وعاد التلفزيون المصرى ..لـنا

امبارح واحنا بنحتفل بنجاح ثورتنا العظيمة فى ميدان الحرية كما اطلق على منطقة البوسطة بدمياط مؤخرا نظرا لما شهدته من مظاهرات عاصفة كانت جزء مهم فى الاطاحة بنظام فاسد ॥كان شىء جميل ان الكاميرة اللى واقفة تصورنا وتشاركنا افراحنا ..هى كاميرة التلفزيون المصرى ..اخيرا اصبح مع الشعب بعيدا عن النظام ...وكان له أعظم وأجل التحية من الجميع ..فهاهو عائد لنا بعد طول غياب واشتياق

الشرطة تعتذر للشعب.. سجل يا تاريخ

من اقل من شهر الشعب كان بيبوس ايد الشرطة عشان ترحمه ..النهاردة الشرطة طالعة فى وقفات تعتذر للشعب ..انا بصفتى واحدة من الشعب ..بقولهم..هنطلع احنا أكرم منكم..ونقبل اعتذاركم ..ونقولكم ..العفو عند المقدرة ... والمسامح كريم...ودرس واتعلمتوه مننا ..ان وظيفتكم انكم تكونوا فى خدمتنا ...نفذوا شعاركم وثقوا فيه دايما ( الشرطة فى خدمة الشعب ) ...والا هتلاقوا الشعب واقف لكل واحد أخطأ ويعلن عليه بداية ثورة جديدة

راجعالك يا مدونتى بعد ما التاريخ اتغير

راجعالك يا مدونتى بعد ما مصر بقت حرة ابية

راجعالك بقلب نابض من جديد

من غير مبارك ولا عادلى ولا نظيف

راجعالك يامدونتى عشان نحتضن مع بعض عهد جديد

عهد المصرى فيه حــــــــــــر

عهد المصرى فيه مالك لمــــــــــصر مش مملــــــــوك فيها

وتحيــــــــــــا مصـــــــــــر

حــــــــــــرة للابد

२५ يناير

كلام كتير جدا جوايا محتاجة اخرجه كله احداث كتيرة ومتلاحقة حصلت فى وقت قصير خلينى احكى على قبل يوم الغضب 25 يناير قبل اليوم ده جهزنا شنطنا وقررنا نسافر من دمياط للقاهرة نزور اخونا الكبير اللى ساكن فى وسط البلد ونزور خالاتى واخوالى وننتهزالاجازة ونتفسح وسافرنا وانطلاقنا طبعا قبل الايام دى كنت سامعة عن يوم الغضب २५ يناير وكنت مقررة انى هشارك فى المظاهرة عادى كالمعتاد وانه يوم وهيعدى وهترجع الحياة طبيعية زى ماكانت وزى ما اتعودنا عليها بصراحة كان جوايا يئس فظيع ان فى حاجة حوالينا ممكن تتغير او ان الشعب ممكن يخرج من قمقمه ويثور يمكن كان حلم بعيد تخيلت انه مش هيكون واقع فى عصرى ولا فى جيلى سافرنا وقررنا اننا تانى يوم اللى هو اليوم المشهود ॥الثلاثاء॥هنروح دريم بارك ॥واستعددنا كل الاستعداد لذلك॥وبعد صلاة الظهر بدأنا نسمع أصوات المتظاهرين أمام المنزل اى امام محكمة النقض ارتديت ملابسى سريعا استعدادا للنزول للمشاركة بعض الوقت قبل الذهاب للنزهة المرتقبة وبالفعل نزلت فى ظل تواجد أمنى مكثف وشديد وما اجمل معاملة الامن المصرى الادمية فى هذا اليوم الذى جاءنى ليطلب منى اما ان اعدى الشارع واشارك فى الوقفة الاحتجاجية او امشى حتى لا يتعطل الطريق فاذا بى بدهشة اساله يعنى اروح اشارك عادى।؟ قالى طبعا اتفضلى وذهبت وانا اتساءل هو ده امن مصر ولا امن بلد تانية ووقفت بالمظاهرة ننادى ونهتف ( تغيير - حرية - عدالة اجتماعية ) ( الشعب يريد اسقاط النظام) وغيرها من الهتافات التى يطمع ويتطلع لها الغالببية العظمى من المواطنين المصريين واذا بمراسل قناة اجنبية واقف بجوارى يطلب منى اجراء حوار للقناة الاجنبية التابع لها وسالنى عدة اسئلة منها هل الشعب المصرى خرج اتباعا للثورة التونسية فقلت له اننى كنت اتمنى لو ان الثورة الحقيقية للشعوب العربية تنبع اولا من قلب مصر وسالنى ايضا هل انتى من المؤيدين برحيل الرئيس مبارك فاجبته بالايجاب نعم اكثر من ३० عاما ولا تغيير لا جديد ॥الفقر يزداد والفجوات الاجتماعية تكبر وتكبر وعدت مرة اخرى للمظاهرة ثم انسحبت قليلا واحببت العودة مرة اخرى فاذا بالامن يبدأ بالتغيير وتزايدت عربات الامن المركزى بكثافة اكبر واحاطوا بالشارع باكمله على شكل سياج امنى مكثف وبدأوا يشتغلونا عاوزين نعدى نروح المظاهرة لفوا يمين وهتدخلوا نروح يمين يقولولنا شمال وهكذا حتى حل الغروب وبدأ الظلام يعم فانسحبت بهدوء وعدت للمنزل واستمر المتظاهرون لوقت متاخر من الليل ومرت الليلة وجاء يوم الاربعاء ليحمل لنا المزيد استيقظت من نومى ودخلت البلكونة فاذا الصورة قد اختلفت كثيرا بدأ هياج بالشارع الامن المركزى يجرى خلف المتظاهرون وبدأت تظهر العصى فذهبت سريعا لكى انزل ولكن قبل وصولى للباب وصل لمسامعى اصوات طلقات رصاص مطاطية واصوات قنابل فتسمرت واستوقفنى اخى ومنعنى من النزول فاسكتفينا جميعا بالمشاهدة من البلكونة وكاننا فى قلب الحدث مباشرة لم يهدأ الشارع لحظة ولم يتوقف فزع بنات اخى الصغار ورعبهم لحظة فلم تصمت اصوات القنابل ولم تتوقف طلقات الرصاص ولم تغادر العربة المصفحة الصغيرة التى يخرج من سقفها رجلا يحملا رشاشا ليطلق رصاصا مطاطيا المنطقة لحظة وعشنا ليالى بلا توقف ليلا اونهارا ولاول مرة فى حياتى تخترق اذنى اصوات القنابل وتؤذى انفى وعينى ووجهى الذى شعرت انه يحترق وهكذا مرت الحياة ونحن محبوسون بالمنزل لا يسعنا سوى الوقوف والمشاهدة من البلكونة لحلبة الحرب الدامية ولا ننسى ابدا مشاهد بلطجية الامن فى الزى المدنى بالعصى فى ايديهم وهم ينقضون على المتظاهرين ليوزعوهم ضربا وركلا ومن المشاهد التى لا تنسى مشهد شاب مراهق صغير لا يتجاوز عمره الخامسة عشر عاما وقد وقع فى قبضتهم وبعدما اوزعوه ضربا وضعوه بعربة مصفحة تابعة للامن المركزى وتركوه وذهبوه لنسمع خبطاته بعد ذلك على جدار العربة صارخا ( انا عندى امتحان بكرة حرام عليكم ) وهكذا الى ان جاء يوم الجمعة يوم الغضب ॥وللحديث بقية