الهي ماعدت أبغي شيئا في هذه الحياة سوي عفوك ورضاك

السبت، 11 أبريل 2009

مواقـــف مضحكة من حيـــاتـي



مش عارفة ليه بقالي فترة ذكريات الطفولة والمواقف اللي مريت بيها في حياتي مصممة تقفز لذاكرتي المضحكة منها والمؤلمة قلت أكتب شوية مواقف أبت ذاكرتي الضعيفة أن تسقطها وتنسيني اياها

الموقف الاول

بابا ياحضرات اللي مايعرفهوش عن قرب يخاف منه قوي وياريت خوف عادي لاء رعب حقيقي وبلا مبالغة واحنا أطفال صغيرين كنا كلنا بنخاف منه مووووووت مش احنا ولاده بس لاء كل العيلة ماما و عماتي وعمي لدرجة ان اخويا محمد الصغير كان بيستخبيي تحت السرير طول ما بابا موجود في البيت حتي نينا اللي هي والدته كانت بتحبه حب فظيع وتخاف منه برده المهم بقي كان في بداية حياته مكتب المحاماة بتاعه في بيت نينا وفي يوم ولاد عمتي الصغيرين كانو جايين يزوروا نينا وطبعا باب البيت مفتوح عشانه مكتب دخلوا لاقوا بابا قاعد علي المكتب وهو لا بس جاكت البدلة والجرافتة وبرعبهم اللي مالوش حدود قعدوا معاه شوية وبعدين استأذنوا فقام بابا يسلم عليهم وهما ماشيين فاذا به نسي يلبس بنطلون البدلة ....... ولك أن تتخيل بقي واحد في اختيار اما ان يموت من الضحك..او من الرعب


الموقف الثاني

بابا برده مش عارفة بابا هافف عليا ليه كتير اليومين دول المهم اخواتي الكبار عبد الرحمن وعبد الله كانوا بيتخانقوا مع بعض وفجأة بابا فتح باب الشقة فتسمر الجميع من المفاجأة والرعب بابا اتنرفز زنق اخويا عبد الرحمن في السرير ونزل ضرب فيه اخويا التاني بقي واقف علي باب الاوضة عمال يضحك ومبتسم علي الاخر فرحان في اخوه بقي بابا خارج لاقي ده بيضحك راح قايله بتضحك علي ايه يا ابن التييييييت ...وراح ضاربه بالقلم...كان منظره مسخرة بصراحة


الموقف الثالث

أخويا عبد الله كان بيروح يجيب لماما فلوس من بابا من المكتب يعني وهو صغير المهم ماما قالتله لو مجبتش الفلوس فكة مش هتاخد انت واخواتك مصروفكم الصبح وانتم رايحيين المدرسة (كان مصروفنا ربع جنيه اياميها) المهم أخويا اتأخر قوي العشا اذنت والساعة عشرة جت واحداشر واتناشر وكنا هنبلغ البوليس خلاص وفي الاخرررررر لاقينا الواد جاااااي ومعاه كومة فلوس كبيرة فرحان بيها من وهو تحت أمي طبعا نست ان الواد اتاخر وافتكرت ان بابا بعت لها كنز اتاري الواد العبيط كل ده بيلف علي المحلات كلها عشان يفك لها العشرين جنيه كلها اربااااااااع 20 في 4 يعني 80 ربع بالصلاة علي النبي ومالكيش حجة ياماما بقي


الموقف الرابع

كنا بنحب نلعب لعبة الشايب بالكوتشينة قوي واحنا صغيرين وكان من حظ محمد اخويا الاغبر ان كل مرة يطلع هو الحرامي وكنا بنحكم عليه أحكام بشعة مرة حكمنا عليه يلبس طرحة وينزل يلف الشارع سبع لفات ونفذ ومرة تانية حكمنا عليه يحط كارتونة جزم قديمة فوق راسه وينزل السلم كله بيها ويمشي بيها في الشارع واثناء التنفيذ نزل دور دورين وفجأة سمعنا صوت الكرتونة بيترمي علي الارض ومحمد بيعيط وفجأة لاقيناه طالع وغضب الدنيا كله في وشه وطلع يجري ورانا وكانت حتة علقة ..لا تنسي


الموقف الخامس.

.(موقف حديث جه علي بالي محبتش أحرمكم منه)

أختي سومة واحدة صاحبتها بتحكي لها علي بنت اخوها الصغيرة بتقولها غبية قوووووي يا سومة ابوها قالها انزلي ياتقي شوفي العربية دايرة ولا لاء طلعت وقالتله لاء يابابا مش دايرة ...دي مستطيل

كفاية كده..صدعتكم

اتمسوا بالعافية




هناك 24 تعليقًا:

sun_of_freedom يقول...

هههههههههههههههههه

عسل والله يا بطوطى
واهم حاجه بتاع العربيه دا
ههههههههههههههههه


بوركتى محبوبتى الغاليه

تحياتى لكى ممزوجة بآيات القرىن تحفظطك مدى الزمان

وردشان smilyrose يقول...

بنوتة حبيبتى

بجد رسمتى البسمة على وجهى

وذكرتينى بما كنا نحس به

تجاه والدى عندما كنا صغار

وجتى الان رغم انه صديق وحبيب

ثم والد لكننا نتذكر شدته

ههههههههههههه

شكلها عقدة

ربنا يفرحك ويحفظك يا قمر

smilyrose

وردشان

روح الحب الصادق

إيمان بنت الحرية يقول...

هههههههه
لا فعلا مواقف ههههه مضحكة ههههههه

واحلى واحد الموقف التالت
فعلا عرف يتصرف
لا فهيم بجد
ههههههههههه
وطبعا امال يضيع مصروفه
هههههههههه

غير معرف يقول...

السلام عليكم
عثل والله عثل
ههههههههههههههههههههههههه
ربنا يجعل حياتك كلها ضحك وفرح
ربنا يوفقك يارب
في رعاية الله
السلام عليكم

نور الاسلام يقول...

جيتلك تاني اهه
اصلي بجد والله اول مره اضحك من زماااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااان اوووووووووووووووووووووووووووووووووووووووووووووووووووووووووووووووووووي
ربنا يجازيكي خير يارب
في رعاية الله يا قمر
بحبك في الله

وردة يقول...

هههههههههههههه
عسلة اوووي المواقف ديه
ولامحمد اخوكي
صعب عليا جدااااااااااا
واكتر موقف ضحكني بتاع بباكي وولاد عمك
بجد كلهم حلوين
طريقتك في السرد ممتعة
ربنا يكرمك
سلام

mohamed ghalia يقول...

ههههههههههههههههههههههههه
حلوه أوى يابطوط ربنا يكتر من مواقفكم دى

وحي القلم يقول...

الحقيقة أجمل أيام عمرنا هي اللي كنا فيها أطفال
مكنش فيه أي مواضيع شغله تفكيرنا
تحياتي

طوبه فضه وطوبه دهب يقول...

بجد انتى واخواتك شويه تحف ربنا ما يحرمكيش منهم ولا من اجمل ذكريات يا قمر

ريمان يقول...

ههههههههههههههههههههههههههه

حلللوه اوى حكايه الارباع دى

والله عسل

ايه ياختى ابوكى المرعب ده كمان


هههههههههههههههههههههههه

هههههههههههههههههههه

بجد مواقف جميله اوى

بحبك اوى يا بطتى

ابقى تعالى يا اختى شوفى البوست اللى عندى

اموااااااااه

قلب أبيــض يقول...

السلام عليكم

ما شاء الله اختنا فاطمة

مواقف جميلة ..
حصل معايا موقف زى واحد منهم


واحنا صغيرين

كان بابا بيضرب اخوبيا الصغير وانا بضحك

بس مش ضربنى
لأ

رمانى بالكرسى بس


مميز ها الموضوع اختنا

دمتم بود

mizohart2010 يقول...

ازيك يا فاطمه
كلامك جميل بس ده بيدل على حبك لباباكى اوى
بس ممكن سؤال تفتكرى لم ربنا يكرمك وتتجوزى و تجيبى اطفال حتربيهم بنفس تربيتك ؟؟
سؤال تانى انه الاحسن لم حد يحب واحد ويسمع كلامه عشان بيحبه ولا بينفز كلامه لانه خايف منه
معلش ان اسف بس عمر الضرب مبيعلم حد وكلامى عليه ادله كتير

MǿиY El-Shreef يقول...

ههههههههههههههههههههه

والله متت من الضحك

بالذات ع حكايه العربيه دي

عارفه كمان بابا زي باباكي كده

العيله كلها بتخاف منه :D

اول زياره وشكلها مش الاخيرة ان شاء الله

بس بجد ضحكت اوي :D

بنت الاسلام يقول...

Blogger sun_of_freedom

جيجي حبيبة قلبي جميل انها عجبتك

تحياتي ليكي

_____________________
smilyros
مشاعر الطفولة لما بنفتكرها دلوقتي بنقول احنا كنا كده ازاي اصل بابا طلع مايتخافش منه خالص كانت صورة بعيدة عن الحقيقة

تحياتي_________________

ايمان بنت الحرية

لو مكنش عمل كده كنت انا نزلت وفكتها وعملت زيه هههههههههههه ده مصروفىىىىىىىىى

نورتي ياجميل

_______________________
بنوتة مرحة

وربنا انتي اللي عسل ونورتيني وبتنوريني حتي لو جيتي 100 مرة

تحياتي

بنت الاسلام يقول...

وردة

طيب كويس ان انا عرفت انقلهم بصورة مفهومة

اصل انا كنت بضحك عليهم بقالي سنين

واتعودت كل لما افتكرهم اضحك

ولسة بضحك

وضحكتكم معايا بقي

نورتيني

__________________

محمد خليل

ياااااارب او علي الاقل يكتر من ذكرياتنا ليها اهي حاجة تخفف الهموم المتواصلة اللي بقينا عايشين فيها

تحياتي

بنت الاسلام يقول...

مصعب صلاح

ياريتها ترجع تاني
____________________

طوبة دهب وطوبة فضة

يااااارب مايحرم حد ابدا من اهله وناسه واحبابه

نورتيني

_______________________

ريمان


انتي نااسية انه محامي ولا ايه يارمانة؟

بس طيب وربنا

نورتيني ياجميل

وشوفنا البوست وعلقنا وكله تمام يافندم

نورتيني

وانا كمان بحبك

بنت الاسلام يقول...

قلب ابيض

حد قالك تضحك عليه

القلم ارحم

هههههههههههه

نورتيني يا احمد بوجودك

____________________________

mizohart2010


نورتني يا اسكندراني

وانا متفقة معاك طبعا ان سياسة الضرب والخوف في التربية عمرها ماكانت سياسة ومنهج سليم لانشاء اسرة سليمة

لكن هنعمل ايه لا احد يختار اباه ولا امه ولا احد يملك ان يعلمهم كيفية التعامل معه

لكن لو رزقت بطفل هخليهيخاف مني من باباه لالالالالا

هههههههههههههه


بهزر طبعا

تحياتي

_________________

بنت الاسلام يقول...

MǿиY El-Shr

نورتني بوجودك

واعذر الطفلة بقي ماهي العربية شكلها مستطيل برده

ولا ايه؟

هههههههههههه


تحياتي

Heba Sayed يقول...

:D

جميل اوى

blue-wave يقول...

هههههههههههههههههههه
تحفه والله

مدحت محمد يقول...

اكتر حتة ضحكتنى بتاعت بنطلون البدلة بتاعت بابا

بنت الاسلام يقول...

هبة سيد

انتي اجمل

نورتيني

__________________


blue wave

جميل اني قدرت اشارك غيري في رسم بسمة علي شفاهم

_______________

بنت الاسلام يقول...

مدحت محمد

نورتني

وكويس انك قدرت تضحك

تحياتي

Wise يقول...

جميله اووى مدونتك
وعجبتنى مواقف والدك جدا
اتمنى لك المزيد من التوفيق

مصر