الهي ماعدت أبغي شيئا في هذه الحياة سوي عفوك ورضاك

الأربعاء، 1 يوليو 2009

و أنـت مزعــــل نفـســـــك ليـــــــه ؟

أثناء ذهابي اليوم لمدينة رأس البر وفي الطريق الي موقف السيارات المؤدي اليها سمعت صوت يبدو وكأنه

صراخ رجل ليس ببعيد عني ولكني لم أستطع تمييز ملامحه وكلما اقتربت من الموقف زاد اقتراب الصوت لاذني

حتي استطعت تمييز الصوت وتمييز صاحب الصوت فاذا به شاب صغير يبدو أنه في العشرينات من عمره ثيابه

مهندمة يرتدي بنطلون جينز وقميص نظيف وله ذقن صغيرة ويبدو عليه أنه متعلم لمحته يتحدث بصوت عالي

ويلوح بيديه ويضرب كفا بكف فتخيلت في البداية أنه ربما يتشاجر مع أحد السائقين في الموقف الي أن اقتربت منه أكثر

وأكثر فتسمرت في مكاني دهشة الشاب المهندم الذي يبدو من مظهره أنه من الفئة المكافحة في

البلد...مجنـــــــون....نعم هذا مايبدو للرأي يحدث نفسه يصرخ فيها ...وقفت مكاني وتابعت الشاب بعيني

وأذني...وعندما ميزت كلماته المؤلمة أدركت أنه أقتيد الي الجنون...وجدته يعاتب نفسه صارخا لائما

اياها ...قائلا..

وأنت مزعل نفسك ليه؟..ما انت هتفضل كده لحد ما تموت ..كل واحد يحدفك لواحد غيره يطلع (كلمة لا

أستطيع كتابتها ولا نطقها)..هي ماشية كده؟كله ماشي كده؟...

و مزقت كلمات الشاب المسكين نياط قلبي وبعثت في

داخلي حزنا غريبا سيطر عليا ..ركبت الميكروباص وأنا أشعر بخنقة غريبة تتملكني..ووجدت السيدة الجالسة بجواري

تتنهد بأسي وحزن وتتحسبن ..حسبنا الله ونعمة الوكيل..ربنا يكملها معانا بالستر...فسألتها ان كانت رأت الشاب

فانطلقت في الحديث و عبرت عما يحمله صدرها من غضب وحنق وانطلقت تسرد مواقف مرت بها وغبت أنا عن

حديثها وسلطت عيني علي الشاب عندما مرت السيارة بجواره وهو لايزال يصرخ ويضرب كفا بكف ويعاتب

نفسه ..وأنت مزعل نفسك ليه؟
تأملت سؤاله لنفسه كثيرا وتوقفت أمامه وظل يتردد بداخلي طوال الطريق وحتي بعد انتهائي من مشواري وأثناء عودتي
ظل يتردد بداخلي وأثناء سيري علي شاطيء البحر وقت الغروب فقدت احساسي ببهاء المنظر وروعته ونظرت لرحيل
الشمس وغوصها في مياه البحر نظرة بلا معني وبعد انتهائي من أخر دروسي فقدت رغبتي في العودة مرة أخري الي
الشاطيء رغم لهفتي المعتادة وحرصي الاسبوعي علي هذه الجلسة الممتعة واشتياقي لها والاستمتاع بالجلوس علي
الكرسي المداد ومداعبة قدماي لرمال الشاطيء الناعمة و امتاع عيناي برؤية السماء والنجوم المتلئلئة بها ومناجاة
القمر التي لا أمل منها أبدا والاستماع لصوت الامواج التي كان يطرب أذني ربما أكثر من نغمات الموسيقي الهادئة
تركت كل هذا وأدرت ظهري للبحر وتوجهت لموقف دمياط وصوت الشاب المسكين يصرخ بداخلي وهو يردد


وأنت مزعل نفسك ليه؟

وانا بكرر السؤال لنفسي

وأنا مزعلة نفسي ليه؟

هي كده

وماشية كده

لكن عندي أمل

أنها تتغير

قبل ما تجنــــــن أنا كمان

هناك 25 تعليقًا:

وردة يقول...

مشكلتنا الازليه
وانت مزعل نفسك ليه
سيبها ياعم تمشي زي ما هي
حنتجنن واحد ورا التاني
وعلي فكرة
ممكن تقبليني في يوم بنفس المنظر
اصلا كلنا زي الشاب ده
الفرق انو طلع اللي جواه
واحنا بنعمل كده بس جوانا
ربنا يرحمنا برحمته
سلام

وردة يقول...

انا كنت اول تعليق


ازاي فاتت عليا ديه


بس بصراحة البوست يوجع القلب

ومفيش نفس للاحتفال

بأول تعليق


سلام

RealMan يقول...

وانتا مزعل نفسك ليه هيا كده وهتفضل كده وهنعيش كده ونموت كده وسلملي علي كده يا كده

hasona يقول...

السلام عليكم


كان الله في عوننا

إيمان بنت الحرية يقول...

اكتر حاجة عجبتنى

اخر جزء

لكن عندى امل

انها تتغير قبل ما تجنن

وان شاء الله بايدنا نغيرها

بس من غير ما تزعلى نفسك..الله يخليكى

ع فكرة طريقتك فى كتابة البوست بتعجبنى جدا ..

ومعلش سؤال ع جمب ..

متعرفيش الشاب دا كان مزعل نفسه ليه ؟؟

ع العموم ربنا يعينا جميعا

MǿиY El-Shreef يقول...

تصدقي انا زعلت عليه

ربنا يعينه بجد :(

وسلمي ع راس البر اصلي بموت فيها

بنت الاسلام يقول...

وردة

والله معاكي حق

كلنا هذا الرجل

بس والله هو مامجنون

هو بس مصدوم

بس مين يفهم

نورتيني ياجميل

وشرف ليا يكون تعليق وردة

اول تعليق

تحياتي

بنت الاسلام يقول...

real man


كده هي كمان

بتسلم عليك

تحياتي

بنت الاسلام يقول...

hasona

وعليكم السلام

ربنا يحفظ عقولنا في الزمن ده من العقل

الجنان يكسب

تحياتي

بنت الاسلام يقول...

ايمان بالحرية

من غير الامل

تنتهي ارادة ورغبة الانسان في الحياة

انا اللي مزعله

واضح انه الظلم

الظلم اللي بيتمادي ويكبر ويتنقل من واحد لواحد ومن سواد قلب لقلب سواده ليل طويل مالهوش نهاية

واضح ان الشاب ضحية

احلامه وامنياته اللي اكيد كانت بسيطة

اتنقلت واتحولت لعبارة

فوت علينا بكرة

او طلبك مش عندي

عند الاستاذ فلاني الي هيوديه لعلاني واللي هيشقطه لتركاني و

موت ياحمار

وياريته مات كان ارحم

لكن المسكين

اتجنن

تحياتي ليكي يا ايمان والحمد لله ان اسلوبي علي المستوي اللي نال فيها رضاكي

واتمني التواصل

تحياتي

بنت الاسلام يقول...

MǿиY El-Shreef

انت زعلت من كلمتين كتبتهم

لو كنت شفته

كنت اكيد هتشوف ماسي المصريين اليومية في عنيه

الله يسلمك وياريت تشرفها بزيارة اكيد هتنور بيك

تحياتي

ريمان يقول...

تصدقى انا برضه هقول لنفسى كده

بدل ما اجنن انا كممان


انا مزعله نفسى ليه

هى كده

وماشيه كده

والله يا بطه انا بشوف الناس ماشيه تكلم نفسها برضه


سبحان الله

ربنا يرحمنا


تحياتى


هاتى بوسه يا بت بجد نفسى اخرج بقه معاكى


ربنا يسهل

اموااااااه

وحي القلم يقول...

السلام عليكم

النقد الذاتي أفضل انواع النقد

خذ الحكمة من أفواه المجانين

تقبلي مروري

بنت الاسلام يقول...

ريمان

يااااااريت والله

وهعزمك علي ايس كريم وربنا

بس انتي انوي

وطبعا الحساب عليكي

هههههههههههه

اصلك مش واخدة بالك لو انا حاسبت

همشي اكلم نفسي

وافضل اهون عليها

وااقولها

وانتي مزعلة نفسك ليه؟

انتي مكنتيش عارفة ان رمانة بخيلة ولا ايه؟

ههههههههههههههه

تحياتي ياقمر

بنت الاسلام يقول...

مصعب صلاح

وعليكم السلام

معاك حق في موضوع الحكمة

انما محدش نظر له علي انه بينقد نفسه

بالعكس

كله وقف يتحسر عليه

ويدعي ربنا يحفظ له عقله

وانا كنت واحدة منهم

تحياتي

ديالا يقول...

ربنا معاه ويوفقه

ايه ده هو احنا بلديات ولا ايه

راس البر دي بموت فيها وطبعا دمياط حيبه قلبي

تقبلي مروري

مشخبطاتي يقول...

السلام عليكم..

الواحد بتمر عليه حالات زى دى كتير..وبيسأل نفسه هو ممك ن يكون عليه واجب تجاه الحالات دى؟
وهل ممكن أكون فى موقفه فى يوم من الأيام؟ وإن إفترضنا الإجابة نعم فياترى هاحب يكون موقف الناس منى إيه؟

بصراحة موقف صعب...كان الله فى عونه


لكن ياترى مين السبب فى كده ومين اللى هايتحاسب على كده.

تقبلى مرورى.

بنت الاسلام يقول...

ديالا

بلديااااااااااتي

مش تقولي انك من دمياط يابنتي

نورتي مدونتي

تحياتي

بنت الاسلام يقول...

المشخبطاتي

وعليكم السلام

الاسباب كتيررررررررر

ومش هخوض فيها دلوقتي

يمكن بعدين

نورتني بالزيارة

تحياتي

وردشان smilyrose يقول...

اهذا مصيرنا

اذا زاد المنا وجراحنا

اهذا مآلنا لما

لما تكون تلك النهاية

الجنون ثم الجنون

ولكن ما هو الجنون

الحديث بصوت عالى

ام محادثة النفس

كثيرا منا يجد نفسه يتحدث مع نفسه

وخصوصا وقت الوحدة او الشرود

اذا كان هذا هو الجنون فكلنا بالفعل

اقتربنا منها واليه

ولكن كما قلتى هناك امل

فى الله عز وجل وبرحمته بنا


وردشان

روح الحب الصادق

بنت الاسلام يقول...

روح الحب الصادق

ايوة ده مصيرنا

اذا ماعملناش زيه وفهمنا نفسنا

انها ماتزعلش

نورتي ياجميل

تحياتي

الشاعر الحزين يقول...

وأنت مزعل نفسك ليه ؟؟

أنا عندى الإجابه للسؤال ده

أنا مزعل نفسى لأنى مسلم ومرضاش الظلم للإسلام والمسلمين

والانسان ده مظلوم زى غيره كتير قوى قوى من المسلمين

أنا أعرف واحد كفيف ( أعمى ) وعنده اخوات أكبر منه وأصغر منه

لكن للأسف محدش بيرضى يوصله الكليه غير لما ياخد فلوس

عايزين ياخدوا أجرة توصيل أخوهم الكفيف للكليه

بعد كل ده وبتسألى أنت مزعل نفسك ليه ؟؟

لكن بجد أنا بحييكى جدا جدا على لفت نظرك لحاله زى دى وكتابتك ليها فى المدونه بتاعتك

بجد ممتاز جدا الانتباه التنبيه اللى انتى عملتيه

تسلمى ويسلم قلمك المعبر جدا جدا

أعتذر جدا جدا على الاطاله

ودمتى بالخير

بنت الاسلام يقول...

الشاعر الحزين

لا حول ولا قوة الا بالله

اللي هيعيش ياما هيشوف

نورت مدونتي واطل كما شئت فانت هنا لأسمع مابداخلك

تحياتي

تلميحاتى - يوسف الشافعى يقول...

وانتى مزعله نفسك ليه
99.9 من الشعب المصرى يحتاج للعلاج النفسى
وللاسف النوعيه دى بأت كتير اوى الايام دى وكويس اوى انه مهندم ومقطعش هدومه ومنكش شعره والتراب ماليه من ساسه لراسه
وربنا يحفظ لنا الجوهره
اللى مش عارفين قيمتها
وادعو له بالشفاء وان يكون هناك من يهتم به قبل مايوصل للحاله الصعبه اوى

بنت الاسلام يقول...

تلميحاتي ..يوسف الشافعي

ياتري يا استاذ يوسف مين جننهم؟

ياريت اللي كانوا السبب يحسووووووووووووووووا بقىىىىىىىىىىىى

تحياتي

مصر