...

عرض جيد يا بطة

حسبنا الله ونم الوكيل

بس مهما عملنا مش كفاية

استمرى يا عثل

ربنا يجعله فى ميزان حسناتك

انا مسلمه يقول...

جزاكم الله خيرا يافاطمة

ويجعله فى ميزان حسناتك

hend...hanady يقول...

الحمد لله المعبر اتفتح وستبقى فلسطين وغزة صامدة

بنت الاسلام يقول...

سارة بندارى

ربنا يتقبل منا جميعا

مصر