سمعت ريسنا القمر بيتكلم قلت اما اروح اتفرج وحشني والله بقالي زمان ماشفتش طلعته البهية السمحة مش عارفة كان
فين بقاله مدة
الله يعينه بقي هيكون بيبيع بطاطا يعني اكيد كان مشغول لحل مشاكل الشعب الي مش بتخلص انا قلت في بالي جايز يكون
بيتابع بنفسه
قضية العالم المصري النووي الي اتقتل ولايمكن مشغول بقضايا الصحفيين وحبسهم عشان كدة غايب عننا المدة ديه كلها
ماهو انا لازم افكر في كدة هتقولولي ليه بقي لانه وهو بيتكلم في افتتاح الحزب لمؤتمره الجديد ساعة مافتح بقه ونطق
بانجازات
وتطلعات مصرنا الحبيبة في مجال الطاقة النووية السلمية طبعا غير كدة عيب والف عيب ساعتها بقي حسيت ان جالي
صمم في الاذن
الوسطي من شدة التصقيف والناس نطتت من علي الكراسي وكانه قال تم بحمد الله حل القضية الفلسطينية والعراقية معا
لكشة واحدة
وخد عندك بقي كلمة الديمقراطية ديه ماتشالتش من علي لسانه خالص طول ماهو بيتكلم يعيد ويزيد ويقول الديمقراطية
والناس تصقف
وام واحد طلعلك من النص كدة وهات ياشعر مش عارفة ماخدونيش ليه ااقوله مكانه والله كنت هقوله مجاملة للريس
ومش هقبض منه
ولا مليم حب بقي
لفتت نظري كلمة تحفة قالها الريس يارب ااقولها صح راح رميلك بقين حلوين كدة وقال وسنضرب مثلا بالحزب الوطني
بين باقي
الاحزاب صراحة كنت عاوزة اضحك وكان نفسي اطلبه ساعتها علي رقمه الخاص الي كل الناس عارفينه طبعا واساله
هما فين
الاحزاب دول ياريس؟؟؟الغد الي زعيمه ورا ء القضبان ولا الوفد الي نازلين طحن في بعض ولا الاخوان الي مفيش
ورا حزبكم غير
تصفيتهم واعتقالاتهم ولا حزب مين تاني جايز الناصري الي معرفش حتي مين رئيسه ولا يمكن الوسط الي مابقالوش كام
سنة
ماتقلقش ياريس علي حزبك حزبك هو الوحيد الي مابتسمحش ابدااااااااا ان يكون له منافس
ماتنسوش بقي
صقفوا للريس ياولاد
هناك 16 تعليقًا:
هذا كله استخفاف بالشعب واستهبال
وكأن الشعب ده مجموعة من القطعان
يسوقهم الريس
ويخدعهم زى ما هو عايز
والمشكلة انك تلاقى المنافقين وكدابين الزفة اللى على طول يزينوا الباطل ويقلبوا الحقائق
ويقلبوا الموازين
فتصير الامور بة
وفعلا تكون فتنة تكون فتنة يكون الحليم فيها حيران
وزى ما اتنى شايفة يا بطة
لاتوجد احزاب حقيقة تستطيع ان تنافس الحزب الوطنى الجاثم على الصدور والكاتم للانفاس
والاخوان المسلمون طبعا هما الامل
وعلشان كدة
اعتقالات ومحاكمات عسكرية
وحملات تشويه
وحاجات كتير
لكن اظن يا بطة ان الشعب لن يخدع طويلا وسف تتضح الحقائق قريبا
وعندها لاينفع هذا الخداع ولا الكذب الذى يمارسونه على الشعب المسكين
ولا ايه رايك
مع تحياتى
صلاح شنان
و الله يا بطه و هو بيتكلم جالى احساس كده انى انا الوحيد اللى فى البلد دى معدوم و ان البلد كلها فل و ميه ميه و العيب منى انا
الراجل اتكلم عن انجازات و لا انجازات امريكا فى الاقتصاد
مفيش فايده فيكى يابطوط زى العسل ودمك خفيف وبجد البوست حلو اوى كفايه انه عن ريسنا حببنا اللى مطير برجين وعمارة من نفوخنا ونبى حبيبى ياريس
و الله زي العسل يا بطوط
بس هنعمل اية
كل حاجة في بلدنا بتتغير الا الريس و كلامه
اشكرك يافاطمه انك طمنتينى ان لا لاجديد
انا صحيت متاخر وروحت الجرنال ساعه واحده ورجعت من غير ما اكلم حد اساسا
فمعرفتش بابا حسنى قال ايه
------------------
الوسط مش حزب يافاطمه
هو لسه تحت التاسيس زى الكرامه كده
وحتى دول ضربوهم وهما لسه بيتاسسو
-----------------
بدون تفاصيل متنسيش الاحزاب اللى اتعملت اصلا من رجالتهم زى الكائنات اللى اسمها الاتحاد والجمهورى والدستورى والمحافظين وشباب مصر وباقى الهجص ده
غير الاحزاب اللى زرعو جواها ناس لتدميرها بالانشقاق الداخلى زى الاحرار والغد
ولا الاحزاب اللى جمدوها اساسا
-----------------
اييييييييييييه دوووووونيا
خلينى فى اللى انا فيه
لا جديد
هو شعار المرحله ياباشا
لا لا لا يا بطة ليه تفهمى الراجل غلط هو كان قال انه بيتكلم عن مصر او احزاب مصر؟!!!!!يمكن الراجل بيتكلم عن ولاية مباركستان او جيميستان ثانيا الرجل بيحكم حسب التعليمات اللى بتوصله بس احنا شعب لسه جاهل مش بنعرف نتحكم كويس ثالثا دا كان مؤتمر الحزب والفكر الجديد وكل الشعب فى ايده الحديد بس مش حديد عز كمان يا ستى هم غيروا الشعار وقالوا ان بلهم بتتقدم بيهم طبعا يقصدوا مباركستان وهتتقدم بيهم لحد مايوصلوا حافة الجبل وبعدها ان شاء الله بلهم هتتخسف بيهم فى سابع ارض تحياتى
استاذي الفاضل صلاح شنان
رايي
ان خلاص بقي كفاية
المفروض يكون البقاء للاصلح
بس هو فين
بس
عزيزتى..بنت الأسلااام
وضوع مقرف ما نراه
الزهق اصاب الواحد بالأكتئاب
هل سنرى رئيساً
غير من العائله المباركيه
ربنا يخلصنا منهم على خير
كل الشكر لكِ
أخوكِ..نيجــر
محمد مارو
من ناحية انه اتكلم فهو اتكلم
وبيتكلم
وهيفضل يتكلم
لكن فين الانجازات بقي
الله اعلم
ريهام ياقمر انتي الي عسل والله
طبعا ربنا يخليهولنا
شمس
هيتغير ياشمس
بس دم الريس الجديد
مش دم جديد
هيثم الغيتاوي
شكرا للايضاح
ويارب دايما نستفيد منك
صحفي بقي
د/عبد الخالق زهران
يمكن برده
محدش عارف النوايا
معلش انا كان نفسى اعلق على الموضوع وكان عندى كلام كتير جدا يفوق البوست
بس عندما بدات فى الكتابه
كتبت
حسبيه الله ونعمه الوكيل
لا تعليق
احمد الجيزاوى
مش عارف ... حاسس انك هتودينا فى داهيه ... عموما لازم كلنا نقول فى نفس واحد((صفقوا للريس يا ولاد)) ... ده برده ينفع شعار كويس
ماتقلقش يافرعون مصر الصغير
مش هنروح في داهية ولا حاجة
إرسال تعليق