الهي ماعدت أبغي شيئا في هذه الحياة سوي عفوك ورضاك

الثلاثاء، 5 فبراير 2008

تاج الحصانة




التاج ده أول تاج أعمله
موضوع التاجات مكنش بيستهويني
لكن التاج ده بالذات لفت نظري جداا
وحبيت أعمله
وكمان متمرر لي من مدون عزيز شمس الزناتي
قلت أجرب


دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟


ينفع رمز القلب

ولامش ينفع

حد يسأل ويرد عليا


كنت تفضل الدخول مستقل او تتبع حزب معين ؟؟؟؟


والله علي حسب لو في حزب كويس بجد

واهدافه واضحة

وبرنامجه دخل دماغي ليه لا

ده حتي ايد لوحدها ماتصقفش

واهو ايد علي ايد تساعد

وده طبعا هيتطلب مني دراسة وافية لكل الاحزاب

ومعرفة عن قرب برؤسائها واتجاهاتها ووووو

وممكن جداا ولا واحد يعجبني

في الحالة دي

هعمل حزب لوحدي

واسميه حزب المرأة الديمقراطي

بالعند في الراجل بقي

وانا واثقة ان كل نساء مصر معايا

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

علي حسب هيشتروني بكام

اصل ثمني غالي جدااا

نايبة بقي

أأقل من عشرين جنيه مش موقعة

اول حاجه هتعملها لنفسك ولاسرتك ؟؟؟؟؟

هو انا بقيت نايبة عشان نفسي واسرتي ولا ايه

مش هعملهم حاجة طبعا

احنا الحمد لله مستورين

نشوف حال المحتاجين بقي

مش ناقصين كلام من حد

ولامحسوبية

لازم اكون مسئوووووووووووولة

ولا ايه


ايه المشروع اللى ناوية تعمليه لاهل دايرتك ؟؟؟؟ دون ذكر اسم الدائره

والله أنا في دماغي مشروع

جايز يكون خيالي شوية

بس بجد بجد نفسي أحققه

بصوا هعمل ايه

أولا عاوزة راس مال كبيررررررر

وده أنا ممكن أحصل عليه من كذا مصدر

واظن هتبقي سهلة بالنسبة لي نايبة بقي

ثانيا هبعت دعوة أو نداء لكل شباب دايرتي

ولاد وبنات العاطلين العانسين والعازبين

والي نفسهم يتجوزوا ومش لاقيين شقق ولا شغل

واشتري بالفلوس الي جمعتها أرض كبيرررررررة

واشتري طوب وزلط ومونة

واجيب اكفأ مهندسين مباني

واخلي كل شاب وشابة يشتغلوا عمال بناء

كل واحد منهم يبني شقته بنفسه

وبعدين نسلمها لهم

وبعدين

الموضوع كبيرر هبقي احكيلكم عليه

بالتفصيل بعدين بقي

اهو نبقي عملنا حاجة عدلة قبل مانمشي من الدنيا

هفوق حاضر عارررررررررفة حد يصحيني

قعدت في المجلس جنب نائب مميز . من هو النائب ؟؟؟

أحمد عز وهقوله أهلا بالاحتكار


قدمت سؤال للحكومه ايه هو السؤال ؟؟؟؟؟

أطفال الشوارع ......ماذا بعد؟؟؟؟؟؟

طلب احاطه موضوعه ايه ؟؟؟ وبتقدمه لمين ؟؟؟؟

الصراحة مش قادرة انسي الالف روح الي راحت هدر

نتيجة الاهمال عاوزة افهم ايه الي حصل في القضية

ياسيادة الرئيس انتهت علي كدة

اتايدت ضد قبطان ميت

اعذرني

الموضوع مش بسيط

لازم يتحاط ويتحوط تاني وتالت ومليووووون

هو ممدوح اسماعيل وابنه

كل ده لسة بيشموا هوا في لندن ولا ايه

استجواب لاتنين من الوزراء موضوعه ايه ؟؟؟؟
وبتستجوب مين

السيد الوزير فاروق حسني وزير الثقافة

سؤال بريء وبسيط

يعني ايه ثقافة

ومامدي تأصيلها في الشعب المصري

وهل تري حضرتك أن ما نشاهده ويشاهده أبنائنا
علي شاشات التلفزيون وعبر شبكات الانترنت
وعبر الثورة الهائلة في التكنولوجيا
يشكل أي صورة من صور الثقافة

ومامدي ارتباطها بثقافة المصري القديمة

وفكك من النحت والتماثيل بقي


الوزير التاني

السيد المحترم جدااا والي بجد بحترمه بصدق

وزير الصحة

حاتم الجبلي

أسعار الادوية بجد

حراااااااااااااااااااااااام

انزل اسأل علي تمن علاج الانفلونزا

وتعالالي

هل انت مع قطع العلاقه مع اسرائيل ؟؟؟؟؟


أنا مع قطع رقبة اسرائيل نفسها


وما يترتب عليه من معامله العدو هل تؤيد الحرب على العراق ؟؟؟؟؟؟؟؟

والله سواء أيدت ولارفضت ما الحرب حصلت وخلاص

أنا دلوقتي بأيد خروج القوات الاجنبية من اي بلد عربية

ويبطلوا يضحكوا علينا

قال ايه جايين يحررونا تصدق صدقتهم

أما بخصوص المعاملة أنا بسأل

هما بيعملونا ازاي دلوقتي؟؟؟؟؟



هل تؤيد مرور الامريكان فى القناه ؟؟؟؟؟؟


طالما بيمروا باحترامهم ليه لا

لكن يمرروا ممنوعات

وتبقي حلال ليهم حرام علي غيرهم

ااقولهم ااقف عندك بقي وخد موقف ياحسني


هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟


أنا شفت مرة فيلم خالتي فرنسا ومعجبنيش

كانت ست صعبة قوي

بتمرر التاج ده لمين ؟؟؟؟؟؟


لكل المدونات و المدونين الحلوين

الطيبين

الوحشين لا



هناك 7 تعليقات:

ابن رشد يقول...

و الله اجاباتك عسل يا بطوط
بس حد يطيق يقعد جنب احمد عز

ثم ان عايزة الشباب يبني مساكن لنفسهم الحكومة مش هدفعهم حق الارض يعني
و نصيحة مني بدل ما تلفي على الاحزاب و تجربي انا بجد و بدون تهريج لفيت بدالك و كلهم وحشين
على العموم يا سيادة النايبة انا معاكي و هنتخبك
بس يا ريسة انا اللي بعتلك التاج اخدة تاني ازاي ما تجيش دي

ابن رشد يقول...

على فكرة بعد الاجابات اللذيذة دي اي تاج تقبليه على طول

يورو يقول...

بردوا خفة دمك يا بطوط
اجاباتك عسل

المشروع الى قولتيه جميل وممكن يتحقق
نفوقك لى
عمال بناء عمال بناء والله مستعدين
بس احنا نلاقى الامل ونجرى وراه كمان

بالنسبه لحزب المرأه
انتى بس قولى واحنا كلنا معاكى
اما عن القلب فانتى م ينفعش تبقى رمز غيره

احمد الجيزاوى يقول...

بطوط
انا اول من ينتخبك لمجلس الشعب
وانا اول من يكون معاكى فى المجلس
لسبب واحد هو خفت دم االجبات دة يا بطوط الواحد فعلا اعضاء مجلس اشعب نقصهم حاجه مهمه جدا علشان الناس ترجع تتفرج على جلسات المجلس فى التلفيزبون وهى خفت الدم
وانت هتحققى الموضوع دة فى المجلس
احمد الجيزاوى

ahmed mefrh يقول...

السلام عليكم
جيمل التاج دة جدا
و اجابات جميله ايضا اختنا بطه
تحياتى ابو مفراح

Empress appy يقول...

حلو قوى مشروع البنات ولااولاد ده بس قوليلى عندكم مكان ليه طيب والله فكرة هايله بجد حتى يبنوا عش العصفورة بإديهم مش هو اسمه كده برضه
انما وزير الصحه بقى يا رب يجيله الفلونزا القرود ونخلص منه

غير معرف يقول...

اجاباتك ظريفة بس ساعة التنفيذ يتبدل الحال

مصر