ليه ياقلبي تسلم للي مالهومش امان ؟
وعمرهم ماحسسوك في يوم بحنان
وان خدت قرار وقلت ابيع
ترجع تاني عاشق والهان
تداري في عنيك نظرة خزيان
و تلمح في عنيهم ابتسامة
مالهاش عنوان
،،،،،،،،،،،،،،،،،،،،،،،،،،،،،،،،،
ليه ياقلبي تحلم بأوهام؟
عليها تصحي وتنام
وان غابت عنك يوم
تصرخ وتقول
راحت فين؟
انا من غيرها
مش عارف انام
،،،،،،،،،،،،،،،،،،،،،،،،،،،،،،
ليه ياقلبي تنسي الالام؟
عدت كده عليك بسرعة وسلام
ضربت الودع فنسيت الوجع
ولا أنت مقطوع منك شريان؟
،،،،،،،،،،،،،،،،،،،،،،،،،،،،،،،،،،
ليه ياقلبي ماقلتش لاء
ليه دايما ساكت عن الحق
ليه خايف تنطق كلمة
ليه خايف تعلن ثورة
خايف تخسر؟
هو انت ناسي
من امتي انت كنت كسبان؟
،،،،،،،،،،،،،،،،،،،،،،،،،،،،،
ليه ياقلبي عايش علي الاطلال
وحيــــــــــــــــــــــــــــــد
ليـه ضهــرك للقـــمـــــــــر
حـــــــــــــــزيــــــــــــــن
خلاص الدنيا في نظرك انتهت ؟
اومال لو كنــــــــت بجـــــــد
بتبكي علي حـــــــــبــــــــيــــــــب
،،،،،،،،،،،،،،،،،،،،،،،،،،،،،،،،،،،،،،،،
هناك 12 تعليقًا:
اول مرور
اول مودة
اول حضور اول تعليق
اول موساة
لصاحبة القلب الطيب
طب لي انتي ضعيفة كدة
طب لية عارفة كل دة وبتستمري
في احضان الضباب
لية طب لية لية
حضرتوا احسن منك في اية؟؟
اطيب منك في ايه؟؟
خلاص بقا مشلازم اشوفك ضعيفة تاني
وبعد ماتقرئي الرسالة انسى كل هذا السراب
لانة لايسوي ثمن الحبر الذي سال علي السطور
ماشي ياطيبة
في رعاية الله
اولا الصورة فظيعة
في حد يعاتب قلبه لغاية ما يعمل فيه كده
ماهو لو بأيه مكنش اتعذب
العذاب ليه هو في الاول
بس حنعمل ايه
لو نقدر نتحكم في قلوبنا
كان كل شئ في النيا بقي سهل وجميل
ربنا يكرمك بالخير والحب الحقيقي
سلام
السلام عليكم
كلامك مؤثر يا بطتى
كلها تساؤلات احنا برضه بنسالها لقلوبنا
بس اجدع بقه هو اللى مش يخلى قلبه يتحكم فيه
المهم ان لازم العقل هو اللى يفكر والقلب يرضى بحكم العقل
انما العكس لاء
بس فى حاجات حاجات مش فى كل الامور
لان فى حاجات لازم نفكر فيها بقلبنا
وحاجات تانيه لاء لازم نفكر بعقلنا لاننا لو فكرنا فيها بقلبنا اكيد هنخسر كتير وهنتسبب فى الم يفضل طول العمر ملازمنا
تحياتى ليكى يا بطتى
تصفيق حاااااااااااااااااااد على الابداع فى الكلمات بجد
بجد هايله جدا
احساسها باين قوى وواضح انه حقيقى مش خيال
لكن بجد الكلمات أثرت فيا قوى
تسلم ايدك
السلام عليكم
تدوينة رائعة
تقبلي مروري
وكل عام وانتم بخير بمناسبة شهر رمضان
السلام عليكم
ايه الجمال ده يا بطوط
كلمات رائعه
كل سنه وانتى طيبه يا قمر
فى حفظ الله
ها يابطوط
مش هتجبيلى مشبك ولا
انتم بخلا
متثبيتش الكلام يا بطوط
سيبي كل دا
وادي قلبك اجازه طويله لحد اما يلاقي الامان مش الوهم والغدر
صوره دي منين
السلام عليكم
كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه
وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم
وارزقنا العفاف والرضا - والمحبة واهدينا يا عظيم
وأعنا علي القيام والصيام والصلاة والارتقاءالي جنة الفردوس
واجعلها لنا ميراث خير وسعادة
واجعلنا من عتقاءك في هذا الشهر يا معطي يا وهاب
وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله
إرسال تعليق