الهي ماعدت أبغي شيئا في هذه الحياة سوي عفوك ورضاك

الجمعة، 28 مارس 2008

لحظات السعادة......معكم


نادرة لحظات السعادة بعيدة نتمناها ونشتاق اليها ونحلم بها ولكن ما أجمل أن نحياها أن نجد أنفسنا داخلها فنسعد وترفرف قلوبنا فرحة ونشعر بخفقاتها عنيفة تكاد تخترق صدورنا لتحلق في السماء سعيدة وتنطلق الضحكات الصافية وتفضح العيون عن كم السعادة التي أصابتها وتعلن بابتسامتها الجميلة عن ذوبان أتلال وأتلال من الدموع وعن ابادة جراح وجراح عاش فيها القلب يوما فاستوطنته الاحزان ولكنها ذابت أذابتها لحظات شعر فيها القلب بصدق ممن حوله شعر فيها بأن لوجوده معني ولحياته قيمة شعر بأرواح حوله تتألف وبقلوب تحيطه تحبه لا لغرض سوي لكونه مستحقا لهذا الحب فينطلق مبادلا اياهم حبا بحب لابل يغمرهم بكل مايحمله قلبه المشتاق للحب حبا ويعطيهم بكل لحظة من لحظات الحرمان من الحنان حنانا وتزداد سعادته حينما يجد أطياف السعادة في عيونهم ظاهرة وعلامات المحبة بينهم لا تخفي علي العيون فيسعد ويسعد ويتمني أن تدوم تلك اللحظات النادرة التي لو عدها في حياته لأحصاها ثم لايلبث أن يصرف عنه التمني ليحيا اللحظة فينطلق كالفراشة التي لاتحلق سوي علي الزهور الفواحة العطرة فيحط هنا وهناك لعل الزهور تهنأ ويزداد رحيقها الخلاب ولاتستكثر عليه الزهور شيئا فتغمره من رحيقها بنفحات طيبة تزيده بهاءا وسرورا وتحيي فيه أمالا وأحلاما كثيرا ما أبعدها عن خياله ولكن لحظات السعادة تعيد الامجاد والامال ثم لاتلبث أن تنتهي اللحظات لتعلن عن لحظات الفراق فيجد نفسه في طريق العودة وبعيون حزينة ينظر للزهور مودعا ولوعة قلبه تكشف عن سؤاله هل سأعود لكي يوما أيتها الزهور الجميلة لاأريد رحيقك ربما ثمنه أغلي مما أستطيع ولكن دعيني أكتفي برؤيتك وأسعد بوجودي بجوارك .


عاوزة ااقول انها لحظات سعادة جميلة عشتها مع اخواني واحبابي مدوني الدلتا كانت من أجمل اللحظات حسيت فيها اننا اسرة بجد رابطة بجد احساس جميل كنت فاكرة انه هيفضل مفقوووووود لكن الحمد لله طلع موجووووود ويارب يدوووووووم

تحية خاصة مني لكل مدوني الدلتا ولكل المدونين

للعروسين المدونين شيماء جمعة وتامر المنصوري بقولهم الف مليووووووووون مبرووووووووك ويارب تكون التورتة عجبتكم والحفلة البسيطة اسعدتكم والمركب قرب بينكم ويارب حياتكم كلها تكون حب وسعادة علي طاعة الله

ولصاحب أعظم أقلب محمد مارو بقوله بجد احساسك رائع ومدونين العالم كله أكيد بيحسدونا عليك ......مارو هو صاحب اقتراح حفلة تامر وشيماء عقبال مانحتفل كلنا بيه ومردودالك التورتة ياعم في الافرااااااح ان شاء الله كانت بالفواكة وتحفة ممكن واحدة كمان

عاوزة ابارك للمدون الرائع الغايب الحاضر الصعيدددددددي جوووووووووووي حمادة زيدان وواقوله ربنا يديم الصحة عليك وعلينا ومبرووووووووووووووووووك وبكرة افكرك لما تبقي كاتب كبيررررررر وعظيم بس ابقي افتكرنا ياعم

وللمدونة الغالية عليا قوي اختي وحبيبتي رانيا الجبالي اسعدتي قلبي بحضورك ياجميل وربنا مايحرمني منك ابداااااااا

وللمدونة الجيزاوية الضيفة الغالية العزيزة الي اسعدني وجودها جدااا ميرا مدونة امراة بعقل رجل بنت رائعة بجد ياريت تقبلنا جميعا اخوات ليها زي ما احنا شرفنا وجودها معانا وان شاء الله تنورنا كل مرة

والشاعر طبعا مش عاوزاك تزعل مننا واحنا اخواتك ياعم ومانقدرش علي زعلك

والمدونة الجميلة أنا محظوووورة سارة الي دايما بشتاقلها

والاستاذ عادل نجم استاذي وفي معزة والدي

وخالد السلكاوي الشهير بسلكة كل سنة وانت طيب وعقباااال 100 سنة بصراحة انا اعتزلت السكرتارية

وعمار فتحي كان منور هو واخوه معاذ مصعب ماجاش ليه ياولاد

وحسام الصغنوووون ابو عيون خضرا اخيرا نطقت واتكلمت

والمدون المطحون الصيدلي عبد الرحمن كنت منورنا يادكتووووور محتاجة قطرة عيوووووووون

وعبد الرحمن الصغنووووووووون مبرووووووووووووك ليك علي ختامك لحفظ القران اوعي تقول لحد لاتتحسد انا بس اللي بقول

واحمد سعيد بسيوني مدونة البحر واحمد سعيد قلب ابيض الظاهر تشابه اسماء منوورين

وعمرو سلامة بجد اتفاجأت بيه رغم صغر سنه الا انه دمااااااغ



وكل المدونين والمدونات الي كانوا منورين و اكلوا التورتة ومشيوووووا عقبال مانفرح ليكم ونغني معاكم

مش عاوزة انسي دكتور زهران كان اليوم ناقصه ربنا يشفيه يارب ودكتور محمد يوسف ياكبيرنا كلنا ولادك

وحقيقي كان يوووووووووووم جميييييييييييييييييل جداااا

وكانت لحظات

لحظات سعادة

واسيبكم مع الصور بقي

حسام مدونة صوت الحرية وجنبه علطول العريس والعروسة


مدونين الدلتا علي ترابيزة الاجتماع خالد السلكاوي المدير بيضحك المفروض ياخد جزاااا






بطة أخت العروسة وبعدين العروسة والعريس وبعدين ابنهم بالتبني البوسطجي والتورتة منورة أهي قلبي معاك ياماروووو



الشاعر وعبد الرحمن والاستاذ عادل نجم والباقي مش واضحين الكل بيصور التورتة طبعا





منشد فريق الهدي بيقول للعريس اشمعني البنت ديه ما الدنيا كلها بنات
والعريس جاااااوب




مارووووووو صاحب التورتة والفكرة عقبااااااااااالك


هنا بقي علي الكووووووشة بطة وبطة اللي هو انا يعني وماروووو والبوسطجي مع العرسان طبعا



المدونة الجميلة ميراااااا والاجمل أنا محظورة والعبدة لله والعروسة وأختها


والي اللقاء
في الاجتماع القادم
ومين عالم
يمكن يكون في فرح تاني
وبالتالي
تورتة تاني

قولوا يااااااااارب


هناك 41 تعليقًا:

Hosam Yahia حسام يحيى يقول...

اول تعليق

جميله اوى الحفله دى ياريتنى كنت هناك


ههههههههههههههههه

دى مش صورى اللى موجوده دى

غير معرف يقول...

اية الحاجات الحلوة ديت يا بطة احنا نخاف منك بعد كدة بس انتي مالك ومال المدير حاطه في دماغك لية بس سيبه في حاله ربنا يهيدكي انتي وهو ... علي العموم لما اشوفه ها اقوله علي اللي انتي كاتباه دة هههه وبلاش حكاية سكله ديت بدل ما يجازيكي فيها غرامة اقلها تورتة ولا حاجة ومش بعيد بطة مشوية هههههههه

Unknown يقول...

الف الف مبروك

بارك الله لهما وبارك عليهما وجمع بينهما في خير

ربنا يسعد الجميع يارب

غير معرف يقول...

السلام عليكم
اكيد الحفلة كانت جميلة واذا كان حد بلغني كنت ممكن اجي ولكن غيرها في غيرها باذن الله .......

ومبروك لي العريس والعروسة واقول
بارك الله لهما وبارك عليهما وجمع بينهما في خير.

وتحياتي الطيبة

Abd-Alrahman يقول...

بطووووووووووووووط

انا اول مرة اجي مدونتك للاسف
ولكن اوعدك انشاء الله مش هتكون الاخيرة يا قمر
بجد جميلة اوي ليها طابع خاص مختلف عن كل المدونات الي دخلتها
اكيد الطابع دة مش غريب علي ذوق صاحبتها الجميل يا قمر

بجد كان يووووم جااامد اوي اوي

ومش عارف اية حكاية التورتة الي معلقة معاكي اوي
ههههههه
المهم قطرة العنين والعنين نفسها تكون تحت امرك بعد اول اشارة منك

بجد الصور جميلة اوي اوي ياقمر
وفين البوست الي قولتي هتكتبيه في لون العنين والشعر يا شقية


ايقون بيغمز
ههههههههههه


عبدالرحمن

حمادة زيدان يقول...

بطوط
والله الصور باين عليها حلوة , واليوم كان جميل , وكلكم ماشاء الله منورين , مبروووووووووووووووك لشيماء وتامر
وطبعاً حبيبي مارو كان شهم زى ما انا متعود عليه دايماً يارب يخليه يارب

محمد مارو يقول...

بطوووووووووووووو

شكرا اوى على الكلام ده و على البوست ده

كرا الف كر و عقبال ما اجيب لكى تورته 5 ادوار يا رب

يا رب

و اقولك عقبالك يا ام المدونين بالرغم من صغر سنك

يورو يقول...

الصور حلوه اوى وكان باين يوم جميل
بس كدا

م سبتوليش حته من التورته
؟؟؟؟؟

ماشى

عاوزه اقول مبروك للعروسين
وعقبالك يا بطوط يا قمر
ونقطع معاكى التورته بخمس ادوار الى مارو هيجبها يارب

عبدالرحمن الشافعي يقول...

ههههههه
بطبط ....
غيه الصور الجامدة دي....
وانا مليون مرة أقولك ..انا مش صغنووووووووووووووون...
ماشي ... "وش غضبان"
هههههههه
فعلا ..كان يوم جمييييل جدا ...
والمرة الجاية جيبولي تورتة ..علشان انا كسبت في المسابقة ..
هعهعهعهعهعهعهع

تحياتي لكي ..
وبإذن الله كل اللقاءات الجاية تكون أحلى...
ودمتي ...وجهية ..لالالالا
ودمتم

غير معرف يقول...

روعة يا بنت يا بطة

وايه ده

كان فى أتنين أحمد سعيد

طيب كويس أنى محضرتش

ههههههههههههههه

بجد جميلة جدا

ربنا يسعدكم

أخوكم نيجــر

غير معرف يقول...

ألف مبروك لتامر المنصوري وعروسه ، واقول لهما بارك الله لكما وبارك عليكما وجمع بينكما في خير ..
وأقول لعروسه .. ألف مبروك ومعلهش نصيبك كده ، وضل راجل ولا ضل حيطة ، وربنا يصبرك على ما بلاكي .. والمؤمن مبتلى دايماً ..
كنت بامزح .. تامر دا زينة شباب المنصورة وجامعة الأزهر ، والدلتا كلها ، وهو جزء من قلبي لا يمكن أن أنساها أبداً ..
مرة أخرى ألف مبروك .. وربنا يتم فرحتنا على خير .

حمادة زيدان يقول...

بطوط حبيبي
ده تاني كومينت
الأولاني مشفتش فيه الأهداء الجميل أوى اللي كتبتيه ليا ... ميرسي ليكي أوى يا بطوطة وربنا يخليكي لينا يا أعظم قلب في الدنيا

أحمد سعيد بسيوني يقول...

بسم الله
بجد الملتقى كان جميل جدا
ان شاء الله نواظب عليه على طول
وبصراحة انا سعيد اني اتعرفت على ناس جمال ومحترميين امثالكم
تحياتي

بنت الاسلام يقول...

حسام يحيي

اخيرا نطقت واتكلمت يارب دايما كدة علطووووول وابقي طمني عملتي ايه في موضوع المدرسة

يارب اشوفك دكتووووور

بنت الاسلام يقول...

قلم رصاص

اسكت ياسلكة دانتا كنت مدير رائع

جبتلي رعب طول القعدة

كل لما اتكلم

تقولي بس يابطة بس

خنقتني ياجدع

كل سنة وانت طيب

عمر يقول...

بداية .. أهنئ العروسين وأقول لهما كما علمنا رسولنا صلى الله عليه وسلم
بارك الله لكما وبارك عليكما وجمع بينكما في خير

ثانيا أهنئ كل زملائي مدوني الدلتا اللي حضروا على هذه اللحظات السعيدة اللي قضوها مع بعض ، ويارب تكون كل لحظاتهم سعيدة

وفعلا الواحد كان نفسه يكون معاكم ولكن خيرها في غيرها إن شاء الله ، ويارب تتكرر هذه اللحظات دائما وتكون في مناسبات سعيدة دائما

كان لي سؤال ، بس أرجو إنه ما يكونشي محرج ، هي ايه حكاية جواز المدونين من المدونات ، برضه في لقاء مدوني القاهرة كان في عريسين مدونين ، هي المدونات بتشترط يكون عريسها مدون ولا العكس هو الصحيح ( طبعا أنا بهزر ) ربنا يتمم على كل عروسين بخير

وأحييك على مدونتك

تحياتي

ammar يقول...

عملوها الابطال
عملوها الوحوش
ياريتنى كنت معاهم
ياريتنى كنت معاهم..اهىء اهىء
هههههههههههه
انا كنت معاهم طبعا
ربنا يكرمك يابطه
والله لحظات جميله فعلا
ودايما اللحظات الجميله ماتتنساش
بس انا صعبان عليا السلكاوى
بطه فضحته ..وجرسته ..ههههههههه
كاتباله سلكه على المدونة
ههههههههههههههه
لحظات جميله والله
يارب تتكرر دايما
تحياتى يابطه

بنت الاسلام يقول...

حطم القيود

اللهم امين يارب ربنا يسعدهم ويسعد الجميع ياااااااارب

وعقبال عندكم

تحياتي

mohammed alsha3r يقول...

السلام عليكم

شكرا يابطه على التغطيه الجميله دى

ومين قال لك انى زعلان

انا بس بيكون عندى عشم

المهم ... انتى نورتى المنصورة ونورتى الحفله
وعقبالنا وعقبالك يارب

بنت الاسلام يقول...

وائل المصري

استاذ وائل

المرة الجاية هنبلغ حضرتك ان شاء الله

اعذرنا لتقصيرنا

واكيد هتنورنا

تحياتي

بنت الاسلام يقول...

Abd-Alrahman & NOUR


منور يا بني

ركز في مذاكرتك يادكتور

عاوزينكطالب متفوق اخر السنة

عشان نعملك حفلة


والتورتة عليك

تحياتي

بنت الاسلام يقول...

حمادة زيدان

اليوم كان ناقصك ياحمادة

مبرووووووووك لاخوك وعقبال مانجيبلك تورتة النجاح والشهرة يارب

بنت الاسلام يقول...

محمد مارو

في حياتك يابني ان شاء الله

افتكر كلمتك

5 ادوار

والسادس السطح

ماليش دعوة

وتكون بالفواكه

بتشكرني علي ايه بس

هو انا قلت حاجة

تحياتي

بنت الاسلام يقول...

يورووو

عقبالك انتي ياقمر

والتورتة عليا

ولايهمك

هندفع لاغلي منك يعني

بس اسمحيلي

دور واحد بس

اخاف العمارة تقع

ااقصد التورتة

ونصبح شهداء التورتة العالية

تحياتي ياقمر

بهزر طبعا

Empress appy يقول...

الاول
مبروك للعرايس
ثانيا عارفه انا مبسوطه قد ايه انى شوفت صورتك مش هتقدرى سعادتى بكده يا بطوط بجد

ان شاء الله مرة اجى اغتت عليكوا جميعا

بنت الاسلام يقول...

عبدالرحمن ياسين

انت مش تورتة وبس انت بارتي كبيررررررررة جداااااا

ربنا يحرسك ويحميك ويصرف عنك العين والحسد يارب

فين الجاتوه ياولد

فييييين

بنت الاسلام يقول...

أحمد سعيد

الحمد لله انك مش جيت كنا هنعرفكم ازاي

كمان انت كنت هتاكل التورتة كلها

وتقول مش انا

ده شبيهي في الاسم

كنت هتنورنا يانيجر

تحياتي

رانيا الجبالي يقول...

الف مبروك لتامر وشيماء وانا فرحت جدا باليوم ده واحلي حاجه فيه اني شفت بطه حبيبة قلبي وناس كتير طيبين تسلمي يابطه وربنا يخليكي بجد لانك حد مهما دورنا مش هنلاقي منه اتنين
سلامي ليكي ياقمر

قلب أبيــض يقول...

الحمد لله
اخر تعليق
ههههههه
بس بجد
والله العظيم يابطة
كان يوم جميل جدا


وبجد
جزاكم الله خيرا

على التغطية
وعلى الكلمات الرقيقة اللى كتبتيها


ولية بس تقولى لاحمد سعيد
تايجر
مييش

انا بجد
كان نفسى اتعرف علية
على الاقل
يبقى فية
3 احمد سعيد


جزاكم الله خيرا اولا واخرا

وبارك الله لكم

بنت الاسلام يقول...

علاء سيد

استاذ علاء حضرتك نورتني

بس ايه قصيدة البؤساء ديه بس

وبعدين تقول بهزر

قلبي معاكي ياشوشو

ربنا يديم المحبة بينهم

ويسعد كوووووول ايامهم

تحياتي

شيماء كمان زينة بنات المنصورة علي فكرة

واهي واحدة بواحدة

تحياتي

بنت الاسلام يقول...

حمادة زيدان

ده ااقل حاجة نقدمها لاخ غالي زيك

بنت الاسلام يقول...

أحمد سعيد بسيوني

احنا اسعد بوجودك يا احمد وان شاء الله تنورنا دايما

تحياتي

بنت الاسلام يقول...

عمر

منور مدونتي


وربنا يتمملهم بخير

السؤال مش محرج ولا حاجة

ياسيدي خلي الدنيا تخف


واحنا نفرح وناكل تورتة

ده المهم

وربنا يسعد الجميع

بنت الاسلام يقول...

ammar

كنت منور ياعمار

ومسيري هفضحك زي سلكة علي المدونة برده

بس نلاقيلك اسم يليق بيك بس

هو انت اسمك عمار ايه

تحياتي

بنت الاسلام يقول...

mohammed alsha3r

الشاعر منور مدونتي

والله انت شاب رائع ربنا يحميك ويتمم حملة حماية علي خير


والمنصورة منورة بيكم

سارة يقول...

ربنا يسعدك دايما يابطوط

والف مبرووووووووك

وعقبالك يارب

بنت الاسلام يقول...

appy

عقبال ما اشفوفك انا كمان

تغتتي دانتي هتنوووووووري

بس انتي بس تعالي

تحياتي

بنت الاسلام يقول...

رانيا الجبالي

رانيا انتي كنتي منورة الدنيا كلها كلها

وانا برده لو دورت مش هلاقي في الدنيا رانيتين

احياتي ياقمر

بنت الاسلام يقول...

قلب أبيــض

ياسيدي ربنا يكرمك بقلبك الابيض ده

المرة الجاية نبعت نجيبه من القاهرة بالبوكس

عشان خاطرك انت بس


بس بشرط

مايمدش ايده علي التورتة

تحياتي

بنت الاسلام يقول...

سارة

كان نفسي بجد تكوني معانا

عقبالك انتي والتورتة عليا

تحياتي

مختار الجندى يقول...

الف مبرووك

حفله بجد جميله بس محدش دعانى

مصر