الهي ماعدت أبغي شيئا في هذه الحياة سوي عفوك ورضاك

الأحد، 7 ديسمبر، 2008

تـــــــاج العـــــــــــيــــــــد





تاج جميل من مدونة حاجات جوايا( سالي )الجميلة بقولها كل سنة وانتي طيبة وبصحة وسعاده انتي وجوزك ودودو ابنك ياااااارب
ماذا يمثل لك العيد ؟ وما أكثر شئ يبهجك في مظاهر العيد ؟

العيد بيمثل لي فرحة كبيرة وشوق بعد انتظار طويل واستعدادات بداية من حملة تنضيف البيت وقلبه رراسا علي عقب عشان العيد جاااااي وتجهيز الكحك والبسكوت والترمس في عيد الفطر واللحمة والفتة في عيد الاضحي واكتر شيء بيبهجني في مظاهر العيد صلاة العيد نفسها في الاستاد والزحمة والناس الكتيرة وانتي ماشية مبسوطة وسعيدة والاجمل اننا بنقابل في الصلاة ناس كتيرة بقالنا سنين مش قابلناهم ولا شوفناهم

اوصف لنا طقوسك في العيد .. من ليلة العيد لآخر يوم ؟


اهو احنا ليلة العيد اهو ونفس طقوس السنين اللي فاتت ااقولكم ازاي بقي بيتنا دايما هو بيت العيلة ومابقاش العيلة وبس لا ده العيلة والجيران ليلة العيد عندنا مهرجاااااان اخواتي من بابا ايمان ومازن عندنا من امبارح بهدومهم وبنات عمتي مني ومريم وزهرة عندنا وبنات جارتنا ميرنا وميرفانا ومادونا ومروان كلهم عندنا دلوقتي هيباتوا معانا ونصحي كلنا علي صلاة العيد نروح نصلي برابطة المعلم ونعمل مظاهرة في الشارع واحنا ماشيين وندوخ بقي علي مانلاقي عربية نركبها ونتوه من بعض في الزحمة وندور علي بعض وبعدين نرجع بقي نعدي علي ااقرب فوال نمون فول وطعمية بكميات طبعا عشان تكفي الجيش ده كله ونطلع نعمل حفلة فطار وشاي وبعدين فرجة علي التلفزيون ونلعب بالبلالين وننااام تاني يوم بقي خالو متعود يزورنا من القاهرة تالت يوم ممكن أخرج مع اصحابي شوية وبس وكل سنة وانتم طيبين
احكي لنا أطرف موقف حصلك في العيد ؟

أطرف موقف حصلنا من سنتين كده حبينا نغير النظام بتاع يوم العيد قلنا بعد الصلاة نروح نفطر في مطعم صافو بتاع الفول والطعمية ومشينا مشي من الاستاد للمطعم و من علي اول الشارع لاقينا طوابير طوابير في انتظار مكان فاضي واكتشفنا اننا اغبيا قوي اصلنا كنا معتقدين ان مفيش حد هيعمل زينا ههههههههه طلعت دمياط كلها سبقانا وطبعا رجعنا البيت ورجعت ريما لعادتها القديمة


بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

طبعا بنتصل بيهم وبنروح لهم كمان


مين أول حد تزوره أو تكلمه في التليفون /الموبايل عشان تهنيه بالعيد ؟


صديقتي الغالية قوووووي زوبة زينب اغلي صديقة عندي في الدنيا كلها هكلمها بكرة وانا خارجة من الصلاة ان شاء الله

إيه الفرق بين العيد الحالي .. وعيد (أيام الطفولة )؟


فرق كبيرررررررر جدااااااااا واحنا صغننين الطقوس كانت مختلفة تماما كنا بنطلع من الصلاة علي نينا وهيبة مامة بابا اله يرحمها كنا نلاقيها وقفالنا في الشباك واول ماتشوفنا كانها شافت ملك وتكون مجهزالنا الفطار بقي والفاكهة وتدينا العيدية خمسة جنيه بحالها كانت حنينة قوووووووووي الله يرحمها كلمنا عن ذكرياتك في العيد
ذكريات جميلة ماتتنسيش طبعا بفتكر مرة عيد اضحي قضيناه في القاهرة عند أخوالي واتجمعت العيلة كلها عيلة ماما عند خالو في مدينة الشيخ زايد وكان يوم جنان بالفتة اللي بالسمنة بقي والكفتة اللي بالطرد كانت خرافة والله زمااااااان وافتكرت كمان السنة اللي فاتت لما خالو جالنا هو وولاده وخرجنا سوي رحنا نادي وبعدين سينما واحنا مروحين الدنيا بدات تمطر ثلوووووج ومش لاقينا مواصلات نروح وكنا بنتغرق واحنا فرحانين وبنضحك نحكي ايه ولا ايه ذكريات لا تنسي بجد
تفتكر الحياة من غير عيد .. هتفرق كتير ؟؟؟


طبعا هتفرق كتير كتير مش هنشتري هدوم ولا شوزات جديدة ههههههههه
العيد فرحة وسعادة للصغار والكبار ربنا يديمهم علينا بالفرحة والبهجة يارب


إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟


العيد اللي فات من المدونة الجميلة رانيا مدونة احساسي
وبتقول
قاعد علي الارض مربع بتنفخ بلالين العيد تكتب علي واحدة بحبك وواحدة عيد سعيد
بحبك ياراااااانيا


احم احم .. لسه بتاخد عيدية ؟؟ من مين ؟؟ وبتديها لمين ؟


من اخواتي الرجالة بقي بابا لاء خلاص نسي العيدية من زمااااااان بديها طبعا لاخواتي الصغننين

إيه رأيك في التاج ؟

تاج حلو قوي بجد رغم ان دي تاني مرة اجاوب علي الاسئلة الصبح كنت عملته وقربت اخلصه لكن بغلطة غبية مني ضغطت علي زرار دليت اتمسح لكن ولاول مرة الاقي نفسي ارجع اعمل تاج تاني وكتبته لاء ومش كده بعت اشتريت وصلة كومبيوتر بالموبايل واتصورت انا واسرتي الجميلة وهنشر شوية صور حلوة كده

تحب تمرره لمين من المدونين ؟

لكل المدونين الحلوين والي يحب ياخده يتفضله


ودلوقتي بعتنا نشتري عشا ملووووووكي وشيبسي وبيبسي
و
اتفضلوا معانا
كل سنة وانتم طيبيييييييييييييييين




هناك 13 تعليقًا:

رامز عباس يقول...

كل سنــــــــــــــــــة

وانتي بخير يا افضل صديقة للمدونين


وام حنينه علينا ويارب نشوف اولادك


ويخليك مريم وميرنا ومازن ودود


والحاجه وعمو بكر وكل حبايبك


وبتاع الشبيبي



رامز عباس اخ فالح مؤقتا

رامز عباس يقول...

يا بطة يا دمياطية

يا شايلة الفرحة جواكي


يا بنت يا متربية نشوفك

نقولك محلاكي



فين الخروف يا بطة غلبتيني وياكي


اهون عليكم وانا المكلبز

مفيش حته لحمه معاكي


يا بطة يا متربية

ندعو المولي يرعاكي


وتحني علينا يا ماما


ونعيش في ظل حماكي

يا ام المدونين يا بطة بكر ولا والف لا


لكل الظلمة الكلاب

مولان يقول...

اجاباتك بجد عشتها ياحبيبه قلبي

كل سنه ونتي طيبه ياثكره

عيد سعييد

ashrf6581 يقول...

مش عارف حاسس انك عاوزه تقولى انك بتدرسى لهم بس على العموم كل عام وانتم جميعا بخير

mohamed ghalia يقول...

كل سنة وانتى طيبة
كل سنة وإنتى إلى الله أقرب
كل سنة وكل أحبابك بخير
فى حفظ الله

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

بنت الاسلام يقول...

رموووووووووووز

وانت طيب وبالصحة والسلاااااامة

يااااااااارب

واشوف ولادك انت كمان يا رامز ويقولولي يانينا بقي

ههههههههههه

ربنا يسعد ايامك بقلبك الطيب ده

تحياتي

بنت الاسلام يقول...

رامزززززززززز

انت شاعر عظيم

وعظمتك في ان كلماتك بتخرج من قلبك

وكلماتك بصراحة كبيرة عليا قوووووووي

قووووووووي

تحياتي

بنت الاسلام يقول...

مولان

كل سنة وانتي بالف صحة وسعادة وسلامة

والحمد لله ان اجاباتي طلعت حلوة

زيك

تحياتي

بنت الاسلام يقول...

أشرف

اه طبعا
كلهم تلاميذىىىىىىىىىى

وياما شرحت لهم

بس انا لسة صغننه بررررده

كل سنة وانت طيب وعيد سعيييييييييييد

تحياااااتي

بنت الاسلام يقول...

محمد خليل

كل سنة وحضرتك بالف صحة وسعادة يارب

تحياتي

بنت الاسلام يقول...

كوشيا

happyyyyyyyyyyyyyyyyyyyyyyyy feast

sticker يقول...

Although from different places, but this perception is consistent, which is relatively rare point!
nike dunk

مصر