الهي ماعدت أبغي شيئا في هذه الحياة سوي عفوك ورضاك

الثلاثاء، 8 يناير، 2008

أين أنت ياختم النسر؟؟؟؟؟؟؟؟؟؟؟؟؟


مش عارفة احكي الموضوع منين لكن هحكيه لان دمي محروق حرقة منيلة ولوطولت أولع في نفسي وفي الحكومة هولع لولا الحرمانية مكنتش اتاخرت
الموضوع بدايته من بتاع اربع سنين خلصت دراستي سنة 2005 وبتقدير جيد جداا قلت بركة أكمل دراسات عليا بقي وخصوصا اني خريجة قسم مميز في كلية العلوم مش عارفة تعرفوه ولا لا علي العموم اسمه الكيمياء الحيوية بفرحة شديدة قعدت اجري يمين وشمال واطلع شهادات ايشي مؤقتة وايشي بيان دراجات وقدمت تمهيدي ماجستير وكانت سنة مايعلم بيها الا ربنا المهم عديت ويوم النتيجة لاقيت الدكتورة كاميليا دكتورة عندنا في القسم بتتصل بيا وبتقولي مبروك يابطة نجحتي ماصدقتش نفسي وقلت الحمد لله ماعلينا المهم المفروض بعد النجاح ده اسجل الماجستير بقي بمعني تاني سنة التمهيدي كانت الجزء النظري في الدراسة والمفروض اسجل الجزء العملي عشان احصل علي الدرجة واتفتحت علينا ابواب جهنم هتقولولي ااقولكم ياحبايبي ليه من ايام ماكنا في التمهيدي واحنا بنسمع عن دكتور كبيرررررر في جامعة المنصورة واخد الدكتوراة من امريكا ورجع مصر جه عندنا دمياط الجديدة وبني مركز ابحاث فخم جداا وبدأ يتبني رسايل الماجستير والدكتراة يعني يستلملك الطالب البلاطة من دول من الصفر ويخرجه من عنده وفي ايده رسالة الدكتوراة والحلو يدفع بقي تحديدا كدة رسالة الماجستير 9 الاف جنيه ورسالة الدكتوراة 20 الف جنيه يابلاش تسعيرة بقي والي عاجبه مع العلم ان الاسعار بتزيد كل سنة الفين جنيه كله فدا عيون الكيماويات والطلبة تجيله من كل حتة وفي 9 شهور رسالة الماجستير تخلص وفي خلال سنة تكون حامل الدرجة النبي شوفتم حلاوة احلي من كدة مانرحلوش ليه بقي حتي لو هنبيع طقم الحلل الي حيلتنا المهم انا كنت في الاول متحمسة له جدااا اخدت الدكتورة كاميليا معايا ورحنا له المركز فرجني عليه وحولي البحر طحينة وقالي هاتي فلوسك 9 الاف وشرفينا الكلام ده كان في شهر 11 الي قبل الي فات وحاولي تيجي قبل شهر واحد لان في واحد الكيماويات هتبقي ب11 الف المهم حصلت لنا ظروف كدة وقعدت سنة مكملتش ولا رحت ولا سئلت ومن حوالي اربع شهور قلت بقي لازم اكمل اومال كنت باخد لتمهيدي ليه رحت الكلية ولاقيت الحرب قامت من اول راس لاخر راس في الكلية علي الدكتور عبد الفتاح عطا الله وأعلنوها علني لا لعبد الفتاح لا وطبعا فرغوا طاقتهم كلها وغضبهم كله علي راس الطلبة بتقولي ازاي ااقولك يابيه المفروض اني ااقدم ورقي بموضوع جديد لرسالة علمية لمجلس القسم في الكلية عشان يتوافق عليه وابقي كدة سجلت المجلس بقي حطلنا شرط تعجيزي ماننفعش نسجل من غير ماننفذه الا وهو ورقة مختومة بختم النسر من جهة بحثية حكومية حكومية حكومية بانها ليس لديها أي مانع من ان الطالبة المذكورة تستخدم الاجهزة الموجودة بمعاملها واتنقلنا من ايد النصب باسم العلم من المعامل الخاصة للحكوووووووووووومة وما ادراااااكم ايه الي حصلنا في الحكومة
البقية تأتي
هكملكم بعدين

يارب ما اكون طولت عليكم

اعذروني اصل انا بغلي

ويظل السؤال

أين أنت يا ختم النسر

هناك 14 تعليقًا:

ابو مفراح يقول...

من غير ما تسألى ولا تقولى
عارفين الى بيحصل
المعاناااااااااااااااااااااااااااااه
ثم المعاناه
كل عام و انتم الى الله اقرب و على طاعه ادوم
تحياتى ابو مفراح

amany يقول...

بطه بجد مش عارفه اقولك اى
الله يكون فى عونكم
فى عونا كلنا

انا بقرا الكلام حسا انه هتجنن
مفيش غير كلمة
حسبنا الله ونعم الوكيل
البلد خلاص م بئتش بلدنا
بئت بلدهم بالاغتصاب

Ahmed Al-Sabbagh يقول...

أووه بجد معاناه

ربنا يعينك يارب

بلدنا بقت مكلكعة اوى

كل سنة وانتى طيبة

وعام هجرى سعيد

تحياتى
أحمد

محمد مارو يقول...

بطه
بطوط
كاك كاك
دى مصر
معنديش كلام تانى و نو كومنت

منى يقول...

والله يا بنتى مانا عارفه اتكلم
طب اواسيكى
وهى يعنى المواساه هتعمل ايه؟
طيب انصحك
بايه؟
مش لاقيه غير
حسبى الله ونعم الوكيل

coca يقول...

عارفه انها معاناه

للاسف الواحد هيطرش من اللي بيحصل كل يوم

بس صبرا صبرا

ربنا يجيب تعبك بفايده ويكمله عيل خير
مستنيه
البوست القادم

DR.HAMAS يقول...

ربنا يكون فى عونك يا أختنا

معلش بقة

انتى ف مصر

يعنى تستحملى

بس كدة

ربنا معانا كلنا

و ان شاء الله ربنا مش هيضيع تعبك
و لا السنين اللى فاتت


متقلقيش


د.حمـــــاس

الشريف / جمال طة يقول...

سؤال الى الكونجرس ألأمريكى والمنظمة الدولية لحقوق الانسان

أين حقوق الانسان والديمقراطية من الأتجـــار بالبشر والعبوديـــــــــــة فى المملكة العربية السعودية
تحت أسم نظام الكفالة المقيت متـى تتحرك أمريكا والاتحاد ألأوروبى ومنظمات حقوق الانسان فى العالم لالغاء نظام الكفالة والاتجــار
بالبشر للقضــــــــــــــــــــاء على الارهاب والتطرف فى العالم


http://gamal51.blogspot.com

http://anameshm3ahom.blogspot.com/2007/12/blog-post_11.html

http://kalam3eal.blogspot.com/2007/12/blog-post.html

احمد الجيزاوى يقول...

ههههههههههه
البوست دة خلنى اقول عمارررررررررررر
يــــــــــــــــا مصر
بجد احنا فى مرحله الطاقه الذريه وله النووى دة
احتمال بعد 1000000000000 سنه يحصل تقدم او حاجه
تانيه وهى القيامه تقوم ونخلص
ربنا معاكى

احمد الجيزاوى

walaa يقول...

حتى الفساد بقى فى العلم وعلم بقى كوسه يعنى البلد بقت كمان بدون علم تصدقى ان زوجى بقاله 8سنين ولسه ما حدش الماجستير طبعا انت عارفه ليه من المهزله دى برده دى بقت بلد كوسه وحسبنا الله ونعم الوكيل
تحياتى لك ولاء

أحمد سعيد يقول...

ايه يا بنت يا بطه الكلااام ده

والماجستير يعنى لما تدفعى فيه

3 اآف جنيه هتعملى بيه ايه

كمان هى الدولة خربت من شويه

والحمد لله انك قدرتى تجيبى ختم النسر

اتمنالك دوام التوفيق

ويارب تحققى كل أحلامك

أخوكِ دائماً..نيجــر

بنت الاسلام يقول...

ابو مفراح

مش هسال خلااص

ما انا جربت

وحضرتك طيب يارب

بنت الاسلام يقول...

amany

ماتقوليش حاجة

انا بحكي افضفض بس

ربنا معانا جميعا

بنت الاسلام يقول...

Ahmed Al-Sabbagh

اه دعواتك ياخالووووووووو

وحضرتك طيب يارب

مصر