الهي ماعدت أبغي شيئا في هذه الحياة سوي عفوك ورضاك

الجمعة، 21 ديسمبر 2007

احساس طفلة




كثير من الاحيان مانشعر اننا نحيا وحدنا في هذه الحياة
لا احد يشعر بنا

ولا يهتم

وربما يصل بنا الحال الي الايمان بأن وجودنا لايمثل
اي معني ولاقيمة

فنتألم وتنقبض قلوبنا حزنا وكمدا ويراودنا احساس دائم بأن هناك

شيئا هاما ينقصنا

وهو احساس الاخرين بنا واندماجهم معنا قلبا وروحا

وليس عقلا فقط

فنتساءل ولما لانبحث نحن ونقترب نحن

ممن نعتقد انهم ربما يشعرون بنا

ويرتقي احساسهم من أجلنا وتبتسم وجوههم لافراحنا

وتترقرق عيونهم دمعا لاتراحنا واحزاننا


فنقترب وبقلب منفتح وروح نقية ونفس صافية
لاتحمل سوي
كل خير

و احساس يتمني ان يقابل احساس مماثل

ولكن أحلامنا الوردية وأمالنا الذكية

سرعان ماتنهار علي أرض واقع مؤلم يخبرنا

أن القلوب لم تعد كما كانت

وأن الاحساس الراقي العالي شح في زمن طغت فيه المادة

وسادت المصالح به وعمت

فتكتشف ان ابتسامات ودموع كثير ممن تجدهم حولك

لاتعدو سوي مجاملات

تخفي وراها أطماع وأغراض فتبتئس وينقبض قلبك من جديد

متساءلا في ألم


الا نستحق أن تكون احاسيسنا موضع تقدير
واندماج واحتواء

في ظل هذه الافكار التي تسيطر علي كيان القلب وتدميه

يأبي خالق القلوب
أن يظل قلب عبده متقوقعا حالما بأماني بسيطة

ولكنها تحمل له أملا للحياة
ورغبة قوية في البقاء بروح مفعمة بقوة النفس
ونقاء الضمير

فاذا به يرسل لك احساس البراءة

احساس نقي لم تلوثه أيادي ولا وجوه خادعة ولم تصبه بعد

نكبات الدهر

بتغيير جرده من انسانيته الفطرية

احساس طفلة

طفلة صغيرة باحساس فطري تقترب منك وترتمي في أحضانك

وتضع برقة علي خديك قبلات حانية محبة ثم ترفع وجهها البريء

وتمد اليك يدها الصغيرة بهدية بسيطة أجهدت نفسها الحانية

في البحث عنها

معلنة لك وبشافية عظيمة أن احساسها البريء قد أحس بك وبألمك
رغم سنوات عمرها التي لم تتجاوز أصابع اليد بعد

فبفرحة عظيمة تمد يدك المشتاقة لتتقبل منها هديتها

التي اصبحت في نظرك كنز ثمين غالي

تحرص علي وضعه في مكان أمن وبين كل وقت وأخر

تذهب لتتأمل بها

ثم تشرد بخيالك بعيدا وتبتسم ويزداد يقينك بأن لبقاءك معني

ولوجودك أثر ملموس

حتي وان لم تري هذا الاثر الا في عيون طفلة

في النهاية رجعت لكم تاني وببساطة

عاوزة اشكر بنت خالي العزيزة الغالية ألاء عمرها 8 سنين

في سنة 3 ابتدائي

لانها وبعفوية تامة وببراءة خالصة

أآعطتني أمل واحساس عالي

ان لحياتي ولوجودي معني وقيمة بهدية بسيطة جدااا

ااقولكم عليها وماتضحكوش

محفظة جميلة لكن المميز فيها ان مرسوم عليها

بيضة خارج منها بطة صغيرة

بتبتسم للحياة وبتقولها انا جيت انا جيت

انا كمان جيت بطة .....ولكن


تحياتي

هناك 32 تعليقًا:

mohammed alsha3r يقول...

السلام عليكم

كل سنه وانت طيبه يابطه

وابقى سلملى على ألاء عروستى كتير

بموت انا فى الاطفال



سلامو عليكو عندنا ضيوف

يورو يقول...

بطه مش عارفه اقولك اى
بس حسا انك دخلتى جوانا لمستى حجات كتير وعبرتى عنها بكلمات بسيطه

احيانا كتير بنحس اننا موجودين فى الدنيا لوحدنا بدون اى معنى والناس من حوالينا فى طور اللاشعور بينا
واننا لو حاولنا نوصل لقلوب حوالينا تحس بينا ونحس بيها هتنتهى محاولاتنا بالفشل

عكس الاطفال بيقربوا ويعبروا عن حبهم من غير م يحطوا مقدمات وحواجز انه اى الى ممكن يحصل لو انا اتصرفت بحب مع انسان معين واى هيكون رد فعله

ياريت نحاول نقرب من بعض اكتر ندور بينا هنلاقى كتير بيحبونا مش هنكون لوحدنا


بطه جميل اسلوبك وجميل البوست
م تنسيش بوسيلى الاء

hekaytna يقول...

طبعا انتي مهمكيش في الموضوع كله غير المحفظه صح؟ موضوع كويس يا بطوط بس انا من رايي انه لاحساس مشحش ولا حاجه الاحساس طغت عليه بعض الماديات يعني واحد مش لاقي ياكل هيكون فاضي يحس ولا عاوز يعد طول النهار يشتغل وكمان متطلبات الحياة زادت جدا انا اتوقع انه بنت خالك اما توصل 3 اعدادي هتقولك انا كنت اديتك محفظه هاتيها لانها هتكون ساعتها اتعلمت الماديات على اصولها
تحياتي

walaa يقول...

كل سنه وانت طيبه يا بطه والعام القادميكون اجمل من هذا العام وعلى فكره مش كل الناس وحشه اكييييد فى ناس حلوه ومخلصه وبتبقى قدمنا ومش شيفنها لاننا بحاول نقرب من ناس وحشه

وكل سنه وانت طيبه وتحياتى لك ولاء

غير معرف يقول...

بطة .. غفرت لك ذنبك فى كعكة الإكتئاب الى فتحتى بيها الموضوع ..
وطبعا الأطفال زهور زهور زهور
واللماسات الحانية البريئة .. رحمة يرسلها الله عز وجل فى وقتها .. فتنزل على القلب بردا وسلاما
واعتقد الهديةدى من رحمة الله بقلبك الى انهكتيه بالآلام
وكان واجبك اتجاه قلبك ان ترحميه منها وتدوسي على اسبابها بأقدامك
جارتك .. وبحبك
قدرى اعمل ايه

طرقعات فجائية يقول...

العزيزة الغالية / بطة
كل سنةوانت بخير والف سلام وصحة وعافية واهلك واسرتك واحبائك واصدقائك وكل من تحبينهم ويحبونك ، وللاسف يابطة فالحياة لم يعد بهامكان للاحاسيس فالنظام السريع للحياة جعلنا ننسى احاسيسنا الطفولية الجميلة ايا كان موقعنا او سنى عمرنا فلنا الله يابطة ، وسلمى لى على آلاء وكل عام وانت وهى بخير وللاسف لايسع المجال لذكر ما هو أكثر
وتقبلى تحياتى
طارق الجيزاوى
طرقعات فجائية
TAREK_GIZAWY@YAHOO.COM

محمد مارو يقول...

ااااااااااااااسف انا لازم اضحك
لان اول مره اسمع عن محفظه مرسوم عليها بطه اللى اعرفه بيكون مرسوم عليها كتكوت
بس انتى ع شان بطه شفتى الكتكوت بطه
كل سنه و انتى بطه
اسف و انتى طيبه

بنت الاسلام يقول...

mohammed alsha3r
وعليكم السلام ياشاعر

وانت طيب وبالصحة والسلامة دايما يارب


لسة هتستناها لما تكبر

نحجزها لابنك بقي

ماتنساش تضايف الضيوف

سلام

بنت الاسلام يقول...

amany

يارا الغالية

اسعدتني كلماتك جدااا

وحسيت بجد انها وصلت لقلبك سريع

ربنا يكرمك

وعيد سعيد عليكي

بنت الاسلام يقول...

hekaytna

ياسلام ياعلاء

طبعا مش هتاخدها

لاني مش هعطيهالها

اصلا

كمان الاحساس لسة موجود

وان ضاع من الكبار او فقد

فالحمد لله معندناش اكتر من الاطفال

القلم السكندري يقول...

السلام عليكم ورحمة الله وبركاته

كل عام وانتم بخير

ولكم أعشق التأمل في براءة الأطفال التي لم تدنسها الحياة بلوثتها المادية

ولم تقتل مشاعرهم بين براثن المجتمع

بوست جميل جدا

والأجمل القصة الأخيرة

تحياتي

غير معرف يقول...

بطوط أولا كل سنة وانتى طيبة واسمحيلي أشكر ألاء لأنها رجعتك تاني ورجعت أملك في الحياة بالبيضة والكتكوت .........
وكل سنة وانتى طيبة مرة تانية
أخوكي
حمادة زيدان

بنت الاسلام يقول...

walaa

وانتي طيبة ياولاء وعيد سعيد عليكي وعلي كل الناس

طبعا الناس مش كلها وحشة واكيد في ناس كويسة

بس ادعيلي نقابلهم


تحياتي

بنت الاسلام يقول...

رغدة الغالية نورتيني يا احلي جارة

وطبعا

الاطفال زهور زهور زهور

ياريت الدنيا كلها تكون اطفال

ياريت

بنت الاسلام يقول...

NO PROBLEM

استاذ طارق منورنا

بس لازم يكون في حل لعودة المشاعر من تاني

مانقدرش نحيا بكذب وزيف وخداع للابد

بنت الاسلام يقول...

محمد مارو

لا بقي انا واثقة انها بطة

وماتضحكش

بنت الاسلام يقول...

القلم السكندري

شكرا لزيارة حضرتك الكريمة لمدونتي المتواضعة

ليتها تعود البراءة

وكفي

بنت الاسلام يقول...

حمادة زيدان

وانت طيب يارب


وهشكرلك الاء كتير

مروة الزارع يقول...

اول مرة ادخل عندك

عجبنى احساسك جدا

بجد عجبنى

كل سنة وانتى طيبة

عام جديد سعيد

منى يقول...

دائما هناك قلوب ورديه
اتفق معك انها شحيحه وقد يمر العمر ولا نقابل احداها
لكن الله لا يبخل علينا ببعض اللحظات التى تنعش الامل فى قلوبنا
مثلما جاء من تصرف الاء الصغيره
التى لا تكذب ولا تجامل ولا تنافق
تحياتى يا صاحبه احدى القلوب الورديه

بنت الاسلام يقول...

مروة الزراع

مش اجمل من مدونتك يامروة والله

بنت الاسلام يقول...

مني

اشكر لكي اطراءك الجميل هذا

وليتنا جميعا نمتلك قلوبا وردية

ليتنا

Coca يقول...

جميله اوي التدوينه دي

اي حاجه بترجعني لاي طفوله

يارب تكوني بخير

تحياتي

غير معرف يقول...

كل سنة وانتِ طيبة يا بطة

فعلاً ما أجمل إحساس تلك الطفلة

بس هو ما ينفعش يكون إحساس طفل

ولا إحنا هنبدأ تفرقة عنصرية

بس تعرفى

البطة دى جميلة أوى اللى على المحفظة

بس قوليلى هى البنت الأمورة دى صورتك فيييييييين


اتمنالك دوام السعادة يارب

ويجعل من حولك أحاسيس ومشاعر صادقة

تمنياتى بالتوفيق

أخوكِ..نيجــر

الشريف / جمال طة يقول...

بعد اذنك يابطه

بعد ازنك يانوارة يابنتى

من المجتمع الدولى الا صاحبنااقصد اللى مش صاحبى


الـــــــى الملك / عبدالله بن عبد العزيز (خادم الحرمين ) بابا الفاتيكان بيسلم عليك ويقولك عيب رجعوا للمسلم حقه
وملكــة بريطانيا بتقولك عيب خلوا عندكم شوية ديمقراطيـــة وحقوق انســـــــــان مش انتم بتقولوا انكم مسلمين أعطوا المسلم حقه
أما الرئيس الأمريكى بوش بيسلم عليك وبيقول لك خلص المشكله ديه ورجع للمصرى جميع حقوقه وهو مش عايز يتكلم فى الموضوع ده تانى
أما الكونجرس ألأمريكى يقول لك احنا متابعين قضية المواطن المصرى ولن نتخلى عنه حتى يأخذ جميع حقوقه
أما ألأمين العام للمنظمة الدوليه لحقوق الانسان يقول لك الشكاوى منكم يوم عن يوم بتزيد وسوف نضطر لرفع ألأمر الى ألأمم المتحده ومجلس ألأمن للنظر فى فرض عقوبات اقتصادية عليكم قد تصل الى تجميد أرصدتكم فى خارج السعودية بعد خصم جميع حقوق المواطن المصرى وخاصة انه بيقول انه مسلم زيكم

برجاء الاطــــلاع وشكرا
http://gamal51. blogspot. com/
http://anameshm3aho m.blogspot. com/2007/ 12/blog-post_ 11.html
http://kalam3eal. blogspot. com/2007/ 12/blog-post. html

بنت الاسلام يقول...

coca
انتي الاجمل والاجمل

الحمد لله انا بخير

متشكرة جدااا لزيارتك الغالية

تحياتي

بنت الاسلام يقول...

احمد سعيد

المهم انه يكون احساس صادق بريء

كفاية


تحياتي

بنت الاسلام يقول...

الشريف / جمال طة

منور المدونة ياجدوووووو

ربنا يردلك حقك عن قريب ان شاء الله

أحساس لسه حى...كلام من جوه روح لكل روح يقول...

عزيزتى
المشكلة فى اننا نلاقى اللى مثيل لينا فى نفكرنا ومبادئنا واسلوبنا فى الحياة
الواحد لما بيتعب بيتخنق ولولا الايمان كان عمل حاجات غلط كتير بس ربنا وحبنا ليه وخوفنا منه بيخلينا نعيش على امل اننا هنلاقى نفسنا واللى يستحق يكون جنبا واكيد المكتوب هيحصل
طبعا الاطفال وبرائتهم من اهم الاشياء اللى بتخلينا نفرح ونسعد ودايمن النظره ليهم تهدى النفس ونحسسنا بالعفوية واكيد هدية من طفل عمر ما يكون وراها هدف الا بقه حتيت شكولاتة اى حاجه تفرحه وبسيطة
ربنا يريح بالك وتقبلى اللى يريحه ويستحقك
كل سنة وانتى طيبة
سلام يا افندم

حسن مدني يقول...

السلام عليكم
حقا إن أبهى صور الأمل، هو الأمل في عيون الأطفال، وأجمل صور البراءة هي براءة الأطفال..
ولولا الأطفال، ما كانت الحياة تستحق أن تعاش.
تحياتي

بنت الاسلام يقول...

احساس برضوا حي

هو الايمان فعلا

ربنا يقدرنا ونعيش ونموت بيه وعليه


وانت اطيب


تحياتي

بنت الاسلام يقول...

فارس وحيد

ليتها تدوم

البراءة

تحياتي

مصر