الهي ماعدت أبغي شيئا في هذه الحياة سوي عفوك ورضاك

السبت، 22 مارس 2008

وبعدهاااااااااااااااالك يابلد






وبعدهاااااااااااالك يابلد

علي فين واخدااااااااااانا

ماخلااااااااص انتهينا

مات الأمل جواااااااانا

شبااااااااااب ولكن

اترسمت نهايتنا بايدينا

وروووووووود ولكن

الاشواك قضيت علينا

وماسبتناش علي حالنا

خدشتنا جرحتنا أدمتنا

وفي الاخر دمرتنا

لا دي كمان حولتنا

وبقينا ناكل في بعضينا


وبعدهاااااالك يابلد

سيرتك بقت الحرمان

بقينا بنحلم بالنسيان

بقي الضعف عنوان

والغضب بركان

سامعانا يابلد سامعة أهاتنا

ما أثرتش فيكي حتي أناتنا


وبعدهااااااااااااالك يابلد

تعرفي ان ابنك سرق

واعترف وقال احبسوني

لكن أكلوا ولادي الأول

تعرفي ان شبابك استشهدوا

أيوة استشهدوا

مش علي باب الحرية

وهما رافعين راية النصر

لكن علي باب الفرن

وهما رافعين راية الذل

حاسة بينا يابلد

حاسة بوجعنا

احنا موجوعين قوي

عاجزين قوي

تعبانين قوي

وبعدهاااااااااالك يابلد

سمعتي يابلد

عن الي باع عرضه وشرفه

في سوق النخاسة رخيييييص

عشان يدفع ايجار بيته

سمعتي عن الي باع عقله لكيفه

ومابكاش حتي حد عليه

وبعدهااااااااالك يابلد

سمعتي يابلد

عن الخمسة وعشرين الف شاب

الي هاجروا لاسرائيل

عاشوا واستوطنوا فيها

سمعتي عن السيبرات والكافيهات

والي بقي بيحصل فيها

ولادك بقوا علي الكراسي قاعدين

وفي الشوارع تايهين

وفي أخلاقهم نازلين

ولقيمهم بايعين

ااااااااااااااااه يابلد اااااااااااااااه


وبعدهااااااالك يابلد


لغاية امتي

هتبقي الاااااااااااه عنوان

والدموع أشكال وألوان

لغاية امتي

هيفضل الفرح بعيد

والالم وحده هو القريب

لغاية امتي

هتفضل يا اخويا عاطل

ويا أختي عاجزة

لغاية امتي

هتفضل يا أبويا كادح

ويا أمي باكية

وبعدهااااااااالك يابلد

نفسي أشوف في عيون أهلي

دموع الفرحة

نفسي أحس ان في قلوبهم

لمحة بهجة

نفسي أبارك لجاري

وأنا في نفسي راضية

نفسي أفرد جناحاتي

لجمع ظاهر من بعيد

جاي عليا فرحان وسعيد

وبحب عظيم وكبير

الاقي نفسي جواهم وهما جوايا

ساكنين وعايشين

وبعدهاااااااااااااالك يابلد

كل كلامي ليكي وجع

وكل طلباتي منك أحلام

ولكن مش أحلامي لوحدي

دي أحلام أحبابي وأحبابك

أحلام ولادي وولادك

أحلام ناسي وناسك

أحلام شعبي وشعبك

أحلام شعبنا

أحلام

شعب

مصر


تفجرت الكلمات بداخلي في لحظة فكتبت وعبرت اعذروني لاني قسوت وألمت وفتحت جروح وأوجاع ولكنها جروحي قبلكم وألامي معكم فسامحوني أنتم أهلي وأحبابي أنتم شعبي وأخواني
أنتم شعب مصر
هذه أول تجربة شعرية لي أعلم جيدا أنها لاترتقي لمرتبة الشعر ولاتمثل شيء في صفوف الشعراء ولكن ممكن اعتبارها احاسيس ومشاعر تجسدت في صورة كلمات أتمني أن تنول اعجابكم بعد أن تزول ألامكم

تحياتي




هناك 21 تعليقًا:

Hosam Yahia حسام يحيى يقول...

قصيده لا اروع ولا اجمل ولا احسن


واحب اقول انى اول تعليق

واحب ارفع علم مدونتى هنا

لانى اول الواصلين

جيلان يقول...

بجدرااااااااااااااااااااائعه انا هعتزل الكتابه بقه والاشعار والقصايد
انا بقه جنبك مجيش حاجه
قد جف حبر قلمى ولم يستطيع ان يعبر عن مدى اعجابى الشديد بموضوعك وكلماتك الرائعه
بجد بجد انجاز رائع فى سماء التدوين
تقبل تحياتى
ربنا يزيدك يابطوط

فارس الأزهر .. معاذ فتحى يقول...

السلام عليكم

حياكم الله أختنا الفاضه

وهكذا تصل الكلمات

إحساس عالى بآلام البلد

حقا ً

عندما يحصل المواطن على رغيف عيش
فكأنما عبر القنال وحرر سيناء

ومن يبتسم الآن فى مصر يظنه الناس مجنونا

أما من يعيش بين الناس ولازالت لديه ملامح التفاؤل
فسيقولون أنه رجل ٌ عجيب فى زمن ٍ أعجب


بارك الله فيكم اختنا

والى االامام

وتقبلوا تحياتى

اتحاد المدونين المصريين(تحت التاسيس ) يقول...

الاخت الفاضلة
هذه زيارتى الاولى لمدونتك وان شاء الله لن تكون الاخيرة ..اما بخصوص البوست فهى مشاعر صادقة ولكن ليست شعراوهذا رايى المتواضع مع جهلى بقواعد واصول الشعر ولكنها مشاعر صادقة خرجت من القلب لتمس القلب واتمنى المزيد من المحاولات ....
اختى الغالية
اين شعار اتحاد المدونيين المصريين ؟

Empress appy يقول...

لا يا بطوط دى جامده جدا ايه الانفجارات والصواريخ دى لاااااااااا والف لااااااااااا لازم تكمل يا احلى بطوط بجد
بس كان لازم تقولى وبعدها معاك يا شعب سلبى وكملى الاه يا بطووطه

محمد مارو يقول...

تحياتك ايه بس يا بطوط اللى قولتيها فى الاخر دى

تحياتك بعد ما قلبتى المواجع علينا

عاوز اعيط بس مليش نفسى

Unknown يقول...

احنا السبب في اللي بيحصل

حمادة زيدان يقول...

يووووووووووه يا بطة نكدتي عليا وانا أصلاً متنكد والجو حر موت ومفيش جديد ... القصيدة شايلة كل المصايب اللي عايشين فيها منك لله لمتيها في بوست واحد ..
وبعدهالك يا بلد ... والله الناس كلها قرفت ... والناس كلها ساكتة ... العيب في الناس يا بطوط

بنت الاسلام يقول...

حسام يحي


اشادتك بتسعدني

ويسعدني اكتر انك تكون اول الموجودين

نورت

_________________

جيلان

ايه الكلام الكبير ده بس علينا

دي احاسيس مش اكتر اتمني تكون صادقة

تحياتي ياقمر

____________________

بنت الاسلام يقول...

معاذ فتحى .. فارس الأزهر

ماساة والله ماساااااااة

الضحكة والبسمة بقت من عجايب الدنيا

التامنة

موجودة في مصر

تحياتي

___________________________

البيومي

نعم ليست شعرا فلست شاعرة

يكفي كونها صادقة


وهحط الشعار ان شاء الله

ومنتظرة تكرار زيارة حضرتك

تحياتي

بنت الاسلام يقول...

appy

طبعا بطبطب عليه وبعدين هفووووقه

بس انتي ادعيلي

وهتفرحيني بالخبر السعيد امتي بقي ياقمر


كدة الفلوس هتطييييير


تحياتي لخرفانك

بنت الاسلام يقول...

محمد مارو

اسلفك شوية دموع يامارو انا نفسي مفتوحة

وبالعند بقي

تحيااااااااااااااتي

نورتني

بنت الاسلام يقول...

أنا إنسان

استاذ عادل نورتني

مابقاش حد عارف فين السبب

______________________

حمادة زيدان

الحمد لله انه مش في الحر

نورت ياحمادة

موناليزا يقول...

وبعدهالك يابلد"عنوان رائع وجاب من الاخر

mohammed alsha3r يقول...

لا بجد

نو كمنت

بجد تسلمى

بعيد عن ان اللى كتبتيه دا شعر ولا ايه

بس أحلى شىء انه وصلى خرج من قلبك

وانا متأكد هيوصل ويمس قلوب اللى يقراه

سلم مداد قلمك يابطه

بنت الاسلام يقول...

monaliza

هو فيه اخر

تحياتي

بنت الاسلام يقول...

mohammed alsha3r

مش عارفة ااقول ايه علي كلماتك الرائعة




تحياتي

مدحت محمد يقول...

انا قلتلك رايى قبل كدة تحفة
وبجد
وبعدهالك يابلد
هتعملى ايه تانى فينا
تحياتى

غاوي حرية يقول...

اهئ .. اهئ .. اهئ

وبعدهالك يا بلد .. يا بلدنا وبلد ولد الولد ... وبعدها لشعبك يا بلد ... الكلمة فيكي تنضرب وتتحرق وتقول كمان ... اتعلمت من شعبك سلبية بلا حدود وسكوت بلا اخر ةفي النهاية لا حراك


بوست جميل يا استاذتنا وربنا يتقبل منك ... وان شاء الله مش اخر مرة اجي هنا واكون ضيف دائم بس استحملوني .. وبجد الكلام اللي بيخرج من جوه القلب بيوصل للقلب بصاروخ


سلاموووووووز بقى لحسن طولت عليكم

يا ريت تنوروا مدونتي

بنت الاسلام يقول...

مدحت محمد

الله اعلم

بس توقع اي شيء

تحياتي
____________________________

غاوي حرية

نورت مدونتي

واتمني التواصل

تحياتي

بحبك اوى يقول...

السلام عليكم : انا بشكرك اووووى


على تعليقك الجميل وبشكرك على مرورك لمدونتى


المتواضعة


بجد انتى كلامك جميل اتمنى التوفيق

مصر