بقول لنفسي حمد لله علي سلامتي أخيرا رجعت لعالم التدوين اللي بحبه وحشتوني
ووحشتني بوستاتكم 3 أسابيع في القاهرة وسط حر فظيييييع مش متعودة عليه وأنا بكتب دلوقتي الهوا حواليا كتير مش حاسة بحر نعمة الحمد لله بحمد ربنا اني من بلد ساحلية دمياط طبعا ما انتم عارفين
المهم بقي وأنا في القاهرة بنت خالتي كانت اعدادية نجحت وبمجموع عااااااالي عاااااااالي ماشاء الله باركتلها وطبعا ظبطتها انا ب20 جنيه مصري تشتري بيهم الدنيا ومافيها ماعلينا مش ده الموضوع الموضوع عاوزين يقدمولها ثانوي في مدرسة معروفة عندهم اسمها الاورمان وبما ان مجموعها أعلي من 260 فدا من حقها بغض النظر عن المربع السكني اللي هي عايشة فيه لاقيت خالتو بتقولي مابيقبلوش الورق الا بتبرعات تبرعات ايه ياخالتو ؟؟؟؟تبرعات للمدرسة يابطة .مش دي مدرسة حكومي ياخالتو؟ أيوة يابطة.تبرعات زي ايه ياخالتو؟؟بوتجاز خلاط مروحة تكييف حدث ولا حرج بقي وكله عشان خاطر تطوير التعليم في مصر .بتقولي ايه ياخالتوااااااااااا؟؟؟؟؟؟ زي مابقولك كده أنا طبعا دمي اتحرق وازاااااي ولازم تبلغووووووووا الوزارة ودي رشوة ووووو خالتوا قالتلي اتنيلي دانا بسأل واحده صاحبتي شغالة في الوزارة قالتلي اه دي تعليمات جايالنا ناخد تبرعات .اه وربنا قالتلي كده يعني الرشوة بقت بقرار وزاري وسلمولي علي مصر سلمولي
حبيت اتكلم كمان علي قانون المرور انا قريت القانون والغرامة والعقوبة بصراحة قانون ملعوب صح بس بفكر تطبيقه هيتم ازاي امبارح بالليل اخويا خدني نروح راس البر وركبت جنبه في العربية ولاقيته كتفني بحزام الامان خنقة بجد بس وماله لو فيه الحماية نتحمله علي عينا وراسنا وقعدت اتفرج من الشباك بقي مفيش حتة في البلد الا وواقف فيها عسكري مرور وكل خطوتين تلاقي كمين واقف بصراحة انا ايدي كانت علي قلبي اخويا لسة ماطلعش رخصة القيادة وبقيت مرعوبة لايوقفوه ويعملوله مشكلة بس انا فرحانة بقي في سواقين عربيات الاجرة والتاكسيات كانوا زالين أنفاسنا ومحدش يقدر يكلمهم عرفت ان في غرامة مالية كبيرة للي يزود في الاجرة واللي مايشغلش العداد في التاكسي وهنصيع علي السواقين بقي وبقلب جامد ناخد حقنا ومن غير احراج ولا كسوف ده حق كفله لنا القانون وكمان ناوية لو شفت اي ظابط بيقبض ابلغ عنه مين مش عارفة بس مش هسكت كفاية رشاوي التربية والتعليم بقرار وزاري هتبقي رشاوي المرور بقرار وزاري هي كمان عندي أمل يطلعوا قانون التعليم وقانون الصحة وقانون العمل الي أخر القوانين
تعرفوا نفسي في ايه نفسي البلد تنضف من الرشاة والمرتشين تفتكروا ممكن؟؟؟؟؟؟؟؟
هناك 26 تعليقًا:
السلام عليكم ورحمه الله وبركاته
ايه الغيبه الطويله ده
الحمد الله انك رجعتى من القاهره بخير
والله يا بطه انا حزين على البلد ده حاسس ان كل واحد ماشى فى الشارع حاطت ايده فى جيب اللى جنبه
واحد كان فاكر انه هيعيش فى بلده فى استقرار وامان
اما عن المرور والقانون الجديد
احب اقولك ان احنا عايزين نقلد دول الخليخ لانه مطبق هناك من سنين
انا كنت واقف فى كمين والضابط طلب منى الرخص زى اى واحد بيطلب منه الرخص طلعت الرخصه وشافها وبص فيها وضحك وقالى انا عارف انك طالب فى الجامعه الامريكيه انا عايز الرخصه من كارنيه الجامعه
ضابط شرطه ملازم اول مش عارف شكل رخصه القياده الدوليه
لا حول ولا قوه الا بالله
مش هقول الا يا حزنى عليكى يا بلدى
الحمد لله علي السلامه
للاسف البلد بقت كلها ماشيه بالرشوة
والله انا كنت في تاكسي والراجل كان
بيتكلم علي قانون المرور الجديد لقيته
بيقول ان القانون ده محطوط علشان بدل
ما السواقين يدعوا 5 جنيه رشوة يدفعوا
20 وقال انه سافر بواحد من المنصوره
للقاهرة من غير تصريح واما الراجل
ساله قاله : معاك عشرة جنيه فكه هو
ده التصريح بتاعنا لو حد قابلنا
لاحول ولا قوة الا بالله
تقبلي مروري
حمدا لله على سلامتك يا قمر
نورتى مدونتك يا جميل
بس ايه الطيبة اللى انتى فيها دى
انتى متعرفيش ان كل حاجة دلوقت بتتم بالرشوة المقنعة
طب انا هقولك على حاجة اصعب بكتير من مدرسة الاورمان
اول ما اتخرجت .. طبعا ملاقيتش شغل وقدمت فى كل المدارس الخاصة ولفيت على الحكومى ومديرية التربية والتعليم عشان الاقى وظيفة فى اى مدرسة ولو حتى بدون أجر ملاقيتش
وسألنا طوب الارض مفيش فايده ده مع انى جايبة تقدير وكنت من اوائل دفعتى
وبعدين واحد ابن حلال قال لبابا ممكن تشتغل فى الازهر بس بتبرع 10000 جنيه
تخيلى ؟؟؟؟
شيخ الازهر مش بيعين الا اللى يدفعله تبرع ؟؟؟؟؟؟؟؟
الازهــــــــــر
مش الاورمان
حسبى الله ونعم الوكيل بجد
-----------
اما عن المرور ففيه فعلا حركة جامدة جدااااااااااا
امبارح كنت خارجة هنا فى دمياط مش فى راس البر لقيت تجمعات رهيبة عن البوستة والشارع الجديد من العساكر والضباط والناس اللى واقفين مستغربين ومش عارفين فيه ايه ؟؟ وكأنها حملة لضبط كميات مهربة من المخدرات
ولما سألنا عرفنا من قيادات من المرور ان فيه حركة ترقيات وكل واحد عايز يظهر نفسه
يعنى الوقفة دى كلها لمصالحهم الشخصية
مش للحد من جشع السواقين ولا تنظيم حركة المرور ولا حاجة
يبنتى اصلا لو شفتى حد بعد كده بيعمل حاجة كويسة فى البلد الخربانة دى تاكدى انها لمصلحته الشخصية اولا واخيرا
مش لمصلحة البلد
معلش بقى صدمتك زيادة عن صدمتك
بس ربنا موجود
وحسبنا الله ونعم الوكيل
سالى
انا عن نفسى معتقدش ان الرشوة دى هتنتهى
الرشوة الايام دى بقت روتين اساسى
بالنسبة للسؤال اللى في آخر المقال :
ابقى قابليني .
دا شعب فقري ما يمشيش غير بضرب الـ....
حمد الله علي السلامة اولا
والحكم علي القانون رغم ما له وماعيه لازم ينتظر شوية
نشوف هل فعلا هيجيب نتيجة ولا لا
وهل هيطبق علي الكل ولا لا
يمكن
مع اني اشك
تحياتي
عوده حميده للعالم اللي انتي بتحبيه
**************
مبروك لبنت خالتك
************
وردا علي سؤالك
طبعا البلد دي لازم تنظف من الرشاه والرشاوي في يوم من الايام
بس لازم التغيير
والتغيير يبدأ من الشخص نفسه
some one
يالهوووووووي الرخصة الدولية بقت كارنيه جامعة امريكية
استاذ احمد
انت لسة رراجع من استراليا
من فضلك بلاش مقارنة
تحياتي
حسن حنفي
المفروض يكون لينا دور في منع حدوث الرشاوي ديه
كنت انصحه نصيحة لوجه الله جايز كانت اثرت فيه وخلته ينزل الزبون بدل ما يدفع الرشوة
المفروض نكون ايجابيين بقي
عملوا القوانين هما ليهم دور في تنفيذه واعتقد اننا كمان لازم يكون لينا دور في اننا مانسكتش علي حاجة غلط
تحياتي
حاجات جوايا
الله يسلمك ياغالية
معاكي حق طيبة زياده عن اللزوم بس كانت بس الرشاوي ديه كانت من تحت الترابيزة ولا زالت سرو بلدنا طبعا انما اللي حصل في الاورمان ده انه بقرار وزاري قالولها تعليمات من الوزارة وده اللي وقفني حسبي الله ونعمة الوكيل
انما قانون المرور انا شفت الكمين برده في دمياط مالية البلد ياسيتي سيبيهم يترقوا بس المهم يشتغلوا ولكل مجتهد نصيب
مش نصيب مادي من الرشاوي طبعا
لكن نصيب في فناء انفسهم في سبيل اداء الوااااااااااااجب
لغز الحياة
ليه بس
يا اخي اليأس ده
مش تنتهي علي الاقل تقل
او مانكونش احنا زيهم وعلي نفس نهجهم
ابو اسامة مدونة كوباية شاي
ده هروب من اي حل حقيقي ممكن يغيرنا للافضل
تحياتي
kochia
معاك حق
نستني شوية وبعدين نحكم
تحياتي
خالد فوده
الله يسلمك
الله يبارك فيك
طيب يالا كل واحد مننا يبدأ
واكيد هيحصل تغيير للافضل
ببطء لكن بثقة
بطووووووووط
حمد الله ع السلامه حيببتى
ومبروك لبنت خالتك اللى نجحت بس عشرين جنيه كتير اوى عليها
ههههههههههههه
وطبعا يا قمر موضوع الرشوه ده
بقه فيتامين خلاص
ههههههههه
بوست جميل وفى الصميم
مع ارق تحباتى يا بطتى
السلام عليكم ورحمة الله وبركاته
أختى بنت الاسلام
أولا حمد الله على سلامتك وعودا حميدا
صدقنى بلدنا بخير قوى وناسها طيبين جدا بس العيب فينا احنا نفسنا جو كل واحد لحد ما الى جوانا طلع بره وظهر حولينا فبدل ما نصلح انفسنا لا بدانا نرمى عيوبها على غيرنا ونحلم انهم يصلحوهلنا طب ازاى
بس انا متاكده اننا لو حاولنا نصلح هننجح بإذن الله بس احنا نحاول الاول منكتفيش بالكلام والنقد والتؤه على ما وصلنا اليه بس
أختى أحب فى النهايه أحييكى واتمنى ان تتقبلى مرورى
تحياتى
دمتى برعاية الله
والله يا بطوط الكاهرة بنت ام عز نورت بيكي
وبعدين الكانون عجبنى اوي ما عدا الشنطه المنيله دي
اما بقى الرشاوي فلو كلنا قولنا لا وصممنا هتبقى لا الاتحاد قوه يا بطوط
السلام عليكم
حمدا لله على السلامة
بس يا بنت الاسلام دي مش رشوة ... دي اسمها اتــــــــــــــاوة
يعني زي فتوات الحارة ، واللي مش حيدفع حياخد فوق دماغه
تقدري تقولي ضريبة مبيعات ، قصدي ضريبة دخول المدارس
يا ريت البلد تنظف .... يا ريت
قديمة اوى موضوع الرشوة المتنكرة دى
انا لما جيت ادخل اعدادى كان بردو دة النظام لازم اجيب مروحة او مش عارفة ايه كدة حاجااات كتيير والسلام
ربنا يرحمنا بجد
بيتهيئلى لو مصر نضفت من الرشوة يبقى مصر حالها اتعدل خالص
السلام عليكم
رحمنا الرحمن من هذا الزمان الذى تفشت فيه الرشاوى و اصبحت كانها شىء عادى لا يخجل منها الراشى او المرتشى ..
اتمنى مثلك ان يأتى اليوم الذى نجد انفسنا نتعامل بما يرضى الله عنا و نتعامل كمسلمين فعلا و ليس اسما ..
دمتى بخير فى حفظ الله
تقديرى و تحياتى
ريمان
ماشي ياعم الفيتامينات
بقينا دولة الفيتامينات علي كده
عشان نتقوي وصحتنا تبقي عال العال
الله يسلمك ياجميل
تحياتي
الملاك
اولا شرفتيني بزيارتك نورتيني
انا معاكي ان جزء كبير من العيب علينا بنخاف وبنحاول نمشي امورنا بأي طريقة حتي لو كانت مضرة لمجتمعنا وبتسبب هلاكه
لكن برده كل واحد مننا مسئول في مكانه والساكت عن الحق شيطان اخرس وكوني رايت او سمعت عن واقعة فساد قائدها مسئول هام يدعي انه قرار وزاري فمن حقي النشر لعل صوتي يسمع ويصل ويؤثر
اتمني التواصل
تحياتي
appy
القاهرة منورة بيكم ياجميل وانا سعدت جداا بلقاءك
معلش بقي خلي بطوط العربية تسمع الكلام وتشتري الشنطة والا هبلغ عنها خدي بالك حفظت نمرتها
انما موضوع الرشاوي ياالا نقووووووول
نورتيني
تحياتي
رسامة
والله معاكي حق ماهي اتاوة الحصول علي الحق وليس قهر الحق
تحياتي
oRiGiNaL HeArT
انتي كمان جبتي مروحة هو الجو كان حر قوي في المدرسة ولا ايه
وجبتيها تحت اي مسمي واي بند؟
ومدرسة حكومية ولا خاصة؟
نورتيني
rovy
وعليكم السلام
انا كمان بتمني معاكي
تحياتي
إرسال تعليق