الهي ماعدت أبغي شيئا في هذه الحياة سوي عفوك ورضاك

الثلاثاء، 19 أغسطس 2008

أوهام قلب حزين



رحل عنها فتأوهت وتألمت ولعبت برأسها الأوهام بحثت عنه وباتت تحلم بعودته أصابتها الحيرة وحلق قلبها في السماء باحثا عنه فكتبت خاطرة بعنوان


أوهام قلب حزين


اين انت..حتي متي ساظل ابحث عنك..لماذا ابتعدت عني..الاتعلم مدي شوقي للقياك..الم تدرك مدي المي لغياب طيفك عن خيالي..انا لست حية انا في عالم اخر غير عالم الاحياء عالم ظلاله الم واطيافه حزن واحلامه بعد ارجوك لاتبتعد عني هكذا بلا ميعاد ..كيف لقلبي الملتاع ان يتحمل فراق النور الذي يحيا به فراق الامل الذي يعش من اجله..لا لن
استطيع احتمال ان تقتلني الاوهام اوهام القلق والخوف لماذا بذلت المستحيل لتقربني
منك وعندما اقتربت ابتعدت انت رحلت عن عالمي بعد ان اصبحت انت مالك لهذا العالم اكنت تهزا بي وبمشاعري اكنت تسخر من احلامي وامالي لا لست كذلك لم تكن كلماتك الاصدقا شعرت به ولم تكن وعودك الا دينا قطعت علي نفسك عهدا ان تقضيه وانتظرت انا لكن بعدك عني يدميني ويحرك الشكوك بداخلي ويجعلني اتساءل في حيرة ماذا به املني حقا ؟؟ وضاق بي؟؟ ام وجد من افضل مني وتركني هكذا بلاوداع ؟؟ اعذرني لكنها اوهام قلب حزين لفراقك قلب يتساءل هل يحمل قلبك له شوقا مماثل هل يتالم قلبك لفراقه مثلما يتالم هو ارجوك لاتدعني انتظر طويلا فان تحملت انا فكيف لقلبي ان يتحمل فراق قلب احبه وكيف لروحي ان تحتمل غياب روح تستمد منها الحياة ؟؟..ايها القلب الغالي علي قلبي لاتتركني هنا اسيرة للاحزان..فبعد ان عرفتك كرهت كل معني للحزن..وعشت علي امل ان تظلل السعادة علي حياتي بسحابة لاتنتهي ولاتزول..سحابة الامن والامان..سحابة أمطارها حنان لاحدود له سحابة بيضاء حالمة يامن هواه القلب لاتجعل قلبي يستسلم للاوهام عد الي وقف امامي واخبرني وعينك في عيني بحقيقة ما يشعر به قلبك وما تخبرك به روحك ان كان قربا فهنيئا لي وان كان بعدا فدعاء المجروحين لي هو ما ارجوه واتمناه فانات المكلومين من اجلي ستكون نعمة السكن والدواء ولكن في شتي الاحوال ستطأ قدمي علي برا والاهم ان قلبي سيحيا ولكن ..بلا اوهام


وهي جالسة في شرفة منزلها المطلة علي النيل هزت رأسها بعنف تنفض عنها أوهام السنين الماضية التي انتهت بغدر ورحيل من كانت تهواهم ارتشفت أخر رشفة من فنجان قهوتها ووضعت منظارها علي عينيها وأغلقت الباب ورائها ونزلت لتقابل الواقع...


واقع بلا أوهام


ويبقي السؤال طارحا نفسه حتي متي سنظل نحيا في تلك المنطقة بين الواقع و الأوهام؟؟؟

هناك 34 تعليقًا:

طلاب من أجل مصر يقول...

اوول تعليق..............(عمرها محصلت )0

بطه خيالك رائع ربنا يبارك في حضرتك


بس اعتقد في فرق بين الحلم والوهم

الحلم...ممكن نقول حجات ممكن تحصل لكن هيه ليست بين ايدينا الان

الوهم:شيء لن يحصل لنا وهو ليس بين ايدينا

يارب اكون وصلتها ..:)

تحياتي

احمد اشرف يقول...
أزال المؤلف هذا التعليق.
احمد اشرف يقول...

اختى بوست مميز
بس انا حاسس بنغمة حزن فى البوست ده واللى التنين اللى فاتو

يارب يبعد عنك الاوهام ويحققلك الاحلام
تحياتى

حسن حنفى يقول...

مممممممم

بوست جميل

دايما كده ابداع

:p

والعنوان احسن حاجه فيه

هسرقه بقي

:p

Hosam Yahia حسام يحيى يقول...

:(

مش عارف اقول ايه

لكن بوست يكفى انه يزيد الخنقه اللى انا فيها

:(

التائب يقول...

السلام عليكم ورحمه الله وبركاته
صديقتى بنت الاسلام
ممكن تسمحى لى ان ارفع لكِ القبعه
بجد كلمات صادقه جدااااا ومن قلب عاش كل هذه اللحظات
اتمنى من الله ان يحقق لكِ كل احلامك
دمتى بكل خير وعافيه ومن الله اقرب
والله الموفق

بنت القسام يقول...

بطوط
دمتي مبدعه يابطه
ربنا يكرمك يارب
بحبك
جيلان

oRiGiNaL HeArT يقول...

بوست جميل اوى
وبالنسبالى انا شايفة ان فى فرق كبير بين الحلم والوهم
الحلم شئ ممكن يتحقق شئ فى حاجات ممكن تساعدنا اننا نحققه
او يعنى ممكن نحاول اننا نوصله
انما الوهم حاجة الخيال بيصنعها من لا شئ ومبيبقاش فيه مقدمات ليه او اى معطيات لتحقيقه
يارباكون قدرت اوصل الفكرة اللى فى دماغى
.......
ليكى عندى تاج :)

عالم حبيب يقول...

الأخت الفاضلة بنت الاسلام

كلمات جميلة ورائقة .. ومشاعر فياضة تنير تلك السطور .. يفضل الكثيرون الرحيل بدون حتى ابداء أي مقدمات .. نقف نحن حائرين .. نصاب أحيانا بالذهول .. لكن سرعان ما ندرك الواقع .. فنتجه أن نحيا واقع بلا أوهام

تقبلي تحياتي

أخوكم : حبيب

ميرا ( وومن ) يقول...

بطة

بجد مش قدرة اصدق حاسة اني عاوزة اقراها تاني وتالت ورابع

اروع ما في الموهبة هي مقدرة صاحبها علي تطويعها في وصف تجارب الآخرين

دمتي مبدعة

لكي خالص تحياتي

بنت الاسلام يقول...

عبد الهادي_سارة

يكن بين ايدينا واقعا نحيا له وبه ثم تأتي الضربة التي تكشف لنا انه لم يكن يوما سوي وهما

تحياتي

بنت الاسلام يقول...

احمد اشرف

الحمد لله انهم نالو اعجابك

وربنا يتقبل منك دعواتك ليا

تحياتي

بنت الاسلام يقول...

حسن حنفي

كله الا السرقة يا ابو علي

هقطع ايدك

حقي بقي

تحياتي

بنت الاسلام يقول...

حسام يحيي

هو انت علطول كده يابني

مخنووووووووووق

ربنا يخفف عنك يااااارب

بنت الاسلام يقول...

التائب الحائر

القبعة مرة واحدة اظن كده كتير عليا قوووووي

تحياتي

نورتني

بنت الاسلام يقول...

جيلان

من بعض ماعندكم

انا كمان بحبك ياجيجي

تحياتي

بنت الاسلام يقول...

oRiGiNaL HeArT

حبيبتي في فرق بين وهم تعيشي نفسك في بانفصالك عن الواقع وفي وهم القلب بيحب يعيش فيه ويخدع نفسه بيه لعله يهنا ولكن لا تلبث ان تصفعه الدنيا وتفيقه

تحياتي

بنت الاسلام يقول...

عالم حبيب

ما اصدق كلماتك القليلة

تحياتي

بنت الاسلام يقول...

وومن

نشرتها من اجلك ياوومن

والحمد لله انها عجبتك

تحياتي

*الطالبة عفو الله *زوزو يقول...

بجد بجد بجد و مش مجاملة كلام راااااااااااائع يلامس ما يعيشه كل انسان كل فرد في هذه الحياة
احيانا اوهام حزينة و احيانا مفرحة بس فعلا ديما نعيش بين الوهم و الواقع
و افتكر صعب نعيش في الواقع من غير وهم مفتكرش حنقدر
بجد تحية تقدير على هذا البوست الهايل بجد
ما شاء الله عليكي
ربنا يبارك فيكي
سلمت يمناكي
دمتي في حفظ الله

حسن حنفى يقول...

حضرتك ليكي تاج عندي

ممكن تستلميه

:d

ابن رشد يقول...

بجد كتباتك بتعجبني جدا
و انتي عارفة كدة من زمان
بس مش هنبطل نشوف القلب الحزين
دة انتي اللي بتدعوني للتفائل
المرة الجاية عايزين احلام قلب فرحان

Empress appy يقول...

حتى لما شوفتك قولت مختلفه فى احاسيسها
ساعات الاوهام بتهون علنا الواقع يا بطه بالرغم من قسوتها

غير معرف يقول...

P:

غير معرف يقول...

انا اسف على الوش ده :P

هاوجهه لنفسى اهو

حسام =P:

:)

بنت الاسلام يقول...

zizi

اولا نورتيني بزيارتك ليا

واسعدني جدااا اعجابك بالبوست

وفعلا دايما بنعيش في وهم بنفتكره واقع وبمرور الزمن تظهر الحقيقي و يحزن القلب

اتمني التواصل

تحياتي

بنت الاسلام يقول...

حسن حنفي

حاضر ياحسن

لو عجبني

هاخده

وممكن اخده دلوقتي

وامرره بعد سنة

هههههههههه

بس اطمن مش هنسي ااقول انه متمرر لي منك يا ابو علي

نورتني

بنت الاسلام يقول...

شمس الزناتي

طبعا عارفة


قول ياااااااارب


مين عالم

جايز الفرح يكتب لنا يوما ما

تحياتي

بنت الاسلام يقول...

appy

مختلفة في احاسيسي ازاي بقي مش فاهمة يا ست الكل

ومعاكي حق احيانا الوهم بيخفف عننا

لكن تاتي دائما الصدمة

تحياتي

بنت الاسلام يقول...

حسام يحيي

عيل برده

وللاسف

انا اعيل منك

p:

غير معرف يقول...

طول ما فيه حقيقه هيفضل فيه اوهام ..البوست فيه حزن وشجن ساعات بنتمسك بذكره وحاجات من الماضى بالرغم من انها المتنا فى الماضى وبتالمنا لما نفتكرها...بس الانسان غاوى يعذب نفسه وبس برضه البوست رائع رائع جزاكى الله خيرا وفى رعاية الله وامنه..

بنت الاسلام يقول...

عايزة اتطلق

نورتيني


صحيح بتالمنا لكن دايما بنحب نتذكر

لحظات الالم لعلها بمرورها وتجاوزها خير

معين لنا علي تحمل صدمات اخري


سعيدة بزيارتك

واسعد ان البوست عجبك


تحياتي

مدحت محمد يقول...

هههههههههههه

تعرفى اول مرة اخد بالى انك غيرتى الصورة


بس تهلك من الضحك

بنت الاسلام يقول...

مدحت محمد


اه الصورة حلوة قوي

عجباني جداااا

بموت في الاطفال بقي


حتي الاطفال مذهولين من اللي بيحصل

حواليهم

وبيفتحوا بقهم عجبا

تحياتي

مصر