الهي ماعدت أبغي شيئا في هذه الحياة سوي عفوك ورضاك

الثلاثاء، 3 فبراير 2009

حوادث غير الحرائق في قطارات مصر

هو ليه بقت كل حاجة حوالينا غلط في غلط والغريب ان مابقاش حد بيحاول يغير الغلط انا بصراحة ربنا عمري ماركبت قطر وبعد اللي سمعته وشوفته عن حوادث القطارات في مصر مش عاوزة اركبهم وكرهتهم لله في لله

نقلا عن مدونة كلام وفش غليل للمدون محمد مارو الذي رأي بعينه هذه الحادثة التي لازلت في حيرة عن بحث سبب لها فلا أجد غير اكتمال لصورة الفساد في مصر واتساع بؤرته لتشمل حوادث بلا سبب سوي تمكن الشر من قلوب البشر




اولا دى رساله اى كل واحد ارجو الاهتمام و نشرها على اد ما تستطيع النهارده فى قطار السادسه و النصف من محطه المنصوره و المتجه الى مدينه طنطا حصل هذه الحادثه كان فى سيده تبلغ من العمر ما يقرب من 30 عام راكبه هى و ابنتها القطار و زى اى واحده اتجهت لشباك التذاكر و اشترت التذكره و جلست بجوار الشباك اللى بجوار الباب و تحرك بنا القطار و مرت قريه بعد قريه و هى فى امان الله تلاعب طفلتها و اذ بنا نصل الى محطه ميت خلف فجاه نجد احد الشباب يقف على الرصيف و يقف بجوارها و هى طبعا فى امان الله لان مصر بلد الامن و الامان و مش واخده خوانه و عندما بدا القطار يتحرك اذ بهذا الشاب يخرج مطوه من جيبه و فجاه يضربها فى وشها هذه السيده اخذها الذهول وولم تستطع أن تتكلم و لا تصرخ و لا تعمل اى حاجه الا بعد اما القطر كان اتحرك بالفعل فاقت من الصدمه و فضلت تصرخ اتجهنا اليها وجدناها بتبكى و بتقول هو وشى فيه دم بنبص لاقينا وشها غرقان دمبنسالها فى ايه ؟قالت انا اللى عاوزه اعرف فى ايه ؟هو عمل كده ليه ؟انا عملت له ايه ؟بيضربنى ليه ؟طبعا و هى منهاره و كل شويه تسال عن وشها هل حدث له اى حاجه و احنا بنحاول نهدى فيها و هى منهاره و عماله تبكى دى صوره السيده بعد الضربه

انا بعتذر عن ردائه الصوره لان فوق كل البلاوى دى القطر كمان مظلمكل واحد فيكم اكيد مفكر ان القطر ده بتاع الغلابه زى ما بيتقال متعرفوش انه اغلى من العربيات او المواصلات العاديهيعنى مثلا على شان اركب ميكروباص من المنصوره لسمنود دى فى الميكروباص ب 75 قرش لكن فى القطر ب جنيه و نص من داخل القطر المهمكل واحد هيفكر ان دى حادثه فرديه عاديه عابرهمحدش يعرف انها كل يوم بتتكر على طول الخط من المنصوره لطنطاو فى محطات معروفه كده زى مثلا قريه ميت خلف دى و ميت الكرما و صفط تراب و شبشير الحصه و غيرها كتير و اكتر من مره حصل ادامى مواقف زى دى و طبعا مكنتش بقدر اصور ولان القطر بيكون ظلاااااااااااامو الناس بتروح تعمل بلاغات و بيرجعوا زى ما راحواو لو عاوزين تفاصيل موجوده عندى كتييييييير اكتر من مره اعتداء على بنات و شباب بالضرب بالمطاوى و الامواس اى سرقه الموبايلات و غيرها و الملفت للنظر ان العمده عارف العيال دى و عارف انهم بيطلعوا على المحطات اما يقلب الناس او يشربوا مخدارات او يسرقوا فى القطارات او يعملوا زى ما عملوا مع الست دىتخيل لو الموقف ده لا قدر الله حصل معاك انت او مع اهلك او اختك او والدتك هتسكت ؟اتمنى ان كل واحد يبقى ايجابى و يحاول ينشر البوست دهاو ياخده عنده فى مدونتهو اخيرا شعار القطارات كده كده هتموت لو مش بحادث يبقى اما محروقا ( فى حوادث القطارات المحروقه ) او مقتولا ( ممكن تاخد لك مطوه من حيث لا تدرى و لا تعلم ) او من البرد ( القطرات مفيهاش اصلا حاجه اسمها شبابيك )يبقى اختار موتك بنفسك

رجاء الاهتمام بوصول هذا الموضوع للمسئولين

لعل احد يهتم

لينك مالموضوع علي مدونة كلام وفش غليل وعليه مزيد من الصور

http://kalaaam.blogspot.com/2009/02/30-75.html


هناك 15 تعليقًا:

عالم حبيب يقول...

لا حول ولا قوة إلا بالله


هي الدنيا جرى فيها ايه


لا حول ولا قوة إلا بالله

ريمان يقول...

انا لسه شايفه البوست عند مارو


وبجد اتحررررررق دمى جدااااااااااا


حسبى الله ونعم الوكيل

مش عارفه بجد ايه الغباء والهطل ده اللى حصل للشباب

هى صلت للضرب بالمطاوى كمان

ارحمنا يا رب من العالم دى

محمد مارو يقول...

سانكس بطه
اتمنى الكل يهتم كده

غير معرف يقول...

لا كلام و لا حديث

غير لا حول و لا قوة الا بالله

مش عارف اقول ايه تاني

حاجات جوايا يقول...

والله يا بطة بجد انا بقيت بخاف جدا
رغم ان احساس الخوف ده عمره ما كان يعرفلى طريق
بس الدنيا بقت صعبة جدا
بقت غابة
كله بينهش فى كله
وعايز ينتقم منه بأى طريقة
الناس بقت بتكره نفسها
وبتكره بعض
يعنى شوفى الحادثة دى غريبة جدا
دى لا سرقة ولا اغتصاب ولا تحرش
مجرد أذى كده وخلاص بدون سبب
حالة نفسية بتدمر صاحبها والناس اللى بيقابلهم
ربنا يرحمنا ويحفظنا يارب

انى احبكم فى الله يقول...

بجد المدونه متميزة جميله فعلا واشكرك على الموضوع المتميز والله الدنيا محدش عاد عرفلها حاجه

ياريت تزرونا فى الجروب

بسمة انور يقول...

لاحول ولا قوة الا بالله
هو ايه اللى جرا فى الدنيا
حسبى الله ونعم الوكيل

بنت الاسلام يقول...

عالم حبيب

جي فيها كتير

كتير قوي

تحياتي

بنت الاسلام يقول...

ريمان

للاسف في الزمن ده اصبح متوقع اننا نشوف ونسمع اي حاجة

ويبقي عيب قوي لو سألنا ليه

تحياتي

بنت الاسلام يقول...

محمد مارو

ياريت الكل يهتم

ياااااااااريت

ومشكور جهدك يامارو

تحياتي

بنت الاسلام يقول...

شوكت

كفاية قووووووي

تحياتي

بنت الاسلام يقول...

حاجات جوايا


زي ماقلتي بالظبط ياسالي

حالة نفسية

تحياتي

بنت الاسلام يقول...

اني احبكم في الله

نورتينا بالزيارة

تحياتي

بنت الاسلام يقول...

بسمة

جري كتيرررررررررررررررررررر

قوووووووووي

تحياتي

النجمه الهادئه يقول...

السلام عليكم
بجد مدونه جميله جدا ويشرفنى ان اتعرف
بهذه الشخصيه الجميله
واتمنى لكى التوفيق الدائم
دمتى بخير وسعاده وتوفيق

مصر