الهي ماعدت أبغي شيئا في هذه الحياة سوي عفوك ورضاك

الاثنين، 21 يناير، 2008

أرجوووووووكم شوروا عليا .....أعمل ايه؟؟؟؟؟؟؟؟


اتخنقت بجد


ومش عارفة اعمل ايه


بعد مادفعت الالف جنيه

وجبت الورقة المختومة بختم النسر

وبعد كدة
اخدتها وانا فرحانة

لا هطير من الفرحة

ورحت بيها علي الكلية

دكتورتي قالتلي جميلة

جهزت ورقي عشان يدخل لرئيس قسم الكيمياء

رحت تاني يوم اشوف لما خرج الورق من عنده

حصل ايه


لاقيت ورقة صغيرة فوق ورقي بخطه

بيقولي فيها

أسف

الجهة الي دفعتي فيها الف جنيه

غير بحثية


ومش هنتعامل معاها
مع العلم اني سائلة وكيل الكلية عن شرعية الجهة
قبل ما اروح واجيب الورقة


والدكتور المشرف بتاعك مش نافع

محستش بنفسي غير وانا بعيط واصرخ في سكرتيرته

حرام
4 شهور دايخة

وفي الاخر

تموتوا فرحتي

ماجستير ده

ولا عقاب علي جريمة


كل الي بيحصلي ده

نتيجة نفوس سودا

بتكره بعضها

رئيس القسم بيكره الدكتورة المشرفة
والدكتور المشرف

وعمال يوقع وينفخ في السم بينهم

وعشان يعجزهم
مالاقاش قدامه غيري

الدكتور المشرف بيقولي امبارح

انا فقدت الثقة في كل الناس بسبب
رئيس القسم

رديت عليه وقلتله
لا يادكتور

الدنيا لسة بخير

النهاردة بقوله

بسحب كلمتي يادكتور

وبتساءل معاك

هو فين الخير؟؟؟؟؟؟؟؟


اما الدكتورة المشرفة

كلمتني وقلبها بيتقطع

قالتلي مش هينفع يابطة

لازم تغيري موضوعك

خاااااااااالص

من مكان تاني

ومع دكاترة تانية

ومأساة تانية

انا محتارة

اعمل ايه

استمر

واستعوض ربنا في الفلوس الي راحت

ولا انسحب

واقتل حلم الماجستير والدكتوراة جوايا

ارجوووووكم شوروا عليا

اعمل ايه

انسحب بهدووووووووء وللابد

ولا استمد من ضعفي قوة واستمررررررر

بس انا حقيقي


تعبت
بجد
تعبت




هناك 9 تعليقات:

مهبول ومهبوله يقول...

يابنتي اساسا الماجستير والدكتوراه بدوخي فيها جدا جدا وانا مقدر التعب اللي انتي فيه وتعب جيب ودماغ
بس اوعي تقتلي حلم في حياتك
وحاولي تاني وارجعي تاني بالورق لرئيس القسم وكأن شيئا لم يكن

الشريف / جمال طة يقول...

الى الجوهرة / بطه

لأول مرة أجد نفسى عاجزا عن الكتابة حائرا ماذا أقول لجوهرة ثمينه مثلك ولكن أستطيع أن أقول لك ربنا ينتقم من كل من كان سببا فى حزنك أو المك ولكن هذا قدرنا اننا أصبحنا نحيا فى بلد أعداء النجاح ونعيش بين ناس تكره نفسها قبل أن تكره الآخرين ولكن أستطيع أن أقول لك ( ان لم تكن أسدا فااستئسد) وهذا الموقف يزيدك اصرارا على النجاح والتفوق والوصول لأملك وهدفك مهما كانت الصعاب وان شاء الله ربنا معك وانشاء الله نفرح بحصولك على الماجستير والدكتوراة وتفرحى أنتى بنجاحك وتفوقك والى تعليق آخر

أحمد سعيد يقول...

هى دى بلدنا يا بطة

المشكلة مش فى الحكومة

الحكومة جزء من المشكلة

المشكلة اكتر فى الناس

لو كل واحد راعى ضميره فى مكانه

كان الوضع اتعدل


حتى الماجستير والدكتوراه فايدتهم ايه

لكن عزيزتى لا تجعلى حلم حلمتى به ان يندثر ويدفن.

فلتكونى قوية..

مازلتى فى بداية الطريق

وليس ما تطلبيه بالشئ السهل

خليكِ قويه

وأرمى ما حدث خلف ظهرك

ولتجعليه يقودك لتحقيق النجااااح

عزيزتى اتمنى من الله ان يوفقك

ويرزقك ما تحلمين به

اخوكِ دائماً..نيجــر

يورو يقول...

بطه يا عمرى
لتالت مره بقرا البوست ومش عارفه اقولك اى
مش عارفه لو فى مكانك اى الى ممكن اعمله
سهل اقولك خلى عندك امل وحاولى تانى وتالت وم تيأسيش
بس عارفه ان الموقف اصعب من اى كلام
ربنا معاكى يارب

محمد مارو يقول...

اولا عاوز اقول لا حول و لا قوه الا بالله

وحسينا الله و نعم الوكيل

لكن دورك يا بطه هو عدم الياس و التكمله فى اى مكان

و ان كانت هذه الجامعه بها نفوس ضعيفه كونى انتى الاقوى

و اعرفى ان الوصول للعلم ليس بالسهل لازم نتعب و نتعب و نتعب

المهم فى الاخر نحصد

لا تياسى
لا
لا
لا
لا و الف لا

shams يقول...

لا الموضوع مش محتاج
الاستمرار للنهاية
اما الحصول على الحلم اما لا
ان شاء الله تعتصمي بالكلية

انا مسلمه يقول...

مممممممممممممممم

لالالالالالالالالالا الموضوع صعب

إيه اللى بيعلموه دا

حرام عليهم

أكثر حاجة تغيظ إن تحسى إن اللى أمامك يحسسك إنه مشغول ووراها مشاغل الدنيا وإنتى بقه فاضيه

هما بيستهبلوا

إوعى تسكتى عن حقك

إنتى مش لاقيه وقتك وفلوسك ومجهودك دول فوق سطح بيتكم كل شويه تجدديهم

روحى يافاطمة للوكيل طالما هوه اللى قالك على الجهه البحثيه
وخليه يكلم رئيس القسم
إطلعى للعميد
كلمى الدكاتره
ومش تتنزلى عن حقك

بس قبل ماتروحى صلى صلاة حاجة
وتذكرى حبيبتى

إن مع العسر يسرا

وزى مافى ناس ضميرهم ماتت فى ناس ضميرهم صاحيه
روحى للدكاتره الكويسين فى الكليه
وإن شاء الله

ربنا هاييسر لك امرك

بس إوعى اليأس

appy يقول...

لااااااااااااااا تستسلمى ايه انا بقولك عليك جدعه وقويه وعجبتينى اكتر لما دخلتى على الشات رووووم وقولتى الجماعه اللى بيحرجونا ويقولوا اخوان ومش اخوان ده انا سمعت وكان نفسى اصقف لكى لا بطه اوعى تستسلمى ومتسبيش فلوسك بجد كمان كملى حلمك مفيش حاجه بتيجى بالساهل ابدا صدقنى وده اختبار من ربنا يشوف مدى صبرك ما هو لو عاوزها تبقى سهله هتبقى بس بيشوف قوتك وايمانك صدقنى خلى عندك ثقه بالله ونفسك وهتلاقيه شايل لكى الخير اكيد ان شاء الله

غير معرف يقول...

amany
معلش كل حاجه بقت صعبه بس بلاش يأس حبه تفاؤل وحبتين ثقه وكله ان شاء الله هيبقى تمام

مصر