الهي ماعدت أبغي شيئا في هذه الحياة سوي عفوك ورضاك

الخميس، 10 أبريل 2008

أنشر ولك أجر



بقولك ايه هتقاطع ولا لاء

طبعا هقاطع

طب هتقاطع ايه

اللي انتي هتقولي عليه

هو انا هقول ايه

انا عارف قولي وسمعيني ياسيتي

شوف ياسيدي احنا طبعا مسلمين وموحدين بالله تمام كدة

تمام التمام حد يقدر يقول غير كدة

حلو الكلام بنحب دينا لان هو اللي علمنا اننا نحب كل الناس ونحترم كل البشر ومانغلطش في حد ولاننجرح حد غلطتش أنا

أبدا دانتي حتي كلامك عبر


طب خير طبعا اللي علمنا الرحمة والحب والخير واللي مواقفه كلها عفو وتسامح ومحبه هو مين؟؟؟

ايوة مين

يابني بقولك انت هو مين ...؟؟؟؟؟؟

قولي انتي ياأختي

طيب هقول هو سيدنا النبي صلي عليه

عليه أفضل الصلاة والسلام أه والله عندك حق

سمعتش أنت بقي علي اللي الغرب بيقولوه عليه

غرب... بيقولوا عليه ايه دول قولي بسرعة

طب اسمع هحكيلك أهو في بلد اسمها هولندا تعرفها المهم برلماني يعني واحد زي عضو مجلس الشعب عندنا كدة اسمه ياسيدي جيرت فيلدرز عمل فيلم سماه الفتنة بيسيء فيه لسيدنا النبي وللقرأن ونشره في مواقع علي الانترنت

ايه الكلام اللي بتقوليه ده والمسلمين ساكتين ازاي علي كدة الراجل ده لازم يتقتل فورا مش لازم نسكت ووووو

هس هس ايه العبط اللي بتقوله ده ده كلام اهدي كدة وخلينا نفكر بالعقل

عقل ايه دول ماينفعش معاهم عقل

لاء طبعا ينفع اسمعني بس هفهمك

فهميني بس لومافهمتش هتنح بقي ومش ساكت

اسمع بس الناس في الغرب مابيفهموش ولايعرفوش غير لغة اليوروووووو الورق الاخضر المادة يابابا تعرف ان حجم تعاملات هولندا في العالم العربي بس كام

كام

4 مليار دولار سنويا يعني لو كلنا اتفقنا وصممنا اننا نقاطع منتجاتهم ولو لفترة محدودة اسبوعين مثلا اتفرج بقي علي اللي هيحصل

ها قولي هيحصل ايه

هيأثر علي اقتصادهم يابني جدااا وهيخليهم يفكروا جامد

طب الهدف من المقاطعة دي ايه؟؟؟؟

ااقولك ياسيدي دي اهداف كتيرة مش هدف واحد خد عندك

اولا بالمقاطعة الاقتصادية ديه هنضغط علي البرلمانات الاوربية لتشريع قانون يمنع الاساءة للاديان

اه وايه كمان

تاني حاجة وده المهم احنا نبقي عملنا حاجة فعلية ومحسوسة لنصرة حبيبنا المصطفي

اه


كمان ديه بقي هتبقي فرصة مهمة لتعريف الغرب بمن هو النبي وبعظمته وبأخلاقه ده انا سمعت ان في رجال اعمال مصريين ربنا يبارك فيهم هينشروا صفحات في جرايد هولندية للتعريف بأشرف الخلق

بجد

اه والله جد الجد

كمان في حاجة بقي معظم الشركات الهولندية معانا وفي صفنا وسمعت انهم هيرفعوا قضية لتشريع القانون كمان

اه والله كلام جميل قوي بس أنا عاوز اعمل حاجة فعالة احس اني عملت حاجة

بس كدة هتعمل ياسيدي

انا هعطيك دلوقتي قايمة فيها كووووووول البضائع الهولندية عاوزاك تحفظها صم وتقاطعها مش كدة وبس لاء كمان تنشرها تلف علي السوبرماركتات وتعلقها وماتشوفش حد الا لما تقوله

وانشر ولك أجر

الله يفتح عليكي

ويفتح علينا كلنا

يالا ننفذ كلنا بقي وننشر ونقاطع لعلها نصرة ولعله الاجر


هذا البوست تضامنا مع الحملة التي أطلقها مجمع البحوث الاسلامية تحت رعاية الاعلامي الكبير الاستاذ عمرو اديب لبرنامج القاهرة اليوم والتي مدتها اسبوعين بدءا من اليوم 10 ابريل الي 25 ابريل و

انشر ولك أجر
هذا الرابط به كافة البضائع الهولندية

هناك 20 تعليقًا:

محمد مارو يقول...

طيب يا ستى

كلنا اكيد ان شاء الله هنقاطع

انا قولت للعيال و لا اخويه مش تشتروا شيتوس

هما عيطوا اه بس لما شافوا الشكولاته سكتوا

Unknown يقول...

العزيزة الغالية

بطة

الحمد لله احنا اساسا لا نعرف البضائع المستوردة عموما والهولندية خصوصا ...
احنا يادوب بنعرف السلع بتاعة بير السلم .. ربنا يعينكم واحنا نساندكم بس
كفاية علينا

ابوجلال المصرى يقول...

السلام عليكم
الاخت صاحبة مدونة لا والف لا
حملت لى مدونتك لكثير .. وعنت لى الكثير مررت بها .. فتأثرت بما فيها
فألى لقاء خر والسلام...

مدحت محمد يقول...

جزاكى الله كل خير يابطة ويارب ربنا يتقبلها منك
ويرفعك بيها درجات ويزود بيها حبك لسيدنا النبى
تحياتى

Abd-Alrahman يقول...

اكيد انشاء الله كلنا هنقاطع
وانشاء الله كلنا هنتحد وكلنا ايد واحدة

موضوعك جميل اوي
وكلامك جميل
احيكي عليه

شكرا واتمني زيارتك الجميلة لمدونتي المتواضعه
عبدالرحمن

موناليزا يقول...

جزاكم الله خيرا انا بجد مكنتش اعرف المنتجات الهولندية وهى محملتش كلها بس اللى شوفته لقيت ان الحمد لله مش بجيبه اصلا

Hosam Yahia حسام يحيى يقول...

جزى الله حضرتك كل خير


على التذكره وان شاء الله نقاطع

رئـــــيسـة حزب الأحلام يقول...

نعم للمقاطعة

Dr-Ahmed يقول...

ألمقاطعه سلاح فعال جداااااا

واسلوب الموضوع فعلا يشد الواحد انه يقراه...

شكرا ليكي يبطه

بنت الاسلام يقول...

محمد مارو

زهقهم شيكولاتة المهم ينسوا الشيتوس خاااااااالص

بنت الاسلام يقول...

حسن توفيق

استاذي

الحمد لله

لسة عايشيييييين

تحياتي

بنت الاسلام يقول...

ابو جلال المصري

مدونتي هي اللي لاقت الشرف كله بزيارة حضرتك ليها

نورتني

وفي انتظار زيارة اخري

تحياتي

بنت الاسلام يقول...

مدحت محمد

امييييييييييييين يارب انا وانت وكل المسلمين

قاطع بقي

وقول للحبايب

ماشي

وللجيران

والقرايب مايضرش

تحياتي

بنت الاسلام يقول...

عبد الرحمن نور

عاوزة الصعيد كله يعرف بالمقاطعة ياعبده

امانة في رقبتك

اوعي تنسي

تحياتي

بنت الاسلام يقول...

موناليزا

الحمد لله
ربنا يتقبل مننا بس

قولي يااااااااااارب

تحياتي

بنت الاسلام يقول...

حسام يحيي

ده المتوقع منك دايما

تحياتي

بنت الاسلام يقول...

رئيسة حزب الاحلام

ان شاء الله ننجح

بنت الاسلام يقول...
أزال المؤلف هذا التعليق.
بنت الاسلام يقول...

د احمد فارما

نورتنا بالزيارة

وان شاء الله المقاطعة تنجح

غير معرف يقول...

اختى الغايه بطوط احنا طبعا هنقاطع ان شاء الله وسوف انشر قوائم المقاطعه ان شاء الله لا تقلقى اختك ريمان

مصر