الهي ماعدت أبغي شيئا في هذه الحياة سوي عفوك ورضاك

الثلاثاء، 12 فبراير، 2008

من طابور التموين لطابور المنتخب ياقلبي لاتحزن




طابور

التموين

والله الي بيحصل ده مهزلة

ومناظر لا أحد يتخيلها

وزير طلع في دماغه
فجأة يحول بطاقات التموين
لبطاقات الكترونية

والبلد كلها اتملت طوابير

وبهدلة واهانة

وضرب وصد وخبط وربط

وأمن مالي البلد

والمواطن الغلبان ده ياعيني من الفجرية
رابط في الطابور

ويروح ويرجع تاني يوم ودوره لسة ماحلش

وانا بتفرج علي برنامج القاهرة اليوم

تقرير عن طابور التموين

عرضوا

مشهد لايتخيله أحد

مواطن غلبان ياعيني

واقف ومعاه ايه

تخيلووووووووووووا

حلة

أه وربنا حلة وطبيخ

لكم أن تتخيلوا وصل الأمر لايه

واضح ان الطابور أصبح دار اقامة

وربنا يستر ومانلاقيه بكرة بمرتبة في الشارع

كل ده عشان ايه

أنا بس بسأل سيادة الوزير

وزير التموين

الي انا معرفش اسمه

ومش عاوزة أعرفه

ليه كدة

هو انتم مابقاش وراكم شيء

غير انكم تفكروا ازاي تعذبوا الشعب

تعالو بقي نشوف طابور تاني

طابور المنتخب

خلاص الحمد لله أخدنا الكاس

وعمت الأفراح

ووقف الكثير والكثير في طابور الانتظار

طابور انتظار وصول المنتخب المصري

الناس مانامتش منتظراهم

منتظرة تعبر عن فرحتها بيهم

عن احساسها بيهم

وبالفعل تم الاتفاق من قبل شركة كبيرة راعية

لاستقبالهم في المطار بأتوبيس مكشوف

ومجهز لاستقبالهم

اخدوا كل الموافقات لاستقبال الفريق في المطار

والسير به في شوارع القاهرة الي الاستاد

ثم الاحتفال به في حفلة مصرية خالصة

يشهدها كل الشعب المشتاق للافراح


وبعد وصول الاتوبيس للمطار

فجأة

صدر قرار بالتحفظ علي الاتوبيس

واتفاجأ الجميع

بقرار من الاتحاد بمنع الاستقبال

والسبب ان الفريق تعبان

واذا بطابور المنتخب يفاجأ تاني يوم

بأن فريقه التعبان في دبي بيحتفل

ويا

ياعيني عليك يامصري

حتي فرحتك بفريقك

اتحرمت عليك

وتحيا الطوابير



هناك 12 تعليقًا:

محمد مارو يقول...

بطه
نفس السؤال اللى بتساليه للوزير انا كمان بنضم ليكى و عاوز اعرف الاجابه

appy يقول...

بص يا بطوط يا حبيبى بما اننا شعب كسولين اخر حاجه موضوع الشهادات الالكترونيه والبطايق طالع من زمان بس احنا كسلنا فالطوابير علشان نطلع الاول شهاده الميلاد المميكنه وبعدين التانيه
بس بينى وبينك نتعب شويه لانها بعدين هتبقى مريحه جدا بس كل حاجه فى اولها تعب واخرها كويسه
اما المنتخب امال اونكل مبارك كان بيجيب مين من المطار هى دى خدعه ولا ايه

غير معرف يقول...

نعمل ايه بس يااستاذة فاطمه والله الواحد زهق ومل وربنا يهديه الريس هو والوزراء بتوعو وربنا يخدنا احنا اهو نرتاح واما بقه بالنسبه للمنتخب الصراحه انا زعلت قوى اما عرفت ان الشباب سابو الصلاة وقاعدين مستنين الفريق طيب ماحنا فرحينا بس هل سيبنا الصلاة ودة جزتهم وعلى فكرة احنا الشعب الى بيقولو عليه الشعب الى بنستعبطو عليه
وحسبى الله ونعم الوكيل
والله المستعان

أحمد سعيد يقول...

ههههههههههههههه

هو فى أحلى من الطوابير

ده كان فى واحد _ مصرى طبعاً _ كان

مدمن طوابير . كان كل ما بيشوف طابور

كان بيروح داخل الطابور . لدرجة إنه

كان بيقوم مفزوع من النوم على كلمة

طااااااااابور ..عايز طابور .

بس قوليلى يا بطوط هو فى

أمل الراجل ده يخف

أتمنالك دوام التوفيق

أخوكِ نيجــر

يورو يقول...

ازيك يا بطه عامله اى

انتى مستغربه يا بطه

مهو طابور يبهدل الناس ويعذبهم
وطابور تانى يلهى الناس عن البهدله عشان لا تروح تشتكى ولا تفتكر تيجى

يعنى كل حاجه محسوبه

واحنا الشعب الطيب الصبور المسالم

خدنا على كدا

ا بـن عــمــر يقول...

ربنا يرحمنا برحمته
أظن دى أول مرة أدخل فيها على هذه المدونة
ولن تكون آخرها باذن الله

حقوق مسلم يقول...

ما هي الحكومة بتاعتنا الموقرة عايز البلد كلها طوابير امال هي قاعدة في الكراس بتاعتها لية لغاية دلوقتي مش بعيد الحكومة بتاعتنا تخش مسابقة من هي أكتر بلد عندها طوابير اللهم عليك بالظالمين وحسبنا الله ونعم الوكيل

احمد الجيزاوى يقول...

تعيش جمهوريه مصر العربيه
وتعيش طوبيرها
احب اعرفك انى مصر عندها حجات كتير تتمنزر بيه
علشان الحقدين املك وامثلى اعداء الوطن
يعنى طوبير المعاشات
والله مبيمتش غير 5 او 6 كدة كل يوم بس

اما طبور العيش اوعه بقه انا انفسى استشهدت فى مرتين

وطبعا دة فخر صتاعه الطوبير فى مصر

Hosam Yahia حسام يحى يقول...

الحومه معدتش عارفه تعمل ايه معانا


فيه ايه يعنى لما تدربنا على الصبر

Hosam Yahia حسام يحى يقول...

الحكومه معدتش عارفه تعمل ايه معانا


فيه ايه يعنى لما تدربنا على الصبر

mohammed alsha3r يقول...

طول مافى طوابير

يبقى انت اكيد اكيد فى مصر

غير معرف يقول...

لو فى طوابير يبقى أنت أكيد فى مصر ولو مفيش طوابير يقى فى حاجة غلط

مصر