الهي ماعدت أبغي شيئا في هذه الحياة سوي عفوك ورضاك

الأحد، 17 أغسطس، 2008

تجربة الدمايطة ..هل ستنجح؟؟؟


ايد لوحدها ماتصقفش لكن ايد علي ايد تساعد
بعد موضوع مصنع أجريوم بدأ الانتباه يتزايد بأفراد محافظة دمياط بشعبها بعقول أبنائها بتجربتهم الفريدة التي جذبت الانتباه وأثارت الاهتمام باتحادهم وتكالبهم وتجمعهم علي قلب رجل واحد كل فرد من أهل دمياط تناسي هويته وانتمائه السياسي والفكري وتذكر فقط أن هناك خطر وأن هناك مشكلة ما تهم الجميع صغيرا وكبيرا قويا وضعيفا فكانت الوقفات وكانت الحملات وكانت التبرعات وكان الجميع معا وانتهت التجربة وتخطي الدمايطة الازمة ان لم تكن كلية الا انها وبلاشك قد اثرت تأثيرا كبيرا في الجميع ومن هنا جاءت الفكرة بعمل رابطة تخص وتضم شباب دمياط الواعي المتواجد باستمرار حول مائدة الانترنت كان الهدف منها نقل مايدور في الشارع الدمياطي علي شاشات أجهزة الكومبيوتر في الحقيقة الفكرة بداية اثارها المدون أحمد جمال صاحب مدونة أبو أدم ويحيي وهو من ساكني محافظة دمياط وأثارت الفكرة اهتمامنا وقررنا تدعيمها وانضم معنا مانعرفهم من شباب دمياط من أصحاب المدونات والمنتديات والمواقع


الاستاذ عمرو عبد الباري صاحب مدونة بفكر بقلبي


والاستاذة ريمان صاحبة مدونة ملائكية وهاكونا ماطاطا


والاستاذة اخلاص صاحبة مدونة عشق قلبي


والاستاذة سالي صاحبة مدونة حاجات جوايا


والاستاذ بلال صاحب موقع شباب جامعة 2008


وبالطبع الاستاذ أحمد جمال صاحب مدونة أبو أدم ويحيي


والعبدة لله بطة صاحبة مدونة لا والف لا


وشرفنا بوجوده معنا وتشجيعه لنا الصحفي المعروف الاستاذ ماجدي البسيوني نائب رئيس تحرير جريدة العربي الناصري وصاحب مدونة تحت الانشاء الفنار


وكانت أولي اجتماعاتنا بالامس بنادي الزراعيين وفوجئنا بتواجد شخصيات مرموقة معنا بدعوة من الاستاذ ماجدي


الاستاذ صلاح صاحب مدونة البدائي


والاستاذ جمال البلتاجي من كبار الناشطين والذي كان له دور واضح في مقاومة مصنع أجريوم


حددنا اهدافنا ووسائل تحقيقها


الوسائل المتاحة لنا هي المدونات وتم اقتراح عمل مدونة جماعية وقع اختيار الاسم عليها أنا الدمياطي


وعمل جروب خاص لها علي الفيس بوك


وتم اقتراح خطة مستقبلية بعمل جريدة الكترونية خاصة بالمحافظة ومناقشة تحويلها لجريدة ورقية


أما بخصوص الاهداف فقد اتفقنا قبل الاجتماع علي تجميع القضايا والمشاكل التي نشعر بها نحن كأبناء للمحافظة لمناقشتها وبالفعل تم رصد عدد لا بأس به من القضايا أبرزها


توضيح الوضع النهائي لمصنع أجريوم وما وصلت اليه الامور وقد تبني الاستاذ ماجدي البسيوني والاستاذ صلاح هذا الموضوع وتعهدا بارسال كافة المعلومات المتاحة لهم لنشرها من خلال الوسائل السابق ذكرها


وتم مناقشة باقي القضايا التي كان علي رأسها رصف الطرق وبداية العام الدراسي وتزامنه مع الشهر الكريم والفساد الكائن بالمستشفيات العامة وتلوث المياه بنسبة متزايدة في المحافظة وخطورة المواد المتصاعدة من الصنايعية الذين يعملون في صناعة الموبليا (مادة البلياستر) وقضايا أخري اجتماعية مثل تزايد نسب الطلاق بصورة واضحة بين أبناء المحافظة وقضايا التسول وأطفال الشوارع ومكافحة أوكار الادمان والمخدرات


وتم تحديد موعد لاختيار القضية التي ستكون بدايتها معنا وكان الاتفاق مسبق علي انتهائنا من قضية ثم تولي غيرها بحيث يتولاها الجميع ويتم تغطيتها من كافة الجوانب عرضها وبحث الطرق المناسبة لحلها والسعي الفعلي من أجل ذلك


ووضعنا علي قائمة أهدافنا رفع المستوي الثقافي بيننا بكافة الوسائل سواء بتبادل الكتب او بعقد ندوات أو تحديد موضوع ما نتناقشه فيما بيننا وأكدنا علي أن الهدف الاول والاخير من هذه الرابطة هي دمياط قضاياها مشاكلها رفع شأنها وايصال كل مايعنيها الي من يهمه الامر والارتقاء بها وبأهلها باتحادهم بصفتهم دمايطة وليس بأي صفة أخري


وتم الاتفاق علي عقد اجتماع شهري لمتابعة الجديد هذا بالاضافة الي الكونفرانسات التي يتم تحديدها حسب الحاجة علي الانترنت لعدم امكانية البعض من الحضور وللمتابعة المستمرة


تجربة جديدة نتمني نجاحها واستمرارها واتخاذها خطوة ايجابية نحو الارتقاء ببلدنا والنهوض بها دعواتكم لنا بالنجاح وبالتوفيق ونتمني أن نري تجارب مشابهة لها في كافة أنحاء بلدنا الحبيبة


يسعدنا ويشرفنا اقتراحاتكم معنا وتشجيعكم لنا ورجاء لكل من يعرف مدون او مدونة غير ما تم ذكرهم من محافظة دمياط ان يخبره لعله يشرفنا بمشاركته لنا


تحياتي

هناك 47 تعليقًا:

ريمان يقول...

بطووووووووووووووووط

السلام عليكم يا قمر

طبعا طبعا ان شاء الله وبعون الله هتنجح التجربه دى

ما دام احنا ايد واحده واهدافنا واحده وكلنا كده دمياطه بنحب بلدنا وعايزين نغيرها للاحسن ونحل مشاكلها ربنا هيعينا لان عندنا نيه فى رابطتنا دى

ويا رب يا رب يديم رابطتنا دى على خير ونعمل حاجه كويسه لدمياط

ريمان يقول...

على فكره انا اول تعليق اهو

عايزه بونبونى

ماليش دعوه

طالبه الفردوس يقول...

السلام عليكم

بطه حبيبتى ربنا يباركلك

وان شاء الله هننجح لان نيتنا خير الناس انفعهم للناس

ربنا يوفقنا

العندليب يقول...

والله يابطة اهدافكم جميلة جدا وربنا يعينكم على تحقيقهاويارب يبقى فيه تكاتف وتعاون ضد اي شئ سلبي في مصر ونتمنى يكون في جروب زي كده في القاهرة
تحياتي
العندليب

وومن يقول...

بطوط

يا دمايطة يا جمدين بعد كدة هانرفع سعار لو لم اكن دمايطيا لتمنيت ان اكون دمياطياً

الف مبروووك وبالتوفيق انشاء الله عقبال باقي المحافظات يارب

nosha يقول...

العزيزة الغالية بنت الإسلام
تجربة الدمايطة زي ما إنتي بتقولي هو ده اللي الشعب المصري كله محتاجه فعلاً ولازم إننا كلنا نقف إيد واحدة ونساعد بعض وننسى كل التيارات وكل الأفكار وكل الأحزاب ونفكر بس إزاي إننا نعمل حاجة تنفع بلدنا وتنفعنا وتنفع ولادنا وولاد ولادنا كمان ونقف في وش كل ظلم وكل فساد وكل احتكار وكل شر ونقول لا أهو إحنا واقفين إيد واحدة كلنا ومحدش هيقدر يبعدنا عن بعض من تاني المصريين كلهم إيد واحدة ؟
حلم بيجري وراه الكل لكن كل واحد بيجري بطريقته وبتفكيره الخاص

تحياتي لكل الدمايطة على تعاونهم الجميل وإن شاء اللي للأمام دايماً
وطبعاً أكتر من التحية والتقدير ليكي يا بطوط

عبدالهادى_سارة يقول...

اولا :الف مبروك ..ورنا يتمم التجربة بنجاح انشاء الله

ثانيا:بجد اهداف راائعه جدااا ...وقضايا اكتر من مهمة ...ولو فعلا هتستمروا على كده ...باذن الله هتجنوا ثمار اكتر من رائعه
ربنا يوفقكم ..ويسرلكم الخير

ثالثا:بجد شباب دمياط واهلها ...اكدوا ان الوحده نصف الحل لاي مشاكل قد تواجهنا

في الاخر احب اقلك صح زعلنا لما طلعتي من رابطه الدلتا ..بس دخولك الرابطه دية برده شئ ممتاز ..اتمنى لكي التوفبق والسعاده في الدنيا والاخرة

احمد اشرف يقول...

بنت السلام اول حاجه الف مبروك شعب دمياط معروف انه جامد
تانى حاجه بصراحه انا غيران من الدمايطه ونفسى الدقهليه تعمل كده وبقيت المحافظات بس تكون عمليه مش كلام وبس ويارب تنجح التجربه علشان نقتدى بيها
تحياتى

التائب الحائر يقول...

السلام عليكم ورحمه الله وبركاته
ربنا معاكم
واتمنى لكم التوفيق والنجاح
دمتم فى رعايه الله
والله الموفق

محمد مارو يقول...

ربنا يوفقكم

بس يا ريت من الاول كده تبقوا تفصلوا البنات عن الولاد على شان ميجيش حد بعد كده و يقول نفصل
ههههههههههههههههههه

تحياتى

حاجات جوايا يقول...

السلام عليكم ورحمة الله وبركاته

إزيك يا بطوط اخبارك ايه ؟؟
أنا متفائلة خيرا ان شاء الله بالتجربة الدمياطية التى افخر انها تجربة رائدة فى محافظات مصر .. وادعوا الله ان يوفقنا لخدمة بلدنا وحل كل مشاكلها وتشجيع الجميع على نزع السلبية من حياتنا والإيمان بقدراتنا وقوتنا و رفع صوت الشعب والمصلحة الشعبية على أى صوت آخر أو مصلحة أخرى


جزاكى الله خيرا على الموضوع
وفى انتظار بدء أولى شرارات العمل الجاد

سالى

شمس الزناتي يقول...

رائع يا بطوط فكرة جميلة جدا و اجتماع اجمل
و يارب ربنا يكلل التعب بالنجاح
لكن لازم تركزوا على بند ان حماسكوا دة ما يقلش مهما كان الثمن

مختار الجندى يقول...

انا مبسوط جدا بمستوى المدونه وانا ليا فتره لم ادون او اشاهد مدونات لارتباطى باعمال كثيره وهموم ومشاغل الدنيا كتير ولكن ما اردت ان اشهد بيه هو ان المدونه بمستوى ممتاز
ولو كان ممكن ان انصحك كأخ بأنه
ممكن نعبر عن نقدنا لبعض القاده والمسؤلين ولكن ذلك دون الخروج عن الادب او لاتهام بدون وجود ادله كوزير الكوسه وياريت يكون مبدأنا فى الحياه وهو قبل ان تحاسب احد حاسب نفسك وقبل ان تطلب من احد ان يؤدى واجبه ادي انت واجبك وانصح كل من حولك بالالتزام بواجبه

عالم حبيب يقول...

ربنا يعينكم يارب

جميل أوي مشاعركم الحلوة دي

إن شاء الله البلد هاتتغير بينا وبيكم

ربنا يوفقكم وييسرلكم الأمور

أخوكم : حبيب

حسن حنفى يقول...

ماشييييي

ان شاء الله هينجح

مش هقول اكتر من كده

:)

Amgad يقول...

مساء الخير
انتو محسسني ان دمياط دي
مش تبع مصر
ايه هو اللي تعريف الناس بدمياط
مش عارف ليه حاسس اننا بنعمل
زي مالناس كانو بيعملو ايام المونديال
اللي هو تعريف العالم بمصر
انتو حاسين فعلا ان دمياط مش واخده حقها؟
او مش معروفة علي مستوي مصر
عموما هي فكرة جميلة اوي وحتي ان لم تحقق كامل اهدافها فشرف التجربة يكفيكوا
وانا سعيد ان في ناس بتهتم بمصالح بلدها ونفسها تطور منها
ليا اقتراح رفيع ههههههههه
انكو تخلو الاسم
انا من دمياط
لان انا دمياطي دي بتفكرني
باحنا الدمايطة اللي نقلنا الكوبري
والمصنع كمان
وبتفكرني بسلسلة يوميات مواطن دمياطي اللي ماليه الموبايلات في دمياط كلها
عموما انا مستعد ابقي مراسل للحملة في دمياط الجديده ههههههههههه
وميلي موجود علي المدونة

dina يقول...

ربنا يوفقكم
وبإذن الله التجربة تنجح
وانا معاكم بس ياريت تبلغوني بالتفاصيل واذا يمكن الاتصال بيكي

ساسو يقول...

السلام عليكم
ازيك يابطوط انا عيزه اول حاجه اشكر اختي وحببتي سالي _حاجات جوايا_لانها دعتني عشان اكون موجوده معاكم
وانا ليه الشرف والله اني اكون وحده منكم لاني دمياطيه وبحب دمياط جدا وبتمنا من الله اني اقدر اساعد باي حاجه لو اقدر
رمضان داخل اهو علي الابواب ياريت نقدر نعمل حاجه وتكون هي دي بدايتنا في هذه التجربه

حسن مدني يقول...

الحقيقة إنه نجاح أهل دمياط في موضوع المصنع يثبت أن الناس تستطيع أن تصل إلى ماتريد إذا صح منها العزم والعمل.
لسنا شعبا من العجزة، وإنما من الكسالى. فذا نفضنا هذا الكسل، وعرفنا ما نريد وصح منا السعي له. كان بإمكاننا أن نحقق أي شيء.
أتمنى أن يظل أهل دمياط على قلب رجل واحد، وإن يكون كل شعبنا كذلك. عندها نستطيع أن نكون كما نحب.

تحياتي

بنت الاسلام يقول...

ريمان

وعليكم السلام ياجميل

عاجبني قوي حماسك ده


اتمني انه يستمر

وانه يظهر اكتر واكتر وقت ما دمياط

تحتاجه


وطول مامعانا ايمان واخلاص وعزيمة اكيد هننجح وهنضرب اعظم مثل ومثال

تحياتي

وعدي عليا خدي البومبوني

بنت الاسلام يقول...

طالبة الفردوس

وعليكم السلام


باذن الله يا اخلاص باخلاصنا هننجح


دعواتك بقي

بنت الاسلام يقول...

العندليب

ربنا يقدرنا يامصطفي ونكون نموذج فعلي يقدر يتكرر مش في دمياط والقاهرة بس لاء في العالم كله

نورتني بالزيارة

وكل سنة وانت طيب

بنت الاسلام يقول...

وومن الغالية العزيزة

الله علي تشجيعك لينا

دايما كده بحماسك بتدينا دفعة للامام

ولو لم اكن مصريا لوددت ان اكون مصريا

كلمة نفسي كل المصريين يقولوها

تحياتي ياقمر

بنت الاسلام يقول...

نوشة

تحيتك وصلت ليا ولكل الدمايطة

وانت معاك حق كل واحد فينا بيحاول يمشي دنيته بتفكيره الخاص وللاسف كتير مابتمشيش هيبقي اجمل لو مشيناها واحنا كلنا مع بعض

لعلها تحلو


تحياتي

بنت الاسلام يقول...

عبد الهادي _ سارة


ممكن اكون طلعت من رابطة مدوني الدلتا لكن ما انساش ابدا انكم اخواتي واهلي وناسي

سعيدة قوي بسعادتكم عشانا وحاسة فعلا بفرحتكم بتجربتنا

وعشمي اكتر في دعواتكم لينا

تحياتي

بنت الاسلام يقول...

احمد اشرف

دعواتك لينا يا ابو حميد

وان شاء الله تعملوها عندكم وتبقي

احلي واحلي

تحياتي

بنت الاسلام يقول...

التائب الحائر

وعليكم السلام ورحمة الله وبركاته

ربنا يوفقنا جميعا لما فيه الخير للجميع

تحياتي

بنت الاسلام يقول...

محمد مارو

ادعيلنا بس وسيبك من موضوع الفصل ده

احنا اكبر منه

تحياتي

بنت الاسلام يقول...

حاجات جوايا

وعليكم السلام ورحمة الله وبركاته

انا بخير طول ما دودو بخير

وان شاء الله نفضل متفائلين ونقدر

نطلق شرارة لكل مشكلة بتقابلنا

ماتنطفيش الا بانتهائها

تحياتي

بنت الاسلام يقول...

شمس الزناتي

ان شاء الله ياشمس نركز علي النقطة ديه


دعواتك بس


تحياتي

رامز عباس يقول...

السلام عليكم ورحمه الله بركاته


بطه بكر بنت دمياط الابيه


نحيلكم علي اقتراحي بعمل زاوية بمجله افاق شبابيه برئاسه عمرو يوسف هكلمه

نسميها نافذة دمياط واخد مقالات واخبار بايدكم تبعتوها علي اميله




الحاجه التانيه هي ان اجتماعكم لازم يكون اسبوعي


لسرعه تنفيذ القرارات

رامز عباس يقول...

فكرة عمل اذاعه الكترونية



هنا دمياط



ده اسمها كمقترح ومن خلال البرامج نحط خطط تعرفيه بدمياط




اتمني ان تنال مقترحاتي الثلاث اهتمامكم

رامز عباس يقول...

فكرة عمل اذاعه الكترونية



هنا دمياط



ده اسمها كمقترح ومن خلال البرامج نحط خطط تعرفيه بدمياط




اتمني ان تنال مقترحاتي الثلاث اهتمامكم

منى يقول...

ان شاء الله هتنجح
الفكره دى عن الدمايطه من زمان انهم ارادتهم قويه وناس طموحه وناجحه بجد مش مجامله ربنا يوفقكم
تحياتى

بنت الاسلام يقول...

مختار الجندي

استاذي الغالي

شرفتني جداا بالزيارة

واسعدتني كلماتك بوصف مدونتي بالممتازة

قبل ما ارد علي تعليقك راجعت موضوع سلمولي علي وزير الكوسة كويس وحاولت ابحث فيه علي اي كلمة او معني للتجاوز والخروج عن حدود الادب والياقة فحقيقة لم اجد

الا لو كان اعتراضك علي لفظ الكوسة

انا شايفة ان الكلمة في حد ذاتها وصف واقعي لما يحدث حولنا

هو تسريب امتحانات الثانوية العامة مش كوسة؟؟؟

هو الغش العلني بالموبيلات لابناء المسئولين واللي يتعاقب بعدها اللي بلغت عنها مش كوسة؟؟؟

هو الطلب العلني بامدادات للمدارس الحكومية بقرار وزاري مش كوسة؟؟؟

لو حضرتك مش شايفها بالشكل ده فاعذرني واضح ان رؤانا مختلفة

انا مؤمنة تماما ان الراي والنقد له حدود مش حدود خوف ولا تردد انما حدود احترام لان النقد باسلوب غير اخلاقي ان نم علي شيء فعلي سوء اخلاق الناقد ليس الا

نورتني بالزيارة واسعدني تعليقك وشكرا لنصائحك اللي انا مؤمنة بها تماما

واتمني التواصل

تحياتي

بنت الاسلام يقول...

عالم حبيب

ان شاء الله تتغير بينا كلنا

للافضل

الاول نحط ايدينا علي مشاكلنا وعيوبنا ونعرضها

وبعدين بعقولنا المتحدة نفكر ازاي نحلها

تحياتي

بنت الاسلام يقول...

حسن حنفي

مالك بتقولها بزعل ليه يا ابوعلي

ههههههههههههه

وان شاء الله رابطة مدوني الدلتا تنجح وتستمررررررر

تحياتي ياجميل

بنت الاسلام يقول...

Amgad

مساء النور ياسيدي

نورتنا

ويشرفنا وجودك معانا فرد مننا

الهدف مش تعريف الناس بمن هم الدمايطة

ولكن الهدف هو عرض مشاكل الشارع الدمياطي والسعي الجدي من خلال مشاركات الجميع لحلها

واعتقد انه هدف نبيل ممكن يوحدنا في مواجهة اي ازمة

هنزورك وهناخد ايميلك وان شاء الله تبقي واحد مننا

تحياتي

بنت الاسلام يقول...

دينا

طبعا ياحبيبتي ممكن جدااا

ياررررررريت

ده ايميلي لو حبيتي تضفيه

battabakr@yahoo.com

في انتظار اضافتك

ويشرفنا وجودك معانا

بنت الاسلام يقول...

ساسو

الله عليكي والله بجد انا سعيدة جدااا بمشاركتكم ديه

وباذن الله نقدر نحقق حاجات كتير قوي

ايميله اهو ياريت تقبليني صديقة ليكي ويشرفنا وجودك معانا

battabakr@yahoo.com

بنت الاسلام يقول...

حسن مدني

استاذ حسن دي اشادة من حضرتك لينا تسعدنا جدااا

تحياتي

بنت الاسلام يقول...

رامز عباس

والله مقترحاتك رائعة هعرضها عليهم وان شاء الله تكون مساعدة لينا

بشكرك قوي يارامز


ربنا مايحرمنا منك

تحياتي

بنت الاسلام يقول...

مني


اشاده منك نشكرك عليها

دعواتك

تحياتي

عاشــــــ النقاب ـقــــة"نونو" يقول...

باذن الله هتنجح
دعواتنا يارب تنجح
كل عام وانتي بخير

بنت الاسلام يقول...

عاشقة النفاب

وانتي بالصحة والسلامة

قلبك معانا

محمد أسامة يقول...

ربنا معانا .. والله فكره حلوه جدا
وان شاء الله حنبدأ الاصلاح والتغيير من دمياط
عاوزينها تكون محافظة من العالم الاول بنظامها وشوارعها وتعاملها وجمالها وتماسك مجتمعها
ودمياط اكتر محافظة مؤهلة لذلك

انا معاكم ياجماعة وربنا يوفقنا

oyon يقول...

بسم الله الرحمن الرحيم
ولو ان الرد جة بعد سنتين
لانى شفت المدونة بالصدفة بس بجد عاشت الانامل اللى كتبت احلى كلام وربنا يوفقكوا
ان فى حد فدمياط قدر يكتب لو نبذة عنها وبازن الله ربنا هيوفقكم

انا احب اشاركم لو ممكن انا عندي خلفية كويسة عن المدونات والاشهار

خالد the_gold28@yahoo.com

مصر