صورة المواطن المصري ...الغلبااااااااان

رسمت لنفسي جو جميل عشان اعرف اكتب الصورة ديه التحفة طبعا وشغلت عمك تامر حسني اغنية روعة

روعة محدش عارف حاجة محدش حاسس بيا هو لسة في احساس في البلد ياجدعان


وحسيت انها منطبقة تماما علي الصورة بصوا لها كدة كويس واتأملوا فيها وملوا عيونكم منها واسألوا نفسكم

تعرفوه مين ده؟؟ ماهو مش عمرو دياب ولا مصطفي قمر يعني عشان نفضل نبص له كتير كدة



معلش ياسيدي اسفين والله تعبنا عيون حضرتك الجميلة بس الراجل الي في الصورة ده لو بصيت من شباك

بيتكم هتلاقيه لو راكب اتوبيس هتلاقيه واقف جنبك بيقلب في جيوبه عشان يطلع حق التذكرة يا اما بقي بيجهز قفاه

للعلقة او بيسخن في رجليه عشان يجري طبعا هو ده نفسه لو قاعد علي القهوة هتلاقيه علي الكرسي الي جنبك

حاطط ايده علي خده وسرحان في ملكوت ربنا هو والاموات واحد ولو مية دبانة وقفت علي وشه مش فاضي

يهشها مش عاوزة ااقولك لو بصيت لنفسك في المرايا هتلاقيه برده بيكلمك وانت ياعيني مش عارف ترد عليه


اه والله مش بهزر بس اسكت مش عاجبك كلامي ولا ايه اه لو بصيت في المرايا هتلاقيه فعلا جايز تكون متسرح

ومتسبسب ولا شكلك حلو شوية لكن ركز قوي كدة هو انت وانت هو صدقني


هو ده بقي المواطن المصري المطحون الي بيقف علي طابور العيش الصبح ويرجع برغفين ياكل فيهم وهما اساسا

ماينفعوش علف للحيوانات


هو ده بقي المواطن المصري الي ضهره انحني ووشه اتجعد وشعره شاب وهو ماعداش الاربعين وما اظنش

هيعديها


هو ده المواطن الي مذلول بلقمة عيشه كمموه وقهروه وماخلهوش يفكر في حاجة غير انه يجري ويجري لغاية

ماروحه طلعت وفي الاخر طلع بيجري ورا لقمة واحدة ومحصلش رغيف حتي


ماهو هيحصله ازاي بس والاسعار كل يوم نازلة لعب فيه طالعة بس وحلفت وقالتله خليك انت تحت والله ما انا

نازلة الغلبان ياعيني يقولها مش مهم انا طب عيالي بس والله ماعايز غير ااكلهم واعلمهم ومش مهم البسهم اهو

اشحتلهم لبس وخلاص لكن الرحمة في القلوب ماتت



الظاهر كدة حبوا يعاقبوه لانه بعيد عنك اتعدي الحدود وخلفله عيلين تلاته هما السبب كان هيجري ايه ياراجل لما

تعيش كدة من غير عيال خالص كنا هنسيبلك لقمتين لقمة ليك ولقمة لام العيال الي ماجوش انت اذن الجاني علي نفسك

يا ابوعلي (يعني حسن لكن نفسه في علي


وحكومتنا الي مفيش زيها اتنين بقي والي طبعا ما وراهاش غيرك ومابتنمش ياعيني ماهي بتفكر ازاي تخرصك خالص

وتخصخص فيك كمان وبقي السايح عندها بعينك الله يعينها بقي بتتعب والله


ماتنساش تدعيلها في صلاتك يا ابو علي ينوبك فيها ثواب خد بالك بقولك ادعيلها مش حاجة تانية ما هو واجب علينا

برده اصيل والله وماشي جنب الحيط دايما

معلش بقي كترت في الكلام شوية اعمل ايه كله منها الصورة ديه ركزوا فيها شوية وحطوا مرايا جنبكم وقارنوا

ياتري

في فرق

؟؟؟؟

تحياتي

صقفوا للريس ياولاد

سمعت ريسنا القمر بيتكلم قلت اما اروح اتفرج وحشني والله بقالي زمان ماشفتش طلعته البهية السمحة مش عارفة كان

فين بقاله مدة

الله يعينه بقي هيكون بيبيع بطاطا يعني اكيد كان مشغول لحل مشاكل الشعب الي مش بتخلص انا قلت في بالي جايز يكون

بيتابع بنفسه

قضية العالم المصري النووي الي اتقتل ولايمكن مشغول بقضايا الصحفيين وحبسهم عشان كدة غايب عننا المدة ديه كلها

ماهو انا لازم افكر في كدة هتقولولي ليه بقي لانه وهو بيتكلم في افتتاح الحزب لمؤتمره الجديد ساعة مافتح بقه ونطق

بانجازات

وتطلعات مصرنا الحبيبة في مجال الطاقة النووية السلمية طبعا غير كدة عيب والف عيب ساعتها بقي حسيت ان جالي

صمم في الاذن

الوسطي من شدة التصقيف والناس نطتت من علي الكراسي وكانه قال تم بحمد الله حل القضية الفلسطينية والعراقية معا

لكشة واحدة

وخد عندك بقي كلمة الديمقراطية ديه ماتشالتش من علي لسانه خالص طول ماهو بيتكلم يعيد ويزيد ويقول الديمقراطية

والناس تصقف

وام واحد طلعلك من النص كدة وهات ياشعر مش عارفة ماخدونيش ليه ااقوله مكانه والله كنت هقوله مجاملة للريس

ومش هقبض منه

ولا مليم حب بقي

لفتت نظري كلمة تحفة قالها الريس يارب ااقولها صح راح رميلك بقين حلوين كدة وقال وسنضرب مثلا بالحزب الوطني

بين باقي

الاحزاب صراحة كنت عاوزة اضحك وكان نفسي اطلبه ساعتها علي رقمه الخاص الي كل الناس عارفينه طبعا واساله

هما فين

الاحزاب دول ياريس؟؟؟الغد الي زعيمه ورا ء القضبان ولا الوفد الي نازلين طحن في بعض ولا الاخوان الي مفيش

ورا حزبكم غير

تصفيتهم واعتقالاتهم ولا حزب مين تاني جايز الناصري الي معرفش حتي مين رئيسه ولا يمكن الوسط الي مابقالوش كام

سنة

ماتقلقش ياريس علي حزبك حزبك هو الوحيد الي مابتسمحش ابدااااااااا ان يكون له منافس

ماتنسوش بقي

صقفوا للريس ياولاد

دي مجرد اشاعة ...واسألوا المفتي

في اشاعة الناس مطلعينها عليا مضيقاني قوي قوي وللاسف اشاعة لزقة بقي همووت واعرف مين الي مطلعها في

الرايحة والجاية عم نادي البواب ومراته يقولوا الدكتورة راحت الدكتورة جت اهلا يادكتورة خدي وصل النت يادكتورة

بتاع الرخام جه وانتوا مش موجودين يادكتورة ده علي العبدة لله طبعا منين بقي جابوا اني دكتورة ودكتورة في ايه بالظبط

كل خوفي لايجيبلي الواد صابر ابنه في نص الليل سخن ولا بيرجع ويقولي اكشفي عليه يادكتورة ساعتها بقي هعمل ايه

انا مش هقدر اصدمه طبعا وااقوله الحقيقة يرجع يسخن ويحتاج كشف هو كمان طبعا اي حد مكاني هيفرح بالاشاعة

ومش بعيد يسوق فيها ويشتريله سماعة ويعملوا روشتات ويوصف دوا كمان ويعيش الدور وربنا يستر ومايفتحلوش عيادة

فكرت كتير في موضوع الاشاعة ديه وعمالة افكر مين وراها مين بقول اكيد حد بيحبني جداا بدليل انه رقاني ورفعني

درجات بس هيكون مين ما اظنش حد من اخواتي ماهو عمرهم مها يمجدوا فيا طب ماما لا مش ممكن دي كل مناها

اتجوز واقعد في البيت طب حد من ولاد الجيران بعيدة ديه طب وبعدين



ما انا ماينفعش اسكت علي موضوع خطير زي ده ده فيه ارواح ناس برده أنا بقول بقي أحولها لقضية كبيرة والحمد الله

الازهر والمفتي في صفي وانا المضرورة هنا وفتوته الاخيرة في صالحي ان مروجي الاشاعات يستحقوا الجلد بس الي

محيرني بقي الفتوي ديه سارية علي كل طوايف الشعب ولا فتوي خاصة بالصحفيين بس هحاول اسال في الموضوع ده





المهم بس أخلي مسئوليتي لا يرجعوا يتهموني بانتحال شخصية وانا بريئة والله

دي مجرد اشاعة ..واسألوا المفتي

دموع و دموع

حتي متي

الام و الام

اوهام و اوهام

أحزان و أحزان

دموع و دموع

حتي متي ياقلبي

الا أجد عندك جواب يشفيني

الا تملك دواءا

ولا عنوانا

ولامكانا

ولا زمانا

الا تملك سوي جراحا

الا تسكب سوي عبرات

ولاتنطق سوي بأنات

قلبي الحبيب

لم أعد أحتمل

حقا

لم أعد أحتمل

أين الحنان

الا تملك غير الحرمان

أين الامان

الا تعرف سوي ضياعا وأحزان

أين يا قلبي الشاطيء

لقد مللت من شاطيء الاحلام

هل سأقضي عمري كله باحثة عن شاطيء الحياة

تائهة بين الامواج

يظللني الغيام

ويحيط بي ريح وحيتان

ويتملكني خوف وتأخذني الاوهام

انتظري

ماذا انتظر ياقلبي

اني اري بصيصا من نور

اين هو

في هذا الاتجاه

ارجوكي انه الامل الاخير لنا

اقتربي

لا تترددي

لعله شاطيء الحياة

اقتربت

وتحركت

وخبا النور

واذا به

سرااااااااااب

كان يوم غريب ...تحيا مصر و...البلالين

كان يوم غريب

بصوا بقي احنا ساكنين علي الكورنيش ومش اي كورنيش كورنيش تحفة(الله اكبر)ماعلينا من الصبح لاقيت في تغيرات جامدة بتحصل ماحطتش في دماغي الاول قلت جايز حملة نظافة في البلد اكتر ماهي نظيفة وبعدين اذ فجأة كدة علي المغرب وبلقي نظرة علي كورنيشنا التحفة والاقيلك ايه صوان كبيررررر قوي منصوب ما أخدتش خوانة قلت جايز حد من اهالي المنطقة هيعمل فرحه علي النيل مايضرش اهو برده توفير بدل اسعار النوادي الغالية اهو يفرح نفسه وحبايبه بفرح علي النيل برده وبعدين بقي لاقيت الدجي لعلع والاصوات طلعت بركز كدة لاقيتها اغاني وطنية وانا مصري وابويا مصري ولوكنا بنحبها(بنحبها والله) وبتاعة الجد حفيده ديه وشوية اغاني يعجبوا كدة قلت لا بقي محدش عاقل هيشغل في فرحة وطني الا اذا كان طبعا عضو في الحزب الوطني وبعدين قلت ازاي بس يابت يابطة اعضاء الحزب برده هيعملوا فرحهم علي الكورنيش اومال النوادي والفنادق والتخفيضات الهايلة بس لمين لا يابت مش معقولة رحت بصيت للتاريخ قلت جايز في النهاردة مناسبة وطنية ولاحاجة والحزب الوطني الاصيل بيفكرنا بيها كتر خيره لاقيت ان عيد النصر عدي من زمان اومال في ايه ياجدعان بس كتر خيره اخويا قالي جعانة يابطة قلتله موت قالي طب يالا ليكي عندي عشوة تجنن برة شوية كباب وكفتة انما ايه ماكدبتش خبر هوي كنت لابسة وناطة في العربية واتبرقت بقي مافي حتة فيك ياكورنيش الا وفيها بلالين كبيرة اشكال والوان منفوخة واليفط عليها ايه منورة فلان الفلاني يؤيد مبارك رئيسا للحزب الوطني قلت يالهوي هو الزمن نط فجاة وبقينا في الفين وحداشر مرة واحدة صراحة زعلت قوي لاقيت نفسي كبرت اربع سنين مرة واحدة سالت اخويا احنا في سنة كام يابني قالي وسبعة قلت لا بقي هو في ايه وخد عندك بقي وانت ماشي يفط ياما ماتتعدش وانوار وزينة وكأننا في مولد النبي صلوا عليه عليه افضل الصلاة والسلام ومؤيدون لمباااارك ويفطة بقي حسستني بالخجل كدة مكتوب فيها شعب دمياط بأكمله يؤيد مبارك قلت الله انا ايدته امتي بس مش فاكرة فزعلت من نفسي ايدته من غير ماعرف ولاجايز انا من شعب تاني ماعلينا المهم اهو بالعافية كدة ايدته وخلاص رجعت بقي وانا مشتاقة اروح احضر قلت لماما عاوزة اروح لماما طبعا كان ردها الطبيعي انتي هبلة يابت قلتلها وانا مالي عاوزة اروح وكنت هعيط بس لما لاقيت الوش اتقلب والحالة هتطلع قلت خلاص اايده من منازلنا احسن وقفت في شباكنا بقي وبصيت لنهر النيل الملوث وقلت بعلو الصوت...تحيا مصر

وقلت هبعت دعوة عامة للجميع يأيد معايا بالعافية كدة قهرا وعدوانا ريسنا القمر

ياكدة يا اما

انتوا عارفين بقي


تحياتي


ولانفسكم تقولوا


لا وألف لا

لا وألف لا

أقولها من كل قلبي

وأتخذها لي عنوانا

سأحيا به

ما استطعت

أعلنها بكل شجاعة بلاخوف أو ضعف

لا وألف لا

لا لنفسي اذا أخطأت وأسأت ومالت عن الحق

لا لكل ظلم وقهر

لا لكل جهل وضعف

لا لكل حزن و يأس

لا لكل ضمير غائب

لا لكل قلب ضائع

لا لكل عقل شارد

لا لكل نظام فاسد

لا لكل حاكم جائر

لا لسوء الاخلاق

لا لمكاره الصفات

لا لضيق الافق

لا لاحتلال أراضينا


لا لموت أطفالنا


لا للحفر تحت المسجد الاقصي


لا لاسرائيل


لا لامريكا


لا لمعاهدات حظر تصنيع القنابل النووية


لا لغلاء الاسعار


لا للبطالة


لا للعنوسة


لا للتوريث

لا للتزوير

لا للتدليس


لا للوساطة


لا للخيانة



لا لالالالالالالالالالالالالالالالالالالالالالالالالالالالالالالالالالالالالالالالالالالالالالالالالا



و



ألف لا



هذا عنواني الجديد ....في ظل هذه المنظومة التي طغي فسادها علي صلاحها...كان يجب أن أصرخ بأعلي الصوت قائلة ....لا وألف لا

كلمات بلا عنوان

ليتني لم أعرفك يوما

ليت قلبي ظل كما كان

وحيدا في دنياه

بلا رفيق ولا انيس

بلا صديق ولاحبيب

لكنه سلم

وامن بان الحب رسالة

اعظم رسالة

ولكن في هذا الزمن

لم تعد كذلك

وهاهو ذا يدفع الثمن غاليا

وهاهي اهات الندم

وانات الالم

تعود من جديد

معلنة نهاية قلب

ذنبه الوحيد

أنه أحب

وياليته

لم يعرف معني

للحب

عزاء قلب قد مات

بين دموعي اكون

وفي بحر احزاني احيا

حياة الغائبين

الضائعين

التائهين

الحائرين

فهل هذه بحياة

احلام تنهار

وامال تصبح اوهام

وطموح ينهار علي اسوار الاحزان

وقلب لم يعد له صديق سوي الالام

ليت الحياة تعود بي الي الوراء

سنوات وسنوات

ربما لم اكن عايشت الاوهام

ربما لم اكن استسلمت للاحزان

اعذروني ربما تعتبر كلماتي الغاز

وربما تكون احزاني بلا اهات

الا ان قلبي لم يعد يحتمل مفاجات

ولم يعد ينتظر شيئا سوي الممات

ولم يعد يحتمل منكم كلمات

بل يرجوكم ان تشاركوه لحظاته الاخيرة

وتتلقون معه العزاء

عزاء قلب قد مات

لا أحد يسمعك ياهدي

يضحكون...ربما يبكون....لا بل احيانا يصرخون...ولكن علي اي شيء تذرف دموعهم وتتعالي صرخاتهم...ثم تقام افراحهم

انها هدي......8 سنوات...لم تستطع ابدا ان تغيب عن الذاكرة...يا اباء العالم ويا امهاتهم...انها ...هدي

قصة حزن...فمن يعيد لها البسمة ..من؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نعم..لا احد يسمعك ياهدي..فالعالم كله في عالم..اما انت ففي عالم اخر..عالم الالم..عالم الجراح..عالم الغدر..عالم

الاسية..غبت عن عالمك الحقيقة..عالم الطفولة..انتزع منك..اغتصب منك..ولكن.اولا ..نحب ان نذكركم..بمن تكون..هدي..بمن بطلةهذا المقال..انها رمز البراءة في عالم..تلاشت منه كل معني للبراءة....طفلة فلسطينة..ثمانية سنوات..في لحظة واحدة فقدت كل شيء..في لحظة واحدة..ودعت كل من تحب..في لحظة واحدة..فقدت ..الامن..الامان..الحب..الحنان....فقدت ابا..واما....فقدت اخا..واختا..فقدت كل ماتملك في هذا العالم..وياليته علي يد قصاص عادل..بل..بيد..الغزاة..المحتلين....ووقف الكل..صامت..سكون رهيب..ساد العالم..فلم يرتفع صوت واحد يدين..لم يهتز العالم ليشجب..لا بل اهتز..ولكن علي نغمات اوقع..واكثر صياحا..نغمات الكاس..وليس اي كاس..كاس العالم لكرةالقدم..تعالت الصرخات..وتعالت الهتافات..وتساقطت الدموع..واحتبس الكلام

في الحلوق .. ولكنها كانت دموع ..غريبة عنك ياهدي..كانت صرخات..ليس من اجلك ياهدي..كان اختناقا لا يعبر عن اختناق قلبك ياهدي..فقد صدق المذيع..صدق في كلمته التي قالها..بل احسها..قبل ان ينطق بها..فلا احد يسمعك ياهدي....لا احد لان قلبه..وتحركت عواطفه حزنا عليك..يا اباء العالم..ويا امهاتهم..يا اخوان العالم..ويا اخواتهم..ادعوكم..معي..لمتابعة هذا المشهد...اعتبروه فاصلا..بين شوط وشوط..اعتبروه..اعلانا ..ايما اعتبرتم..لكن ارجوكم..انظروا..صحراء واسعة..ورمال..وهدي..تجري وتصرخ..تجري..وتبكي..ثم توقفت..عند..الالم..عندالدموع..عند الموت..عند الضياع..عندالامل الذي ضاع..والحلم الذي وئده جنود الاحتلال..ارتمت عليه تحضنه..تنادي عليه..ولكن بلا مجيب..بلا..اذن تسمع..ولا قلب يرد..فقد انعدمت الخفقات..وتوقفت الاشارات..وتبقت فقط..الذكريات..ذكريات لا ولن تمحي..من قلبك الصغير..ذكريات توقف عندها عقلك..لن ينمو بعدها..الا ليزرع بداخلك بذور الانتقام..بذور التار الذي حملتيه..ولكنه ياهدي ليس تارك وحدك..ليس حقك لوحدك..انه تارنا جميعا..تار كل مسلم..عربي..ولكن مابال اذاننا قد صمت..وقلو بنا قد انعدمت منها الانسانية..سامحيني ياهدي..لم استطع ان اقدم لك شيئا..سوي..كلمات..اشك ان يسمعها احد..ولكن..كان يجب ان اقدم..ولكن ماذا..حياتي كلها..لن تكفي..لعودة بسمتك..ولا لعودة حصونك التي فقدتيها كلها في يوم واحد..ولكن ..اعدك..ان النصر ات ات..قد يكون بعيدا اليوم..وربما غدا..لكن سياتي ..ربماليس الان..ولو لم تثاري انت..فالثار سيكون علي يد..ابناءك..واحفادك..اعدك ياهدي..بان كل دمعة من عينيك البريئتين..وكل لحظة امن وامان ضاعت منك..ستعود..بدمائنا..وارواحنا..وعلي اشلائنا..فما نحن بالامة التي تترك براءة اطفالها علي الرمال..وما نحن بالدين الذي يرضي لاطفاله مهانة السنين..نحن اهل الاسلام..امة الاسلام..لذا..سنعود..مهما طال الليل..ليل الظلم الكئيب..الا ان نور الشمس الساطعة..سيملا الدنيا.يوما ما .حقا..وعدلا

________________________________________________________

قصة هدي قصة حقيقية..ربما سمعنا عنها يوما ما..منذ عاما تقريبا..احببت فقط أن اعيده للاذهان ..لعلنا نتذكر أن هناك ثأرا لم تنطفيء نيرانه بعد

هل تذكرونها

هل؟؟؟؟

تحياتي

بنت الاسلام

سأكتب عنه...فماذا أقول

عنه سأكتب فماذا أقول ؟؟

ماحضرت شيء

ولكني احببت الحديث عنه هكذا بأحساسي بقلبي

فانطلقت بذاكرتي بعيدا وسبحت في عالم اخر بعيدا عن هذا العالم

وبدأت أسترجع لمحات من حياته العطرة وانسانيته النادرة

التي غيرت مجري التاريخ واثرت تاثير لايستهان به في البشرية

تذكرته يوما

خرج للجهاد وهو يقود الجيش في طريقه وجد طفلا صغيرا يبكي

فقده لعصفوره الصغير انظروا ماذا فعل أوقف الجيش كله ونزل

من علي فرسه وجلس بجوار عمير الصغير يواسيه لفقده عصفوره نهير بل ويداعبه

يااااه الخطر يقترب يارسول الله والدمار يحوطنا

وانت ماذا تفعل تواسي وتداعب طفل صغير ما أعظمك يا حبيبي يارسول الله ويالا

رقة قلبك التي تجاوزت نطاق الرقة

.ماذا نفعل بأطفالنا؟؟؟

انظروا اليه

جارا له يهوديا تعود ان يلقي كل يوم بالقاذورات علي باب بيته

يوما ما تغيب عن ان يلقيه فماذا فعل صاحب اعظم قلب ذهب اليه

يعوده عندما علم انه مريض

هل رايتم قلبا كهذا

من منا يزور قريبه المريض فما بالكم بجاره اليهودي المؤذي اي رحمة

هذه الذي استقرت في قلبه

حقا انه الرحمة المهداة

تذكرته يوم الخندق

والحر شديد والجوع اشد تجده يربط علي بطنه من شدة الجوع حجرين

..واذا به يبشر بنصر الله الله اكبر فتحت فارس الله اكبر فتحت..

..في ظل لحظات اليأس تراه متفائلا بل ومبشرا

اي روح هذه التي لاتعرف اليأس حقا انه لعجب بأبي أنت

وأمي يا حبيبي يارسول الله

تذكرته يوم الطائف عندما ذهب يدعو اهلها للاسلام فأذوه

لا بل ضربوه واذا بملك الجبال يطلب منه أن يطبق عليهم الاخشبين

واذا به يرفض لا بل ويرفع يديه الشريفتين الي السماء داعيا

اللهم اخرج من اصلابهم من يعبد الله وها قد حدث اي رجل

هذا انه محمد

بن عبد الله

اتذكره وزوجته عائشة تتعجب من قيامه ووقوفه بين يدي الله حتي تتورم قدماه

سائلة متعجبة لما وقد غفر الله لك ماتقدم من ذنبك وما تأخر

فاذا برده القاطع الفاصل ياعائشة أفلا أكون عبدا شكورا

يارسول الله مغفورا لك ذنبك ولكن لا يا عائشة لا افلا اشكر من انعم

عليا واصطفاني عن سائر البشر لاكون خاتم الانبياء والمرسلين ...اشكروا لله نعمه وقولوا الحمد لله

أتذكره في بدايه الدعوة وعمه أبوطالب يطلب منه ترك الدعوة فاذا برده المذهل

القوي النابع من قلب مؤمن ياعماه والله لوضعوا القمر

في يميني والشمس في يساري علي ان اترك هذا الامر ما تركته ابدا

اي قوة هذه الذي تمكنت منك يارسول الله نعم..انها قوة الحق

روح الحق .......ارجوك قل الحق وثق ان الله لن يضيعك ابدا

بأبي أنت وأمي ياحبيبي يارسول الله يالا عظمتك وقوتك وانسانيتك

سيرتك العطرة مليئة بكل ماهو عجب بكل ماهوعجيب

انه نبيي ورسولي انها لمحات واطياف جالت بخاطري

وقفت أمامها وتحركت في نفسي أشواق كبيرة للقياه فهل سيلقاني حقا؟؟

هل؟؟

هل؟؟