الهي ماعدت أبغي شيئا في هذه الحياة سوي عفوك ورضاك

الأحد، 2 ديسمبر، 2007

الحياة بقي لونها بمبي...ياممدوح اسماعيل


موضوع يمكن تكونوا نسيتوه جايز لان بقاله
فترة طويلة في المحاكم حمض يعني

زيه زي أغلب قضايا الرأي العام

...العبارة ...السلام98

افتكرتوها اكيد الي راح ضحيتها 1000 راكب

وسابونا نتخانق ونتشاكل ونتنازع...من الجاني

مافكرش كتير ممدوح اسماعيل قال أروح
أريح أعصابي في

لندن يومين

...وطبعا راح ومارجعش تاني

وكنت أظن انه مش هيرجع أصلا
لكن دلوقتي بقي هيرجع

بزفة ميري

طبعا السؤال ليه بنفتكر الحادثة دي تاني
ونعيد الالام والجراح

...تفتكروا ماتت



الي صحاها جوايا من تاني هو حكم المحكمة
الي اتأجل كالمعتاد


لكن الي ايضا برأ ممدوح اسماعيل
وشيل الليلة كلها للقبطان


.....الله يرحمه ويحسن اليه ماتنسوش تقروا له الفاتحة


يعني ألف روح السبب الرئيسي في موتهم
هو روح ماتت معاهم


كلنا بقي نروح علي قبره ان كان له قبر


او نركب مركب في وسط البحر الاحمر ونلقه بالطوب


لانه هو السبب طبعا كما اثبت وبشدة الصندوق الاحمر...
.أأقصد الاسود

...معلش اعذورني بنسي

وانتهت القضية والله يرحمك يامصري
والشركة رجعت والسفن رجعت


والحياة بقي لونها بمبي ياممدوح اسماعيل
...يابختك ياعم

نسوا الناس او افتكروا انهم نسيوا
وبعدين شغلوا البتنجان والكوسة كمان

الظاهر نفسهم في مسقعة محشية كوسة

بفلوسك سكت اسر الضحايا

وبحكم محكمة طلعت نزيه وشريف

والعيب في الاموات اما الاحياء
فقلوبهم نظيفة وعمرها ماتفكر تأذي

ونحن في انتظار حكم المحكمة القادم

وسلامي للسلطة في مصر

افهموني صح السلطة بتبقي حلوة مع
السمك كتيررررر

بس يارب مايكون سمك من البحر الاحمر

احسن يكون أكل القبطان المذنب

وبعدين الحكومة تزعل مننا وتمنع السمك من السوق

تحيا الكوسة


هناك 42 تعليقًا:

shams يقول...

بما ان الاقبال على المدونة شديد ربنا يستر و الحق التعليق الاولاني
و اقلك ان لو دي بلد محترمة بتحاسب الجاني
كان وزير النقل استقال
و ممدوح اسماعيل اتحبس و الاهالي اتعوضت بجد
بس دة لو بلد محترمة
و لان لو من الشيطان
فاحنا مش تبع الشيطان
لذلك احنا مش بلد محترمة

رانيا الجبالي يقول...

اسلوبك حلو اوي يابطه ودلوقتي مفيش فرق بين السلطه والسلطه كله بيتاكل فيها حق الناس الغلابه وسمك القرش بيفضل لحد ما ياكل في بعضه ربنا يوفقك

د/عبد الخالق زهران يقول...

ايه يا بطة انتوا عايزين تنهبوا
الراجل يعنى هيقطع نفسه
يتفسح فى لندن ولا يروح مجلس الشورى ولا يتابع القضايا
وايه يعنى الف مصرى ماتوا
منهم كتيير مترمى على القهاوى وفى الشوارع
وبعدين ما هو رمى كام الف جنيه لكل واحد مات


مش عارف بطة ابكى ولا اضحك ولا اشد فى شعرى من
اللى بيحصل فى بلدنا دا؟؟؟؟؟؟؟؟؟!!!!!!!0

محمد مارو يقول...

بطه
الراجل اللى اسمه ممدوح اسماعيل ده هياخد
وسام الجمهوريه لانهم خلص مبارك من حمل 1000 واحد

غير معرف يقول...

والله يا بطوط لازم تكون الدنيا بمبي على ممدوح اسمعايل وشركاة وأكيد كل الناس عارفة مين شركاة , وشركاه يا ستي هما كل النظام المصري إللي عمل أتفاقية قتل لكل المصريين وبشتى الطرق المهم في النهاية يبقي في موت , وأصبح المثل الآن "كل ما تموت مصري .... فلوس هاتزيد وهاتعدي" يعني عاوز تعدي على أمريكا مفيش مانع , تعدي للملكة المتحدة ما يضرش , تعدي لإسرائيل!! مش هايحصل حاجة ما أنت خلاص من الجماعة القتلة واللي بينطبق عليهم المثل .
والحياة فعلاً لازم تكون لونها بمبي!!!
أخوكي
حمادة زيدان

momken يقول...

ممدوح اسماعيل ماله يا جماعه هو مغسل وضامن جنه ؟؟؟؟
الراجل ركبهم مركب وقالهم المركب تعبانه محدش يركب الناس الى الى ركبت غصب عنه
وبعدين هو فى لندن بيتعالج من الناس الفظيعه البشيعه الى هنا
الى مش بيقدروا التضحيات الجامده الى هو قدمهالهم
بالنسبه لموضوع القضايا وايه الجديد ...
دة لحد دلوقتى لسه نفرتيتى رافعه قضيه طلاق على احد الفراعنه متفصلش فيها
عادى

بالنسبه لسعر المواطن المصرى فالمواطن المصرى زى الاثار لا يقدر بثمن لذلك يوزع بالمجان

بالنسبه للكوسه ؟؟؟
انا محبش اكلم فى السياسه

البوست جميل وعامل اكنه مظاهره

تحياتى

gamal51 يقول...

والله أولادنا بنات وشباب زى الورد ربنا يحفظهم ويطول عمرهم ويأخذ الحكومة علشان نرتاح ونطمئن على مستقبل أولادنا

gamal51 يقول...

ايه ايه ايه ايه الحلاوة ديه ياولاد
شفتم بطه بتقول ايه وبتعمل ايه من أجل الذاكرة المصرية صلوا على النبى ياولاد وادعو ربنا وقولو يارب خلى بطه
لمصر واجعل مصر كلها بطه أيوه قولوا أمين علشان ربنا يطرح فيكم جميعا البركة لمصر ( مع تحيات جدووووووووو )

gamal51 يقول...

ممدوح اسماعيل
صاحب مركب اللى يركب مايطلعش ولا اللى يركب مايرجعش
ممدوح وفى ألأصل ملعون
http://gamal51.blogspot.com

مع تحياتى لبنت الكرام بنت الناس الطيبيين

yara.m يقول...

نص الحكم القضائى الاول قال ان السفينه حلوه وسليمه بس الركاب الى م عرفوش يركبوا
كمان السفينه اسمها السلام ...يعنى مش دمار ومش كارثه ومش حاجه وحشه
ونص حكم الاستئناف قال ان الحى ابقى من الميت
يبئا احنا هنزعل على اى زى م انتى قولتى يا بطه تحيا السلطه ...وتحيا الكوسه

elbostagy2 يقول...

السلام عليكم ورحمة الله وبركاته

تعرفي يا أستاذه بطه
لأول مره أحس ان الحروف بتخونني ومش قادر أعبر عن اللي جوايا

ياترى مين أحق بالمحاكمات العسكرية أ"مذموم" هذا أم الإخوان ؟؟!!

لا أجد إلا أنني أردد من أعماق قلبي
حسبي الله ونعم الوكيل
حسبي الله ونعم الوكيل
حسبي الله ونعم الوكيل

ويوم لا ينفع مال ولا بنون حسابنا


دمتم في حفظ الرحمن
أسألكم الدعاء

بنت الاسلام يقول...

شمس ده شرف ليا يكون تعليقك اول تعليق طبعا

نتمني ترجع للبلد احترامها

بعودة ابناءها للحكم بالحق وبالعدل

ولا للسلطة

بنت الاسلام يقول...

رانيا الجبالي

فعلا بقي كله سلطة

بنت الاسلام يقول...

د/عبد الخالق زهراان

قطع شعرك يادكتور شد بس مش كفاية

بنت الاسلام يقول...

محمد مارو

ليه ان شاء الله هو الريس كان تعبان منهم في حاجة

ده حتي شعارهم

بلدنا بتتقدم بيناااااااااا

بنت الاسلام يقول...

حمادة زيدان

ناس كتيرة قوي بقت بتعدي علي اسرائيل

وربنا يستر عليكي يابلد

بنت الاسلام يقول...

momken

ربنا يشفيه

واظن هيخف بقي

اصل الي كان تاعبه

بعده عن بلده

واهو خلاص رااااااااجع

بنت الاسلام يقول...

جدوووووووو

شكرا لقصيدة المدح ديه

كتيرة عليا والله

ربنا يكرمك يارب

الاتنين ياجدووووووو مايطلعش ومايرجعش

بنت الاسلام يقول...

يارا

شكل الغلطة في النهاية هتطلع علي الاموات كلهم

لانهم ماعرفوش يعوموا

بنت الاسلام يقول...

البوسطجي

خليني اردد معاك

حسبنا الله ونعمة الوكيل

غير معرف يقول...

قلنا من زمان الضحايا هما اللى هيبقوا متهمين.. وجميل سعيد هيلبس الليله لأى حد ..عشان البلد ماشيه كده ..وأقولك سبق آخر.. قضية هايدلينا.. هتنتهى بتوجيه الإتهام للدم المصرى.. لأنه هوا اللى ملوث مش الأكياس ..وصاحب الشركه بصراحه مش ناصح لأنه ما عرفش يطير للندن يتعالج ويتفسح .. وتحيا مصر .. ورقابنا فدى ولاد الكلب

د\سيد مختار يقول...

قلنا من زمان الضحايا هما اللى هيبقوا متهمين.. وجميل سعيد هيلبس الليله لأى حد ..عشان البلد ماشيه كده ..وأقولك سبق آخر.. قضية هايدلينا.. هتنتهى بتوجيه الإتهام للدم المصرى.. لأنه هوا اللى ملوث مش الأكياس ..وصاحب الشركه بصراحه مش ناصح لأنه ما عرفش يطير للندن يتعالج ويتفسح .. وتحيا مصر .. ورقابنا فدى ولاد الكلب

ahmed_k_m يقول...

يا بطه علشان خاطرى محدش عن يغلط فى الراجل الطيب للى اسمو ممدوح اسماعيل الراجل مهربش يا جماعه الراجل الطيب الامير صاحب سمو الامير ابن الكبير سافر علشان يريح ضميرو ا اللى تعبو كتير رغم ان هو براء براءة الذئب من دم ابن يعقوب هنعمل ايه بقاء فى الناس الشرفه اللى بيخفوا على المواطنين الوحشين انا عايز القضاء يحكم على الناس اللى ماتوا دول بالاعدام شنقا علشان يبقو عبرة لمن يعتبر كل واحد من الناس اللى بيخفوعلينا يجى يحصل اى حاجه فيه من ويكون ضحيتو مثلا بنى ادام يخلو يسفر لندن وسويسرا علشان يتعالج يا جماعه احنا لزم نحس على دمنا بيقاء ونسيب الرجله الكبار بتعنا يعمل لصلحنا من غير قضيا ولا يحزنون ارجع يا امير علشان سمو الامير ابن الكبير مش عارف يعيش ....تحياتى يا سمو الامير someone

الجمعاوي الاصيل يقول...

حسبنا الله ونعم الوكيل

يابلدي ياحبيبة فيكي حاجة محيراني

نزرع القمح في سنين تطلع الكوسة في

ثواني

هو في جيش عربي

لو عاوز تعرفي الجيش العربي فين

تعالى مدونة ميخا

وانت تعرف

بنت الاسلام يقول...

د/سيد مختار

ربنا يرحمنا من الكوسة يادكتور

لكن بلاش شتايم الله يكرمك

انا مسلمه يقول...

هيه القضيه مش المفروض إنها تتنسى لانها كانت مصيبه وكارثه

لكن من كتر المصايب والكوارث اللى عندنا فإندثرت القضيه بين أخواتها من القضايا

بس تعرفى إن وأنا راجه من العمره قبل ماأخرج من العباره ببص على الباب

لاقيت مكتوب( عبارات السلام تتمنى لكم رحله ممتعه)

كنت هاعيط والله
دا إحنا طلع عنينا عما لما العباره تكرمت وجت

ويوم مايجبوها يجيبوا لنا (عباره الموت)

والأغرب إنها اللى كانت بتروح وتيجى هيه ولانش ومسمعتش إن كان فى عبارات تانيه فى الميناء
يعنى عبارات السلام بس هيه اللى شغاله

حسبنا الله ونعم الوكيل

بنت الاسلام يقول...

ahmed_k_m said

علي رايك
نسيبه

لكن تفتكر ربنا هيسيبه

ان كان اخطا

بنت الاسلام يقول...

الجمعاوي الاصيل

يابلدي ياحبيبة فيكي حاجة محيراني

نزرع القمح في سنين تطلع الكوسة في

ثواني


عجبتني الجملة ديه قوي

بنت الاسلام يقول...

انا مسلمة

احتكار بقي ياندي

حمد لله علي رجوعك بالسلامة

أحمد سعيد يقول...

مستنيه ايه يا فاطمه

من السلطة ورجال السلطة

ماهو لازم تكون البلد كلها كوسه

واهمال وتسيب

ويستاهل الشعب انه مستحمل

وسااااكت

تحسى انه مات من السكوت

او واخد منوم من ايام الملك توت

اتمنى لكِ التوفيق عزيزتى

أخوكِ نيجــر

القلم السكندري يقول...

علي رأيك يا بنت الاسلام

تحيا الكوسة

أصل الكوسة للمصري كالماء للسمك

إن فقدها .. كان وجبة شهية علي أطباق من يملكون الكوسة

بوست جميل

تحياتي

بنت الاسلام يقول...

احمد سعيد

امتي ننطق بقي امتي

بنت الاسلام يقول...

القلم السكندري

للدرجة ديه بقي حالنا

احنا والكوسة واحد

ابو مفراح يقول...

السلام عليكم
احنا نسىنا العباره و كمان نسينا الطائره المصريه التى كان بها خيره قيادى الجيش المصرى ، و ايضا نسينا حادث قطار الصعيد ، و لكن التاريخ لا ينسى و الله سبحانه و تعالى لا ينسى و الدفاتر موجوده
تحياتى ابو مفراح

بنت الاسلام يقول...

ابو مفراح

نعم لاننسي

ولكن

اين الحق

haneen يقول...

احييك بجد على حماسك وحبك لهذا البلد ويا ريت ييجى اليوم اللى الظالم والمخطىء ياخد عقابه بجد مش تهدئه للراى العام وحسبى الله ونعم الوكيل فى اللى مسئولين عنها
يا ريت تشرفينى بالزياره فى مدونتى فى موضوع عايزه رايك فيه لانه يهمنى جدا
خالص تحياتى

Esmat يقول...

تحياتى عزيزتى بطة
وتفتكرى دى حاجة تتنسى
المأساة دى بينت حاجات كتير لكل المصريين
حاجات حتفضل معلمة فيهم إن يا رخسنا
و يا دمنا اللى بيروح ببلاش ومفيش حد بيدفع تمنه - والجانى قاعد بيستمتع هناك
الله يرحم أهالى من ماتوا ويصبرهم
واللى راحوا فى البحر نحتسبهم عند الله شهداء
ومثواهم جنة الله
والله يرحمنا نحن الاحياء من حكومة لا ترحم
وتحية طيبة لكى و دمتى بخير

بنت الاسلام يقول...

haneen
اسعدتني زيارتك جدااا

والحماس ده شيء طبيعي قدام كارثة زي ديه يكون الفصل فيها بالصورة ديه

فالحماس اصبح غضب

والخوف يتحول لبركان من الغضب تكون عواقبه وخيمه

لكن للاسف

الناس بتنسي

ومع الزمن كله بيزول وكله بينشغل بحياته

طبعا يشرفني جدااا زيارتك لمدونتك الجميلة

وده شرف ليا


شرف حقيقي

تحياتي

بنت الاسلام يقول...

Esmat

اله يرحمنا جميعا

نفسي قبل ما اموت

اشوف البلد ديه حالها افضل

ونفسي اكتر

اشارك في هذا التحول

تفتكري ممكن

mohammed alsha3r يقول...

مبارك عليكى يامصر من كل والوجوه

مبارك عليكى طفح المجارى وممدوح اسماعيل


مباااااااارك عليكى يامصر من كل والوجوه

بنت الاسلام يقول...

mohammed alsha3r

مين بيجيب سيرة مبارك هنا

حد يسمع

غير معرف يقول...

شكــــــــــرا جزيــــــلا لتضامنك

مع أصدق تحياتى وتقديرى

مصر