الهي ماعدت أبغي شيئا في هذه الحياة سوي عفوك ورضاك

الخميس، 10 يوليو 2008

تذكـــــــــــرونــــــي



نعم أنتم كل معاني الورد

عندما تدخل عالم ما وتهواه وتجد نفسك فيه أذانا تسمع لك وعقول يهنأ لها عقلك وقلوبا تشعر بسعادة قلبك فتتعلق به ويصبح هو ملاذك وملجأك التي لا تهنأ الا اذا كنت بجواره ولا تسعد الا وأنت فيه أصبح عالمك الذي عرفت فيه نفسك لا بل وربما قدرتها من خلاله بعد أن كانت ضائعة لا تدري لمن تتوجه ومن يسمع لها وجدت فيه العون والسند وجدت فيه الاخوة والمحبة الصادقة وجدت فيه احترام يبادل باحترام وجدت فيه سعادة نادرا ماكانت تصيبك عندما تجد نفسك مجبرا للبعد عن عالمك ولو للحظات ربما لا تعدو طويلة في بحر الزمن الا أنها وبلا شك أطول ماتكون عليك علي قلبك العالق به والمستأنس بوجوده فتجد نفسك أمام ضريبة واجبة الدفع ضريبة التعلق الزائد في عالم الفراق لا يخلو من معني له والبعد يظل دائما شبح مخيم عليه فرغما عنك ينقبض قلبك ويستوحش ويستشعر بوحدة ولكن رغم كل شيء عليه التحمل علي أمل العودة يوما ما الي عالم أحبه وعشقه.


كلمات ربما لاتعني شيء ما لكنها تعني عندي الكثير وكثير فغدا لن أكون معكم أنتم عالمي الذي أحببته وعشقته وتغيرت معالم شخصيتي الانطوائية الهادئة الي شخصية أخري لم أكن أتصور أن تكون أنا يوما ما ولكن كانت

من الأخر بقي كده مسافرة ان شاء الله بكرة القاهرة لمدة 3 أسابيع دورة تحاليل طبية تابعة لمجال تخصصي العلمي وطبعا هترتاحوا مني كتيركتير وبجد هتوحشوني قوي قوووووووي ابقوا افتكروني بالخيررررررر وادعولي دعوتين حلووووين كده


تذكـــــــــــروني اذا بكــــــــــت عينــــــــاكم



تذكــــــــــروني اذا ابتســـــــــمت شفتـــــــــاكم


تذكـــــــــروني فان الذكـــــــــري من طبـــع الاصيل



الذكــــــــري لاتـــــــزول ولكن تظــــــــل في القلــــوب



والايام تجـــــــري ونحن لا نــــــــدري



والمـــــــؤلم أنـــــها



لـــــن تعـــــــــــــــــــــود







هناك 21 تعليقًا:

رامز عباس يقول...

هحجز اول تعليق عن ام المدونين وارجع

محمد مارو يقول...

يااااااااااااااااااااااه يا بطوط

بتقولى تذكرونى على شان تلت اسابيع
افتكرتك بتقولى تلت سنين يا شيخه

هههههههههههههههههههههههه

طبعا بهزر
و فعلا هنفتقدك يا بطوط بس نعمل ايه ؟ شغلك و مصلحتك بقى و مش لازم نكون انانين و لازم نحب لكى المصلحه حتى لو تعارضت مع مصلحتنا احنا

انتى ادرى بعد الله انتى ايه عندنا
بس نقولك تروحى و تيجى بالف سلامه

رامز عباس يقول...

بصي بقا
انت غالية علينا بجد بجد

واحنا اللي هنحس بالفرق

انتي يا بطه حاله تدوينية فريدة

وعاوز اقلك مش هنسساكي وهنديلك تاخدى الدورة بامتياز





يلا اوعدينا بالتفوق يا عسل



ولا زم تعرفي ان


كان فيه مدون اسمه مهندس قرفان بس بيحب مصر



محمد قنديل وكنا صحابه سافر واتغرب بره مصر



لكن في حالتك انتي معانا وجانا وبالقاهرة



ساعتين بالبيجو نشوفك ونرجع



وممكن نروح اي مطعم نفش غلنا فيه


مع الاعتذار للفاشش غله الاستاذ مارو

حبيبي



كل اللي هقدر اقوله تروحي وترجعلنا بالسلامه



يارب وشايله امتياز بتخصصك


وتجبلنا



لا انا هسكت بقا كفايه اكل



عارفه اللي هيقرا هيعيط

من عمق مشاعرك لكن ان هفرح ان اختي

الشاطرة راحه تلم خبرات علي خبراتها


وراحه علشان هدفها الانساني الاول


والتشخيص الصح وتخخف من الام واوجاع المرضي


تروحي وترجعي بالسلامه يا بطوط

احساس لسه حى يقول...

عزيزتى

اجازة شغل مش تصيفى الاول

طبعا مش كلنا ورد

فينا شوك

وفينا صبار

وفينا حنظل

وفينا ياسمين

وفينا خسارة نقول عليه حى

المهم من كل دول بنستفاد ونعرف عينات من دنيتنا بنقابلهم

بس منهم بيكون بوش تانى غير ده

ترجعلنا بالسلامة

سلام

Unknown يقول...

تروحى وتيجى بالسلامة ان شاء الله.......عيب تقولى هنرتاح منك والله مع انى ماجيتش عندك غير مرات قليلة بس هافتقدك كتيييييييييييييير

YaQeeN يقول...

تروحى وتيجى بالسلامه يارب..
وإن شاء الله ربنا يوفقك فى حياتك العلميه..

بتمنى لك التوفيق والنجاح..

هتوحشينا قوى يابطه..
وتدويناتك هتوحشنى..
احنا مش هننساكى..بس هل ياترى انتى كمان مش هتنسينا؟

خللى بالك من نفسك..
تقبلى تحياتى..

kochia يقول...

ان شاء الله يكون تدريب موفق
والشعر اللي انتي كاتباه عجبني اوي

تحياتي

سمية-بنت البنا- يقول...

السلام عليكم ورحمة الله وبركاته

أخيتي فاطمة ..

سنتذكركِ دائماً بإذن الله تعالي

وأســأل الله عزوجل لكِ التوفيق وأن ييسر لكِ ما فيه الخير ..

ولا تنسينا من صالح دعائك

بوركتِ

hekaytna يقول...

بجد با بطه انا زعلت اوي اوي اول ما قريت بداية البوست وقلت خلاص بطه بطلت تدون لكن زعلت اكتر لما عرفت انهم 3 اسابيع بس
متزعليش بهزر علي فكره هتوحشينا اوي بجد لان انا اتعودت اول ما ادخل النت الاقيكي في وشي دلوقت يا عالم هلاقي مين هتوحشينا ومستنينك بجد
تحياتي
علاء

ريمان يقول...

بطوووووووووووووط

حبيبته قلبى بحبك اوىىىىىىىى

وهتوحشينى اوىىىىىىىىى

ترجعى بالسلامه يا رب يا حبيبه قلبى

وخلى بالك من نفسك

وانا هبقى اطمن عليكى وهتصل عليكى

ترجعى بالسلامه حبيبتى

غير معرف يقول...

بجد رعبتينى جداااا

الحمد لله

ويارب ترجعى بالسلامه

انتى من الناس اللى مش بتتسنى ياماما

طلاب من أجل مصر يقول...

السلام عليكم..
بطوط..والله هتوحشينااااااااااااا

والله خوفتيني لما لقيت الموضوع (تذكروني ).لاقدر الله قلت -هتقفلي المدونة- بس الحمد لله
على ثلاث اسابيع هنستحمل بس بجد
هتوحشيناااا
ربـنــــــــا يوفقك ويـحـفـظك ..وتروحي وترجعي بالسلامة
ومتنسناش من الدعاء في السفر (دعوة المسافر مستجابه).

ربنا معاكي ..

تحيات
سارة

رسامة يقول...

انتي جميــــــــــــــل، ومدونتك عجبتني جدا
و الجميل انك طلعتي من دمياط اللي مغلباني بقالها كام سنة،و البوست اللي رديتي فيه عندي كان عن جامع في دمياط، يعني فيه بينا صلة علم :)

اضفت مدونتك في مفضلتي وفرحتي قلبي بموضوع خبر المصنع حيث اني اقطن بعيـــــد عن كرتنا الارضية المصرية

اختك رسامة

رسامة يقول...

نسيت اقولك ، تروحي و ترجعي بالسلامة
:)

حمادة زيدان يقول...

بطووووووووووووووووووووووووووووووط

طبعاً النت خلاص ملوش لا طعم ولا ريحة والمدونات بقيت خرابات من بعد أم المدونين

ربنا يرجعك بالسلامة
وتنوري المدونات والعالم الإلكتروني مرة تانية

Ashrf يقول...

ومين يقدر ينساكى يا فالحة
:P

حسن حنفى يقول...

الرجوع بالسلامه ان شاء الله

تلميحاتى - يوسف الشافعى يقول...

بالتوفيق يابطه ان شاء الله
انا اول مره ادخل عندك ده صحيح بس اكيد مش هتبقى اخر مره بجد انتى فى الاول خوفتينا عليكى بس الحمد لله المده بسيطه نرجو التواصل حتى ولوانتى بالقاهره فهذا لايمنع ان تراسلينا

Unknown يقول...

ابشروا .. هنقفل المدونات ونقعد فى البيت
يوم الاربعاء 9/7/2008

فى المصرى اليوم كتب الاستاذ / مجدى الجلاد عن مشروع جديد

لتقييد الحريات واليكم المقال
---------------------------------------

قانون «ذبح» الفضائيات .. والـ «فيس بوك»!

ادعوكم لبحث هذا الموضوع الخطير قبل فوات الاوان

دعاء مواجهات يقول...

ترووحى وترجعى بالف سلااامة

منتظرااكى

تنورينى

عاشــــــ النقاب ـقــــة"نونو" يقول...

تروحي وتيجي بالف سلامة

مصر