الهي ماعدت أبغي شيئا في هذه الحياة سوي عفوك ورضاك

الاثنين، 13 يوليو 2009

بلاغ عاجل لوزير العدل ضد رئيس محكمة شطا الابتدائية بدمياط

أين العدل يا أهل العدل؟

رد القاضي: حسب معلوماتي المتواضعة والي فهمتوا من اخواتي المحامين ان معني كلمة رد القاضي يعني تقديم طلب للمحكمة بتغيير القاضي الذي ينظر القضية ونقلها لقاضي أخر في دايرة تانية

وبدون الخوض في تفاصيل قانونية لا أدعي شرفا أنني أفهم فيها شيء يذكر ولكن كما علمت أن رسوم رد القاضي كما حددها القانون هي 600 جنيه مصري فقط لا غير

و لكن هنا في محكمة شطا الابتدائية بدمياط قرر منذ زمن رئيس المحكمة أن تقدر رسوم الرد علي مزاج معاليه الخاص فهناك دائرتان لرد القاضي


الدائرة الاولي: تتضمن رد 3 قضاة برسم قانوني 600 جنيه حولها رئيس المحكمة الموقرة الي 4800 جنيه

الدائرة الثانية: تتضمن رد قاضي واحد فقط برسم قانوني 600 جنيه حولها رئيس المحكمة الموقرة أيضا الي
1800 جنيه

مع العلم أن رسوم رد القاضي في محكمة الاستئناف بدمياط والتي تعتبر أعلي درجة من المحكمة الابتدائية هي نفس
الرسم القانوني 600 جنيه

وأنا من هنا أتساءل أين ذهب ضميرك يارئيس المحكمة الابتدائية ؟ أم أن هذا السؤال في هذا الزمان لم يعد يثير شيء
في النفس سوي السخرية؟


هذا البلاغ الي كل من يهمه الامر ...كفانا ظلما

سكوتنا علي الظلم قمة الظلم

من يستطع ايصال هذا البلاغ الي المسئولين فليتفضل ليتم التحقيق في الامر لان الكثيرون يلتزمون الصمت خوفا علي
مصالحهم الشخصية وخوفا مما ممكن أن يتعرضوا له علي أيدي من لا قلب ولا ضمير لهم

تحياتي

هناك 19 تعليقًا:

وحي القلم يقول...

السلام عليكم

عدل مين عدل ده

يا استاذة اشهر حاجة ف مصر تكريس الظلم

كل يوم بلد جديدة تشتكي

ولا حياة لمن تنادي

ريمان يقول...

بطتى


انا خليت بابا يقرا معايا البوست ده


عشان يعمل حاجه


مش عارفه بجد اقول ايه بس بجد بقوا بيستعبطوا اوى وفى كل شىء مش بس القضاء

مصعب رجب يقول...

أختي الكريمة
ما يحدث ليس إلا كما قال الشاعر :

وكم ذا بمصر من المضحكات

ولكنه ضحك كالبكا


أصلها كانت عزبة أبوه

وردة يقول...

قمة الاستفذاذ اللي بيحصل ده
لما القاضي اللي هو اعلي شئ في البلد وارفع مستوي والمفروض اخلاق فوق العادة يحصل منهم كده
حنسيب ايه لباقي الناس
حسبي الله ونعم الوكيل
سلام

غير معرف يقول...

الاخت العزيزه بطه اذا كانت هناك مستندات عن هذا الموضوع ياريت وانا انشره بالجريده


محمد سالم تخاريف حالم

بنت الاسلام يقول...

مصعب صلاح

في امل يامصعب دانت حتي اسم والدك صلاح

اكيد في امل

تحياتي

بنت الاسلام يقول...

ريمان

الخبر اكيد ياريمان انا استفسرت من اكتر محامي وفعلا حقيقي

تحياتي

بنت الاسلام يقول...

ابو اسامة

ماهو عمل كده لانه مطمن ان محدش هيقدر يفتح بقه وحاطط في باله

ان الكبير كبير

تحياتي

بنت الاسلام يقول...

وردة


ده بقي شيء عادي ياحبيبتي ومابقاش في داعي للاستفزاز

تحياتي

بنت الاسلام يقول...

استاذ محمد سالم

ايوة في مستندات انا لسة متصلة بالمصدر حالا واكد لي ان عنده مستندين

المستند الاول وثيقة رسوم من محكمة دمياط بالمبلغ اللي محدده القاضي بمزاجه

والمستند التاني من محكمة مشابهة بالقاهرة لنفس المحكمة ونفس الدعوي وبرسوم قضائية قانونية 600 جنيه

وهو علي استعداد يسلم الوثائق لحضرتك طبعا

لو حضرتك عاوز رقمه كلمني علي الاميل وهعطيه لحضرتك اكيد

تحياتي

-_- يقول...

لا حول ولا قوة الا بالله

بنت الاسلام يقول...

sharm

لا حول ولا قوة الا باله

غير معرف يقول...

هو ده فعلا اللي بيحصل في المحاكم من القضاه والموظفين
ودي حاجه عاديه جدا ومش محتاجه نشر او بوست او اي حاجه
لان ده طبيعي جدا في المحاكم
ولو فعلا معاكي مستندات مش هتعمل اي حاجه حتي لو اتنشرت في احسن جريده ومجله
لان في اصلا كتاب بتحديد الرسوم القضائيه موجود في النقابه وفي كل مكان
يبقي ايه بقي اللي هيحصل لو نشرتي او عملتي او عملتي اي تصرف تاني
هيتاخد ده كله بالقبول وعادي خالص لان كل محامين مصر عارفين كده
وزي ما انا قلتلك دي حاجه عاديه جدا جدا

بنت الاسلام يقول...

غير معرف

يعني ايه عادي؟

حتي لو عادي هننشر برده لعل احد المهمين في يوم يشوفه

غير عادي

تحياتي

hasona يقول...

السلام عليكم

مين يسمع
ومين ينفذ

هذه مصر دائما

بنت الاسلام يقول...

حسونة

وعليكم السلام

ماعلي الرسول الا البلاغ

تحياتي

عماد خلاف يقول...

السلام عليكم ورحمة الله وبركاته
بلاغ لمين حضرتك لوزير العدل ابقى تعالى ابقلينى لو عمل حاجة عارفة لية لانك انتى اكيد فى مصر
تحياتى لحضرتك
ارجو التواصل
لدى مدونتين واحدة للقصة القصيرة والتانية للمقالات بحلم ببكرة
شكرا

Unknown يقول...

حسبنا الله ونعم الوكيل
والفرق بيروح فين
طبعا على البيت

الفساد وصل للقضاء
ربنا يرحمنا

تحياتي على تلك المدونة

ويبقى التواصل

مدحت محمد يقول...

هما محتاجين فلوس الله يخرببيوتهم

مش كلهم يعنى لحسن انا خالى قاضى

مصر